牛品台式火鍋

营业中

休息中

八號風球， 留咗喺屋企成日...同女友頂唔順出去海旁睇"風景" 再去搵食。行過樂道睇到有間門口幾式正，人頭二百幾嘅火鍋， 膽粗粗入去試下。入到去， 裝修企理乾淨， 門口位已聞到濃烈嘅台式麻辣味🤤食物：湯底好thick好正宗， 而且經常幫你加湯。食物選擇係唔夠牛大人多， 不過啲牛好食， 有牛香，脂肪平均。 牛丸好有肉汁，而且彈牙， 唔似其他地方成粒都係好粉。台式小食之中， 鹽酥雞同台腸都好食。 仲有個花雕醉雞件， 淥咗十分鐘食落口仲有花雕酒香味，勁! 食物份量剛剛好，唔會太多，唔夠嘅可以再叫。服務：職員態度好好， 收碟快，上菜快， 經常幫我地加湯。