牛品台式火鍋

营业中

休息中

如果去茶餐廳你哋會叫咩？鮑片火腿通粉？叉燒炒滑蛋飯？黯然銷魂飯？我就係沙爹牛肉派，配米粉配公仔麵甚至通粉米通我都一樣咁鍾意。咁來到火鍋店見到湯底選項有沙爹海鮮鍋當然都要叫嚟試試😍😍果然唔單止止到我鍾意沙爹湯底嘅癮，仲要超好味！沙爹海鮮鍋有濃郁油順嘅花生果仁味道加微微畫龍點睛嘅辣味，伴隨濃濃海鮮味道。海鮮味道來自大蜆、蝦同埋藍青口，就算滾耐咗都唔會變得梅或者爛蓉蓉👍除湯底以外個炸地瓜球都令我好吸引。以前去到台灣夜市每次都會買一袋二袋炸地瓜球，香脆又軟糯真係好特別好得意🍠

八號風球， 留咗喺屋企成日...同女友頂唔順出去海旁睇"風景" 再去搵食。行過樂道睇到有間門口幾式正，人頭二百幾嘅火鍋， 膽粗粗入去試下。入到去， 裝修企理乾淨， 門口位已聞到濃烈嘅台式麻辣味🤤食物：湯底好thick好正宗， 而且經常幫你加湯。食物選擇係唔夠牛大人多， 不過啲牛好食， 有牛香，脂肪平均。 牛丸好有肉汁，而且彈牙， 唔似其他地方成粒都係好粉。台式小食之中， 鹽酥雞同台腸都好食。 仲有個花雕醉雞件， 淥咗十分鐘食落口仲有花雕酒香味，勁! 食物份量剛剛好，唔會太多，唔夠嘅可以再叫。服務：職員態度好好， 收碟快，上菜快， 經常幫我地加湯。

牛魔王注意⚠️ 正宗台灣風味火鍋放題, 牛肉無限量供應❗️以牛肉等級分為兩種吃到飽任食放題套餐, 亦有多款台灣高質食材, 絕對能夠滿足一眾大胃王!由台灣廚師主理🇹🇼, 湯底、部份食材更由台灣直送✈️, 享受到台灣最地道的風味♨️~ 餐廳環境乾淨企理, 坐得好舒服, 最欣賞係呢度嘅抽風系統做得好好, 食完個身唔會有成浸火鍋味! 《自取區》食物選擇相當多元化! 火鍋配料有超過20多款, 部分由台灣直送✈️, 如台灣百頁豆腐、大甲崧化芋頭、A菜等等, 仲有其他特色食品: 包仔豆腐、花枝丸、台式肉燥飯等等👍🏻推介大甲崧化芋頭🍠! 大甲芋頭非常鬆化綿密, 芋香濃郁! 👍🏻飲品方面, 我推介試吓佢哋嘅自家製冷泡茶, 桂花烏龍茶 - 桂花嘅芬芳融入烏龍茶中🌼, 茶味香醇回甘, 可解膩《和牛火鍋吃到飽套餐》包括任食和牛、任飲台式飲料, 套餐仲會附送海鮮拼盤及棒球貢丸(每位一粒), 最後仲有Mövenpick雪糕🍦, 非常豐富! 一共有10款湯底供選擇, 有帶台灣風味嘅元氣養生鍋、牛品秘製麻辣鍋、酸菜白肉鍋、柴魚昆布鍋、花菇昆布鍋等等。我哋揀咗鴛鴦湯底 - 元氣養生鍋、剝皮椒雞湯鍋元氣養生鍋 - 湯鍋材料好足,

五味墨魚仔係原隻細細嘅墨魚🦑口感脆嫩墨魚仔煙煙韌韌十分過癮。台式原味香腸口感脆脆地又糯糯地，食到少少肥豬肉嘅油香味，中間白色粒粒部分韌韌地幾突出。顏色亦比平時嘅偏橙粉色。芋圓仙草係以飯碗大小嘅碗盤裝著，包括基本配料譬如話係三色芋圓、糖漬紅豆、黑糖珍珠同埋仙草。比較特別係佢地嘅仙草係切成一粒粒而唔係好似平時嘅仙草一大塊咁，味道清新帶少少輕微嘅草藥味🌿三色芋圓有紫蕃薯芋圓、黃蕃薯芋圓、芋頭圓，亦可以自行加入椰漿椰奶，可以自己揀選甜度自由度十分高👍

大部分識我嘅朋友仔都知道我係一個超級鍾意食水餃雲吞類嘅人🥟，每次只要見到有呢啲嘅餐點都一定會叫。平時叫開見開都係短短嘅韭菜豬肉餃子或者白菜豬肉餃子，但呢度有嘅係阿仔伯高麗菜豬肉水餃 同 阿仔伯韭菜豬肉水餃。阿仔伯高麗菜同埋韭菜味道都比一般嘅輕淡，草青味🥬唔重接受度好高。餃子隻隻飽滿塞滿菜肉餡，味道清甜多汁啖啖滿足😍除左餃子佢地仲有特色丸類，例如黑萌萌嘅墨汁花枝丸。花枝丸有細細粒花枝之外,混合咗香濃墨汁，口感爽滑彈牙味道濃郁🦑。有桌頭特別得黎又好好味🖤。

咁多款唔同味道嘅丸子類裡面我最鍾意個花枝丸，感覺佢嘅口感比一般食開嘅帶更加強烈濃甜味同埋油香，亦都更加彈牙。花枝丸混合咗少量花枝碎塊，可以咀嚼到花枝微脆嘅口感，越咬越有味道，越咬越香🐟 元氣養生鍋有啲雞件、人蔘、蟲草、紅棗同埋大量杞子，有得飲又有養生材料食，非常十分之豐富🤩雞味濃郁同人蔘、蟲草、紅棗、杞子嘅味道又好平衡，飲多幾啖好似覺得皮膚會變得更亮更滑滑咁😍雖然表面泛咗少少雞油但齋飲都唔會覺得油膩。加入非牛肉譬如西班牙豬五花肉都會好配合味道好香濃。

好似話西班牙豬肉嘅口感係最接近和牛嘅，呢度有得任食西班牙栗飼豬五花肉同埋西班牙栗飼豬梅肉就當然要測試下試試佢😋 豬隻經過栗子餵飼方法培育所以不飽和脂肪酸含量多，栗飼豬肉肉味濃郁，口感鬆化，做到少少入口即融嘅效果。另外都試過安格斯牛板腱，呢款牛肉部位係最近幾年興起嘅，有牛肉鮮嫩嘅口感又有牛肉濃郁嘅香味🐮湯底叫咗兩款味道，一個酸菜白肉鍋一個沙爹海鮮鍋。前者有酸菜嘅鹹酸味又有豬肉片嘅鮮甜味道；後者就比較濃郁濃稠，又花生味又有海鮮鮮甜味🌊

宜蘭？宜蘭係咩黎架？出名啲咩？相信聽過宜蘭嘅人應該同我一樣都係知道佢地以三星蔥出名。聽聞因為產地靠海，水質較佳，而且土地地力比較好所以令三星蔥成為台灣蔥類裡面蔥白最長、纖維最細緻嘅一款。宜蘭蔥餡餅內餡就係呢啲咁靚咁口感細膩嘅三星蔥，咬開餡餅會爆汁非常juicy🥬食到蔥香、甜味同埋胡椒粉味，三者平衡好好。台式第一鹽酥雞外皮十分香脆，有一粒一粒依附喺外皮，咬落會喀滋喀滋非常脆口🐔每一碟係用個細兜裝著三四舊左右，份量啱啱好感覺又唔會話太熱氣，如果覺得唔夠又可以追加，都非常自由度高。

美食類❤️有比較高汁嘅鹿兒島黑毛和牛同美國封門柳。前者鹿兒島黑毛和牛口感柔軟，油花同肉分布均衡，味道都唔會話太過份地變得太油膩；後者封門柳就係牛橫膈膜部位嘅肌肉，肉質更加鬆軟，就算渌左比佢變熟時間更長都唔會好容易變到好韌好乾🐮醬料類❤️有蔥花 芫荽香菜 蒜蓉蒜泥 白芝麻 薑蓉 紅辣椒 豉油 同埋好多種嘅調味粉好欣賞佢唔單單有齊平時常見嘅調味配料同豉油 仲提供唔同種類嘅調味粉同埋特色調味配料🧂有麻油同油蔥酥。將油蔥酥加入食物都好有昇華嘅感覺。

見到唔少人都介紹過呢間火鍋店嘅火鍋鍋底同埋常見肉類配料，我地就特別啲唔講呢幾樣，反而係介紹下佢地嘅台灣直送小食啦😆♨️蟹子墨魚漿感覺似係用新鮮墨魚打製而成，裡面包含左粒粒墨魚肉，就算係放入鍋烹煮一段長時間後墨魚漿口感依然爽口彈牙食到墨魚肉嘅存在。好欣賞佢加入蟹子而且份量都唔少，加入蟹子 會令味道更鮮更甜，口感清脆。♨️手工蝦滑蝦滑首先我最介意嘅點就係有無腥臭味呢❓呢度呢款絕對0⃣腥臭味！一向打邊爐都好鍾意叫蝦滑因為佢唔需要剝殼或者去蝦線咁麻煩👍只需要簡單煮一下撈出嚟就已經可以食

台式甜不辣原來係日本南方嘅魚板🍥做法係將肉、海鮮、魚肉等等嘅食材打成漿，再同麵粉混合，再油炸成型。因為經過油炸所以表面口感酥脆，裡頭是QＱ糯糯嘅口感。雖然經過油炸但完全唔會有油膩感，配上酸酸辣辣帶甜嘅甜不辣醬汁更加有感。表面見到擠咗橙色嘅醬汁，質地有一定厚度，甜甜嘅味道🍬參雜著一點點微辣🌶️。牛肉類最推薦1.安格斯牛板腱：牛肉🐮味道濃郁帶一點點嚼勁 2.鹿兒島🇯🇵黑毛和牛：外層有一片明顯嘅白色肥膏，肉質軟稔呈粉紅色，掉落無論係黑蒜湯底或者牛品湯底都十分入味又食到牛香味。

五星星滿分☀️咁耐無出街街食好野我地就落重本叫咗最貴嘅嗰個放題套餐，就咁牛肉肉類有八款、豬肉有兩款、羊肉雞肉海鮮蝦滑墨魚滑都有。我地嘅牛御品同低一級牛極品等級相差在於：1. 牛肉等級升級從澳洲M5和牛至澳洲M9和牛2. 多左美國封門柳、蟹子墨魚漿、手工蝦滑、牛品牛三寶、安格斯一口牛、五味墨魚仔、香辣青口同埋麻辣牛展咁多款肉類裡面我最喜歡安格斯一口牛🐮細細粒一口大小，肉質鬆化無筋位入口即溶，非常過癮！麻辣鴨血就屬於惹味之選，口感qq又濃味🌶️ 有麻有辣又有啲藥材味道

任飲任食嘅牛𝚇、𝚇牛火鍋幾乎隨處可見，食黎食去都無咩邊間特別出眾🧐 今次嚟到喺尖沙咀開業不久嘅台式火鍋「牛品」，強調湯底來自台灣原汁原味送上，希望會有點新意思😎《 牛御品吃到飽套餐 》任食套餐有三款，由上品、極品到御品，成為會員會有折扣優惠又會送鮑魚人頭一隻，所以好豪氣就叫咗最貴嗰個，諗返都覺得有啲衝動😂 因為御品只係多咗封門柳、一口牛、豬梅肉同一啲手打滑配料🙈湯底加$50轉鴛鴦鍋 — 沙茶海鮮鍋拼元氣養生鍋🍲 由於店舖強調湯底來至台灣，所以都幾期待，沙茶鮮味突出但未算好濃郁，元氣養生鍋入面人蔘嘅苦澀味蓋過其餘嘅鮮味，整體普通冇咩特別🧐至於配料方面亦少選擇，海鮮只有蜆肉、青口，牛肉如果一次過叫晒，基本上無牌仔嘅話都分唔到邊啲係靚啲嘅和牛肉，任食黎講牛肉亦切得比較薄，頭一𝘙𝘰𝘶𝘯𝘥叫嘅牛柳粒得3、4粒🤨 至於自助吧方面，好多食物好早無晒都冇再𝘙𝘦𝘧𝘪𝘭𝘭，一心想試嘅台式滷肉飯無晒飯都無𝘍𝘪𝘭𝘭，蔬菜只有粟米、西洋菜、油麥菜等，丸類亦只有寥寥數款🙁 麵類竟然得王子麵同烏冬，更唔好提甜品同飲品類，幾百蚊得咁少野揀都幾唔抵食🙁總括而言質素比大部份任食火鍋仲普通，食物款式少，絕對有其他更好嘅選擇

我地呢班超喜歡周圍覓食嘅神隊友👯‍♀️👯‍♀️又係時候出出動了而一直熱愛食火鍋🥘嘅我地今次就一於試吓牛品台式火鍋餐廳交通方便🚇座位舒適🪑即時入會仲有迎新優惠九折及免費鴛鴦湯底神隊友👯‍♀️👯‍♀️們選擇左牛上品吃到飽套餐湯底🍲牛品秘製麻辣鍋及元氣養生鍋🍲麻辣鍋小辣🌶巳好入味 養生鍋蔘味濃郁雞件嫩滑🐓台式小食🧆大量台式小食提供有D款式我自己都未食過 係大家咁耐都冇得🛩嘅情況吓實在有✈️左一轉台灣嘅感覺肉類🥩有美國牛胸腹 紐西蘭羊卷肉 牛舌片不過不失 牛有牛味🐂 羊有羊騷🐏火鍋配菜🥬種類超多 多到不能盡錄 新鮮企理 飲品🧋種類繁多 我地選擇左不用加💲嘅白桃烏龍茶🤑如果春陽茶事及啤酒不用加💲就更好了🤭甜品🍧只有檸檬愛玉芋圓及MOVENPICK雪糕 選擇實在那太小了 而且仲要限每人一款 對於甜品控嘅我們呢方面實在總括而言 用二百蚊左右咁嘅價錢有咁嘅環境質素 神隊友們又點會唔比LIKE呀！

好似好多人都鍾意冬天時候凍冰冰食打邊爐暖身同埋暖翻個腸胃，但原來都有唔少朋友仔鍾意夏天時候開行冷氣打邊爐，我當然都唔例外。🌶️鴨血滲係麻辣裡面，鴨血軟綿得黎又有啲咬口，絕對唔會太硬太紮實，而且吸收到麻辣汁嘅精髓，十分入味🥩肉類方面點左牛味濃郁肉質少紮實嘅安格斯牛板腱同埋肉質非常鬆軟帶明顯白色肥膏部分嘅豬五花👵元氣養生鍋一開始飲到淡淡嘅人蔘味，伴隨著其他食材雞嘅味道。跟住湯底味道會越煮越濃, 人蔘味會越來越突出但又唔會過鹹，味道感覺好滋補。好似飲完都會變靚靚咁😳