牛大人台灣火鍋吃到飽 (荷李活商業中心)

营业中

休息中

©環境：繼旺角總店，荃灣，尖沙咀同銅鑼灣分店後最新分店同樣都係旺角開設！佔地過萬呎，地方更闊落，座位更多就算Walkin，即使總店爆左都可以行過黎荷李活分店碰下運氣🤣當然，識食一定係Book位先啦😂.©服務：有專人帶路入座，配埋口罩袋比你每張枱亦備有手抽紙巾同濕紙巾😘.©Highlight (影相/性價比/其他）：個人推薦$298/位嘅「澳洲極上和牛」Set三百幾係2小時內可以食盡牛五花，安格斯牛M5和牛，美國Prime牛等等無論你係牛肉控定係食肉獸，好快翻本！.©食物評價： © 湯底10款台灣湯底，作為麻辣控我緊係首推「牛大人秘方麻辣鍋」😈面頭不會有過多嘅油脂浮係表面但味道確確實實係好濃厚既麻又香，愈煮愈辣，好過癮！.© 牛肉 + 豬肉 (QR code落單）推薦：1. 澳洲和牛M5牛肩卷 (最嫩滑）2. 安格斯特選牛板腱 (油香帶咬勁）3. 美國Prime極級肩里肌 (牛味最濃）呢三款牛真係無得輸，油脂紋理分佈均勻豬肉以西班牙豬梅片最佳柔軟而多汁，豬肉纖維細緻，脂肪極少😍.© 蔬菜 + 丸類 (自助區自取）推薦：蟹柳，海帶結，芝士腸，鮮淮山，凍豆腐仲有超過40款嘅配料任你拎🤣.©

之前一直想來嚐一嚐，但一直訂不到位置，今天奇蹟地經開有位，可以試試看。我們點了個中間價位，2小時任吃，埋單每人約$280。食物方便個人推薦美國極級有肌牛，入口即化，食完一碟會想繼續食，食十碟都冇問題湯底我們點了鴛鴦，一邊鳳梨雞湯，一邊蕃茄湯。吃過覺得普通，雞湯比較清淡，菠蘿太酸，蕃茄湯太咸同傑，需加水沖淡整體食飯都偏咸。但服務就十分好，有會員仲可以扣個鴛鴦湯款項飲品方便，個人不推薦飲雪櫃一支支的茶（桂花烏龍，洛神花茶，菊花茶），比較淡而無味。反而落單點既冬瓜茶同柑桔椰果不錯總結，食過一次夠了。要等位會寧願吃其他火鍋，但人生可以嚐一次的。

《牛大人》其實我真係第一次食呢間咁出名既火鍋店！去到真係人山人海😂 hit 咗咁耐都仲係咁人氣，一定有佢過人之處😍 🍭澳洲極上和牛吃到飽($298/2hrs)一定要食呢個餐呀！因為佢個澳洲M5牛肩卷真係超級好食！仲每人有2粒澳洲M9和牛牛丸😍 湯底方面，佢有8款台式湯底～ 我地想食清清地所以就揀咗台灣鳳梨雞鍋～ 牛既話我地都試咗好多款！覺得最好食都係澳洲M5🤣 好有牛味，肥瘦均勻又嫩滑！主打叫呢款就岩，另外仲叫咗牛胸爽同封門柳都唔錯！而佢地粒和牛牛丸真係超級好味，一咬開係好多肉汁同好香口！除咗牛，仲有好多台灣特色嘢食～ 但我地食咗好多牛塞飽咗😆 淨係點咗少少，包括鴨血、台式蝦餃等都好特別～ 出面仲有自助區，擺咗好多蔬菜類仲有出面好少見既丸類同火鍋配料！個人覺得芋頭丸都好正！飲品比較特別既就有佢地自家製既茶飲～ 清熱解毒唔錯！另外我地仲叫咗枝永沁小米酒～ 飲落甜甜地～ 最後每人仲有個甜品，有movenpick 雪糕😍 係朱古力味/士多啤梨味/同埋期間限定！我地就揀咗士多啤梨！另一個甜品就揀咗我最愛既芋圓糖水😍😍 入面有仙草、花生粒、珍珠、椰果等，好好食！

超出名的牛大人火鍋🐮之前一直聽人講要排好耐 我之前去荃灣個間真係排2-3個鐘 旺角荷李活呢間唔洗排咁耐！正呀😍加上 位置好闊落 空間大 所有野都乾淨 自助區 飲品區都好多選擇 擺放好整齊👍去到食物方面 我地揀咗「澳洲極上和牛」🐮$298 湯底揀牛夫人秘方麻辣鍋🌶一枱上好香麻辣味🤤一開始以為小辣 食食下發現都幾辣🌶所有食品都係中上至高水平喔 最驚喜係「澳洲極上和牛」贈送既澳洲M9和牛牛丸🐮超。好。味❣️〰️咬落去 超香濃牛油味😳而且有肉汁的 好crazyyyy😋另外 除咗食肥牛外 佢仲有款「封門柳」係牛橫膈膜既部位 唔肥之餘 口感鬆軟 牛肉味非常濃郁〰️🐮❣️之後亦都推薦大家食蛋餃(台灣特色) 風琴豆腐(索湯汁😳)〰️整體非常不錯🤓等候時間短咗 送餐又快 配料多 飲品多(茶類&汽水&紙包飲品)

牛大人真係一位難求, 但係佢又真心高質, 所以我諗先咁多人肯排咁耐隊去食, 包括我自己🤣餐廳人頭滿滿, 但店員service都好好, 快手又有禮, 值得一讚。🐮120分鐘澳洲極上和牛吃到飽🐮 叫左藥膳湯底, 鍋底用料豐富又香噴噴依個餐已經包哂所有最高級既牛, 仲有和牛牛丸送,依個和牛牛丸一定要讚, 勁香勁濃牛味, 超彈牙咬入去會爆汁, 限定無得任嗌, 但真係好好食, 如果比人任嗌應該會嗌到爆廠🤣我地仲特登叫左兩杯加入左酒既冬瓜茶, 飲落有d似以前唱k飲blacklable溝綠茶既feel, 幾過癮🤣出面自助區有多款飲品, 仲有自家茶飲, 我最中意係白桃烏龍, 香甜又解膩。仲有自助BAR放左好多款火鍋料, 蔬菜, 油豆腐索湯一流🤤仲有滷牛肉飯, 真係超多正野。重點推介依個餐既靚牛啦! 🥩澳洲和牛M5牛肩卷同安格斯牛小排都係油份較重, 牛油脂味香濃之選。🥩牛板鍵牛味重較有咬口。🥩牛胸爽入口爽脆, 極重牛油香。🥩手切封門柳大推! 因為手切所以肉較厚身, 牛味濃香肉質軟嫩, 口感同味道都一流。封門柳好少地方有得任食, 依個餐有得任食真係cp值爆燈❗除左牛之外仲有海蝦沙白等新鮮都係必定要點, 沙

————————————————————————-✨上次食完牛大人已經念念不忘，今次就去到旺角再食過！⚡️好欣賞牛大人嘅食材高質好味之餘，最緊要係可以瘋狂任食任飲，滿足大胃王嘅我地🥳❇️食品點評如下🤎打bino最緊張唔係嗰爐，係啲肉阿🤣想講牛肉keep住高質阿，睇樣已經見到肉肪分佈適宜，食落夠肉味又香口。但呢到既豬肉同雞肉一啲都唔失禮，雞肉滑嫩好味，而且仲有我家姐鐘意食嘅生魚片，鮮甜肉靚～澳洲M9和牛牛丸，超香濃，咬落彈牙爆汁😋鐘意食鳳梨嘅朋友記得試埋台灣鳳梨雞鍋，絕配。🔺必飲無限制牛大人自家制靚茶茶，種類繁多，但每隻都好夾，而且飲得出茶底用料係靚嘅，我個人特別鍾意佢嘅桂花烏龍😍😍去油膩係一流鐘意咁嘅朋友記得叫佢哋「落花流水」手工啤本地制！大家快啲去食：）！

母親大人想食牛大人好耐🤭🤭今次一早book定帶佢來試下喱間超人氣既邊爐🤤🤤雖然間野真係好多人，但d員工都好好禮貌👍🏻好有係台灣既感覺😚😚除左可以用QR code 落單之外出面仲有自助區有好多野飲醬料同野食啦🤤湯底我揀左台灣鳳梨雞煲，材料好豐富🤪有鳳梨，苦瓜，土雞腿肉，小魚乾…..第一啖一定要試下個湯底先！😛湯底好清，好足味，未打邊爐已經飲左成碗湯😋岩曬唔食辣既媽咪😆我地揀左最貴既極上和牛吃到飽，都係$268/人，仲送澳洲和牛牛丸🥰真係超抵！🤩🤩和牛既質素好高🤤肥瘦適中，d紋好靚🤤除左和牛之外，佢d海鮮都好新鮮D蝦好大隻🤗🤗除左邊爐既食物之外，仲有台灣小食🥳🥳D台灣小食唔係炸定，上枱既時候仲熱👏🏻最後緊係要叫甜品滿足我既甜品胃❤️‍🔥甜品有movenpick Häagen-Dazs仲有限定既台灣仙草凍🤤🤤🤤母親大人平時打邊爐好快就飽，但今次佢真係食足咁耐😂😂超級難得🤣而且媽味超級滿意牛大人😋😋果然係超人氣既台式火鍋🥳🥳

天氣涼左唔少，最岩就係打邊爐！一早BOOK左牛大人台灣火鍋吃到飽，準時去到就即獲安排入座。旺角分店環境寬敞，卡位坐得舒適。必揀極上和牛吃到飽套餐，掃QR CODE直接落單就得，好方便。另設自助區，任取醬料、小食、各款蔬菜、飲品等。湯底揀左『阿嬤養生濃湯鍋』，鮮香味濃，用大骨原湯做湯底，再加入大量新鮮蔬菜，特別清香～再配埋多種養生藥膳，香濃又回甘！必食澳洲和牛M5牛肩卷，油脂豐富、肉味香濃結實又爽滑～安格斯牛小排豐富大理石花紋，入口鮮嫩多汁，細緻又軟嫩！安格斯一口牛肉粒雪花分布均勻，醇厚多汁好爽滑，勁JUICY～牛胸爽牛味豐富，食落好爽脆，香而不膩。推介章魚珍珠漿，鮮味十足又爽彈。韭菜水餃好綿軟，肉餡多汁口感佳。蔬菜類有爽甜栗米、碧綠又脆嫩既萵筍等。最後更附送MOVENPICK雪糕，濃郁奶香，口感細緻，畫上完美句號，正～

而家喺香港平日夜晚5PM有咩餐廳會坐滿人？ 竟然係牛大人😱 一來已經早兩星期book定枱，二來仲要咁早已經全院滿座，搞到黎朝聖驚我期待度提高咗好多🆙🆙🆙😝Menu:估唔到牛大人嘅湯底都幾多獨有既選擇，討論咗一陣，我地最終決定order：1️⃣ 湯底：·牛大人紅燒牛骨鍋🐮2️⃣ 食物：·脆肉鯇魚腩·鮮甜海蝦·新鮮沙白·澎湖花枝漿·章魚珍珠漿·真味牛肉漿·手切封門柳·安格斯一口牛柳粒·澳洲和牛M5 牛肩卷·安格斯牛小排·牛媽秘製滷大腸·私房鴨血·澳洲和牛牛丸·士林豬肉糕·花蓮扁食·瓜仔雞水餃·台式蝦餃以上咁～多款食物中，澳洲和牛M5 牛肩卷真係好高質，仲要任叫🙈 我地食完一碟又一碟🐮 手切封門柳牛肉味的確幾濃，但係相對一片片嘅和牛會比較有咬口😌 仲有佢地跟餐送既澳洲和牛牛丸，每人得兩粒，一咬開陣個股牛肉味道，係我打邊爐生涯中食過最好食既牛丸🥺👍🏻 但追加要$58先有3粒，所以就放棄左😔 另外都要讚下佢地既鯇魚腩，即使我哋淥咗好一段時間，拎翻上黎食塊鯇魚腩仍然完整，唔會已經散開晒🤩 第一次淥滷大腸，估唔到又幾入味，唔通係餐廳一早醃定既？🤪3️⃣ 飲品：·菊花普洱·白桃烏龍·桂花烏龍·洛神花茶其他從市面上

天氣最近涼涼地，好想打邊爐，同另一半去打邊爐，一諗打邊爐我哋諗起牛大人，因為我哋兩個好喜歡牛大人有靚牛之外仲有最喜歡佢台灣小食，每次都會每位送兩粒 澳洲m9和牛牛丸，食落好香牛味，好多汁。～自助區有自制茶類，汽水之類，菜類，丸類，魷魚🦑，牛柏葉之類，調味料區，仲有滷肉飯，～湯底簡單叫番茄🍅湯，清清地健康啲，佢好濃番茄味道。每次我都會食佢啲台灣小食，魚木皮蛋豆腐，食落好清淡，個醬汁係同皮蛋豆腐好夾，糖不辣酸酸甜甜，好開胃，當然唔少得鹽酥雞，食好脆口。宜家限定牛胸爽，試左食落好香牛味食落去好爽口，我忍不住叫左兩三次食。牛方面，我最愛食澳洲m5和牛牛肩卷肉質嫩滑，脂肪平均，牛味好濃，到甜品時我簡食台中仙草凍，好好食。

旺角有兩間牛大人，一間係瓊華中心，而今次去果間係荷李活商業中心既地庫，晚市7點幾一落到去已經好多人排緊隊，不過其實入面好大有好多空位，服務員做緊分流，好快都有得入去。位於地庫電話收唔到電話，記得用反佢個WiFi，密碼係張單同牆身都有。佢既火鍋湯底有好多選擇，服務員話最出名係個牛骨湯，一於揀呢個，個湯好香牛味，入面都有好多舊牛骨，個湯重料。食物可以用QR code上網落單，啲野食上既速度超快，菜就可以係出面自己拎，但建議一開始就拎或者等晏少少，因為好多人同一時間入座，會突然間好多人排隊拎。

天氣轉涼，特別想打邊爐🥰🥰打邊爐性價比最高當係牛大人啦，星期五既超級多人🤧 等咁耐梗係要番個120分鐘澳洲極上和牛吃到飽先夠數啦叫左藥膳牛蒡鍋超級多莞茜😍😍 牛蒡都好多，飲落好滋潤補身，聽話牛蒡可降血糖、血脂，打邊爐就岩晒呢個套餐送每人兩粒和牛丸，味道真係好食啲，牛味濃郁同特別多汁🤤🤤各款既牛肉M5和牛肩卷、安格斯一口和牛粒等都係必點必encore!另外必點梗係啲魚滑，全部都好特別，叫左個瑤柱款同墨魚滑，好味好味🤩自助區都好多野食飲品叫左有酒精既冬瓜茶，幾特別最後每人有movenpic 或Häagen-Dazs 雪糕，我試左Häagen-Dazs 最新抹茶加朱古力，開心🥳

🍔食物質素：👍🏻👍🏻👍🏻💵價錢性價：👍🏻👍🏻👍🏻📸打卡指數：👍🏻👍🏻👍🏻🪑環境衛生：  👍🏻👍🏻👍🏻👍🏻🤵🏻店員服務： 👍🏻👍🏻👍🏻想知道又靚又好玩地方， fai.lok仲會分享張相攝影心得， 記得follow 本身fai.lok想lunch時間一個鐘快食個打邊爐，去到先發現book位只可以食90分個套餐，唔可以揀60分鐘個套餐，各位訂位要小心。午市套餐有分3款牛肉:精選嫩牛 $138特級安格斯 $168極上和牛 $198fai.lok揀左特級安格斯 $168，特級安格斯套餐可以點到埋精選嫩牛牛肉，餐廳可以掃瞄QR code 落單，出面有自助區，有醬油，麵款，丸&菜類，飲品，雪糕，醬油牛大人有好多秘製醬油，試完都唔係好岩fai.lok，最後都係自己調最岩。丸&菜類基本丸&菜類都有齊，你會見到牛大人個雪櫃係真接噴煙，同埋一盒盒裝好，幾衛生。麵類麵類就比一般邊爐鋪多好多麵款都好少見，應該都係台灣個邊比較多人食。飲品飲品有齊基本有既飲品，依兩款就特別啲，都好好飲，覺得洛神花茶酸酸地開胃啲，又岩打邊爐飲。滷牛肉一心見個名係滷牛肉以為係滷肉飯，但佢唔似係滷肉飯，應該係肉燥飯多啲。阿嬤養生濃湯鍋打

牛大人120分鐘吃到飽套餐😇澳洲極上和牛🐮$258 (假期另加$10)天氣開始轉涼，係時候食返啲熱嘢暖下身😎去到依舊好多人排隊等候😅幸好有Book位，排一陣就入得😬同上次一樣都係食澳洲極上和牛套餐😇款式種類夠曬多，啱晒我呢啲鍾意牛肉嘅人😛湯底就叫咗牛大人紅燒牛骨鍋🍲係有少少辣，不過都幾惹味😋落單叫嘢食可以用手機Scan Code去落Order📱醬料、配料同飲品就係自己出去攞😇而我每次嚟都會響出面整返碗滷肉飯🍚飲品當然要試佢哋多款嘅冷泡茶🍵消滯效果好，而且冰凍又解渴☺️我亦試咗18+冬瓜茶，由威士忌同台灣冬瓜茶調配而成🥃易入口，甜甜地，都幾好飲🥳每次嚟到食火鍋，主要都係食澳洲和牛M5牛肩卷🐮但估唔到呢度都竟然有牛胸爽😍我最鍾意用和牛夾住牛胸爽一齊食😚呢個食法完全帶出牛肉嘅香味同鮮味🥰另外仲有海鮮、台式丸類餃類等配料同小食😛必食牛媽秘製滷牛筋、台式蝦餃同瓜仔雞水餃🥟最後當然要食埋甜品先離開😋可以選擇雪糕或者台中仙草凍😆我就梗係揀雪糕啦，有Movenpick Strawberry🍓亦有Häagen-Dazs綠茶朱古力味雪糕🍫牛大人台灣火鍋吃到飽 (荷李活商業中心) (旺角)旺角彌敦道610號荷

食個生日lunch 之前book 左，入場好快，小食嚟得快，肉食嚟得好慢，攞額外食物地方好細。搞到人撞人，地方設計比起其他大部份自助火鍋店差。D丸除了牛丸貢丸，其他一般。小食係好食。油炸鬼，鹽酥雞，台灣香腸。皮旦豆腐。扣多分係明明我哋點多左牛完全冇嚟，我哋係食肉獸，冇肉食好慘。明明last order 前叫的，好似特登唔俾咁，朋友話尖沙咀，荃灣嘅質素同旺角店差天共地，相差甚遠。佢話在其他地點下午有紅棗飲料，旺角呢間又冇…香港火鍋大把選擇暫時唔會再去啦。