牛大人台灣火鍋吃到飽 (鱷魚恤中心)

营业中

休息中

我係中午大約1點左右到，等咗半個鐘左右就有位。去到店員都會主動同我講做會員有九折，有唔識問店員，佢地都態度好好。食物方面，有啲可惜我去個日鴨血冇咗。不過其他食物質素都唔錯，只係份量偏少，一份肉都係得三片簿到透光嘅肉片，建議一次可以嗌多啲。佢地係用Scan QR code嚟落單，店都有WiFi提供，上菜速度都ok，大約5分鐘左右就上到。而係出面自助選擇都算多，新鮮程度都不過不失。湯底方面，我係嗌咗台灣鳳梨雞鍋，味道鮮甜，不過冇咩鳳梨味，反而似普通雞湯，啱啱上個陣都唔會太淡，似滾湯，食到最尾有埋蔬菜嘅鮮甜，建議可以煮寛粉食，超入味。飲品方面，個人幾鐘意冷泡茶，唔會話太淡。不過係甜品方面有啲失望，得玄米茶味嘅雪糕揀。