牛品台式火鍋

营业中

休息中

西班牙栗飼豬梅肉經過長時間栗子餵飼方法 肥膏部位同埋分佈比其他品種嘅豬隻少但都無阻佢肉質軟稔鬆軟☺️ 反而係無咗嗰種肥豬肉嘅油膩感覺，更輕盈至於又重保留豬肉香味🐽 相信以後見到栗飼肉我都一定會點 因為呢個質感真係好少食到又好啱我口味😍😍 呢款豬梅肉配搭同樣用豬肉做基底嘅酸菜白肉鍋就啱哂啦！跟住食嘅牛板檢就同另一款湯底牛品一品鍋同樣絕配：牛板檢有咬口牛味濃郁，牛品一品鍋就因為加入唔少牛部位所以牛味同樣濃郁，同牛板檢嘅味道相輔相成😍😍

麻辣火鍋❓麻辣鴨血❓任食放題❓牛肉豬肉任食❓我鐘意啊 不過晚市食咁heavy都係唔好啦🥲 唔緊要架 午市嚟到呢間尖沙咀牛品都有齊以上咁多款嘢食😚午市套餐有分60分鐘同埋90分鐘認識套餐，我地就叫咗好似係最高級嘅牛御品，有咁多款食物任食都只係$269，超級物有所值🥰鹿兒島黑毛和牛同安格斯牛肩胛都好香濃牛味，油花分佈平衡👍🏻除左肉類仲有啲充滿台灣味道嘅小食，例如係麻辣鴨血、台式甜不辣等等。麻辣鴨血同平時香港食到嘅即食鴨血真係好唔同，口感更加軟乎乎更入麻辣味道🌶️ 十分之滿足

台式甜不辣又名為台式魚板🍥或者台式魚糕。廚師首先會混合魚肉、豬肉同埋各種海鮮打成魚漿狀，黏黏稠稠。然後會放落鍋油炸，令外皮上色變成誘人嘅金黃色，外皮微微脆然後內裡魚漿餡又保持到軟軟黏黏好軟糯嘅口感，配搭表面加上嘅甜不辣醬汁，味道酸酸甜甜帶點辣都頗有層次，而且味道正宗，十足想當日係台灣夜市食到嘅味道🇹🇼好懷念啊😭😭😭湯底方面我地叫嘅係牛品台式麻辣鍋🌶️紅辣椒同埋辣椒乾份量多多浮哂上面樣貌睇落好犀利，味道又剛剛好都辣得幾溫柔🥰 創新食法將啱啱講嘅甜不辣點一下麻辣湯原來都幾好味，甜不辣嘅炸皮會迅速吸收麻辣湯味道，變得軟少少更索味🥳

左邊係牛品一品鍋右邊就係元氣養生鍋。基本上我地都已經回訪左兩三次，每次嚟到都必點呢兩個湯底。個人喜好牛品一品鍋就煮牛肉類，牛味可以濃上加濃，屬於重口味人士之選，我自己就超級鍾意，超級啱我胃口😋 元氣養生鍋我就會落啲蔬菜類、海鮮類同埋豬肉，因為元氣養生鍋湯底味道同牛鍋相比之下比較淡，更有養生滋補嘅味道，所以就算落嘅材料味道本身比較淡都唔需要怕食唔到食材嘅原味，依舊會食到食材味道加上湯底鮮甜帶微微藥材嘅味道🥣除左日常常見配料仲有充滿台灣味道嘅春陽飲品，解暑又解熱氣，熱辣辣火鍋配搭凍冰冰、清涼又微甜嘅冬瓜茶簡直堪稱絕配🧊

花雕酒雞件嘅雞件屬於比較紮實有彈性嗰種，唔係最最最嫩滑嗰啲 但都唔會乾或者太老 感覺上恰到好處🐔 每隻雞件上面都好精緻咁樣放咗一粒杞子 雖然味道唔會話食雞時食到杞子味道 不過見到都會覺得更加養生更加滋補😍 另一款項重點推薦嘅當然係安格斯牛啦 今次叫嘅係牛板腱部位 肉質有嚼勁又有濃濃嘅牛香味🐮如果想牛肉味道更突出更濃郁或者係牛魔王嘅更加可以將佢放入牛品一品鍋煮熟 牛肉香甜味道會更加明顯 配搭非常得宜🐮

台式肉鬆皮蛋豆腐最關鍵往往唔係肉鬆或者皮蛋或者豆腐，而係調味嘅醬油膏。佢哋呢間餐廳嘅醬油膏配方味道比較偏甜，加入醬油同埋糖之後味道唔會偏咸，反而係咸甜適中入口滑順。皮蛋同豆腐都好夠凍，作為冰冰涼涼嘅前菜十分開胃，絕對令你想連個碟都舔乾淨👅跟住又叫左個五味墨魚仔🦑墨魚仔都比較少食到。墨魚仔口感爽口又帶點煙韌都幾得意，而且調味都十分清新輕盈唔會油膩或者太過濃味令你覺得好有負擔👍加入蔥花整體更加清新，同埋增添爽脆口感，而且啡中帶點綠都幾靚仔！

所以話打邊爐真系一年四季都啱食、一年四季都有捧場客😋 我地正值夏天差唔多三十度來到尖沙咀呢間台式火鍋餐廳 就算咁熱都有好多人排隊 餐廳已經坐滿座！下驟五點半來到我地叫咗$279嘅牛御品吃到飽套餐🥢 看餐牌見到有多達十款湯底，有幾款我地都好感興趣，所以就價錢叫咗個鴛鴦鍋可以一次過試到兩款：沙茶海鮮鍋+酸菜白肉鍋。兩款湯底都各有特色😍前者鹹鹹辣辣，後者就酸酸甜甜。另外都可以單點細細碟嘅小食例如台式甜不辣、麻辣鴨血、宜蘭蔥餡餅、炸地瓜丸等等，充滿台灣風味🇹🇼

我一向都鍾意食辣，食米線會叫麻辣湯底酸辣湯底 食四川菜都鍾意叫麻辣燙，今次食打邊爐見到麻辣鍋當然都要試試！呢度係台式麻辣鍋就唔係四川麻辣，味道辣中帶甜就無四川麻辣咁嗆咁刺鼻🌶️ 從來都好鍾意食麻辣湯底叫肉類煮嚟食，因為可以索到辣辣嘅味道🥩叫咗兩盤澳洲M9和牛，慢慢咀嚼後，嘴裏溢出香濃的和牛肉汁。 和牛🐮肉質口感嫩滑，雪花牛肉結構肥瘦相間，入口即化，肥而不膩。花雕酒雞件🐔肉質紮實又唔乾，帶啖啖淡嘅花雕酒香味同埋新鮮薑嘅辛辣感，食完好似會好暖胃嘅感覺。

酸菜白肉鍋裡面除左有大量酸菜之外仲有豬五花肉。酸菜大大片而且份量俾得好多，味道酸酸甜甜又好爽脆有口感🥬。每片豬五花肉都有一層油花間隔一層豬肉，食到明顯油脂香氣同豬肉口感，肉質鬆軟完全唔會乾唔會鞋，十分出色，有啲啲入口即溶化嘅效果🐽。鴛鴦鍋嘅另外一邊係可以話係完全唔同感覺嘅沙茶海鮮鍋。沙嗲同沙茶嘅分別在於沙嗲質地偏稠膏狀，辣中帶甜；沙茶醬就有輕微顆粒，花生味道較濃，屬於鹹中帶甜嘅花生醬，蝦膏味道突出而且強偏辣🦐。裡面加入蝦同貝殼類海鮮，增添鮮味🌊。

琴日本身約左同學仔放學一齊去食火鍋，預咗大約七點鐘會開始食。好開心提早咗落堂，所以就可以食到早一輪嘅火鍋放題：五點至七點。我地叫第三級別嘅牛御品，五點至七點時段係$279，比七點至九點時段嘅$319平左四十蚊，兩個就省到八十蚊👏 身為愛美一族我同同學見到有個寫著“養生”嘅元氣養生鍋就毫不猶豫嗌咗✌️佢都唔係得個名架 材料都落足，有人參 杞子 雞，味道鮮甜非常滋補。如果食到咁上下想湯底變得更濃味可以加入唔同嘅醬汁同埋醬料，我就將麻辣鴨血嘅麻辣汁加入元氣湯底。其實麻辣鴨血已經好好味架啦，鴨血質地Q彈好似海綿咁索哂啲麻辣汁🧽咬開爆汁嘅效果

”牛品牛品“品嚐牛肉嘅好地方。呢間牛品係由台灣廚師主理，湯底鍋料由均台灣直送，務求比香港人品嚐到真正正宗嘅台式原味道同埋新鮮嘅台灣食材，非常講究🇹🇼 火鍋湯底有十個選擇，有辣有唔辣任君選擇。十個鍋底裡面有四款標明”牛品推介“，分別係牛品一品鍋、牛品秘製麻辣鍋、沙茶海鮮鍋同埋元氣養生鍋，我地就揀咗當中嘅牛品秘製麻辣鍋。牛品秘製麻辣鍋唔單單有麻辣味道，仲有甜味滋潤，整體唔會太辛辣或者太搶味太搶戲，個balance做得好好👌肉類方面就最鍾意配合安格斯一口牛，的的色色入口幾乎即溶好爽快🐮

依家好多好多火鍋店都會推出午市套餐，呢間位於尖沙咀嘅台式火鍋任食餐廳都唔例外😍佢哋除左有火鍋套餐之外仲有便當🍱配台式飲品。有鹽酥雞扒便當、新竹炒米粉、南乳豬手便當、香酥豬扒便當、嘉義雞肉飯、沙茶四寶海鮮麵、台灣牛肉麵等等，有飯有麵任君選擇。我就叫咗呢個嘉義手撕雞肉飯。雖然唔知道亦都唔太識分辨佢哋用嘅係雞肉定係正宗嘅火雞肉，但係食得出雞肉肉質扎實得嚟帶點軟綿，細嚼雞肉會食到啲鹹味，表面仲加咗適量嘅油蔥酥，新鮮脆口、香氣濃郁🧅旁邊仲配上一隻數度完美嘅太陽蛋，令整體更濕潤。

🌶️台式麻辣鍋🌶️：味道中香味、麻味、辣味、鹹味、甜味五樣都平衡得好唔錯。鍋底包括咗大量新鮮紅辣椒、紅辣椒乾、辛香料同埋台灣鴨血。雖然鍋底顏色深紅色又好似比較混濁但係飲落都唔會好油膩或者太刺激，屬於比較溫潤嘅辣湯底。🐂澳洲M9和牛肩胛肉🐂：肩胛屬於牛牛經常運動的部位，所以筋肉發達，肉質較結實；而且肥瘦適中肥膏肉分布均勻油花又細膩。一睇就覺得係靚嘢，煮完渌完都好鬆軟有濃郁牛味。最神奇係就算台式麻辣鍋底味道超級香濃惹味都無蓋過呢款澳洲M9和牛肩胛肉嘅牛肉味。

以前睇youtube片見過有人介紹話係台灣必定要買罐蘋果西打飲，堪稱爲台灣必試之一。蘋果西打顏色比平時飲到嘅蘋果汁深色，味道帶濃濃嘅蘋果香甜氣味🍎 放喺雪櫃凍冰冰而且帶氣飲品邊食打邊爐邊飲的確好爽好滿足🧊最為深刻應該都係佢地嘅鍋底：黑蒜黃金鍋、酸菜白肉鍋。黑蒜黃金鍋睇落深啡色好似接近黑色咁，有好濃濃嘅黑蒜香甜味道同埋大量黑蒜頭；酸菜白肉鍋顏色雪白奶白奶白好似煲牛奶咁🥛但質地當然無牛奶咁滑順，反而係帶溫順嘅酸菜味道，鍋底仲有啲豬肉片，增加鮮甜肉香味🐽

每逢星期五我都會約朋友食個晚飯，食貴啲，食好啲，食豪啲。今日晚市時間來到呢間主打食台式火鍋放題的餐廳見到有分開四個級數，我地就點咗第三級牛御品，有靚牛肉M9和牛肩胛肉 同 黑毛和牛，分別來自澳洲🇳🇿 同 鹿兒島🇯🇵 一般而言兩者相比之下日本和牛比較有油脂，美國牛就會比較濃味，油脂無咁豐富，但因為呢款澳洲牛屬於M9等級所以油香都比較重，毫不輸洩🤤 海鮮小食方面我地試左五味墨魚仔🦑醬汁雖然係橙紅色但味道唔會太辣而係甜鹹辣味都有少少，蜻蜓點水嘅感覺🥄 層次豐富墨魚仔都好彈