牛品台式火鍋

营业中

休息中

餐廳位置好近地鐵站，尖沙咀A1出口行幾分鐘就到，非常方便易搵，餐廳係1樓，上一層樓梯就會見到好闊落好光鮮既裝修，餐廳仲會播住台灣歌，成個感覺都好舒服牛御品套餐（17:00-19:00入座）$299/1位120分鐘任飲任食性價比好高，勁多品種野食，無論熟食定火鍋材料，仲要好食，平時話貴精不貴多，呢間係貴精仲好多🤣仲要值得一讚既係，重複叫唔同既野食既水準都保持得好好，完全唔會頭round先靚仔咁鴛鴦湯底 +$50酸菜白肉鍋+牛品秘製麻辣鍋(小辣）未食先飲湯🥄1️⃣酸菜白肉鍋湯色呈奶白色，湯頭酸而不嗆，口感好溫和，飲起黎有種好清爽既感覺，湯底入面都好足料，有好多半肥瘦既白肉，白肉吸收哂湯底既精華，非常好食😋2️⃣麻辣鍋麻香味十足，唔係死辣，先麻後辣食落好有層次，湯底入面仲有好多鴨血，非常惹味，湯底愈煲麻辣味仲出，麻麻辣辣真係好過癮呢個套餐*每位仲送一粒棒球貢丸，真係好大粒，貢丸肉質彈牙，食落啖啖肉勁滿足*仲有澳洲M9和牛肩胛肉❤️完全大愛和牛超濃牛香，連麻辣鍋既辣味都蓋唔過佢既牛香味，真係一定一定要食！除左QR落單，出面仲有自助區，就咁醬料區都好多品種，想再辣得過癮可以試下佢既自家辣椒油，熟食區有滷肉

話說今日已經預約咗去7:00去食放題一去到見到有個侍應嘅物體我哋問佢早咗度可唔可以提早入座都係照計返嗰個分鐘時間，佢話可以！不過要掃咗安心出行同埋針卡先，去到reception有個女人同個男人企喺度個女人串過碼頭咕喱我哋掃完晒所有嘢見到佢有做promotionLike 佢哋嘅page會有鍋底折扣跟住佢要我哋做登記咁好啦登記完都未到七點我哋諗住就入定去坐低等因為天氣太熱點知個女人話唔可以提早入座……跟住我下一點解呀都係照計時間咋嘛明明就好多枱喺晒度，都唔俾人入咁頭先個男人就唔好同我哋講可以提早入啦然後登記時候態度勁差超級冇禮貌冇禮貌到忍唔住問佢點稱呼，請問有冇公司卡片，然後佢嘅態度就唔該記得投訴我最後因為佢服務態度太差最後我哋選擇離開唔食，佢竟然喺臨走嘅時候係啦呢度都唔係好啱你食你哋去第二度食吧啦咁講野！呢間嘢真係請我都唔會再去！垃圾中嘅垃圾如果想做返起你個排頭，麻煩你先培訓下員工嘅禮貌！基本禮貌都冇學咩人做飲食本人絕非打手！只係將我親身經歷share俾大家

宣傳寫到有幾十種台式小食，本人被其宣傳吸引，終於訂位和朋友一齊去試試，滿心期待，但實際令人很失望，選擇種類不多，火鍋區的選擇比一般火鍋放題的小很多，宣傳話很多蔬菜都係台灣運到，包括台灣水蓮，但眼見只係一些很普通的唐生菜，菠菜之類，小食就更加貨不對辦，至於甜品就只有雪糕和芋圓，當入座時柜枱小姐對我們說每位甜品有雪糕，芋圓，當我們找職員點甜品時對方話佢地甜品有雪糕和芋圓，於是我問職員是否揀了雪糕就沒有芋圓，對方答係有2樣，我們就理解為每人會有雪糕和芋圓 ，於是就先點雪糕，當食完雪糕就再找職員點芋圓，誰知另一位職員卻說甜品係每人只可在雪糕和芋圓2選一，當時就跟對方理輪，是他們職員跟我們說係有2樣，所以我們先會食雪糕，其實大家都唔係太鍾意食雪糕，如果職員講得清楚D話2選1，我們一班人都只會揀芋圓，最後職員就找來一位似是高級嘅職員來，但原來呢位高級職員都只係同我地講甜品係2選1，對於這店裏面的員工與客人溝通唔清唔楚，令人有所誤會，實在太令人失望，原本連續2天都訂座與不同朋友去食，試咗今日嘅服務之後我馬上取消明天的booking,唔會再幫襯，亦唔會推介比朋友😤

今日放假去咗尖沙咀行街 突然之間好想打邊爐🤣所以就搵吓周圍有咩嘢食🤗見到呢間台式火鍋未食過就試吓啦🤭餐廳位於一樓 所以我哋要上樓梯先可以到達餐廳😙餐廳環境非常乾淨 座位都好闊落☺️同隔離位距離夠遠私隱度十足😙餐廳唔止提供午市套餐 仲有牛極品火鍋 性價比高 鴨血任食 而且食材仲要係台灣進口 🥰除此之外 店內仲有M9和牛🐥而家叫春陽茶事的飲品 仲可以有折扣價$20一杯(原價需$30-39不等)😆我哋就叫咗鴛鴦湯底 麻辣同埋酸菜白肉🤗麻辣湯底用料十足 入面仲有埋鴨血 係台灣嘅味道🥶好少地方會有酸菜白肉湯底 竟然呢間餐廳會有 仲要勁多白肉同埋酸菜 一啲都唔吝嗇😆牛肉有幾款可以揀 睇得出勁新鮮 仲好嫩滑🥰我哋encore佐幾round😚除咗牛肉之外仲有幾款餃子可以揀 自助吧有好多款唔同嘅蔬菜丸粒款式多到食唔晒 仲提供埋滷肉飯 🤪仲可以自己order小食 有甜不辣地瓜球午餐肉等等 唔使去台灣夜市都有得食😛醬料區仲有成10幾款醬可以自己溝飲品吧比起其他台式火鍋店更加多唔同種類嘅飲品可以揀😙

今日嚟到一間環境乾淨而且有少少古典味裝修嘅台式火鍋店😍元氣養生鍋mix牛品秘製麻辣鍋係我哋嘅選擇😋首先講吓美國頂級肩胛肉，雪花均勻肉筋少，色香味美，香嫩可口，大理石花紋豐富，薄切就最啱火鍋，加埋湯底融合埋一齊好美味，手工蝦滑口感亦都非常細滑😋鹽酥雞味道很夠、炸得好脆口👍甜不辣口感酥脆，唔會炸到太乾都唔油膩~ 食完鹽酥雞食埋甜不辣都唔會驚熱氣啦～仲有海鮮：有青口、扇貝、鮑魚、蝦、蜆，全部都好新鮮、超鮮甜。青口啖啖肉，多汁肥美，佢個扇貝真係好大，好吸引！鮑魚咬口煙韌，蜆就大大粒溝埋湯底好Juicy😋咁好食嘅火鍋店下次點可以唔嚟👍

聽朋友講有間新開台式火鍋，上網一search來頭都唔細，一於去Try try😋環境整修得好闊，有別於一般嘅火鍋店，冇乜壓迫感，拎嘢食嘅時候就唔使下下驚撞到人啦😆我哋嗌咗柴魚昆布鍋溝豬肚湯鍋，好濃郁嘅湯底，唔會好淡，因為其他地方會比較淡😖豬肚湯都感覺新鮮唔會有陣怪味。鍾意食海鮮嘅我哋梗係要嗌海鮮啦：有青口、扇貝、蝦🦐蜆，全部都好新鮮，扇貝好大舊，鮮甜而且肉質細緻 ，蝦亦都非常之彈牙，蜆就比想像之中大粒，性價比極高～至於主打牛方面：我哋嗌咗精選美國牛胸腹🥩，打邊爐最常食嘅當然係佢啦，風味濃厚、油花豐富細緻，簡直一流👍牛擁躉們切勿錯過～服務態度亦都唔錯，果然係台式主打👍喜歡吃牛嘅朋友快啲嚟啦～

已經好耐冇去台灣，今晚一於去新開嘅台式火鍋店，身處於尖沙咀。環境裝修得真係好台式，食物、醬料擺放得乾淨整齊，令人感覺舒服心曠神怡🥳試吓佢個沙茶海鮮鍋mix酸菜白肉鍋先！好濃郁嘅沙茶味加上清甜海鮮味，感覺好新鮮🥳酸菜白肉鍋亦都好開胃，最適合鍾意食酸嘅我😋最出色係佢嘅蜆😋香口鮮甜又富粒粒嚼勁，而且大大粒，好滿足🥳蝦都幾大隻而且好爽脆彈牙😋值得一試👍仲有麻辣鴨血，充斥住湯底嘅精華，香辣又過癮，加上紮實爽滑嘅口感，一啖接一啖完全停唔到😋仲有佢嘅美國頂級肩胛肉，具豐富的大理石油花和堅實的肉質，油花分布均勻，加埋湯底真係唔話得🥳Service亦都唔錯，再加埋性價比高嘅食材，價錢又唔貴，真係要來多幾次先得👍🥳

行開尖沙咀見到新開左一間火鍋店，仲要係台式，當然要試吓啦😋餐廳環境樓底比較高，座位都比較闊，有梳化位，坐得相當舒服🥳鍾意食辣肯定唔會放過佢嘅牛品秘製麻辣鍋，一於嗌呢個試吓😋我哋嗌左：手工蝦滑、牛舌片、封門柳、花雕酒雞件。蝦滑就口感細滑，打邊爐我哋最鍾意就係食牛舌，因為牛舌有口感，但又唔會過韌，係我哋推介嘅encore之選👍 花雕酒雞件亦唔錯，有時食醉雞很怕醉過龍，令雞肉變苦，呢個醉得入味恰到好處，肉都滑。以台灣菜為主打，又點少得台式小食呢？如果你鍾意食台灣嘢嘅話，呢度有鹽酥雞、台式甜不辣，鹽酥雞味道很夠、炸得好脆口👍甜不辣厚度跟口感都比一般甜不辣更為好味，口感酥脆，裡頭係ＱＱ的，其實單食味道就很足夠，唔會炸到太乾都唔油膩~食起身冇油膩感，越食越想食😋另外五味墨魚仔嘅墨魚肉質都好煙韌，調味料落得好好，好回味😋係咪好吸引呢大家快啲去試啦🥳而且員工嘅服務態度都唔錯，食得開心又滿足🥳

牛品台式火鍋今日放工即跟超喜愛食放題火鍋既朋友去樂道(即Isquare 後面巷仔) 新開既牛品台式火鍋試試。地下門面比較細，有Anson Lo 的紙板人像，要行樓梯去上層先到餐廳。上到去非常光猛乾淨，木系裝修。 店主熱情地招呼。在餐廳中間可任拎飲品, 除咗有一般汽水選擇外, 仲有自家沖嘅天然茶飲，白桃烏龍、桂花烏龍、洛神花茶。如在店內點春陽茶事的飲品，即可享折扣價$20 一杯（不價$30-$39一杯）還可夾疏菜類、丸類、菇類、豆品類及瓜類等回位打邊爐。 而熟食方面，亦有鹵水豬手及鹵肉飯。我們選了120分鐘晚市吃到飽套餐。性價比高。食材全由台灣進口，鴨血任食。 牛上品、牛極品及牛御品選擇。我們選了最貴既牛御品。價錢如下。17:00-19:00入座 $17919:00-21:00入座$21921:00-22:00入座$199小童/長者(任何時段) $10917:00-19:00入座 $21919:00-21:00入座$25921:00-22:00入座$239小童/長者(任何時段) $15917:00-19:00入座 $29919:00-21:00入座$33921:00-22:00入座$31

之前去台灣旅行都會預留一餐食台式吃到飽火鍋😋而加香港都有得食架喎！火鍋配料仲要係台灣直送嘅添啊！😍😍😍湯底🍲揀咗元氣養生鍋同酸菜白肉鍋，兩款湯底都真材實料元氣養生鍋入邊中好多人蔘、杞子、蟲草等等藥材，仲有一啲雞件添！酸菜白肉入邊有好多酸菜，五花籃肉片好爽彈，好味道！食呢個餐仲每人送一隻鮑魚！都好大隻好新鮮㗎！除咗呢隻鮑魚之外仲有得任叫蝦、花甲、青口等海鮮吃到飽火鍋當然唔少得肉類啦！牛肉都有七款揀🤩 最開心就係有得任食澳洲M9和牛肩胛肉食！油脂勁香呀！餐廳有兩個火鍋餐可以選擇，係牛上品同埋牛極品，今次我叫咗牛上品試一試先✌🏻😋估唔到連封門柳都有得食！🙌🏻🥳🥳食肉獸表示真係好開心！打邊爐唔少得一定要食娃娃菜同油麥菜！呢度啲菜全部都好甜好新鮮！🌱另外仲有好多台式小食可以叫，鹽酥雞、地瓜球、滷水牛展牛肚等等！唔講唔知去咗台灣夜市添🤣嘢飲方便有手沖嘅白桃烏龍、桂花烏龍同洛神花茶！食咗咁多野飲番幾杯無糖嘅茶，好消滯啊！正！一個價錢可以食到咁多台灣嘅嘢食，真係好抵食呀！重點係味道好好味😋📍𝕃𝕠𝕔𝕒𝕥𝕚𝕠𝕟:牛品台式火鍋 (尖沙咀)尖沙咀樂道32-34號1樓

難得平日放假，去咗尖沙咀「牛品台式火鍋」品嚐午餐。餐廳中午時段設有台式午市套餐或90分鐘午市吃到飽套餐可供選擇。食材由台灣進口，鴨血任食，店內仲有M9和牛，性價比高👍🏻凡於店內點春陽茶事的飲品，即可享折扣價$20一杯餐廳推介左兩款主打湯底：元氣養生鍋及牛品秘製麻辣鍋，辣度可選大、中、小辣🌶養生鍋以鮮雞、紅棗、杞子及黨參等等配料熬製而成，滋補養身，男女老幼都啱👍🏻麻辣鍋加咗大量辣椒🌶香料及鴨血，又麻又辣，香濃味美用餐位置附近設有醬料區、飲品、自助食物及火鍋配料專區，種類繁多，任君選擇，非常方便台式小食多款台灣小食可選，台式甜不辣及鹽酥雞都好出色，邪惡滋味阿在伯韭菜豬肉水餃 & 燕餃皮薄餡靚嘅韭菜餃，充滿韭菜豬肉鮮味！燕餃口感彈牙，有少少似港式魚皮餃花雕酒雞件一客有三件，嫩滑無比，鮮雞味濃，同時帶陣陣花雕酒香安格斯牛板腱中間有少許筋膜，口感彈牙，肉味香濃頂級美國肩胛肉脂肪油花分布均勻，入口軟嫩，牛肉味最濃郁突出紐西蘭羊卷肉薄切羊卷肉，口感細膩，滿載羊肉羶香西班牙栗飼豬梅肉豬梅肉偏瘦，肉質香軟腍滑，豬味濃郁

前幾晚跟好友來到的這家台式火鍋蠻不錯！！我們選了"牛御品"的套餐，點了鴛鴦鍋底酸菜白肉鍋跟養生鍋底均做得很對胃前者酸度醒胃，沒有膩感後者感覺滋補，有淡淡的參湯藥材味道啊☜☜肉類方面有和牛肩胛肉可任意追加，有夠滿足喔✔✔✔不吃牛的也有豚、羊、雞和魚可選～海鮮種類也有3-4款啊 ♡♡♡其他火鍋材料、醬料和飲料可到自助區自取而且質素也不錯，蔬菜也夠新鮮～亦可找到在台常喝的飲料最有驚喜是這家的台式小食和前菜的口味很地道是真的有像在當地吃到的感覺嘛！！！超級推薦滷水三寶、甜不辣、麻辣鴨血和豬血糕，不吃會後悔啊xppp不過這家的甜點只限每人一客，可選台式芋圓愛玉冰或冰淇淋，因為芋圓感覺很有飽足感，所以我倆都選了香草口味的冰淇淋作結真的好喜歡在吃過鍋物後再吃冰品的感覺，很爽derrrrrr

今日嚟到呢間入圍我最喜愛食肆嘅火鍋店朝聖下睇下咩料先😋第一時間梗係要嗌我最鍾意食嘅鮑魚— 味道鮮甜，爽身煙韌，唔錯唔錯😋 青口選材是平日常見的尺寸，份外肉厚肥美，更令人驚喜的位置是其嫩度，細嫩非凡，絶不遜色👍之後我哋嗌左個西班牙粟飼豬五花，栗飼豬肉味濃郁😋簡單醃製已能呈現鮮味🌟肉質肥瘦均勻，入口軟嫩多汁，口感鬆化🤤更含豐富蛋白質及礦物質 ✨✨同屋企人食梗係要食得開心又健康👍介紹翻佢個重點湯底先：沙茶海鮮鍋mix酸菜白肉鍋，非常特別的湯底，大家可以值得一試。再加埋佢嘅服務態度，難過呢間會入選我最喜愛食肆啦👍👍👍位於尖沙咀樂道，尖沙咀出口A一出口2分鐘就行到啦🥳

今日FD請食飯，話請我去一家養生鍋底好掂啲臺灣火鍋，咁好期待啦。哩間火鍋晚市有3款套餐可以揀，喺牛上品，牛極品同牛御品。FD好壕啲請咗最貴牛御品套餐，咁多謝啦！牛御品套餐都幾多嘢揀，除咗平時食開啲火鍋配料，仲有鴨血，臺灣香腸等任食TIM。任食當然要揀多D，澳洲M9和牛肩胛肉， 紐西蘭羊卷肉，海鮮，花枝滑，封門柳，牛舌等乜都試試，如果仲覺得唔夠款式，出面雪櫃仲有好多蔬菜同丸任揀，食材全部都喺臺灣進口！鍋底揀咗FD最推薦啲元氣養生鍋同酸菜白肉鍋。兩款鍋底配料都好豐富，元氣養生鍋裡面有雞肉，紅棗，蟲草花同人參等藥材，酸菜白肉鍋有大大件白肉同酸菜。煮開先飲碗湯先，養生鍋真喺好掂，湯底好清甜，伴有陣陣藥材香味，藥材味唔會過重，遮蓋住湯的鮮味，真喺好飲。澳洲M9和牛肩胛肉一份有2件，因為大大件同埋夠薄身，入到湯底10秒已經可以食啦，牛肉食落好重牛味，入口即化，超好味。因為只得牛御品套餐可以揀M9和牛，我們當然要多食幾份才夠本啦！套餐仲送咗1粒棒球貢丸，真喺棒球更大，食得出喺手打嘅，勁彈牙同埋好JUICE，唔錯，可惜一人只得一粒。海鮮都有3款可以揀，蜆好新鮮，冇沙，嗦咗D湯底味道，食落更加鮮甜，唔錯

喺尖沙咀放工之後，想即興打邊爐，就去咗呢間牛品台式火鍋，120分鐘任食系列，咁就開始我哋嘅晚餐😆餐廳格調偏向溫暖淺色，俾人一種好舒服嘅感覺。已經見到好多食物羅列晒出嚟，好豐富😍我哋嗌左柴魚昆布鍋mix豬肚湯鍋。柴魚昆布鍋真係非常之罕有，香港應該得呢度先有🤩之後我哋嗌左好多海鮮：蝦、青口、鮑魚、蜆、扇貝，全部都非常新鮮，都好彈牙好Juicy，配合返個湯底一流。仲有手工蝦滑，佢係完全手作手打，好細滑嘅口感，要再嗌～估唔到任食都會有美國頂級肩胛肉，係我今晚覺得最好食嘅食物👍真係非常之吸引，入口即溶，真係冇黎錯地方，大家可以黎試吓佢呢個名堂。😃店員都非常有禮貌，呢間可以再嚟多次🥳