牛品台式火鍋

营业中

休息中

我地以前都好中意去臺灣旅行，因為超級中意食臺灣既特色小食🥳。宜家沒得去就揾左尖沙咀一間超人氣臺式火鍋放題店-「牛品臺式火鍋」享用一餐豐富的臺式火鍋放題，找回臺灣的味道。👅牛品秘製麻辣鍋系招牌湯底，香辣惹味，用料十足, 辛香層次豐富,食落香麻濃鬱帶後勁。😝😝主角當然唔少得臺灣美食麻辣鴨血啦😍，鴨血好入味，而且新鮮嫩滑，同個汁好夾；仲有五味墨魚仔好爽口，五味汁層次豐富，非常開胃。個老油條都好香好脆。🦑入面中有好多臺式小吃同埋新鮮海鮮例如蝦🦐、青口、鮑魚、蜆同埋扇貝等等任君選擇。食物真系好正宗，感覺好似去左臺灣旅行甘，你都快來試下啦！

原來台式火鍋係咁正架，尖咀又一新地標🥰🥰第一次食仲鴛鴦鍋一邊係元氣養生鍋另一邊係牛品必備麻辣鍋魔鬼與天使混合體呀😁😁元氣養生鍋好香藥材味仲好甜好好飲添👍👍基本上用左養生鍋湯底都唔洗點醬料d蔬菜同肉已經好入味“超級正”，麻辣鍋湯底麻辣味10足裡面仲有好多鴨血好味到真係唔識形容呀👍👍叫小辣巳經好辣，但係又食落又欲罷不能好誘惑呀！高質新鮮嘅肉類同海鮮係用QR Code落單，出面仲有任君選擇嘅台灣直送新鮮蔬菜同丸類，仲有醬汁同飲品，不得不提嘅就係佢地自家飲品，全部都係自家研製嘅清茶，我特別鍾意桂花烏龍茶飲咗好多樽呀😁😁仲有台式小食豬手同埋椒鹽蝦真係好好味呀👍👍牛御品套餐送每人一位原隻鮑魚，仲有好多牛擇，真係眼花繚亂呀🤣😂所以全部order晒👇👇👇👇重要全部都好食到不得了呀👍👍👍澳洲M9肩胛肉安格斯牛板件美國封門柳頂級美國肩胛肉精選美國牛胸腹安格斯一口牛花雕酒雞件好香花調味，淥咗好耐都係咁滑嫩“正”花枝漿好彈牙又爽口yummy，西班牙粟飼五花肉好嫩好好味，大蝦彈彈，蜆都好大隻好好肉地喎❤️最特別嘅係有油炸鬼，第一次打邊爐食油炸鬼正呀😋😋最後仲每人送一杯Movenpick雪糕添🍧🍦真係大滿足❤️❤️牛品

依幾年香港開咗好多任食嘅台灣火鍋店，四哥幾間，最深得我心嘅都係喺牛品，無論係尖沙咀站或者尖東站行過去都好近，不過記得要book定位先，週末都好旺場架🔥🔥\ 柴魚昆布鍋、豬肚湯鍋/兩個湯底一個就簡單溫和啲，另一個就濃厚鮮味啲，可用嚟配合唔同嘅火鍋配料，無得頂！\海鮮拼盤/想食海鮮嘅可以試吓佢哋嘅蝦、蜆、扇貝、青口，每款海鮮都彈牙鮮甜，就咁食海鮮已經值回票價🤤我好鍾意餐廳嘅環境非常闊落，每張枱之間都有足夠嘅空位，唔同嘅自助區集中放哂喺中間，攞嘢飲嘢食醬料都好方便💪🏾店員上菜同收碟都好有效率，周不時都會補充自助區嘅食物，真係一間性價比高嘅任食火鍋店😍

想搵間價錢合理，又坐得舒服，食物多質素高嘅任叫任食火鍋店一啲都唔容易 機緣巧合之下俾我搵到呢間喺尖沙咀地鐵站附近嘅火鍋店，見佢位置都幾就腳，就同媽咪去試吓😉媽咪想試元氣養生鍋，我就對牛品秘製麻辣鍋有興趣，所以叫咗個鴛鴦鍋。媽咪大贊個養生鍋十分濃稠，有少少嘅藥材味，飲完好舒服🥰而麻辣鍋嘅層次豐富，唔會一味得個辣味，好令人上癮🌶我哋鍾意食海鮮，蝦、蜆、扇貝全部都有返咁上下水準，重點係洗得夠乾淨，絕對唔會有沙同怪味✨✨花雕酒雞件好嫩口，非常之入味，任食都食到呢個質素果然唔話得👍🏽媽咪對呢度嘅食物高度讚賞，做到孝順女嘅我表示成功，相信我哋好快又會再嚟打邊爐了🤣🤣

大熱天時，好耐都冇打邊爐啦，今日都係熱辣辣，冇晒胃口想食下辣野🤔，一於今晚又做無飯主婦，約埋阿仔放工搵間任飲任食，大吃大喝一餐先🤔。位於尖沙咀 牛品 地點幾好，地鐵站一出行2-3分鐘就到，好就腳。餐廳主推3個湯底：麻辣/養生/酸菜白肉，今晚就選左個鴛鴦鍋，養生同麻辣，選埋 牛御品餐，19:00-21:00時段入座，任飲任食120分鐘，價錢$339，如果即時入會做會員，更有折扣優惠添，餐廳食材都係台灣進口，咁嘅價錢性價比好高；如果另點春陽茶事嘅飲品，（原價$30-$39）都只係另加$20一杯。餐廳中間有飲品區、有蔬菜區同醬料區；飲品除左汽水外，仲有牛品不同味道嘅花茶同烏龍茶；蔬菜區都係自坐，仲有台灣直送嘅菜蔬。🥘湯底送上啦😋慢慢加熱後，首先係養生鍋傳黎嘅藥膳味道，湯底濃郁，入邊除左藥膳仲有嫩滑雞件；麻辣鍋麻味香濃，湯鍋入邊有好多鴨血，又鮮又滑。店員再送上每人一隻新鮮鮑魚，好大隻，啖啖肉。🥢牛御餐 ： 有M9和牛、肩胛肉、牛板腱、牛胸腹、封門柳、牛舌片、一口牛、西班牙栗飼豬梅肉、豬五花、羊卷肉同花雕酒雞件，好多款肉食款式，我最鍾意一定係M9和牛，一板有兩大塊，呢款不停咁食，真係食左十幾廿板

堂食有多種套餐和湯底選擇，今次選擇左元氣養生鍋同秘制麻辣鑊。辣度可選大中小，最驚喜係如果覺得唔夠辣可以加！送贈的海鮮拼盤有鮑魚、青口、海蝦、扇貝、沙白。上菜時後鮑魚仲活生生，當真新鮮！口感更不在下話，鮮味十足。調味料有十多種，而且地方頗大，添醬料時不需要排隊。飲品有自家製無糖烏龍茶、洛神花茶，消暑解濟。以scan QRcode形式落單，可以慢慢睇慢慢揀。牛羊豬雞均有選擇，當中牛品當然牛肉極為出色！澳洲M9和牛肩胛肉牛肉鮮味極重！比其他牛肉更香濃，口感嫩滑，雪花牛肉結構肥瘦相間。肥而不膩，像雪花融入口中，回味無窮。鹿兒島黑毛和牛好大一片漂亮油花，油脂味濃淡分配均勻。有著入口即化的美妙口感。 散發著濃郁肉香。美國封門柳比起其他牛肉片較厚身的牛柳，放入口有種飽和的感覺，完全不會韌，絕對入口即溶。

之前喺尖沙咀iSquare附近行完街經過依間火鍋店，門面幾靚，睇落價錢都OK，於是上網book定位，實測下究竟抵唔抵食😼鋪頭嘅通風做得幾好，冷氣涼浸浸🌬自助區除咗火鍋配料之外，仲有少量熟食。飲品嘅選擇都好多，除咗一般汽水，仲有冷泡茶，款式多元化🥤☕️🧃舖頭強調湯底嚟自台灣，所以我揀咗牛品秘製麻辣鍋，花椒味都幾突出，湯頭濃郁，仲可以加啲麻辣鴨血落去，自製麻辣鴨血鍋😻麻辣鍋一定要配牛肉，基本set已經包括咗好多唔同部位嘅牛肉，好似有美國頂級肩胛肉、牛舌片、精選美國牛胸腹、封門柳…….啲肉嘅色澤好靚仔，亦都唔會切到一忽忽，牛肉入口即融，任食都食到咁高質嘅牛肉真係開心😽臨尾再食多個烏冬，飽到上心口，滿足地離開😸😸

位於尖沙咀嘅牛品台式火鍋長期多人，為咗唔使等咁耐位，我哋5:30就到，好快就可以入座。我哋嗌咗牛御品套餐，每人$279，可以食足兩個鐘，價錢都幾抵！🤑我同朋友都唔太食得辣，所以揀咗柴魚昆布鍋拼豬肚湯鍋，鴛鴦鍋雖然要加$50 ，但係依$50加得非常值得！柴魚昆布湯好清澈，唔會有負擔。奶白色嘅豬肚湯鍋好濃郁，湯底仲有啲豬肚，好入味😋😋任食火鍋都有封門柳，實在有驚喜！封門柳🐂肉質有咬勁，肉味鮮甜，食得出非常之新鮮。除咗火鍋配料之外，呢度仲有好多台灣小食可以叫，我哋分別叫咗炸地瓜丸、麻辣鴨血、鹽酥雞、炸花枝丸、老油條同五味墨魚仔，每樣份量細細碟，啱晒心思思想咩都試嘅人🤩🤩我同朋友都好滿意呢一間火鍋店，而且佢環境闊落，張枱都好大，擺晒嘢食都唔會太迫，坐得舒服自在👍🏻👍🏻

食過好多間台式火鍋店，都覺得食物選擇較少，今次比我發現到尖沙咀呢間牛品台式火鍋店，除咗一般火鍋配料之外，仲有10多款台灣小食同台灣直送食材，睇落都幾吸引😋我哋一嚟就叫咗一堆台式小食，有炸地瓜丸、麻辣鴨血、鹽酥雞、炸花枝丸、老油條、五味墨魚仔等等，全部都熱騰騰，炸物香脆可口，喺火鍋店都食到咁多台灣小食，而且味道一啲都唔差，真係好驚喜！加$50可以轉雙拼湯底，想食清少少所以揀咗柴魚昆布鍋+豬肚湯鍋，豬肚湯好足料，當湯飲飲完都唔會好口渴。牛肉嘅選擇都幾多，注重肉味嘅人必定要試吓封門柳同美國頂級肩胛肉，口感厚實但唔會好韌，nice!🐂 另外海鮮拼盤都好高質，有蝦、青口、鮑魚、蜆同扇貝，全部都好乾淨新鮮，處理得好企理🙆🏽‍♀️ 花枝漿仲見到一粒粒花枝，食落飽滿結實🦑台灣直送嘅仲有心內美，心內美切得厚薄適中，我鍾意食爽口嘅，所以放落湯大概煮6至8分鐘就食得☺️食物款式多，出品高，實會Encore 🤩

之前已經聽過呢間餐廳，知道佢都幾出名，今次決定黎試嚇佢個任食火鍋😋😋😋餐廳位於尖沙咀樂道32-34號1樓，距離地鐵站行三分鐘就到，好方便！元氣養生鍋系個唔辣嘅鍋，有杞子、紅棗、雞、酒同其他藥材，一上枱就好香，好大浸雞同酒嘅味道，飲左碗湯，感覺好補，個人暖曬。牛品秘製麻辣鍋既麻辣好濃👃煲耐咗啲麻味會越黎越重👈美國頂級肩胛肉，呢度嘅牛都算性價比高雪花分佈均勻👀牛味好濃👃肉質夠嫩滑唔會有筋。另外一個封門柳就系牛的橫膈膜的肌肉，牛肉味極為濃鬱，入口即融，肉質鬆軟，人人喜愛。除左牛，仲有時令海鮮，好似蝦、青口、鮑魚、蜆同埋扇貝等等，滿足你所有既願望！呢間餐廳真系要贊！坐位亦好寬敞舒適，而且食物質素高！以後我會多啲嚟幫襯！🍽️🦐

今日朋友帶咗我嚟呢間台式火鍋店，大推佢哋嘅食物質素比同類型嘅任食火鍋店高，而且最平嘅套餐已經有齊豬牛羊雞食，超級期待！先講環境，自助區喺餐廳嘅中間，無論拎嘢食飲品都好方便，而且衛生都做得好好，食得放心又安心～依個湯底係元氣養生鍋&牛品秘製麻辣鍋，養生鍋好足料，有雞、杞子同人參，有豐富嘅骨膠原🌸台式麻辣鍋出色，夠麻夠辣但係唔會搶喉，鍾意食麻辣嘅朋友一定唔可以錯過🌶🌶西班牙粟飼豬五花🐖肥肉同瘦肉嘅比例相當好，油香豐富😋 蜆同蝦唔會有腥臭味，整體新鮮，回本之選～老油條好夾麻辣鍋湯底，每個窿都索滿哂啲辣湯，係上癮嘅味道～朋友果然冇介紹錯，呢間火鍋店性價比極高，等我都推介俾朋友食先得🥰

天氣熱一樣可以舒舒服服打邊爐，今日黎到位於尖沙咀開了冇耐既台式火鍋店打邊爐。選擇左鴛鴦湯底：牛品秘製麻辣鍋同元氣養生鍋，湯底好足料。手機落單，唔會唔記得自己落左咩食物。最推薦既肉類係澳洲M9和牛和牛舌，肉質嫩滑，肉大大片，淥幾秒就食得，有牛味好食。牛舌食落冇咬口，唔錯。由於係台式火鍋店，食材由台灣進口，又有鴨肉任食，性價比高，值得要試。店內除左有提供任飲既各款飲品及茶類外，仲可以以優惠價錢$20點飲店內春陽茶事既飲品，食住台式火鍋飲住台式飲品，感覺去左台灣旅行甘。

依間台式火鍋店主打食材由台灣直送，款式比起其他任食嘅邊爐店多同創新，仲有好多台灣夜市小食可以仼食，一次過滿足幾個願望😋首先叫咗個雙拼湯底➡️沙茶海鮮鍋同酸菜白肉鍋⬅️沙茶湯底原來都好夾海鮮，微辣中帶點甜，湯底仲有有淡淡嘅花生味🥜酸菜鍋嘅酸菜唔係死咸個種，酸味十足，係近排食過最滿意嘅酸菜白肉鍋🍲鐘意食海鮮嘅嚟到依度絕對唔會失望，蝦肉爽口，每隻都好靚仔🦐青口真心新鮮，入口軟滑，我自己都食咗十幾隻🤪打邊爐期間仲可以叫啲小食換吓口味，推薦台式甜不辣同炸地瓜丸，小食新鮮炸起，甜不辣加上醬油膏，還原台灣食到嘅味道🌏地瓜丸夠QQ，有地瓜味，同出邊台式餐廳單點嘅質素一樣，可以瘋狂加點😆抵讚嘅係我哋一落完單，食物好快就送到上枱，絕對唔會拖單～員工好勤力收碟，喺呢間台式邊爐店我哋絕對會再翻兜！👍🏻⭐️⭐️⭐️⭐️⭐️

辛苦完成咗個大project，要食餐勁嘅慰勞返自己❣️餐廳好近尖沙咀地鐵站，一出地鐵站行2分鐘左右就到，好就腳🚶🏽🚶🏽‍♀️餐廳環境都幾大，裝修新穎，通風系統強，打完邊爐個身都唔會有一陣味，欣賞！😚😚自助醬料區有好多醬汁可以選擇，生熟蒜、蔥、辣椒、芫荽咩都有，而且每個自助區都有職員keep住refill食物，依點唔係間間任食邊路店都可以做到👍🏽牛品秘製麻辣鍋-啱晒鍾意重口味人士，麻辣鍋夠麻，辣油好香，火鍋配料朔晒湯底超級惹味🔥🔥澳洲M9和牛肩胛肉-升級套餐就可以食到M9和牛🥩和牛油脂豐富，牛肉質素keep住都係咁高質，果然升級係冇錯的🤩心內美&水蓮菜-心內美姐係紫心蘿蔔，比起一般白蘿蔔更嫩，無渣💜水蓮菜非常有菜味，淥一陣就食得🥬🥬花雕酒雞件-雞件大嚿，啖啖肉，唔會太鞋口，係好食的🍗🍗花枝漿-花枝打到起膠，加咗胡椒粉調味，簡單嘅鮮味☺️建議大家要升級套餐，因為淨係和牛已經回哂本，正呀！🤩🤩🤩

今日嚟到呢間我嚴選嘅邊爐店，牛品台式火鍋由屢獲殊榮嘅台灣廚師李龍翔師傅主理👍湯料每日由台灣新鮮直送，等大家輕鬆品嚐至新鮮嘅台灣原味道😆另一賣點係牛品台式火鍋提供多種台式小食，而且仲有鹽酥雞，滿足好耐無去台灣嘅各位。佢嘅裝修都非常精緻，有別於一般嘅火鍋店🤩湯底方面我哋就揀咗豬肚湯鍋同柴魚昆布鍋，呢兩款湯底都非常足料，特別令我哋驚喜嘅係柴魚昆布鍋，因為平時喺日式火鍋店食嘅昆布鍋都係偏淡，但牛品台式火鍋嘅柴魚昆布鍋真係好濃郁，打邊爐前細味湯底，真係好鮮甜好有層次👍海鮮類包括：扇貝、青口、蝦同蜆。我哋強烈推介扇貝呀，超鮮甜，而且大大隻，好滿足呀😋另外，蝦都非常鮮甜彈牙。全部都非常新鮮，蜆肉都好大粒脹卜卜😍最啱我鍾意食蜆😆牛品台式火鍋嘅澳洲M9和牛肩胛肉每一碟都保持同樣質素，油脂比例平均，肉味濃郁，非常好味，手工蝦滑都唔例外，口感細滑😋好鍾意，呢間可以encore～