牛一 (屯門市廣場1期) (已結業)

見openrice有優惠coupon，就用嚟試新嘅日式涮涮鍋，店名叫牛一，都幾容易記，但9:30pm都好多人等位，好在又唔係等咗好耐，大約30分鐘就有位了。呢度有7種湯底可選擇，有一種叫壽喜燒係用甜醬油湯底，我就一般喇，咁就叫咗干貝清湯及辛口和牛味噌湯嘅混合湯底，一清一濃，一淡一辣，兩種味蕾享受。用一塊極上牛肉先試干貝清湯，好香嘅干貝味，牛肉切得薄，一放湯後充滿干貝鮮味，原來牛肉加干貝湯是如此的夾，牛肉味本身已濃郁，加添了海鮮鮮味，這款干貝清湯真係要試，一撈起個湯見到有好多干貝粒，食咗幾粒好好食好有咬口。食完清淡再試個濃味湯底，望落好似幾辣，但食落又唔係咁辣，仲有一股濃濃嘅牛肉味，再加上極上牛肉，係牛上加上，會感覺到滿口肉汁，呢種牛肉都幾爽口，配呢個湯底，辣辣地極盡牛嘅口感，愛牛者必要一試，一定會感覺好滿足。呢度牛肉嘅質素很好，望落紋理已知靚貨，入口就知好牛肉，而豚肉亦肉質好肉味濃，食涮涮鍋食材好重要，肉係主角，不能馬虎，牛一嘅食材都算令人滿意。其他嘅火鍋食材也不錯，自助桌上好多選擇，比坊間其他涮涮鍋店好像還要多，會滿足到香港人喜愛食自助餐嘅感覺。我攞得最多係蔬菜同菇類，因呢種食物盡吸

好友生日，有朋友提議去牛一食飯，話個店名好意頭，牛一去食牛一飯，問下係食咩，佢話係日式火鍋放題，生日主角又係牛魔王，咁大家就興致勃勃去食呢餐牛一飯啦！去到門口有點震驚，見到門口好多人等位，我地要等40多張枱，有點誇張，等呀等等咗差唔多45分鐘先有位。好友生日就食豪少少，食澳洲和牛，和牛真係唔同d，肉紋條理靚，薄薄一片入口即溶，牛肉味濃，享受那種肉汁充滿口裡的感覺，食豪少少係啱嘅，咁薄嘅和牛只可滾一滾就食，已經夠淋身，仲要任食，當然再要啦！大家一見到碟和牛一到，就搶住食，但食火鍋就係咁樣搶搶下先過癮，我地一班牛魔王好快咁消滅枱上嘅和牛，如果出牛肉再出快d更好，可能再清多幾碟，但全店都滿座，見d人都做到好落力好忙咁，我地就用中段時間去攞下其他食物。見到d 菜好似好新鮮咁，攞咗兩大碟返去，食咁多肉都要食返d菜，健康d，路經見到有炒牛肉飯及咖哩牛肉飯，賣相都幾得，攞返去試下，兩個飯都好食喎，個炒飯炒得好，好香，而咖哩牛肉飯都非常好食，咖哩汁濃淡適中，無期望反而有驚喜。其中一個湯係最好食，就係辛口和牛味噌湯，辣辣地同埋牛肉味甚濃，啖啖牛嘅感覺用來食澳洲和牛，超級正斗。最後，我地每人整咗杯乳酪比生

今晚去了牛一食shabu shabu，形式同其他坊間嘅shabu shabu放題差唔多，點個牛肉餐加湯底，而價錢都係差唔多，最低消費百多元，一試無妨。牛肉選最平嘅美國牛肉，只係$128一位，湯底就要鮮茄濃蝦湯。牛肉切得夠薄，肥瘦分明，無咩根所以唔韌，紋理算靚，最緊要牛肉味濃，好怕太過雪藏味嘅牛肉，有時食最平級數嘅牛肉，反而會試到間餐廳嘅食材得唔得，有無誠意，而呢度最平嘅美國牛肉都有呢個質素，非常合格啦！湯底蕃茄及蝦味都濃，我特別鍾意蕃茄湯，同埋一向覺得牛肉同蕃茄係好夾嘅配搭，食得津津有味，想飲埋個湯呢！有個熟食真係唔錯，就係個咖哩牛肉飯，咖哩味濃，唔太辣唔太甜，好怕有d日本咖哩偏甜，食完係想再食，但食放題食飯就唔係咁抵啦！呢度汽水任飲，小朋友就好開心，不過有樣甜品唔單小朋友開心，大人都好喜歡，就係呢度有部乳酪機，原來牛一甜品唔係雪糕，係任添任食乳酪，雖然只得原味，但toppings有成20款，好吸引，同响yogurt shop食一樣，我本人係好鐘意食yogurt，每次去乳酪店都幫襯$50-$60，但呢度有齊唔同嘅toppings，例如：軟糖、朱古力餅、爆珠、脆片、果仁、紅豆、生果等等，

見過牛一廣告，咁啱有朋友提議去牛一晚飯，見係新野又未去過，大家就興致勃勃咁食呢餐飯。入到去地方都幾大，座位都好舒適，不過最吸引我就係長長的火鍋配料自助bar枱，望落好似好多野食咁，我喜歡食自助放題嘅原因係多選擇，喜歡咩食物就攞咩食物，一次過可以滿足多個願望，仲可以自己挑選，比只在點菜紙上選擇更有滿足感。我朋友們負責選湯底及肉類，點了三文魚豆乳湯，肉就食極上美國牛肉加豚肉，點好肉同湯底，我就急不及待去攞自助bar嘅配料。見到枱上各式熟口熟面必食嘅配料，例如：栗米、南瓜、翠玉瓜、木耳、栗米心、蓮藕、蕃茄等等，而丸方面都有好多選擇，我都攞咗獅子狗卷、海膽卷、魚腐、龍蝦丸、魚蛋等，不過最特別係有三色縲絲粉，真係第一次見，差不多每樣都攞少少食下，枱上太多選擇了，忍唔住貪心咗。想講下果粒貌似魚蛋嘅丸，食落口唔係魚蛋味，似由植物做出來，問下先知係用芋丸，哈哈有驚喜喎！不過都幾好食。個三文魚豆乳湯好香，好有魚味，又夠滑，用佢嚟食牛感覺上無咁燥，而碟極上美國牛肉都好食，夠薄夠淋身，一d都唔韌，食完咁多肉，出去再攞d蔬菜食下，見到有d菜幾特別，問下係咩菜，原來係有機菜，真係無諗過日式放題會有有機菜食咁健康

香港人特別鍾意打邊爐，我都係其中之一，路經屯門市廣場內一個轉彎位有間牛一，係食日本火鍋，好想試下新野，又啱好愛火鍋之人，門口好多人等位，有點猶疑，攞張票睇睇等位情況，要等10多張枱，跟朋友商量一下，都覺得可以等，等咗15分鐘左右就有枱，都算ok。坐底嗌湯底，見到餐牌有個menu叫壽喜燒，其實同涮涮鍋嘅肉類係一樣，問下個侍應壽喜燒係咩，佢話湯底係甜醬油，仲有隻雞蛋，滾完塊肉放入蛋槳後食，呢個係日本傳統食法，我地未試過，咁就點嚟試下，肉就點咗美國牛肉及豚肉，個餐係每位$138，叫壽喜燒呢級肉類會比涮涮鍋貴$10。個湯底嚟到，整鍋都係黑色，好似好濃味咁，有d擔心會唔會太咸，滾塊牛肉試下，再加生蛋食，入口湯嘅味道又無想像中咁濃郁，亦唔咸，味道不錯，都食到牛肉味，加蛋食塊牛肉滑咗，有意外驚喜，滾豚肉食都一樣好味，shabu shabu係日本人嘅飲食方式，原來食返日本人嘅傳統食法係最穩陣，令我有d衝動去日本試下當地傳統嘅壽喜燒，牛一放壽喜燒落餐牌，都算有心思，似乎想做真正日本shabu shabu。再由自助bar攞咗幾碟火鍋配菜，原來用呢個甜醬油湯底整蔬菜同瓜類係幾好食，我最愛甜粟米、南瓜、西蘭花

之前上網查詢過，依家咁近我。緊係更加想試。仲有埋優惠劵9點PM開始拎飛。真係太多人,排到搭9先有位所以提醒5-7人去就請早到去排隊超忙碌既時候，問佢好多野都笑住答我,態度算吾錯,,我地點左128個餐 。叫左個三文魚湯底,,,好夠味，大家可嘗試點呢個湯底自助吧有不同既菜類,菇類,丸類俾你任揀一冇哂就即時添加，吾怕冇得拎試金針菇，冬茹入哂湯既味,等級各有層次，食左最平既牛，都幾新鮮架,口感吾錯。比平時打邊爐啲牛好得好多一碟都幾多。食完和牛再食豚肉發覺豚肉仲好好多 ，浸到粉紅色就ok服務員係1—2分鐘就拎到台面，服務算快仲可以自己溝醬有辣有吾辣,任均選擇。個人推介加有少少辣個醬。加上牛肉或豚肉就好正最後食甜品,,有雪糕同乳酪..有埋配料同醬揀不過配料好快俾人拎哂 。另外堆單果陣等耐左，夠時間食多杯雪糕lu果到地方幾潔淨,,,食物比一般好價錢都ok!讚讚讚日式放題算吾錯既選擇！

屯門市廣場居然有shabu shabu 放題，唔係嚟探朋友真係唔知，屯門友幫襯過牛一話幾好食，咁就試下，但去到攞張等枱飛仔一睇，要等30張枱，有d驚一驚，門口又好多人等，但一場嚟到，都係選擇等，咁唯有在等位的過程中，睇吓有咩野食，有4種級數牛肉，有美國牛肉、極上美國和牛、澳洲和牛及日本和牛，一去到和牛級數，價錢就要200多至300多元，好似有d貴，咁極上美國牛肉$158，而美國牛肉就$128，極上牛肉只係比多$30，就決定試下極上牛肉嘅品質。一面睇餐牌一面等，不經不覺就等咗40分鐘，終於有位啦！入到去牛一，環境不錯，安排坐卡位，座位都好舒服，經過見到兩行長長的自助火鍋料枱，好似都幾多選擇，第一印象不錯。一坐落侍應就問要咩湯底，等位時已選定鮮茄濃蝦湯，再點埋個極上美國牛肉，就立即出去攞其他火鍋食物，因為只食得90分鐘，當然要爭取時間啦！火鍋配料枱上有幾款日本醬油、丸類、菇類、瓜類、蔬菜等，款式都好多，仲有牛肉炒飯及咖哩牛肉飯，選擇比其他shabu shabu 放題店多，攞食物都攞得好開心。雖然全店滿座，但上湯底又算幾快，等咗一陣，牛肉及豚肉就到，兩碟肉都排得好整齊，極上美國牛肉紋理靚，大

寒冬未過、冷風陣陣，這樣的天氣當然最適合打邊爐！適逢朋友搞飯聚，便試試這間開張不久的牛肉火鍋放題。由於等位等到腳軟的關係，一行三人早就看了餐牌，共有4款的90分鐘任食晚餐：$128的美國牛肉拼豚肉、$158的特上美國牛肉拼豚肉、二百多元的澳洲和牛拼豚肉及三百多元的日本和牛拼豚肉。而另一方面湯底亦有不少選擇：昆布清湯、元貝清湯、蕃茄濃蝦湯、泡菜牛肉湯和豆乳三文魚湯等等，而因為小弟不嗜辣的緣故就選了$128放題和干貝湯底。湯底一到，其他兩隻食肉獸便急不及待要點牛肉及豚肉。不過由於肉類并非自取，大夥兒只好先拿其他配料了。如上圖的烏冬、餃子、有機菜(其實什麼是「有機」？)也OK新鮮的，只是餃子稍嫌細隻。既然是牛肉放題，當然少不了主角——美國牛肉拼豚肉了！總共點了牛豚肉各兩碟。牛肉的質感還不錯，起碼入口時不像酒樓的盡是肥膏；可是豚肉就稍為令人失望……不知是否浸泡太久的關係，吃到末段豚肉夾上來的時候總是碎碎的。順帶一題，之前看見有食家批評此店上牛肉上得很慢，可是就當晚而言小弟覺得還可以接受(約等了10分鐘)。其實整餐放題最好吃最值得吃的是這乳酪雪糕！除了有三種口味外，還有多款配料任君選擇……如M&

星期日的屯門市廣場都很多人，食晚飯就一定要等位，路過見到間開咗無耐嘅牛一，等位嘅人都係咁多，但算係新野，等位都等得抵d，所以就試下呢間啦！同其他shabu shabu放題一樣，都係食90分鐘，但牛一嘅90分鐘唔係以入座計，係以上湯底起計，即係話坐低咗等湯底時唔計，湯底到咗後先開始計，咁又幾均真，比其他坐低就要未食得但又開始計90分鐘，咁呢度好好多，值得一讚！湯底點咗干貝清湯同辛口和牛味噌湯，混合湯底都係加入$18，咁就要混合湯底食多個味，再點咗美國牛肉，雖然係最平，但質素一d都唔差，牛味好，有咬口，但唔鞋口，肥瘦適中，有驚喜！豚肉都好食，一般水準。其他火鍋配料都算好多選擇，丸類特別多，蔬菜都多同新鮮，攞野食嘅地方夠大，唔使同人搶同人逼，舒服好多。幾鍾意食果個牛肉炒飯，又炒得幾香，雖然只係伴食，但都忍唔住食咗一豌，哈哈，其實食放題食飯係有d唔抵，不過呢度連伴食都做得好，唔抵都要食嘅。辛口和牛味噌湯底牛味甚濃，再用嚟滾牛肉，一流！牛魔王一定要試。干貝湯底估唔到咁好食，干貝好多，好夠味，仲要係鮮味，好正！估唔到兩個湯底都好食，配合食物的質素，每人百幾蚊都抵食，可以再來嘅地方。

味道不錯，服務一般天氣持續寒冷，家人提議「打邊爐」，便嘗試新開張的牛一。我們約6:30 到達拿了一張票，要等候7個號碼。我們邊等候邊看餐牌，見有4款90分鐘任食晚餐：$128的美國牛肉拼豚肉、$158的特上美國牛肉拼豚肉、二百多元的澳洲和牛拼豚肉及三百多元的日本和牛拼豚肉。由於是第一次光顧的關係，我們不會冒險試和牛，而且要吃和牛的話會光顧市區一些熟悉的店鋪，因此我們選$158的晚餐。湯底有多款：昆布清湯、元貝清湯、蕃茄濃蝦湯、泡菜牛肉湯和豆乳三文魚湯等等，而我們選元貝清湯。餐牌都看了數遍，但仍未獲安排入座，我透過餐廳的黑色玻璃看看內裡環境，發現餐廳當時只坐了2/3人，而留空的座位是整齊的，但接待處尚未安排入座。這時，人流開始愈來愈多，好像出現了萬人空巷，聚集在餐廳外的場面。(符合下面食家Tamy815描述的情況)明明店內有座位，我們仍要在外面站了15分鐘至6:45，才可以入座。把票交給接待處時，她要求我們點菜和湯底，幸好我們早已決定好。我們三人獲安排坐卡座，寛敞舒適。我們請一服務員給我們三杯熱水，她說：「要自己喺出面拎」。啊! 原來這兒連這種事情都是自助的。於是，我們忘於走來走去，拿水

屯門新開日式火鍋放題，由於呢個區域無咩呢d店鋪，所以就想即即刻試下。男友6：40分攞飛，但人太多，所以都要等成2個鐘。期間一直望著裡面窗口，話明90分鐘放題，我哋足足望住我哋面前台客食咗2個鐘頭有多（等飛前已經係度食緊，到入座佢都係度，我哋入座佢地先起身走）期間見到呢台客人叫服務員黎，重鬧到個侍應喊，起初我哋以為係麻煩客，唔關餐廳事，但原來噩夢才剛開始。呢台客人隔離又另外一張6人台，但當晚我哋一路等位，就一路睇住佢“留位”，留咗起碼1個小時以上....終於可以入座，企到腳軟，入埋位個侍應好主動話：上咗個鍋先開始計時。 之後我哋等咗45分鐘，個煲先上（期間有催幾次）。。。個煲到咗，但d 牛肉未上，呢樣野我哋又on top等多15分鐘....（又係催）出到去d放題好多菜碟都係吉既，Refill得好慢，無咩好選擇，唯有一直叫肉，但漏單情況嚴重，成個氣氛其實已經好影響用餐心情。而我哋叫既係壽喜燒鍋，但我在此勸大家唔好叫，一開始已經好甜好濃，重要越食越甜...... 搞成餐飯好難頂。。。題外話：用餐期間我哋不斷見到有其他客人鼓譟同鬧d侍應...最後甜品，連雪糕都無埋，又唔refill... (當

回家途中都考慮要唔要blacklist 呢間餐廳,終於決定要寫,不吐不快係6/1 第二次去牛一食,今次一家人去食,之前見到OPENRICE有$100 COUPON(9:30PM先可以用)心諗有咁好既著數原本懷住滿心歡喜去食呢餐,點就係惡夢既開始,我地係7:30PM囉左飛(NO:48X),先前已經講埋有$100 COUPON,個職員話可以照等,點知未到9:30PM已經叫到我,但知客話而家入唔用得COUPON,要我地囉飛輪過(上次我9:30PM去食都係叫晒正價先叫COUPON價,明顯係安排問題),最後重囉飛(NO:52X)到左9:30PM都係叫到NO:49X,到10:00PM叫到NO:510心諗唔駛食(9:30PM放題時間如下 9:30PM入座,11:00PM LAST ORDER 11:15PM埋單 11:30PM關門,好明顯10:00P入去食有欺騙用COUPON食客之嫌)最後係一吐氣之下不歡而散,希望OPENRICE可以登我呢篇食評,唔係因為咁既言論既不獲批核,而係等人知道等價待價既道理

今日同朋友去左呢間食午市放題,我地1點半左右去到,見到門口大排長龍,仲以為會有排等點知只係要嗌9個NO.,好快我地就可以入得去...間野幾大間,D卡位都好闊落,同朋友咁岩可以坐一張雙人枱,我地叫左68蚊一小時果款SUKIYAKI湯底,D湯底黎左之後,我地就即時出左去拎配料!D配料都幾多,菜都有3,4款可以揀,有D比較少見既,例如:年糕條,墨魚餅呢D都有...食物方面唔錯,幾好食飲品都係汽水果D,可以任飲...朋友食左一杯乳酪,話得返一部機,其餘2部係製作中,排隊排左勁耐,有好多TOPPING可以揀,但係樣樣都係剩返少少咁,未REFILL...服務方面D侍應都會主動問要唔要加湯,幾好!到我地夠鐘果陣,有個侍應見我地未食晒,問我地要唔要加時半個鐘,我地最後加左鐘,因為一個鐘,真係太趕好多野都未食晒,加鐘之後可以叫多一碟肉食,不過我地已經開始飽飽地,無加單...唯一唔好既係佢地D單真係有D亂開頭叫我地埋單果陣張單係2個人,TOTAL$250,之後我地加鐘,要俾多40蚊,埋單時CHECK清楚張單,見到只係$238所以埋單時要睇清楚D張單,係咪自己枱既,總結今次同個FD都好滿意呢餐!下次一定再黎

2012年最後一日，難得公司放早，即刻去呢間 “恨” 左好耐既餐廳。之所以要 “恨”，係先前黎左2次等位都唔成功 (講緊等超過150張枱!)，今次 “只係” 等左1個鐘，算係咁….現場所見，4人枱為主。放心，就算2個人食，因為每枱只有一個爐，所以會照俾4人枱你而不設疊枱 ，坐得真舒服!入正題，入坐時侍應會叫你選定邊款放題同湯底，有不同級數既牛肉 (美國> 極上> 和牛etc) 拼豚肉，我們選了最平 $128/人既美國牛肉拼豚肉，另加$18轉雙併湯底，三文魚xxx湯 (太長，唔記得全名) 同辛口牛肉味噌湯。三文魚xxx湯幾鮮甜 別看味噌湯o個邊咁紅，只係微辣咋 餐廳最入有兩排長枱，是火鍋食物、醬油、飲品、甜品自助吧。蔬菜種類幾多，只係蔬菜都有4款，仲有其他瓜、菇類、豆腐等。丸類唔覺有! 另有日本獨有既食物，如日本年糕、魚蛋 (一片片好似太陽o個隻)。有2款熱盤: 和牛炒飯及日式咖哩配白飯。和牛炒飯有少少脆口，加入蟹籽同和牛粒，必試!!! 醬油方面，有 “普通醬油”、黑蒜醬油、辛口醬油、芝麻醬。可能日本人習慣如此…. 醬油較稀，黑蒜醬油好掂! 入口已經有強烈既黑蒜味，食完唔

屯門又開新食店, 我地呢D為食人仕緊係要去試下! 開張第二日都幾多人, 不過我地等左20分鐘左右就有位!今晚我地2個人選左$158一位既美國牛肉同豚肉! 第一碟牛肉淥得耐D都唔會韌,而且味濃!而第二碟D紋理好靚, 但係淥時間多少都係有D韌,可能唔同部位啦!豚肉,切得好薄,所以好快就食得,不過肉味就不太濃厚!湯底, 我地加$18有雙拼湯底, 蕃茄鮮蝦濃湯+牛肉麵豉湯, 蝦湯就好濃郁,但係牛肉湯就無咩味道, 隔離枱叫左個泡菜湯底好香噴噴, 下次一定叫泡菜湯底試下!自助吧有好多丸類,不過都係一般外面可以買到的日式丸子, 所以無太大期望! 仲有任飲汽水及任食乳酪, 其晚乳酪有好3款選擇,有原味,芒果,益力多味! 當晚芒果味好快無晒, 店員亦都好快refill! 而且乳酪亦有十幾款任選, 其中爆爆珠仲有2款味選擇, 食2杯等同出面乳酪店幾拾蚊!由於係放題關係, 得90分鐘時間, 所以真係要爭分奪秒, 我地叫第二碟牛肉都要催左2次先有得食, 而賣單亦都要催左2次先得, 可能係新舖關係, 工作人員未熟習掛, 希望佢地呢方面留意下!