牛品台式火鍋

营业中

休息中

今晚同朋友去咗尖沙咀樂道一間餐廳「牛品台式火鍋」食火鍋，我們揀咗「牛御品 吃到飽套餐 $339/每位」，套餐包括：🐮 澳洲M9和牛肩胛肉、和牛脂肪均勻，好有牛味，正🇺🇸 美國頂級肩胛肉 食落口感受到富有嚼勁的牛肉，味道肉香微甜，非常之不錯🥢 安格斯牛板腱、精選美國牛胸腹、封門柳、牛舌片、安格斯一口牛、西班牙栗飼豬梅肉、西班牙栗飼豬五花、西班牙栗飼豬五花、花雕酒雞件，其它肉類都相信不錯🥢 套餐還贈送 新鮮活鮑魚 (每位一隻)，大大隻，爽口又彈牙🦐 其它海鮮有海蝦、蜆肉及青口，樣樣都好新鮮🥢 另外，餐廳有多款台式小食，如皮蛋豆腐、甜不辣、台灣香腸、滷水豬耳、炸地瓜丸、椒鹽蝦、宜蘭蔥餡餅等等，一次過可以食到多款台式小食，有如置身於台灣夜市之中，令我十分滿足🥤飲品我叫了珍珠鮮奶茶🍦甜品還食了Haagen-Dazs 雪糕

夏天打邊爐，冬天食雪糕係常識吧🤣 今次去咗呢間位於尖沙咀嘅台式放題火鍋，前菜、火鍋配料、小食、飲品等等都係有台灣地道感覺。前菜方面，我自己就最鍾意麻辣鴨血、j台灣腸同米血糕，真係超級經典嘅台灣小食😍😍 湯底我哋揀咗元氣養生鍋，佢用咗紅棗、雞、人蔘等食材熬製而成，超級香濃🐔 值得一提嘅係佢嘅任食肉類，套餐包括牛舌片、安格斯牛板腱、紐西蘭羊卷肉、頂級美國肩胛肉同精選美國牛胸腹，啲肉非常淋，同埋好香，比起其他放題火鍋店出色。總括而言，餐廳嘅CP值幾高，同埋比起一般火鍋放題店食物特別，種類都好多，推介推介！🍲牛極品套餐 (任食兩小時) $219

《午市火鍋吃到飽🇹🇼》———————————————#牛品 🐮-呢間喺尖沙咀鬧市嘅台式火鍋店位置非常方便，地方寬落，乾淨企理，而且播住國語流行曲，充滿台灣風味☺️-60分鐘午市套餐有指定肉類150g同埋自助火鍋配料吃到飽🥰 我哋分別揀咗西班牙栗飼豬梅肉+美國頂級肩胛肉同西班牙栗飼豬梅肉+安格斯牛板腱🐮 尤其推薦個豬梅肉，爽嫩彈牙，啖啖肉🐽-湯底選擇都唔少，例如牛品一品鍋、牛品秘製麻辣鍋、沙茶海鮮鍋、剝皮辣椒雞鍋、元氣養生鍋、柴魚昆布鍋等等😌呢款黑蒜黃金鍋夠哂惹味，裡面仲有好多大大隻嘅蜆卜卜聲咁滾起😝-自助區有好多款唔同嘅配料選擇，包括多種台灣直送配料，例如櫻花蝦片、墨汁花枝丸、香芋包心貢丸同海膽包🤤 -而且仲有好幾款台式特色小食、包括有滷水雞尖、滷水豬肚、蒜泥拍青瓜，特別中意佢嘅滷水肥腸，好入口索哂啲精華🤎-甜品方面，食返幾杯雪糕已經回本啦🍨佢仲可以自製三色芋圓，可以按口味加入紫米、西米、寒天、薏米、鳳梨椰果、紅豆、綠茶愛玉同涼粉，落埋黑糖或者花奶簡直係一流😚-⭐價錢參考：（另收加一）西班牙栗飼豬梅肉及美國頂級肩胛肉定量火鍋套餐：$148西班牙栗飼豬梅肉及安格斯牛板腱定量火鍋套餐：$11

牛殿品吃到飽套餐@$559/位每位送一粒棒球貢丸，好似小朋友拳頭👊🏻咁大😆貢丸食落爽彈無渣，睇番餐牌單叫要$49/2粒👍🏻元氣養生鍋有淡淡藥材香味，唔會搶食材鮮味。海鮮拼盤有鮑魚帶子好有誠意。👉🏻鹿兒島黑毛和牛回本位✨我哋主力都係食呢款A4和牛，每碟有兩大塊，雪花均勻非常靚仔。淥幾下就食得，佢唔係即溶口感而係有小小咬口，軟嫩無渣，而且唔會好快膩，可以食好多🫶🏻👉🏻澳洲M9肩胛肉比日本和牛瘦小小🤏🏻牛味較重，淥啱熟度都好軟滑。👉🏻台灣直送食材食和牛食到咁上下，我哋都叫左小小特色食材試吓：心内美（紫紅色蘿蔔）、水蓮菜、阿在伯高麗菜豬肉水餃、炸地瓜丸、麻辣鴨血、花枝漿、米血糕。最中意係水餃，真材實料又鮮甜，飽飽都食左4粒。👉🏻烏梅汁、珍珠鮮奶茶「牛殿品吃到飽套餐」包每位一杯「春陽茶事」手搖飲品。其他套餐都係加$20就可以享用一杯。烏梅汁半糖甜度剛好，可以減少好多火鍋油膩感。珍奶嘅珍珠煲得夠透煙煙韌韌。餐廳仲有三個大雪櫃整齊擺滿新鮮食材，又有滷肉飯、滷水豬肚等等；最最吸引係店式愛玉放題，配料任加，「糖水自由」真係好爽😄

喺尖沙咀嘅牛品台式火鍋真係一個幾台式嘅火鍋餐廳。我同我女朋友去咗呢間餐廳，試咗佢哋嘅60分鐘半自助火鍋，啲食材新鮮，啲湯底好味，真係好滿足。我哋分別揀咗西班牙栗飼豬梅肉同安格斯牛板腱，同埋西班牙栗飼豬梅肉同美國頂級肩胛肉。啲肉質都好鮮嫩，啲味道都好豐富。個養生湯底都好正，啲味道好濃郁，而且唔會太鹹或者太辣。我哋仲試咗啲任食蔬菜同丸同粉絲，都好好味。仲有滷水肥腸滷水豬肚滷肉飯，燉湯連仙草芋圓糖水都有得俾你。除咗啲食物之外，啲服務員都好友善同埋快手。啲環境都好清潔同埋舒適，係一個好適合聚會或者約會嘅地方。牛品台式火鍋令我諗返起喺台灣嘅日子，而且啲食物新鮮好味，湯底濃郁，服務員友善專業，環境舒適。如果你想食一餐好味嘅火鍋，牛品台式火鍋絕對係一個好選擇。我一定會再嚟返黎呢度，同我女朋友再次享受啲美食同埋好環境。

現在先有時間寫食評，牛品係我公司附近的一間放題店，還記得我要求坐牆邊位，到咗後他沒有安排，要我再三提及，佢才勉強給我一個位置，但見其實食完之後還有很多空位、2、4人檯….不明白為什麼要這樣安排。言歸正傳，一坐落去枱面實在太牆、😅坐位非常之狹窄，放了煲，已沒有任何位置放其他嘢，需服務職員也不是勤力的一種，往往都要叫他、才收取食完嘅食物，令我很不滿服務態度😑，食物方便多元化，牛肉係70分好味的，但是這個價錢其實出邊有很多地方能夠選擇到。所以如果下次，錯，應該都不會有下次。🤔PS其實有咁多位置，為什麼不給予已定位的坐得舒服一點這樣有比較令人會比高分一點。😩

呢一間喺尖沙咀樂道嘅 牛品台式火鍋 真係好有驚喜呀 lunch嘅攻略就係可以揀一個價錢ok嘅餐 而後其他呀自助配料都係任食嘅例如啲丸呀 生菜呀 配菜等等呢度嘅嘢食好高質 嘢食感覺好乾淨 裝修亦都好新 好乾淨 好多座位 坐得好舒服嘅嘢食排列好整齊 首先講講醬料有9款 非常之多自助區域有好多種丸類 蔬菜 芋頭 麵筋等等非常之多種 用有好乾淨小食區更加係好有驚喜呀 有可以自製滷肉飯滷大腸 雞翼 尖手拍青瓜等等好多種開胃菜 非常好味 仲有飯麵可以任加 今日揀咗個 沙茶海鮮鍋湯底有蝦 青口等等好濃郁 lunch set揀咗西班牙栗飼豬梅肉 加美國頂級肩胛肉 非常新鮮同沙茶醬好match 今日仲做甜品師㖭呀 有自助嘅甜品區 可以自製台灣嘅芋圓果凍涼粉等等 呢一餐真係滿分呀 飲品櫃裏面亦都好整齊多款飲品 呢一間真係我自助火鍋嘅至愛可以一試再試

之前喺尖沙咀讀書，喺北京道一帶留下吾少腳毛😆之前好中意食樂道一間連鎖火鍋店🍲原來原址已經變咗另一間餐廳😲不過共通點系一樣系火鍋店，咁耐冇去過戈頭，就緊系食番餐好既。晚餐分為5種價錢，我地就揀咗牛殿品吃到飽套餐，有日本鹿兒島A4黑毛和牛任食🐮另有澳洲M9和牛肩胛肉、美國頂級肩胛肉、安格斯牛板腱、精選美國牛胸腹、美國封門柳、牛舌片任食！先試試各款台式小食，試咗鹽酥雞🐔炸地瓜丸，甜不辣，台灣腸，炸魚皮，黃金酥炸魚蛋🐟鹽酥雞少少偏硬，炸地瓜丸地瓜蓉好smooth，黃金酥炸魚蛋似長洲大大粒魚蛋，又幾好味。 打邊爐最緊要個湯底🍲揀咗黑蒜黃金鍋，湯底幾重蒜味🧄用黎淥野食一流！店員好快為我地送上海鮮拼盤，留意番要食牛殿品套餐先有㗎。海鮮拼盤有扇貝，青口，鮑魚，蜆肉，海蝦🦐生蠔，食材十分豐富！扇貝同埋蜆肉好味，其餘海鮮都ok。套餐亦附送棒球貢丸一份，個名好過癮吓，原來即系兩粒大貢丸，質感結實之餘亦帶點juicy。跟住終於到主角喇，黑毛和牛油脂非常豐富！🐮又好難得地食完之後吾會好似喺其他火鍋店嘅肥牛咁漏。澳洲M4和牛肩胛肉口感則剛好，牛肉味不俗。安格斯牛板腱冇乜脂肪，勝在牛肉味同樣香濃。套餐亦附送春陽茶事

#chuchu食在尖沙咀📍 牛品台式火鍋行開尖沙咀，🐷仔話想打邊爐，經過i square後面見到牛品就上左去！餐廳座位闊落，坐得好舒服！會播住五月天、周杰倫嘅歌，好貼合台式！—————————————————————❣️ 牛御品吃到飽套餐 $339🍲 牛品一品鍋揀左呢個推介湯底，有好多牛肚牛筋係湯底，超濃牛味！烚牛肉可以加重牛味！🥩肉類- 澳洲M9和牛好大塊！一盤淨係放到2塊！油花雪花狀， 紋路幾平均，牛味突出！order到最尾一輪都係保持水準！- 美國頂級肩胛肉脂肪比例幾好！好夠牛味！- 美國封門柳冇乜脂肪，肉質紮實，肉幾濃- 醉雞件醃得夠味！好滑！唔嚡！仲有西班牙栗飼豬梅肉、安格斯牛板腱、西班牙栗飼豬五花、精選美國牛胸腹、紐西蘭羊卷肉及牛舌片！🐚 新鮮活鮑魚每位都有鮑魚一隻，真係新鮮嘅！上枱嘅時候仲郁緊🍤 鹽酥雞｜炸地瓜丸炸得好香脆！好似去咗轉台灣咁🥢自助區有唔少台灣直送嘅丸類同蔬菜！仲有幾款台式滷水小食，有滷雞翼尖、滷肉飯、滷水蘿蔔、燉湯……✨特別推薦時日燉湯，好小見邊爐有靚湯飲，🐷仔就話要介紹滷肉飯！🥤🧋飲品飲品選擇種類好多，有啲仲係台式嘅罐裝飲品同埋自家製冷泡茶！手機落單仲可以

-近排天氣愈來愈熱，但依然想食打邊爐。行開尖沙咀海防道，突然諗起呢個位一定有打邊爐食，於是就行左入去樂道的呢一間餐廳。呢個位都做左幾手唔同的邊爐店（好似牛一，牛陣），今次轉左做一間台式邊爐店。-食物：台式邊爐其中一個特色就是個湯底，佢湯式選擇都有十種，我地今次叫左個元氣養生鍋（有人參有雞，甘甜味，冇咩藥材味），加多個湯式就加$50。肉的餐最平二百幾蚊，我八點入座，選擇左$259的餐。肉的種類都多，質素以呢個價錢係中上。感覺豬好食過牛。另外，餐廳提供好多台式小吃，例如炸地瓜球，芋圓，鴨血，炸雞，香腸。飲品種都齊全。-環境：座位唔迫好坐，服務就一般啦，有個男員工比較懶，唔願加湯或執野走，要個女員工成日幫手。-總結：加完一，三百蚊都唔洗，我覺得可以接受。餐廳又一直播住我鐘意聽的五月天同周杰倫，加分。牛品台式火鍋地址: 尖沙咀樂道32-34號1樓電話: 27018928

上次黎過呢到打邊爐，覺得佢d肉幾好食，而火鍋配料都算夠選擇，最重點係有我最鍾意食既芋圓！留意到佢Lunch有60分鐘午市定量套餐，岩哂我呢d食唔多肉既人♥ 西班牙粟飼豬梅肉+美國頂級肩胛肉 $148♥ 西班牙粟飼豬梅肉+羊卷肉 $115我哋嗌咗餐廳推介嘅元氣養生鍋，鍋底一上枱香噴噴，超足料有人蔘、紅棗、杞子、白术同雞件，配料睇落已經覺得超級養生，飲一啖係好濃郁🥰定食套餐每款肉各有兩碟，肩胛肉睇落雪花好均勻，淥一淥就食得質地軟腍唔會好韌，而羊肉則冇乜羶味容易入口，豬梅肉索哂湯好入味。仲有台灣滷水小食滷肉飯提供，我就裝左一碗滷肉飯送打邊爐😆滷肉鹹香撈飯一流🙂另外火鍋配料都有唔少選擇，香芋包心貢丸(一咬香芋泌哂出黎😍)、墨汁花枝丸、黑椒牛丸、櫻花蝦餅、蘭花乾（其實就係豆卜索晒湯底好正）等等，之後唔少得食番一輪菜懶係健康一下🥳飲品都有各式各樣嘅自家製冷泡茶同罐裝飲品，唔想飲凍嘅仲有熱茶提供😆最後就梗係留肚食芋圓！我加咗紅豆🫘、菠蘿🍍椰果、紫米、西米同綠茶愛玉超級豐富，芋圓上面淋上花奶就食得，加晒自己鍾意食嘅配料超正💖 ♡ 午市有時啱啱起身先食第一餐又食唔落咁多嘢，定量套餐係一個唔錯嘅選擇，價錢

禮拜五同區好多邊爐燒肉都好難book 檯，上網見到呢間開咗冇耐食評唔錯咪試下。食物而言就ok 水準，牛肉還可以但都係有雪味，冇呢度食評講到咁高質。相比下服務令人更加谷氣，話說呢度竟然收唔到5G, 要用佢地wifi 先上唔到網，到我落第二輪order 後等咗4個幾字都未到，叫個staff check 下乜事佢話我冇落到單（但我QR code 條link 明明有record), 算啦唯有再落多次，但就係因為「漏單」浪費咗我20分鐘，到啲野食嚟到後已經得番半個鐘唔可以再落單。因為野食遲嚟咗，而且其實周圍仲有好多空檯，咁我同朋友食埋個雪糕先走，坐多咗20分鐘，期間先後有2個staff 以極不客氣態度催促我地。就算我地真係遲咗少少，但大前題係因你你地network 接收有問題搞到漏單所以野食遲嚟咗我地先遲咗走，同埋你地價錢話貴唔貴話平唔平，兩個埋單$845，就算係超時都唔使用趕狗咁趕語氣趕人走呀？同區差唔多價錢甚至係平過你地既台式火鍋仲有好多選擇，咁既服務真係唔會再考慮第二次了

Weekend嚟到尖沙咀呢間台式火鍋食晏，餐廳由尖沙咀站isquare出口行幾分鐘就到。午市除咗有120分鐘任食，仲有60分鐘定量餐，唔大食嘅話嗌呢個幾抵。我哋兩個人都揀咗最貴嘅H餐$148 美國頂級牛肩胛肉+西班牙栗飼豬梅肉。牛肩胛肉油花靚得嚟唔會太肥膩，牛肉味香濃西班牙豬梅肉一啲都唔鞋。湯底有成十款選擇，鴛鴦鍋要加$50。沙茶海鮮湯底夠晒香濃，柴魚昆布湯底就比較清淡。沙茶湯用嚟淥王子麵同新竹米粉，條條麵都掛晒沙茶湯超惹味自助火鍋配料選擇好多，有台灣直送嘅丸類、蔬菜。花枝丸同墨汁花枝丸都好足料好多彈牙嘅花枝，仲有平時火鍋放題唔常見嘅包心芋泥貢丸。熟食區有肉燥飯、滷水雞翼尖、滷水白蘿蔔同蒜泥青瓜雲耳。最特別係仙草自助區有齊仙草、綠茶愛玉、三色芋圓、紅豆、薏米、寒天、椰果咁多款配料芋圓大大粒又煙韌午市定量餐包括每位兩杯，除咗汽水仲有無糖冷泡茶。桂花烏龍茶同白桃烏龍茶都好好飲，解渴又解膩食完仙草芋圓仲有每位一杯雪糕，係香港本地品牌gelato總括嚟講餐廳食物質素幾高，午市定量餐好抵食。下次想嚟食晚市任食，聽講啲和牛好靚

位於尖沙咀樂道新開業嘅台式火鍋店，係isquare隔離，位置好方便，我哋叫咗晚市牛御品吃到飽套餐 $339。⭐️湯底揀左「牛品秘製麻辣鍋湯底」，麻辣味香濃，唔太油膩，食完唔會肚痛👍🏻⭐️新鮮活鮑魚每位都有新鮮活鮑魚一隻，真係好新鮮，上枱嘅時候仲郁緊。⭐️肉類套餐包左可以任食澳洲M9和牛肩胛肉、安格斯一口牛肉粒、美國頂级肩胛肉、西班牙栗飼豬梅肉、安格斯牛板腱、西班牙栗飼豬五花、精選美國牛胸腹、紐西蘭羊卷肉、封門柳、花雕酒雞件及牛舌片等肉類😋🥩澳洲M9肩胛肉肉質鮮嫩，油花呈雪花狀， 紋路幾平均，牛味突出，我哋兩個加埋淨係肩胛肉都食咗6碟！！🥩美國封門柳脂肪較少，肉質紮實，肉幾濃。⭐️小食有惹味香滑的麻辣鴨血、肉鬆豆腐及鹽酥雞、台灣香腸等台式小食。🍢台式小食款式好有地道夜市風，我最鍾意係麻辣鴨血，滷得好入味，而且好滑。⭐️自助吧自助吧有自家飲品、汽水、茶品、湯品、蒜蓉青瓜、魯肉飯、台灣直送火鍋蔬菜配料、自助芋圓吧等，種類䌓多，應有儘有。台灣進口食材有下單嘅心内美同花枝漿， 仲有自助專區，唔少直送嘅丸類同配料。⭐️飲品除咗有多款自家飲品，包括白桃烏龍、桂花烏龍同洛神花茶等。仲可以用優惠價惠顧春陽茶事（$2

♡ —————— 𝗗𝗲𝘁𝗮𝗶𝗹𝘀 —————— ♥️【餐廳】牛品【地區】#Dr_eat_尖沙咀【價位】中價位【用餐時段】晚市【餐廳主打】#Dr_eat_台式 #Dr_eat_火鍋 #Dr_eat_放題────────────────────【環境/服務/衛生/讚一讚】。樓底高，空間感十足。設火鍋配料，小食，前菜及台式甜品自助區。上菜速度迅速, 甚少有漏單情況.【牛極品 19:00-20:30 $259/位】。台式火鍋放題120分鐘任飲任食.【火鍋湯底】。共十款湯底選其一，鴛鴦鍋 +$50。元氣湯底拼牛品秘製麻辣鍋。元氣湯底: 加入大量藥膳, 中藥材熬製, 具養生滋陰潤燥功效。牛品秘製麻辣鍋: 辣中帶辣, 辛辣濃郁, 令人口舌生津, 口齒留香.【豬, 牛, 羊】。推薦: 美國頂級肩胛肉, 安格斯牛板腱, 西班牙栗飼豬梅肉, 紐西蘭羊卷肉, 花雕酒雞件, 西班牙栗飼豬五花, 牛舌片, 精選美國牛胸腹。小評:肩胛肉油脂含量低, 肉質鮮嫩，入口即化, 不會感到油膩; 西班牙栗飼豬梅肉，肥瘦相間，入口鮮嫩爽口; 花雕酒雞件，以花雕酒醃入味, 令雞肉更加鮮美; 牛舌片為薄片，口感鮮嫩細膩; 安格斯牛