牛大人台灣火鍋吃到飽 (鱷魚恤中心)

营业中

休息中

夏天開大冷氣打邊爐真係好爽呀！ 牛大人可以話係我的飯堂，每次約親朋友食飯都被我大力推薦，觀塘有新分店又就腳，朋友仲提早去攞位！ 鍾意食牛的朋友緊係揀極上和牛套餐，晚市限食兩小時，七點鐘入坐無耐已經全部滿座了，真係好誇張呀！店員手腳超快，感覺很有活力，年輕人真係唔同啲！可能新店關係冷氣超大，怕凍的記得帶返件外套！ 觀塘店每人送兩粒和牛牛丸，讚好牛大人專頁仲送每人一杯金鑽愛玉冰，主食在手機下單，其他食物出去外邊自取，各位出去記得帶返口罩呀！ 湯底我地點選台灣鳳梨雞鍋，第一轉叫到成枱都係食物，真係大滿足呀！我覺得好食的有和牛牛丸，肉丸爆汁口感滿滿！澳洲和牛牛肩卷切得薄入口即溶，仲追加咗4碟，食到回本為止！台式小食糖醋甜不辣酸酸甜甜，肉質爽口彈牙！ 最後的甜品係Movenpick雪糕，我揀咗楓糖合桃口味，以甜味中和返打邊爐的咸味，真係最完美的終結！

湯底好味，冰豆腐好好食，小食有皮蛋豆腐、鹽酥雞台灣腸小食好好味，飲品種類多，雪糕得一款但好味，午餐90分鐘$168其實好趕，因為夠鐘食吾到王子麵😂如果午餐有120分鐘會好D😅

牛大人有幾出名都唔使同大家點樣解釋啦！今次我去咗觀塘分店，真係好彩早少少攞位，到我入坐果時宣布今日名額已滿！之前去都無叫啤酒，始終覺得放題飲啤酒會撐爆個肚。流水落花呢杯我第一次飲，好香果香，似ipa，亦唔會漲肚，絕對可以一試叫左極上和牛plan，餐會送每人兩料和牛牛丸，超好食！夠油香肉香！台灣腸鹽酥雞 係小食類必叫，無點錯人，我都食左5 6條🤣飲品方面應有盡有，自家制冷泡茶更係一絕，除左啤酒我起碼飯左3支茶！丸類蔬菜都好多，亦好新鮮。絕對會再返嚟食多次

星期五，12:00 去到牛大人呢間新分店，先排隊拎飛，佢可能之前已經派咗一輪嘅飛，佢要叫晒之前有飛嘅人入咗，先再開始招呼而家排緊隊拎飛嘅人。排隊嘅時候都有驚入唔到去，因為一入唔到就要等個半鐘頭之後人哋食完先有位，前面都有啲人放棄。好彩等咗15分鐘左右，佢叫晒之前有飛嘅人，佢就開始再比排緊隊嘅人入坐。順利入坐之後就揀選套餐，今次揀咗中間嗰個，因為之前食過貴果個套餐，覺得中間嗰隻牛肉都幾好，今次就慳返$30。一入坐就開始計時，個半鐘時間，但一個鐘就last order。⬆️當我哋已經叫好晒嘢食，亦都係出面拎好醬料同飲品，連啲火鍋料都到齊，但係個火鍋湯底遲遲未來。想叫職員幫我哋跟一下，但係叫咗幾個職員都直行直過唔理我哋。大約等咗20幾分鐘之後先至有湯底。今次叫了觀塘限定藥膳湯底，面頭有好多芫荽，裏面冇咩材料，就只有一些牛蒡。佢啲火鍋配料係幾好味，點菜之後都來得好快，如果唔係要等咗個湯底咁耐，其實佢性價比係幾高，可惜今次就食到好似好趕時間咁。其實佢嘅飲品係好多選擇，我就只係鍾情佢嘅冷泡茶。呢間分店好大間，而且都好乾淨企理，不過店員就比較冷漠。入座計50分鐘（即係我湯底到咗後30分鐘）就叫你埋單，

一向很愛吃火鍋，當然不能錯過新開業的牛大人。起初安排訂座時感覺是很差的。沒有電話預約。到現場人山人海有點混亂。比較急躁的我還發牢騷。店員卻仍是很有禮貌。4時半去觀塘店拿籌，吃7時的晚餐。用餐過程非常滿意所以一定要寫食評嚟讚揚一下。首先說環境。現場地方頗寬敞，我們坐在飲品柜旁的一排。難得的是抽風系統很好。以往在別處吃火鍋，離開時全身總帶著肉香。這次卻完全沒有，而且現場空氣一點也不侷促。自助食品啦吧，飲品吧，及調料吧。都非常乾淨。然後是食物品質，挑了最貴的餐索價298元一位。這裏記住青牛大人當然少不免要挑選他們的牛肉來試吃，外頭的火鍋店通常只有一至兩款牛肉讓你挑選，但這處款式卻相對地多而且品質非常好，安格斯牛板腱，美國黑牛肩胛肉眼都很好吃，而我個人更特別喜歡手切封門柳，肉味很濃。除了牛肉，也有雞豬及羊，品質也可以，但仍是更推薦牛肉。雖然海鮮的款式較少，品質仍是不錯的。飲品方面，款式並不算多，但頗為驚喜的事是有自製的樽裝茶，如菊花普洱，桂花烏龍，還有洛神花茶。而不是只有罐裝飲品。更有冬瓜茶及愛玉冰數款台灣特飲。算是比較有特色的。除了火鍋食品也有少量熟食，鹽蘇雞與台灣的豬血糕，鴨舌，台灣腸等。

身為牛大人嘅忠實fans，收到喺觀塘開新分店既好消息，作為粉絲嘅我，就梗係幫襯下新屎坑啦！今次一如以往，都係好難book位，尤其而家疫情關係，入座率只可以五成，所以我都一早預時間book位。去到呢個新場，成個餐廳環境好寬敞，比我感覺兩個字：好大！而且好整齊，食物飲品櫃一字排開，拎得好方便，又唔會塞車！當日我揀咗澳洲極上和牛套餐，講下我揀既兩個湯底，一個係台灣濃香蕃茄鍋，另一個係台式白肉酸菜鍋，我個人比較喜歡台式白玉酸菜鍋，蕃茄學湯底比較穩陣，但唔算特別，酸菜鍋就直接飲得，而且當你放番啲蔬菜落去，直情會覺得本身係酸菜鍋嘅材料，好快入味👍🏼👍🏼另外，點解嗌個最貴嘅套餐，本身我勁中意食牛，係為咗可以食多啲靚嘅牛肉🤪😍😍個人最鍾意係澳洲和牛M5牛肩卷，真係入口即溶，食幾多塊都唔覺得油膩，其次就係澳洲M9和牛牛丸，真係食幾多次都覺得心心眼，同一般出邊食嘅牛丸質地真係好唔同，如果有食過正宗嘅潮州牛丸，質感會相近，係好難搵到呢一款嘅牛丸🤪🤪🤪仲有鬼馬老油條同即炸午餐肉都係必叫項目，可以即食，又可以放落湯浸一浸拎上嚟食都好正👍🏼仲有一樣好值得介紹嘅係佢嘅台灣小食，雖然都差唔多年幾冇得去旅行，想止台灣癮

因為找不到喜歡的自助午餐, 所以目標改任食的火鍋. 而得知牛大人在觀塘開了新店, 特地到此嘆美味火鍋. 多次光顧牛大人, 知道要WALK IN拎飛.   等到2點15左右, 職員安排入座. 新店樓底高, 地方大, 小米很喜歡這環境. 但是職員表示<3點鐘截單, 自助區會停>. 我們在2點15入座, 而3點截單, 即是只得45分鐘落ORDER拎自助火鍋料.   唯有在有限的時間, 盡量多點牛和豬.  再快快到自助區取來喜歡的火鍋料和飲品.     紅燒牛肉湯鍋    湯底味道很足, 而帶有微辣.   個人覺得 : 無需再加任何醬料/沾醬!  先把各種蔬菜類火鍋料放在鍋裡.      然後, 其他小食也呈上來了!       多盤豬肉牛肉及各款小食放在枱面, 夠震撼!   名物鴨血帶點麻辣, 很喜歡這個鴨血没有鹼水味. 現在是任食, 安哥2次了! 註:曾在其他餐廳遇過有鹼水味的鴨血.   小米喜歡的鹽酥雞呀!    全家努力將肉類放在鍋裡, 以細火慢慢浸熟, 保證牛肉嫩滑.   其實每盤只得2-3塊牛肉/豬肉,  很快就把首輪的6底消滅.  到第2輪點了15底.     果

觀塘牛大人今日開張，30/4 前有88折優惠，同屋企人湊下熱鬧，之前聽過旺角多人多到不行，觀塘呢間不設訂位只接受Walk in，4:30pm開始派籌，5:00pm入座，媽咪4:00pm去到，都有幾個人在等。分兩個時段：5-7pm /7:30-9:30pm 我地食5-7pm , 冇full house , 有10款湯底可以選擇，鴛鴦鍋加$50 。坐低首先揀套餐，之後揀鍋底，再用QR code點。乜丸物丸，蔬菜類都可以喺自助拎。我地揀左酸菜白肉鍋&最貴的澳洲極上和牛套餐（送每人兩位和牛芝士丸）M5和牛牛肩卷好食，4個人叫左27份（1份得兩片only )安格斯一口牛肉粒唔適合打邊爐手切封門柳有d un 安格斯牛小排比較肥和牛芝士丸一般般花枝滑，墨魚汁滑都ok 沙白新鮮冇沙蝦彈牙鴨舌味道ok,唔辣，好細隻小香腸好味鹽酥雞好食梅金酥脆薯ok炸魚皮唔夠脆特飲柑桔檸檬揶果好飲特飲金鑽鳳梨愛玉冰，唔好飮，鳳梨水咁冇食羊肉同豬肉全程冇漏單，上菜上得快，服務有禮貌埋單$244.3/位