牛大人台灣火鍋吃到飽 (加拿芬廣場)

营业中

休息中

要食高質打邊爐任食，牛大人是不二之選！當日人頭湧湧，幸好有預先訂座呢，環境寬躺有10種湯底可選擇，火鍋配料同埋飲品亦有好多選擇。我地叫左個個牛大人紅燒牛骨鍋，非常適合打卡拍照，牛骨湯底味道香濃又冇味精，我好中意。高級的安格斯牛小排同埋澳洲和牛M5牛肩卷，牛嘅色澤同埋肉質都幾均勻，肉質鮮甜而且軟熟，非常適合火鍋呀。另外牛胸爽同埋澳洲M9和牛牛丸都好掂，牛肉味濃郁！ 不過M9和牛牛丸只限晚市架咋。牛胸爽帶有少量油脂，口感食落唔錯。即食系列: 魚香皮蛋豆腐、士林鹽酥雞、珍珠小香腸，係台灣嘅味道啊！台式火鍋配料好吸睛，有水蓮、手工大黑輪、瓜仔雞水餃、私房鴨血。。瓜仔雞水餃有驚喜，口感軟林，食得出好鮮味~~水蓮也很新鮮爽口。海鮮點了水餃鮮甜海蝦、美人花膠、脆肉皖魚片、脆肉皖魚腩，口感幾爽口，相信很新鮮的。另外樽裝飲品有自家製洛神花茶、桂花烏龍，好吸睛呢！最後甜品是仙草凍/雪糕，好岩夏天食。