牛大人台灣火鍋吃到飽 (鱷魚恤中心)

营业中

休息中

火鍋來講我都幾鍾意台式火鍋鍾意佢配料選擇特別多，今次就去左超人氣嘅牛大人試試！觀塘呢間分店都幾方便，好近地鐵站，我地夜晚7:30去到都好旺場，不過坐位大多數都係卡位，坐得幾闊落😉我哋就揀咗最貴嗰款澳洲極上和牛120分鐘吃到飽套餐 $298 (17:00-21:30)，19:30前離坐/遲d 21:30後入坐就會平少少，小童/長者就$198，我地揀呢個套餐餐肉類同配料選擇最多，而且一開始就先送我地每位澳洲M9和牛牛丸2粒，真係特別彈牙同重牛味，正呀😍！而湯底就有成10款選擇，全部都好有台式風味我地就揀左比較特別嘅鳳梨雞鍋，湯底好清甜，帶點鳳梨香，仲好足料，有成半邊雞在內架!而其他火鍋配料都可用手機掃QR code 自助下單，好方便！大家可任叫任食到飽，自助區外面仲有不少蔬菜、配料、醬汁、飲品可自取架😉！肉類方面我最推介澳洲和牛M5牛肩卷 ，牛味重得來肉質仲好嫩滑，油脂分布亦好平均，忍唔住都encore左幾次，仲有美國SRF極黑和牛下肩胛都係必食，肉味超濃的😋！除咗各式牛肉同火鍋配料，另有仲有d台式特色小食，如梅甘酥脆薯、士林鹽酥雞、糖醋甜不辣等等，味道都不錯☺️！飲品方面呢度嘅選擇都幾多，

之前有食開銅鑼灣牛大人，一直都覺得唔錯，一直想帶爸媽去食，但係對行動不便嘅老人家，銅鑼灣太遠。知道觀塘開左就一直想帶佢地去，機會終於來了。諗住好多人，我自己早少少去左拎飛，原來觀塘貌似無咁爆，派兩轉飛12點同13:15（好似係，不過一定係點幾），坐唔滿就中途即入。我因為要等齊人所以都係中途即入。Lunch分60分鐘限肉◀睇過其實衣個幾抵啲set 100蚊，除左肉其他都任食，唔係話食好多肉可以試下。我就揀左90分鐘任食，又係有3個選擇，1）無牛得豬同雞、2）有2款牛同豬同雞、3）又多啲嘢食咁，揀左中間，好似200幾一個人。模式係一樣 肉ar 果啲手機落單，湯底要同員工講，自助拎菜丸麵醬汁，Quality 我自己覺得同銅鑼灣一樣無變（所以本來無諗住寫），湯底要麻辣就香而不辣。最唔同係佢多左自家制綠茶雪糕，所以無左haagen dazs 揀，果杯雪糕有啲似食風，無咩質感，不過都有好淡綠茶味。成餐飯引起我屋企人不滿係賣單果陣，其實係事後，我兩老都過左65，咁同佢講收返長者價，其中一個人無帶長者卡，比左身份證佢睇，不過佢話問左經理一定要有長者卡，咁唔得就唔得喇，果時都無咩hard feeling

知道牛大人係觀塘開左分店，即刻BOOK枱同朋友仔黎食~湯底揀左觀塘店限定嘅藥膳牛蒡鍋，大量藥膳材料，仲有芫荽、杞子，打邊爐都無咁熱氣又養生~揀左最貴嘅澳洲極上和牛吃到飽套餐!有多款肉類，特別推介手切封門柳，肉味濃而且脂肪不多，口感爽脆；安格斯牛小排油花分布均勻，滑嫩多汁。澳洲極上和牛肉汁充足入口即化!多款小食都好唔錯，推薦油條口感鬆脆好有韌勁；炸午餐肉外脆內軟好JUICY；鹽酥雞鮮嫩又多汁。自家製冷泡茶推介白桃烏龍同菊花普洱，清清新好易入口，解膩又解渴。最後仲送甜品，朋友仔揀左仙草，配料有齊紅豆、椰果、花生碎等，好滋味。我就揀左MOVENPICK雪糕，為今晚晚餐畫上完美句號!

幾個價錢任你選擇，價錢大眾化，上網book咗六點入座，好快就有得坐，幾驚之前話要等兩個鐘先入到，所以一定要book位飲品多款，醬料亦好多選擇，自助攞食物區都好企理亞嫲養生湯底仲可以即場做會員有九折揀咗$248一位極黑牛，肉質唔錯其他食材都好新鮮最後有雪糕或涼粉爽選擇，每人揀一樣，我選擇這碗，打完邊爐食呢碗嘢好正價錢合理，服務咁忙都唔錯，有問有答

Hello Master Beef🐮 All You Can Eat🥢💫..講起吃火鍋，第一時間讓我諗起牛大人🐮🥢。任食靚牛火鍋店，仲有9款養生湯底款式，而牛肉種類都可以自由選擇：安格斯、和牛，仲有不少台灣直送小食，一個價錢吃到飽，真係好抵啊。今次黎到觀塘分店，當然要試試限定湯底：ll (觀塘分店限定)，茜香味濃💚，加上牛骨、牛蒡 & 獨特藥材熬製而成濃郁湯底，感覺滋補。而一場黎到，食左佢既最高價位：ll。澳洲和牛M5牛肩卷🐮，牛味濃而肉質鬆軟；安格斯牛小排🐮，雪花平均滿有油脂香；和牛牛丸🍢 亦係必吃，充滿肉汁比一般牛丸牛味濃郁。其他肉類、海鮮、餃丸，質素同樣有保證。台灣小食方面：魚香皮蛋豆腐、糖醋甜不辣、真豬小香腸、梅甘酥脆薯、士林鹽酥雞，都同樣好吃💕。係等待火鍋滾之時，吃住小食真不賴。最後當然唔少得甜品，除左Movenpick雪糕🍨，台灣黑糖仙草凍，味道濃郁加上花生粒、蒟蒻、紅豆，帶蜜味又爽口，口感豐富呢。..牛大人🥢 係我吃火鍋其中一個首選啊👻。仲有仲有。。呢度仲提供本地手工啤酒🍺：流水落花🌸，不過店員最後唔記得比我啊啊啊。吃台灣小食喝啤酒，卻係幾爽。..×××火鍋吃到飽 -Ma

突然間好想打邊爐，諗坐中午唔使等咁耐位就決定食午市時段。平時都食開夜晚，都係第一次食中午，價錢平啲但時間都相對地短啲。我哋就揀咗食90分鐘，大概食到60分鐘就係last order同要埋單。中午嘅食物種類比較少同會食得比較趕，如果想大快朵頤，食夜晚應該會爽啲。另外，要讚下店員嘅服務態度，有再次提醒新會員會有返discount，收盤速度都好快，而且佢哋都好有禮貌。揀咗食特級安格斯餐 ($168)，而禮拜六日要另+$10，之後就可以用返QR code落單。另設有自取食物區域，可以拎返提供嘅碗去拎蔬菜或丸類。蔬菜種類都有十幾款，有娃娃菜、蓮藕、萵筍等。而調味料區都好整齊衛生，醬料都用有蓋嘅盒裝，大家都好有手尾裝完都會冚返好。飲品櫃除咗汽水外，都有幾款冷泡茶。分別係白桃烏龍、桂花烏龍、菊花普洱同洛神花茶，都係無糖嘅，可以消下濟。如果想飲夜晚時段免費嘅台式飲品，就需要另外付費。湯底就揀咗秘方麻辣鍋(左邊)，有三個辣度可以揀，一個辣椒就唔太辣，呢個湯食落會有啲藥材味。另加咗$50要鴛鴦湯底，紅燒牛肉湯 (右邊) 好香，有好濃郁嘅牛肉味。肉類方面，豚肉比較薄身，係透到光個隻，食落就唔韌。魚漿都幾彈牙

相對尖沙咀、旺角分店，觀塘店嘅員工真係差好多，我哋坐低後落單啲肉每次只比一半數量，咩叫放題先，打開門預咗比客任食架，同個員工講佢回應我話食唔唒要每碟收返錢，最後我重要裝碗飯食先飽住走。啲高級啲員工經常企喺度吹水講笑，最後半個鐘員工不停提我哋重有幾耐要交枱，當時下午2點半左右又無客等枱，又未夠鐘個場又好多吉枱，吃成餐火鍋真係唔覺得有員工有禮貌好似機械人咁，除咗食物質素之外服務態度真係好差囉

自從食過牛大人之後，真係返唔到轉頭😝，因為真係好抵食！二百幾蚊元就可以食到捧住個肚走🤰🏻，最重要係佢地食物質素掂！觀塘開左新分店，嗱嗱聲約朋友撐場😂。觀塘店一樣咁多人😅，去到門口已排長龍！照舊揀左澳洲極上和牛餐任點任食，每人仲送2粒和牛牛丸，肉汁漿爆，彈牙，超好味！湯底叫左個藥饍牛膀+牛骨煱，藥饍牛膀喺呢度呢間分店獨有！飲品我就最喜歡佢地自家制既白桃🍑烏龍冷泡茶。仲叫左手工啤洒 - 落花流水！啤酒味不重，反而荔枝味很出，女士們一定喜歡！最後甜品有仙果凍或者雪糕二選一，我就鍾意食仙果凍，除左仙草外，仲有花生，蒟蒻，紅豆，甜度適中，真係超超好味，就算個肚幾飽都食得落。呢間分店環境比較大，樓底高，冷氣夠，唔會食到身水身汗，大多數係卡位，坐得舒適，暫時是我去個幾間分店最正嘅一間👍。

相信好多人都有聽過牛大人，最近係觀塘開左新分店，地理位置好方便一出地鐵站行幾分鐘就到，連平日都勁多人去食，唔想等位嘅話可以早啲去拎位或者上網book定位🔖**********< 極上和牛吃到飽> $298今次叫左個眷村白玉酸菜鍋，本身個湯底裏面已經有好多大白菜同埋豬肉片🐷依個餐每人會送2粒澳洲M9和牛牛丸，一咬落去係會爆汁嫁，真係好高質！另外依個餐嘅牛肉選擇會多啲，有唔同部位可以任君選擇🐮特別一提個章魚珍珠漿有大量章魚粒粒係入面，其餘嘅火鍋配料都有好多款，仲有啲係台灣直送美食，整體黎講都唔錯👍🏻比較特別係佢地嘅台式特色小吃，有台灣小香腸、梅甘酥脆薯、秘製滷鴨舌等等，而飲品方面樽白桃烏龍同埋桂花烏龍冷泡時間夠長，所以味道夠曬出！

好多謝朋友帶我嚟牛大人食嘢，今次第一次嚟觀塘呢一間分店食，我發覺觀塘分店同其他分店好似有少少分別先講服務，個人認為尖沙咀嘅服務好過觀塘，觀塘嘅店員雖然戴住口罩，不過都感覺到佢哋冇乜笑容已環境就大同小異，但耕牛大人好似都差唔多，不過呢度嘅自助區蔬菜櫃就比較奇怪，白濛濛一片，啲凍氣吹出嚟，白雪雪，乜都睇唔到，夾野嘅時候眼睛都好辛苦牛肉質素飄忽，當然最貴嘅M五和牛一定係最好食，因為冇咁乾，中間價位嘅牛肩胛就相當乾，最平嗰款肥牛冇點嚟食，不知道牛肉有時會碎濕濕，咁衰嘅牛肉，放咗落湯都唔知去咗邊醬汁腐乳真係奇怪，食唔到腐乳未，不過好重蒜頭味，發生咩事？最後想講一講甜品，真係奇怪，雪糕只得一隻口味，仲要質素好普通，自家出品控制成本將貨就價，就算連最cheap嘅放題都唔會咁啦，仲要收人二百幾蚊一位=_=所以整體真係好一般，未至於係好差，不過一定唔係好好先囉

今日又去左官塘牛大人吃到飽，未食先興奮，想試嘅朋友仔記得早少少訂定位，walk in分分鐘無位架。嘩！全部都放得整整齊齊，乾淨衛生，好似去左超市一樣，蔬菜類，菇類食物等等，全部一盒盒裝住，分門別類，實在太多選擇啦～飲品類都有牛大人獨有嘅花茶類，怕汽水果汁太甜嘅朋友可以試下，本人獨愛佢嘅白桃烏龍，洛神花茶無諗過吃到飽都有呢種雪花牛可以食到，簡直系值回票價有少量熟食，心急嘅朋友仔可以頂住肚先，鴨舌都有得order宜家like & follow佢地嘅社文平台, 會有杯金鑽愛玉冰送

滿心歡喜來到新開觀塘分店，結果服務質素卻比旺角店差很多。＜店內員工多，但不貼心＞一入座沒有人招乎，點湯底到來湯底要20分鐘。下單後員工放下湯底就走咗去，沒有員工幫忙開爐或者教點開爐.....店內員工多，但一點也不貼心。＜不停漏單＞未last order已經落唔倒單，員工話network 問題.....又不停漏單＜未夠鐘催客走＞用餐整整90分鐘，用接近30分鐘等湯底ready,之後吃了30分鐘開始不停有員工走來打擾，先是對幾次會員號碼、叫對單、叫埋單、叫簽卡........來來回回.......之後又走黎話last order （有講明入座60分鐘last order 這個可以接受）之後最後30分鐘開始，不斷有個男員工走黎倒數，重有15分鐘、重有10分鐘，5分鐘.....倒數，不斷催促.....但係明明未夠鐘，計錯時間，專登找另一負責埋單員工confirm用餐時間，她説不用理會可以按單印時間計算，同事攪錯時間，可以繼續直至90分鐘才完。之後更有趣，該男員工又走黎叫話夠鐘，超時另收費.......(明明還有10多分鐘才完。相反旁邊兩台客人明明比我們早入座，已經過時卻仍然坐著，沒被叫離座）其

我係中午大約1點左右到，等咗半個鐘左右就有位。去到店員都會主動同我講做會員有九折，有唔識問店員，佢地都態度好好。食物方面，有啲可惜我去個日鴨血冇咗。不過其他食物質素都唔錯，只係份量偏少，一份肉都係得三片簿到透光嘅肉片，建議一次可以嗌多啲。佢地係用Scan QR code嚟落單，店都有WiFi提供，上菜速度都ok，大約5分鐘左右就上到。而係出面自助選擇都算多，新鮮程度都不過不失。湯底方面，我係嗌咗台灣鳳梨雞鍋，味道鮮甜，不過冇咩鳳梨味，反而似普通雞湯，啱啱上個陣都唔會太淡，似滾湯，食到最尾有埋蔬菜嘅鮮甜，建議可以煮寛粉食，超入味。飲品方面，個人幾鐘意冷泡茶，唔會話太淡。不過係甜品方面有啲失望，得玄米茶味嘅雪糕揀。

之前一直食開旺角分店，今次就試吓新分店。牛大人不嬲一向都係人龍店，如果要食頭果輪，基本上我都係預早一個鐘頭去攞位☺️果然觀塘店都冇令我失望，都係要等等等等等好彩附近都有唔少舖頭可以慢慢行打發時間終於到我哋有得入去坐，新分店果然裝修靚好多唔知係咪心理問題，好似連啲牛肉都靚啲。其他小食當然冇令人失望。不過人多就預咗攞嘢食都要排隊。好彩秩序都OK。整體來講都推介。我開嚟頭唔知食咩好都可以試吓，當然大前提係要有耐心排隊嘅心理質素😂

🍹打邊邊熱辣辣飲杯愛玉冰，入口清涼，裏面有鳳梨果肉+勁有口感既愛玉，加上搵左新鮮檸檬🍋調味，yummy😋 like咗牛大人嘅IG/FB 免費送一杯😝🤩澳洲M9和牛牛丸: 表面平平無奇既一粒牛丸，一咬落去，和牛汁流出來，鮮嫩而多汁。絕對不能加任何醬汁調味，否則會完全浪費原有和牛味道🐮🐗另外，🤤安格斯特選牛板鍵及澳洲和牛M5牛肩卷 都係免費任單的，各位牛牛迷，又想食到飽，點可以唔點呢🤩🤩~~~~~📍牛大人台灣火鍋吃到飽 (鱷魚恤中心)觀塘開源道79號鱷魚恤中心5樓~~~~~.