牛品台式火鍋

营业中

休息中

夏天打邊爐，冬天食雪糕係常識吧🤣 今次去咗呢間位於尖沙咀嘅台式放題火鍋，前菜、火鍋配料、小食、飲品等等都係有台灣地道感覺。前菜方面，我自己就最鍾意麻辣鴨血、j台灣腸同米血糕，真係超級經典嘅台灣小食😍😍 湯底我哋揀咗元氣養生鍋，佢用咗紅棗、雞、人蔘等食材熬製而成，超級香濃🐔 值得一提嘅係佢嘅任食肉類，套餐包括牛舌片、安格斯牛板腱、紐西蘭羊卷肉、頂級美國肩胛肉同精選美國牛胸腹，啲肉非常淋，同埋好香，比起其他放題火鍋店出色。總括而言，餐廳嘅CP值幾高，同埋比起一般火鍋放題店食物特別，種類都好多，推介推介！🍲牛極品套餐 (任食兩小時) $219