牛摩 (荃灣千色匯I) (已結業)

今日又出左去荃灣搵食，今次去左荃灣千色匯，食牛摩火鍋放題。12:00開門就去到，我們點了最平 90分鐘牛胸腹 $109， 好幸運又安排左坐卡位。攞好晒食物就發現，原來有生日優惠(我8月21日生日)， 生日午市免費，但需要申請 Go 4Food 會員，比 100元，但入會送番 100元，所以即是免費入會。咁就即時比左100元入會。食完埋單唸住會免費一位，原來要食$149 特上牛肉才有生日優惠，真是空歡喜了一場，看來今個月要再次去光顧一次好了。講番食物，整體都不錯，醬汁款式都多，最平那只牛都還可以，甜品種類都多，$109 食90分鐘還是值得的。

鍋燒放題今次同朋友黎到荃灣既牛摩，早啲黎到就可以坐到大枱唔駛同其他人咁近啦～前菜可以出去夾啲中華沙律、壽司食～佢好快就上菜啦，兩人份既牛量、肉量勁多，食完呢一round都唔駛再加單。首先會係烤肉，會配埋燒肉味噌汁同一個jelly狀既雞湯。佢先會俾和牛脂肪燒一燒，之後烤既肉就唔會痴底又夠香。烤肉途中可以加上燒肉味噌汁，令到烤出既肉勁濃味，加有少少中式炒香既感覺～烤到咁上下就可以落少少雞湯，啲肉就會濕身啲，係另一種既食法～湯味好香濃！烤肉可以配上3種既烤肉汁，可以係調料區自取！烤完肉就可以打邊爐啦，個人幾推介越式牛肉湯，同出面既味好類近，用作打邊爐都好合適。 至於九州地獄湯我就覺得唔夠辣啦，大約係10小辣程度。幾鐘意烤肉配打邊爐😛

好耐無出街食野啦！！！！難得出到荃灣，梗係要食返好野啦～點知就比我見到千色有牛摩，做緊燒肉+打邊爐任食！即刻同家姐去食先😛😝😝😝就係呢一個啦題外話，喺餐廳度都見到有好多人叫呢個一人鍋，夠晒衛生又滿足～但為食嘅我點會滿足於一人鍋喎～我埋位之後餐廳好快就上咗一個煲嚟，同埋一啲嘢食，就教我哋點樣去燒肉。你點解係牛小排套餐，見到啲肉嘅花紋都好靚，肥瘦均勻～特別有牛味🐮同場當然仲有薄切豚肉同滑嫩雞肉！都有唔少海鮮～有蝦，墨魚仔同埋元貝個鍋上到嚟，店員首先教我哋用和牛油脂做底，再放兩片牛肉落去，裏裏外外都充滿牛味😍燒嗰陣超級無敵香，再加上秘製嘅麵豉醬，有種醬燒牛肉嘅感覺，咬落去Juicy又香口～色澤真係好靚～除咗用麵豉醬之外，佢哋都有一個用雞嘅骨膠原造成嘅鍋底，好似一舊糕咁。當D牛肉浸喺入面嘅時候，會吸晒雞嘅精華，好甜🤣燒完肉就到打邊爐啦！越式牛肉湯，一上已經勁大陣pho味😂😂😂隔離就係九州地獄湯，但個人認為唔夠辣哈哈講到任食當然都有好多其他配料嘅選擇，佢仲要有乳酪雪糕😊食到飽飽果陣可以解膩！

荃灣呢間牛之前都經過過幾次，見佢新出左又有火鍋，又有得燒肉嘅放題，就去試試！去到首先要量度體溫，而且仲有得再賣火鍋外賣，不過我哋當然堂食啦。美國極品牛小排加海鮮放題正價時段七點至九點食$295套餐包括埋所有肉類及海鮮任食，當然食得晒先好嗌，唔好做大晒鬼啊！極品牛小排，極上和牛，特上牛肉，特選牛胸腹，牛舌，豚肉，雞肉，帆立貝，海蝦，墨魚仔～～～一開始燒下啲肉，又有骨膠原同埋味增醬，同平時食嘅有啲唔同，都幾特別！出面仲有唔同口味嘅醬汁e.g.黑咖喱、蒜蓉、麻辣嗰啲可以隨個人喜好拿取，我試咗黑咖喱味都幾香！食咗之後就揀啱壽喜燒湯底，佢仲有一隻蛋，配搭味道更清新，而且個湯底口味本身比較甜，就中和左啱啱燒肉嘅肥膩感覺。除咗餐牌上可以點的食物之外，出面都有好多嘢食，有啲熟食壽司，前菜小吃，新鮮蔬菜及各式各樣的丸等⋯種類繁多，質素也有一定保證。最主要係出面個飲品佢咁選擇超多，熱飲凍飲沙冰等！臨走前記得食埋佢哋嗰個朱古力雪糕因為隔離有好多料可以加入去，個口感豐富好多。

最近有間餐廳都好得意，有得燒肉又可以打邊爐，有好多款湯底揀！首先就食咗燒肉先，因為我哋嗰餐都算係幾高級，啲肉你會見到啲顏色都好靚，燒肉加味增醬/骨膠原啫喱都好特別，有足夠鹹香，同埋充足水份。仲可以加埋啲海鮮一齊燒，都幾新鮮。美國極品牛小排加海鮮放題早段時間食$275基本上以下所有嘅肉都係任食（基本上平過我呢個餐嘅所有牛肉都係包含在內）極品牛小排，極上和牛，特上牛肉，特選牛胸腹，牛舌，豚肉，雞肉，帆立貝，海蝦，墨魚仔。出面仲有得拎幾個唔同味道嘅醬汁，包括我哋都試咗黑咖喱，蒜蓉及麻辣，口味都係唔錯的，個人就比較喜歡麻辣，味道特別香。出面仲有好多嘢拎，包括蔬菜，丸等等，我揀咗呢個湯係越式牛肉湯，好似食緊越南河粉嗰啲味，幾濃郁。仲可以拎下啲壽司，前菜，選擇多多。出面飲品嘅選擇都多，鍾意嘅可以試吓整沙冰，記得最後食埋個朱古力雪糕，咁就夠晒豐富。

我敢講，呢間係我食過嘅日式火鍋中最難食、服務最差嘅一間，沒有之一。🤬🤬🤬一向淨睇食評嘅我，忍唔住要寫低我第一篇嘅食評！😡當日我同男朋友去到荃灣牛摩，見到佢寫住宵夜時段$99，淨聽都覺得伏味濃，但本住「唔試過點知」嘅心態，就行咗入去，開始咗我地獄嘅宵夜體驗！呢次宵夜可以講係「平！但絕對唔飽！」。事關入到去，自助吧啲嘢食已經清空咗7成，成程都無人refill，唔講仲以為我做緊善事，入嚟幫人清理埋淨低啲廚餘。🤗🤗🤗1. 蔬菜區：見到佢有幾種菜，但只係得返少量嘅生菜仲有淨，其他菜類影都唔見！淨低好多有水嘅兜。2. 壽司區：無見過壽司真身，評價唔到！3. 丸類區：得返三兩種丸。4. 甜品區：終於見到有甜品！同樣種類唔多，每種得返幾件。當日我嗌咗壽喜燒湯底，仲送咗隻蛋，我男朋友嗌咗蕃茄湯底。兩個湯底食落都淡茂茂，壽喜燒湯底同豉油加水無分別！完全無嗰種日式醬油甜甜地嘅味道。打邊爐雖則最重要個爐姐，但個湯底咁樣，都唔會令人有意欲想食落去啦！至於服務方面，嗌牛肉嗌幾次先嚟一碟，由坐低到走都食唔過3碟牛，仲要過咗last order都唔講，實行佛系邊爐作風！總括而言，今次嘅經歷令我大開眼界，亦都唔明點解啲

一直以來我都好想試吓牛摩，今日咁難得去開荃灣，並且可以食牛摩個特價宵夜時段，咁當然一定要去試吓啦，我跟女友大約8:45左右度，竟然見到咁夜仲有人等位，咁可能因為是星期六的關係，大約等左10分鐘左右我哋入去坐，其實有幾款牛俾你選擇，咁其實宵夜時段我都唔想食咁多野，所以選擇左最平嗰款，入到去同平時啲火鍋店差不多，都是主要腸仔，丸類比較多，但是比較有驚喜嘅就係竟然有壽司，同埋仲有日式小食，這個是比較有驚喜的，至於牛方面我就冇刻意影因為點都是最平嘅牛，味道及外觀方面都唔會預佢好靚還有少少甜品蛋糕及泡芙，雪糕俾你選擇，我哋兩個人星期六每位食咗$119 ，連埋+1每位約$130左右，有壽司有甜品呢個價錢性價比覺得唔錯，忘記一提是一人一鍋的，值得再去。

2020年1月1日的晚上, 來到荃灣千色匯的牛摩! 我們點選了精選牛肉套餐;成人169元小童149元, 連加一, 2大2預合共700元!!!論牛肉的質素,肉的質素只屬一般,肥肉較多! 火鍋的湯底也屬一般般,雖然不能說差;但也不算是出色!另外,食物款式不多,質素雖然不算太差,但也不算是靚和新鮮的食材!!整體而言,性價比唔高, 食物只屬不過不失, 除非有人約來此地聚會, 否則自己覺得嘗試過就算了,日後亦不會再來!!!。

天氣轉涼，第一時間諗到嘅梗係打BINO! 今次我就黎食日式火鍋放題～牛摩！而荃灣呢間牛摩唔知係咪因為位置比較偏，所以好少人黎食，坐得好舒服！日式火鍋店同港式最大分別就係時間🤣日式火鍋店多數得60-90分鐘，而港式就有120-150分鐘，所以每次食日式火鍋放題都會覺得時間好珍貴🤣一分一秒都唔可以浪費。而日式火鍋店多數裝修都會比較靚，冇咁逼，野食睇落都靚啲～所以今次就黎同朋友試下啦！因為朋友對食物要求唔高，所以我地就揀咗價錢最實惠嘅$159 精選牛肉（包埋雞肉同豬肉餐），一次過食哂唔同野！一去到自助bar 就嚇親，估唔到有咁多野食！首先有壽司🥰🥰各式各樣嘅丸，蔬菜同麵，因為係自己夾，可以更好咁控制份量！唔怕浪費又唔怕叫一份唔夠大家食！而且野食嘅種類好豐富，淨係菜都有4款揀！比平時嘅日式火鍋店好似多好多選擇咁！最後仲有女士們的最愛：甜品櫃！同雪糕！🥰真係可以食足90分鐘🤣值得一提嘅係牛摩係一人一鍋嘅形式，但佢最多得四人枱，如果人多又想坐埋一齊就要變Share 一鍋啦！不過一大鍋就可以揀鴛鴦鍋，一次試兩種湯底，我個人就推薦壽喜燒湯底！而牛豬雞都好新鮮，90分鐘都可以食到好多野！總體黎講，如果你

行完山後又沒有計劃吃什麼荃灣是火鍋的聖地，極多火鍋店集中於眾安街牛摩之前也光顧過很多次感覺較為乾淨、衛生晚市放題一般是做90分鐘的跟其他日式火鍋店一樣分了很多等級最便宜的就是精選牛肉 - $169 (5-9PM)9點後$129，但只有60分鐘最近沒有做黑夜時段火鍋放題激安割引星期一至四$99免加一，星期日$110免加一因為現時交通問題，火鍋店比平常早收，最好當日自行電話聯絡，查詢營業時間安排精選牛肉的質地不算差，一碟十大多塊很多出面的食肆都很吝嗇，又細塊又肥膩又少又漏單但這裡絕不會發生整晚大概加了六次牛有些質地還比這張好，有雪花花紋頭盤還會有一碟豚肉跟雞肉都是可以任添加的雞肉出奇地嫩滑出面也有自助吧可以任取火鍋配料我們只取了一些蕃茄、韭菜、芝心獅子狗、貢丸、牛摩糕及一些蔬菜其實出面還有壽司、甜品吧的飲品吧的選擇都很多，除了汽水機外，還有沙冰及乳酪雪糕提供喜歡喝啤酒的，可以額外點日本生啤單杯$28，任飲$38湯底選壽喜燒的話，會多一隻蛋，平常要加$10的

要知道”黑”安格斯嘅血統非常罕有，牛味重之餘，多汁柔軟，所以我同男友比路牌吸引住，選擇一試🤤👉🏻黑安格斯牛肉（90分鐘放題）湯底因為系一人一個，所以我地分別叫左兩款湯底，一款就平時食開牛最中意叫嘅壽喜燒湯底，另一款我地揀左佢地新嘅麻辣湯，提醒大家麻辣湯需要多加$10👇🏼壽喜燒🍲始終都系壽喜燒陣甜味帶出牛肉味最鮮，黑安格斯牛味真系比較重，雖然唔覺特別滑嫩，但加左蛋醬浸過後滑嫩感有得救番尼，正呀～☝🏻麻辣湯🥘而麻辣湯就唔夠香，個陣辣味系反應得十分之快，好似辣油咁，食得出有加花椒調制，麻味較底，用來食配料適合過食牛肉，例如丸類制品☝🏻自助吧-🥗自助嘅前菜、配料、飲品、甜品同醬料都唔少，如果系肚餓的話，基本可以系前菜個邊掃住先🤭🥟而配料唔少丸類選擇，大多我都試過味道都唔錯，而菜類我就揀左唐生菜同娃娃菜🍧飲品區仲有荔枝味同橙味嘅沙冰選擇，兩者間我更中意橙味多d，因為味道較自然d🍦甜品有好多cake、泡芙、雪糕機等，泡芙有兩味，原味較好，綠茶味較唔夾，最後揀選左佢地朱古力味雪糕機雪糕，估唔到朱古力味咁香濃，似似地阿華田味嘅雪糕，的確唔錯😚整體來講都唔錯，只系麻辣湯底較為失色，但有黑安格斯牛做主題，

朋友話想打邊爐 但考慮到有啲食辣有啲唔食辣 諗諗下 唔好咁麻煩 直接去食牛摩啦一個一鍋 大家自己揀鐘意嘅湯底 咁就唔使夾硬就啦！不過有啲小意外，因為黎食呢日係星期五夜晚 around 7點半個啲時間 walk in都完全唔使等 所以作為臨時約食飯黎講都幾好！醬料選擇都幾多嘅 除左豉油仲有柚子醋 另外仲有唔係成日見到嘅蜜糖芥末 放題式邊爐 選擇多最緊要了吧！不過壽司區就真係一般今次選左特級牛肉 so far以放題式黎講係唔錯嘅 包最基本嘅豬同雞 service都ok嘅 主動幫你加湯 不過人手望落唔係話好夠？ 😂會有陣時搵唔到人加肉臨尾就緊係想甜品作結啦 不過今日黎到呢間冇乳酪雪糕食 得朱古力味 小可惜

「牛摩」🐂對我嚟講其實都已經係間唔陌生嘅日式火鍋店，但呢晚我就第一次去荃灣分店喥食。估唔到星期四收工時段竟然無乜人，仲要唔駛等位兩個人即刻直入。💪🏻Nice!場內嘅位好寬鬆，完全無迫嘅感覺！而且荃灣分店嘅裝潢同我平時去開嘅都幾大分別！竟然仲有兩個screen播緊波！🤘🏻食物方面就同平時「牛摩」差唔多，以相介紹一下：仲有其實嘢食同嘢飲，但我無全部影到～😜講返我其中一個鍾意「牛摩」嘅位係：混醬！我特別like佢哋嘅燒汁同埋蜜糖芥末汁！佢哋最基本嘅雞肉豚肉牛肉🐓🐖🐂，對我嚟講都已經好夠！唔會得個肥字同韌字。豚肉係我個人最愛，食豚多過牛～😜最後食埋原味乳酪就完成咗我呢餐90分鐘任食日式火鍋🍲！*原來而家join佢地會員，每個月最後一個星期四係可以有75折！（唔清楚係咪只係晚市）今餐埋單都只係每人$135！ 抵～👍🏻

荃灣區邊爐多多，但少以日式火鍋作為主打，今日經過決定一試，點知中伏🤭是晚選了$169的套餐，選了泡菜湯和壽喜燒湯底。除了肉類和火鍋配料，店內自助區亦有不少其他食物。首先是壽司和前菜。壽司大伏，對火鍋店提供的壽司本已打了七分折扣，但它比想像中更難吃，只值三分。醬料區，尚算多款選擇。蔬菜區。綠菜蔬菜選擇少，但也有菇菌類，還有少見的苦瓜。沙律區。沙律菜不太新鮮。甜點櫃兩個湯底味道正常，壽喜燒鍋更有附送新鮮雞蛋。但牛肉就很一般，已完全溶冰，亦切得太薄，一夾就碎。甜點的泡芙都是平常放題火鍋食到的那種，但它有不少味—草莓、抹茶、朱古力等都有。但另外兩款凍餅都太甜。最重要是，整晚讓人最不愉快的是店員服務。8點左右去吃，應是旺場時間，但樓面人不多，叫極無人。男職員黑面，甚至將牛肉從幾cm半空「拋下」、沒人收碟、叫加肉時亦等了很久。雖然我們叫的套餐是店內較便宜的套餐，但也不應受如此服務。加上觀乎店內他桌，服務也不見得特別好。是晚是經過打算一試，怎料邊爐不算出色，服務更見惡劣，這次之後沒有下次。

終於食到哩間自助火鍋🍲喇，之前經過成日都係排隊狀態好似真係好火爆咁，但係今日試過之後覺得soso囉，其實都唔係好好食唔知點解咁多人排隊，可能因為個人口味唔同囉首先菜品種類唔多牛肉肉質又唔OK，食餐飯心情真係disappointed💢收取佐service fee但係由頭到尾都無乜服務可言，基本都叫唔到人喏