牛大人台灣火鍋吃到飽 (荷李活商業中心)

营业中

休息中

午市打邊爐，好肥仔，但好開心😂之前都食過幾次覺得性價比幾高，唔算貴又選擇多。味道唔錯，唯一嘅係真係好多人😂好多時要排隊。今次湯底揀咗台中黑蒜雞，味道唔會太濃。足料有成隻小雞。飲品有多款台式茶類，菊花普洱、桂花烏龍等等。醬汁款式亦都有好多，比起平時其他打邊爐豐富！澳洲M5和牛牛肩卷一碟三塊，真係要叫多幾年先夠。每次上枱嘅時候都會有啲唔同，有幾次咁岩都偏肥。之後同店員反映，佢哋好好，拎啲冇咁肥嘅比我。因為太肥真係食唔到😂 呢隻牛有牛味，肉質唔錯。 除咗主要食牛仲有好多台式小食，揀咗鹽酥雞及甜不辣，最好佢可以自己揀份量。食少少。試吓鹽酥雞炸得幾香口，甜不辣都幾彈牙。火鍋配料仲叫咗，其他鍾意係油炸鬼夠脆。大腸、牛肚都唔錯，仲有鴨血。自助區仲有多款不同配菜，試咗佢嘅招牌滷肉飯。

無得飛去台灣食好西，但搭幾個站去旺角打番個有質素的台式火鍋總會有辦法做到。為著吃著高質的牛肉，為著有心機的台灣湯底，疫情下總要享受。講緊係牛大人，就在旺角荷里活地底，地點位置方便，絕對係約埋朋友打邊爐理想選擇。而且餐廳內裡寬敞，容納到勁多人，重要係環境唔會 烏煙瘴氣 ，好食舒適之餘更顯高級。火鍋湯底都好多選擇， 各款台式麻辣湯養生雞湯等等應有盡有 ， 我哋揀咗養生素湯， 唔好以為會好寡，湯底清甜得讓人先渴幾碗湯， 紅棗椰菜桃膠 杞子等等，潤而不燥 。不少高級食材，例如 澳洲和牛m5牛肩卷 同安格斯特選牛板腱同2西班牙豬五花片當然唔少得，叫幾多食幾多,牛肉肉味鮮嫩，肉質細緻味道鮮美，在鍋滾了幾秒，油花滿滿的味道仍然在 口裡徘徊。  各款 蟹子墨汁漿/ 乾貝鮮魚漿 ， 入口味道濃沃，彈牙又爽口 。 餃子及手打丸亦都係必食， 鱈魚丸虱目魚丸 芋頭貢丸花之丸 等等全部 都是台灣進口貨色，肉汁滿滿 超甜美的說，外面好難見到 可以又任攞飲食 。 亦都有不少即炸食品，保證新鮮， 小香腸，鹽酥雞，甜不辣，私房鴨血等等，都超吸引人。唔好唔記得飲品同雪糕都係放題形式，各種茶品冷凍茶質素都好高，無人造糖，汽

終於食到牛大人啦.早兩日去咗牛大人都食呢個澳洲極上和牛吃到飽午市套餐（$198/位)，我哋叫咗紅燒牛骨鍋做湯底，味道超濃郁，啲火鍋配料入晒味，勁正！.呢個套餐有三款牛肉，當中我自己最鍾意澳洲和牛M5牛肩，油脂分佈平均，牛味足夠。.其他配料方面，我好鍾意個麻辣鴨血（餐廳都話係必食推薦），其次就係蟹籽墨魚漿，入面真係有墨魚粒，好有咬口！😋😋.我掛住食牛，最後竟然唔記得試個豆腐味雪糕🍦，下次再黎一定要試！😭.呢家店既服務員好有禮貌，見食到差不多，佢哋就會黎收下碟，等你食得舒服整潔，要比個like👍🏻

冬天點可以唔去打邊爐🍲！😗相信好多人都去過牛大人 而家喺旺角開咗新分店啊🤩〰️〰️〰️〰️〰️〰️〰️〰️〰️呢度啲Staff都好友善同埋會講解上嘅食品係乜嘢 所以可能因為咁客人都好有秩序咁排隊不過因為真係太多人所以排隊嘅時候都排咗好耐⏳如果有時間都想平日嚟試一試可能會食得再舒服啲🧐-食品同醬料區都要戴口罩 所以感覺會比較安全同放心☺️食嘢之前仲可以將口罩放喺佢準備好嘅口罩袋度-自助食品佢同醬料區啲嘢放得好整齊乾淨 企理 同分配得好好整體感覺好好 好唔似係一般香港嘅火鍋店-蟹子墨魚魚味好重 好新鮮嘅感覺肉類比較深刻就係點左極上和牛嘅澳洲和牛M5牛肩卷🥩配上特製嘅洋蔥牛肉醬醬油更加好味咁紋理好靚 就咁睇都睇得出同一般嘅肥牛係有分別😋係真係好好食唔識點形容好好味😂鴨血好停咬落去會唔會碎晒 出奇地同牛骨湯好夾😌洋蔥牛肉醬係一定要試！🧅🐮另外都可以試吓特調豬肉醬 因為特調豬肉醬好正🐷你食咗咁多牛肉嘅時候再食到豬肉嘅香味都幾好😆Menu上面寫住必吃嘅”瓜仔雞水餃”🥟皮呢就有啲厚🤨但入面非常足料👍🏻黃瓜同雞肉道唔會搶到牛湯嘅味花雕醉雞唔可以煮太耐 唔係嘅話啲肉會好路同埋本身嘅花雕酒咪會唔見咗🙈湯底係真係最令人感到驚喜

好耐冇同男朋友午市出來食嘢，由於晚市遲遲唔開，想打邊爐唯有食午市火鍋。.星期六，十二點來到呢度，已經見到有人排隊拎飛。我地等左一陣間就入得～.環境幽雅舒適。🌸極上和牛吃到飽 $198 / 位- 揀左番茄🍅湯底，番茄味好濃郁 味道酸甜開胃。 入邊有原隻番茄，加左幾次水湯底都仲好濃。.- 澳洲和牛M5牛肩卷牛肉味超濃，易熟，肉質鮮嫩。一連order左幾盤。.鴨血推介！超級鮮嫩！.- 台灣特色小吃真豬小香腸 有生蒜係香腸上面，味道特別。士林鹽酥雞 推介！雞肉酥酥嫩嫩～.- 台灣在地直送美食蟹籽墨汁漿口感Q彈，墨汁味濃郁。真味牛肉漿超濃郁牛肉味，口感嫩滑。.- 自助食料- 冷泡茶洛神花茶 酸酸甜甜 好開胃 岩曬打邊爐飲～.離開時見到長龍隊伍，好彩我地來的早。

我們2人今天04/2/2021 去了旺角荷里活商業中心牛大人90分鐘任食放題。我們選擇$168另加每位$30海鮮放題。我們發現一直支持的牛大人突然變差☹️不是食物質素變差！而是刻意扣減食物數量，叫10隻蝦🦐只出3隻比你😡仲要係由第一次入單到最後入單都係咁😡😡！仲要刻意拖延送出食物時間，就算找店員一追再追都要等起碼10-15分鐘都未有食物送上🤬最離譜😤店員通知最後落單時所點的牛肉，直情到夠鐘都一直冇嚟過。唯有出自助區攞菜食。超過份囉🤬🤬🤬我唔知係咪依間分店係咁做，定係牛大人改變了政策😑😑（我們不是第一次嚟依間荷里活牛大人食，之前都不是這樣刻扣數量和拖延送出食物時間的)。非常之不滿囉！荷里活店真令人好失望😞牛大人一向聲譽唔差👍🏼公司要正視問題所在，唔好比佢拖累.....害全家。

喺疫情晚上禁堂食之下， lunch去打邊爐🍲都已經成為新常態，今次就去咗勁popular，好難book位嘅牛大人火鍋，就算係食lunch，餐廳都爆滿呀👨‍👨‍👧‍👧👩‍👩‍👧‍👧👨‍👨‍👦‍👦.火鍋有三個唔同嘅set，我就揀咗澳洲極上和牛🥩吃到飽set，湯底揀咗台中蒜頭雞🐔，而牛肉就有三種唔同嘅可以選擇，包括安格斯特選牛版鍵、澳洲和牛M5.平時打邊爐多數主要食牛肉，但係今次試咗西班牙豬梅肉片🐖，估唔到有幾好食，另外仲有多款丸類、餃類，同埋自助區嘅食物，食物選擇都幾多.除咗火鍋配料之外，另外佢哋仲有台式嘅熟食，包括鹽酥雞、皮蛋豆腐等等.另外不得不提嘅當然係佢哋嘅飲品啦🍹，有多款嘅自家冷泡茶系列，健康又好味，另外仲要提提大家喺現場follow牛大人嘅IG或者社交平台，仲可以免費獲得黑糖珍珠奶茶🧋一杯㗎，超抵，甜品仲有我最鍾意食嘅豆腐雪糕添🍦

見到旺角開左新分店，即刻同屋企人過黎食和牛放題，終於食到呢個咁出名既牛大人啦！我地揀左極上和牛吃到飽，果然係不負所望，啲和牛質素勁高，呢個價錢真係勁抵食啊！我地瘋狂咁點和牛，牛肉好高質，非常新鮮又有濃濃既肉香。湯底方面，我地點左台灣鳳梨雞鍋，唔錯！除左任食和牛之外，仲可以到自助吧到拎唔同既火鍋料，蔬菜、丸、凍豆腐等，包羅萬有！飲品都有好多選擇！職員既service都好好，時不時會主動加湯同埋收碟！

牛大人喺台灣已經很出名，呢幾個月係香港開咗分店之後一直都好想試下， 今日終於可以嚟到旺角新分店去一嘗滋味，我哋嗌左極上和牛食到飽餐 真係非常之滿足啊！平時牛大人都要等好耐先入到去 我哋今日好好彩 等咗三四個字到就就有得入去啦🥳首先我哋叫咗番茄湯底 🥫它既蕃茄味非常之濃郁而且好新鮮 十分之開胃 湯底真係有原隻蕃茄 足料到不得了🤪首先不可不提係澳洲和牛M五牛肩卷🥩淨係睇佢嘅色澤都知佢非常之新鮮 油脂分布均勻 食到入口 係有點即溶效果 牛既味道都好重 果然係高檔次既和牛 重點推介呀另外要讚下蟹子墨汁漿 同時食到墨魚滑和章魚粒同埋蟹子粒 口感豐富 佢地相輔相成 十分惹味 亦都好特別 除咗喺用QR code上面點既部份食物外 我哋亦都去咗自助區去攞其他嘅食物 自助區提供好多食物選擇 而且好多款都非常之特別 而我會極力推介蛋腸同埋牛丸 🍴牛大人同其他火煱放題唔同嘅就係佢有自家製冷泡茶 ☕️🍵比客人有唔同既選擇 例如有白桃烏龍 洛神花茶 桂花烏龍等等 非常之有特色同清新 解除膩既感覺同埋員工嘅服務態度亦都非常值得一讚 佢哋好清晰咁樣去介紹餐牌 亦都非常之主動咁樣為我哋加啲湯底 最令我深刻嘅當然係臨近

一直久仰牛大人既大名，呢日有時間決定試一試佢。雖然等位等左好耐，但果然不是浪得虛名的我地叫左牛大人秘方麻辣鍋小辣湯底，唔太食到辣既我一開始都接受到同覺得果種辣好香口，佢勁就勁在愈食愈辣，就算加左清湯，都keep到果種香辣，好厲害午市任食套餐一定要叫$199果個set，澳洲和牛M5 牛肩卷無得輸，呢個價錢食咁高質既牛 抵晒熟食既小食都好有台灣感覺，可以食士林鹽酥雞同真豬小香腸開一開胃先，再正式打邊爐！除左牛質素好高之外，手工水餃同各類既滑都好值得一試飲品種類都好多，冷泡茶係誠意之作，打邊爐咁油膩，飲啖茶就最好，另外仲有其他台式飲品任君選擇最後記得仲要留肚食香港製造既豆腐雪糕呀，豆腐味好香濃，講唔出有咩特別，但就一啖一啖咁停唔到口

有食開邊勞放題的話，冇理由冇聽過牛大人呢間咁出名嘅打邊勞放題掛第一次再同老婆嚟食中午放題，叫咗呢個阿嬤養生濃湯鍋，再配極上澳洲和牛套餐M5肥牛好靚呀，肥瘦適中色澤均勻，雪花比例同分佈老好靚，入口都好快溶，重點推介澳洲m5和牛肩肉，牛味重，配養生呢類湯，汁都可以唔洗點。食牛肉之前記得去配料區，有10幾款配料俾你襯味，喺呢度推介大家試埋嗰個洋蔥牛肉汁，味道酸酸甜甜，又好味又開胃。蔬菜同埋丸有大量選擇，重點推介特級花枝丸，夠彈牙夠香。特別選擇可以試呢個芋頭貢丸，人生第一次食，公園嘅香味之餘咬落去仲有少少粉粉地嘅芋頭。飲品櫃見到都開心，唔止平時嘅可樂檸檬茶嗰啲啦，仲有牛大人自己做嘅冷泡茶，分別有桂花烏龍茶，洛神花，菊花普里，仲有非常好飲嘅白桃烏龍。食到最尾一定要食埋豆腐雪糕，打開個蓋賣相好之餘，超香豆腐味。我自己明明好飽都食咗兩個😂ps 留意自己揀啱時間先好黎，雖然平時係咪都有5 60人排緊隊😂

成日見到朋友去牛大人打邊爐今次終於到自己揀咗午餐時段去可以平少少🤤限時任食兩個鐘 飲品任飲 雪糕任食我哋揀嘅套餐係$198極上和牛食到飽澳洲M5和牛可以任食都幾唔錯☺️全程都係用手機QR code落單方便快捷 冇難度一開始先點左個湯底台式鳳梨雞湯🐥湯底入面已經有半隻雞 鳳梨 蜆肉 苦瓜等等隻雞非常之嫩滑 個湯底又唔會太鹹澳洲M五和牛肩卷 油花豐盈 分布平均 唔錯花雕酒醉雞 啱啱比正雞髀肉 非常嫩滑蟹子墨汁漿 呢個好好食 用咗大量墨汁而且加入左魷魚粒 好有咬口牛媽秘製滷牛筋 原來呢個用嚟打邊爐都唔錯滷得好入味 牛筋好淋食物方面仲有其他嘢例如鴨血 水餃等等而且仲有自助區可以拎蔬菜 丸 滷肉飯一定唔會食唔飽😄飲品方面我哋揀咗桂花烏龍茶冇落糖 桂花同烏龍茶味超香 解膩一流😚最後仲可以試咗拎豆腐雪糕做甜品食咗兩個鐘超級飽🤰服務態度好好 值得一試

做定功課先嚟，知道間嘢旺場，午餐冇得book 要等位，1200開門，早10分鐘到，已有10枱客已取票，取票後獲發menu ，揀定湯底，咩餐，做定會員（食貴啲果兩種放題，第一次有9折，等於免咗加一）湯底選了牛骨湯主角方面：我喜歡安格斯牛板腱友人喜歡澳洲和牛M5牛肩M5牛肉一開始時給的較好，油脂分布平均，之後有幾碟質素較差，安格斯由頭到尾質素一致。因為限時關係，沒拍太多照片。推介：牛肚好入味又淋，冷泡桂花烏龍茶好香好有茶味。佢有好多墨魚膠，牛肉滑，海鮮滑之類，都好真材實料，幾好食，好可惜我其中一個係「宿」嘅，但係我已經淥晒落去都唔知邊個打邊個，淨係知道係白色，唯有所有白色嘅都唔食。食咗好多好多碟嘢，好滿足，會好快再嚟幫襯。

尋日去左旺角行街，好友話想食打邊爐，即刻諗起牛大人台灣火鍋吃到飽，午市套餐好抵食，一於試下!午市有90分鐘放題或60分鐘一人一鍋定量午餐，90分鐘放題有三個價錢供選擇，今次揀左最貴既極上和牛吃到飽套餐，都只需HK$198，性價比好高!坐底後先揀選湯底，牛大人具多款特色湯底供選擇，今次揀左紅燒牛骨鍋，味道偏濃郁，濃厚湯底慢燉細熬，充滿牛骨清香。部份火鍋配料可掃瞄QR code落單，另設自助區，有大量火鍋配料、小食、肉燥飯、飲品以及雪糕任食。極上和牛吃到飽套餐必點澳洲和牛M5牛肩卷，油花豐富，呈大理石紋，肉味濃郁，食落口感嫩滑，入口即化，肥而不膩!同樣必點既有安格斯特選牛板腱，鮮嫩多汁，肉質相當豐滿結實，油花均勻，肉汁豐富。推介干貝鮮魚漿鮮香彈牙，魚香十足，夠哂煙韌。仲有唔少台灣小食，真豬小香腸彈牙扎實；滷牛肚脆嫩入味；滷大腸肥嫩有嚼勁!私房鴨血嫩滑如豆腐，帶點麻辣，口感细嫩柔滑。自助區選擇多不勝數，有各類蔬菜、丸、麵等等，仲有一整區台灣直送食品，選擇真係勁豐富!飲品除一般汽水、紙包茶等，更有四款冷泡茶，桂花烏龍特別清香解渴，岩哂打邊爐飲~最後食返杯豆香十足既豆腐雪糕，令今餐打邊爐畫上完美

凍冰冰最岩就係打邊爐!今日約埋好友一齊去食人氣台式火鍋放題店牛大人，揀左旺角分店，係荷李活商業中心地庫。午餐有90分鐘任食放題套餐，有三款套餐選擇：牛五花、安格斯同和牛，最後揀左極上和牛吃到飽套餐。牛大人有多款特色台式湯底選擇！有牛夫人秘方麻辣鍋、四目養生素食鍋、眷村白玉酸菜鍋、帝王食補薑母鴨鍋等等。今次決定試下台灣鳳梨雞鍋，以鳳梨、苦瓜、雞等熬制而成，湯底溫順滋補，氣味香醇，大大隻雞髀軟嫩滑溜，好足料。套餐有齊上腹牛五花、安格斯特選牛板腱、澳洲和牛M5牛肩卷、西班牙豬梅肉片等等。首推澳洲和牛M5牛肩卷!油花分佈均勻，肉質嫩滑柔軟，肉汁豐盈，食落Q彈有嚼勁，牛味濃郁鮮嫩多汁，入口即化。安格斯特選牛板腱油脂含量豐富，肉質軟嫩帶嚼勁。西班牙豬梅肉片甘香油潤，口感鬆軟細緻，肉質柔軟。另設火鍋配料、小食、飲品、雪糕等都係任食，可於手機落單，亦有自助區，選擇非常之多!!除一般蔬菜、丸類，更有台灣直送特色丸及菜類。自助區更有多款醬料、飲品、粉麵及肉燥飯。牛媽秘制滷牛筋、牛媽秘制滷大腸牛媽秘制滷牛肚、干貝鮮魚漿、蟹籽墨汁漿都係極上和牛吃到飽套餐先有。推薦蟹籽墨汁漿，彈牙爽口又嫩滑，滷牛肚軟嫩Q彈、滷