牛一 (屯門市廣場1期) (已結業)

每次經過都見到好多人排隊 ... 今次LUNCH時間經過見只要排8張飛, 終於可以試下~選了90MINS放題 (任食配料, 飲品, 甜品)因為不太要求, 所以選了最平的美國牛肉豚肉湯底是最喜歡的牛乳鍋 ~入到去就見2張長枱的火鍋配料 !超多的~~~有各類丸 (有包心丸), 蔬菜瓜果(有超過5款), 菇類, 腸仔, 豆腐, .... 等~~~而且有日本魚板 !!!! 好好味~~~拉面也不錯 ! 也有熟食 ~ 和牛抄飯好香~ 咖哩就有點像HOUSE即食咖哩 ~ 牛肉和豚肉是要ORDER的~不過就有點慢~ 所以要早點ORDER~飲品是汽水甜品是FROZEN YOGURT ~ 有原味, 荔枝味, 草莓味不過荔枝味, 草莓味的就不太像乳酪...有很多不同的配料自己加~真的不錯的放題~

出完差返黎當然要搵下朋友啦，要拎D手信比人麻今日入屯門搵朋友，當然要去食個LUNCH之前已經想試LEE間，但成日都鬼咁多人喎！今日見唔係太多人，等兩三張就有就等啦！等左15分鐘到就有位喇兩個人安排左坐卡位，GOOD WOR！又夠寬敞 叫了一個泡菜湯底，美國牛肉AND豚肉，都只係$98再加一，真係好抵美國牛肉~~~質素都很好喎！又唔太肥，肉質都唔錯，都好有牛味豚肉~~~肉質都好GOOD喎仲有其他配料可以自己出去拎，選擇都算幾多，而且質素都唔差架貢丸超好味呀D蔬菜同菇菇都好FRESH話咁快就兩個鐘喇！其實肉類各一碟已經好夠，唔夠係可以再叫的，但我個人覺得已經足夠有餘。值得一讚係服務員經常都會過來添湯而唔需叫的！GOOD

昨天襯放假到屯門看電影，之後一家去到牛一一試放題，很多人說午餐合理，估不到晚餐竟然無選擇。入去前要揀牛肉級數，見有澳洲和牛，$268未加一，有貴試貴，但真估不到除肉質較鮮嫩，味道竟一般及鞋口，而且只有牛一味和有豬肉片外，其他只有粉絲、菜、腸仔、菇及丸等，芝麻雪糕放到桌面已融，90分鐘內等牛肉上都浪費不少時間，六十五分鐘已有職員來叫埋單先，我說剛叫了牛肉，她說多給我十分鐘享用。大家請不要去試啊。

 屯門市廣場近年引入了不少新食店.其中一壽司集團的新搞作.牛一.更是屯門市廣場的排隊熱店.我光顧當日是平日的接近下午二點.但仍要輪候接近三十分鍾.內裏的環境闊落,設計亦新穎,有部份卡位是自成一角的.其餘普通的位.也可以二人坐四人枱,空間感相當充足.而任食區亦分為二邊,選擇亦多.什麼菜類.丸類.飯.豆腐.粉麵都有.唯一不見是烏冬,而且補給亦相當快.至於汽水當然任飲.其餘乳洛,雪榚.二者都有.也有二十多種配料.在同類食店中.牛一選擇都算多.去食店最關心當然係消費.其實如果選一個鍾最便宜的肉,一人消費70元左右有交易,而我這次選了138元放題,90分鍾..回想當天末開始食張枱已放滿食物.菜類相當新鮮,至於丸類我推介豬肉丸,有濃厚的豬肉鮮味,入口肉鮮味加了濃湯後爆汁,鮮味滲入味蕾,很享受,腸仔味道都正常不會像坊間有些腸仔是鹹得過份的.至於粟米也是超甜..另外食物大部份都新鮮,無特別要批評的地方.牛肉138元放題算中價.每一塊都薄至透光.灼幾秒就成,牛香味濃..油份亦不高,尚算不俗,至於第二碟都不是太離譜,肥的程度多了2成.牛香味減退一半,油香味增多2成.都不是太差.豚肉:肉質尚算滑,入口不會太

放工後就約了以前大學同學到屯門市中心食晚飯"牛一" 友人吃過幾次 頗推介的所以我們決定今晚就在牛一用餐大約有10人在排隊 我們排第8 侍應每人遞上一張選湯底和牛肉的單張我們即時就做出決定 由於這類以價錢劃分的牛肉其實都大同小異(僅為本人經驗之談)而且對於胃口小的女址們 其實就一碟起2碟止 我們選了最便宜的牛肉+豚肉另外湯底是干貝清湯可能選得快 我們變了1st 進場的客人 (奇怪哦~)第一次來牛一 環境大 好寬倘 2個人也安排的們4人座位 坐得好舒服呢! 湯底好快送上 侍應亦隨即送上1碟牛肉+1碟豚肉這個牛肉脂肪很多 但沒有令湯底油油的 牛肉比較薄身 好快就熟牛肉味頗濃 不太un 肉質比教蠻 份量也蠻多的 我們2個女仔也花了一點氣力 才能完成至於豚肉 亦爽口, 肉味還算濃 亦不會太老不過本人還是覺得牛肉的味比較濃郁 嘻自助吧一眼睇曬 選擇不多 菜和丸各有大約6-8款 面也有5,6款選擇每款丸都試過 大部分都好差 真的食過1粒都不想再食例如龍猳丸 魚丸 完全一pat粉 無口感可言 一點都不彈牙 味道也充滿著嘔心的雪味 腥味好差!醬汁有些特別的汁 例如日式辣醬汁 這就是本人最握介的日式

今次第一次來吃, 因為見到openrice有$100 coupon我7:40pm到達後拿飛, 哇, 竟然要等第67個位先到我, 我心諗, 無所謂啦, 反正自己係食9:30pm的, 拿完飛後可以行一陣先再返來, 行完半小時後回來, 我便問職員究竟我張openrice $100 coupon是否可以用, 佢話可以, 但要另外排過另一條隊, 吓 ! 有無攪錯呀, 無任何指示, 竟然話要另外排過另一條隊 ?!好彩, 另外一條隊無咁多人, 因為佢地都係食所謂特價時段, 我問職員是否食滿$300便可以減低100, 佢話係, 不過要9:30pm入座計, 食用時間為1小時30分我問, 如果我叫2個$128火鍋, 另外加工$18火鍋湯底, 可以用到$100 coupon嗎?佢話可以, 因為合共$301.4, 可以用到$100 coupon我問, 我現在排這條特價時段隊, 是否無$100 coupon在手上都可以用到優惠o架?佢話無$100 coupon在手上, 會收正價, 咁我又問, 既然係咁, 點解這條隊是叫特價時段隊呢?佢話這條隊係指可以用到優惠的隊, 如果你手上無$100 coupon, 照收正價

琴晚1825已拎飛 4個人等候num b36已經預左要等好耐 因為已經第2次食最後大約2035入座 揀左昆布mix泡菜 128牛唔知係個爐定係個煲既問題 滾黎滾去都不能大滾 當滾既時候一落牛就即唔滾所以就叫waiter幫幫手第一個waiter見到我地舉手就問係咪要加水 我地話想你過一過黎 佢就問係咪要煲蓋 我地話唔係 只係叫你過黎問d野 佢行到過黎竟然問我地點解叫佢過黎 心諗咩服務態度 我地向佢講左問題之後佢只係叫我地等多陣就ok過左無耐都係無改善 就再叫另一個waitress 佢都只係叫我地再等 但態度明顯比前者好之後真係等到忍無可忍 叫左經理黎 佢幫我地轉一轉個煲 希望有改善 但整左好耐都係無咩起息 咁岩有一張卡位執好 佢就幫我地轉左枱 但原來個張枱本身係準備入5-6個人 最後我地轉左枱 但本身安排左入座既人得悉要再等過 亦表現不滿 最後根據我既觀察 佢地係15分鐘之後先再能安排入座 原本既座位要再另加電子爐雖然服務態度令我地十分不滿 但食物都唔錯 尤其牛肉質素不錯 乳酪亦好好味 但唯獨丸類唔太ok

已經是第三次光顧牛一的午市火鍋, 原因是因為相當抵食(內地講法就是性價比高)頭兩次來都是周末, 人多是意料中事, 原來平日一樣全院滿座是日剛巧在屯門工作, 連忙相約放假的老爸到這裡來個QUICK HOTPOT下午二時到達, 不用等位, 選了最便宜的牛肉豚肉雙拼, 湯底則要了干貝清湯這裡湯底的選擇不少, 有昆布清湯, 干貝清湯, 三文魚豆乳湯, 韓國泡菜湯, 蕃茄湯等等用餐限時一小時, 由湯底送上開始計時我和老爸一埋位立即去自助BAR枱夾食物, 爭分奪秒嘛自助火鍋配料分別擺放在兩張長枱, 枱面十分乾淨企理, 而且有侍者不斷REFILL配料主要有各式丸類, 包括龍蝦丸, 蟹籽丸, 菜丸, 豬肉丸, 脆皮腸等, 亦有韓國年糕, 魚餅等等蔬菜類選擇亦足, 一般蔬菜外, 蕃茄, 薯仔, 南瓜片, 菇類等都齊全最後, 當然少不了一堆飽肚的麵食麵食以外, 這裡還有日式咖哩飯和和牛炒飯, 日式咖哩頗有水準, 內有薯仔, 蘿蔔, 牛肉等, 不會只得咖哩汁醬油則有五款, 推介帶酸味的柚子醋, 因為可以僻走肉類的膻味喜歡濃味的, 則可試試黑醬油或辣味黑醬油配料夾得七七八八, 回到座位看見湯底和肉類已經送上牛

牛一Hot-pot放題午餐好得呀! 我們兩人各order咗大約$130的上等美國肥牛和䐁肉放題! D肉好滑又唔係超肥。有好多塊肉都有70至80%肉㗎! 湯底係蕃茄蝦湯, 但係無蕃茄味。只有日本豉油和淡淡的蝦味! 所以有D失望! 下次會試其他的湯底!配料就多到不得了啦 真係好正!有兩個長長的配料枱, 上面放了很多蔬菜丶麵丶丸類丶豆腐等等! 我都唔記得咁多! 亦都無試哂所有配料! 同埋一心想食多D牛肉, 所以我倆每人食牛和䐁各兩大碟! 真係非常滿足!可是他們的服務質素要改善一下! D waiters 不是太願意serve人客! 我有聽到其他人都有投訴D服務差! 起碼唔好口黑面黑啦!不過我一定會再去幫襯!

今天去吃午飯。點了最平的美國肥牛+豚肉，90分鐘。肥牛第一碟最靚，之後的牛片差不多一半肥膏一半肉，沒太特別。豚肉較為出色，有肉味，肥瘦適中，很好。反而配菜令人留下深刻印象。咖哩飯必試，汁很濃很惹味，咖哩+甜+辣味混合得剛剛好。芋頭丸內的芋頭很棉很甜，很有芋頭香味。海膽丸內有很多“海膽“，很香，但一出很快就給搶空。雲尼拿軟雪糕，很濃的牛奶味，很滑，略嫌“杰“了少少。

大年初三早啲出街食晚飯接住去睇賀歲片，心想 5:30去牛一食頭輪應該會無咁多人，結果係人齊就順利入座。門口的人未算係好多，但都有人攞飛仔等。今日點左個三文魚豆乳湯底，趁人唔係太多就快快出去攞野食，今次發覺多咗丸類選擇，比之前多左，包括有海膽丸、貢丸、花枝丸、魚丸、肉丸、魚腐等等，重有d林林地嘅丸，但唔記得咗個名喇，味道食得出唔係平價的丸，尤其係個花枝丸同貢丸就肯定係台灣出品的，咬落係彈牙同埋肉味好夠的味道。另外重有個係類似八爪魚餅切開左一條條狀的條條都有濃濃的八爪魚香味，呢個都幾好味。腸仔+烏冬肯定係阿仔的心水，但原來個日式拉麵都好好食，就算用黎打邊爐啲麵質都唔會話煮煮吓就淋哂，小朋友都唔洗淨係食烏冬……其實都重有蕎麥麵、芋絲、咖哩飯同炒飯的飽肚類食物，不過任食呢的我個人就唔會食咁多澱粉類。不過最重點係今天我哋主力食豚肉，今次攞咗好多大蔥，因為我哋最愛大蔥配豚肉一齊放入口食，兩種味道，兩個口感，一濃一淡啱啱好，既有肉的肥美又可以減少膩的感覺，唔會啖啖肉，點埋蒜味醬油同日式麻醬味道真係一絶，而且豚肉切得夠薄而肉質又好，放落湯底度一陣已經全熟，食落好鮮嫩而且一啲都唔”鞋”，我哋唔覺唔覺就食

去到牛一門口見到人山人海，講真有點卻步，又話要等50張枱，真係嚇死，心諗使唔使咁多人呀, 係咪咁好食呀，等咗成45分鐘先有枱，等到有點忟，如果安排枱方面可以快些會更好。坐底等咗一陣個韓風泡菜湯底先至到，可能客人太多，人手唔夠，而碟牛肉又係要等咗一陣先嚟到，好在係湯底到先計時食90分鐘，唔係就蝕咗。不過碟牛肉望落又幾靚，肉紋清晰肥瘦均勻，一啖食落去肉汁豐富，夠林身，肉質靚而肉味夠濃，雖然只係最平$128嘅美國牛肉，但絕對水準之作，有surprise喎。個湯底辣辣地，用嚟配牛肉一流，不過我一向都係泡菜湯fans，而呢個泡菜湯底當然唔夠韓國料理果d咁正宗咁好食，但以一間日式火鍋嚟講，個泡菜湯都做得唔錯，辛辣味夠，用嚟食豚肉都唔錯。調味自助bar有種辛口蒜味醬油用嚟點肉食又係一流，而個日本麻醬都好香好好味，再加d蔥，加埋牛肉食好perfect。因為之後再點牛肉要等，咁就攞咗好多其他野食，個自助bar都好長，好多食物，不過其實都係唔同嘅丸唔同嘅菇，我就一般，我就主攻菜，有種菜個名幾得意，叫養心菜，食落幾清甜。呢度無雪糕食，只有乳酪，咁我就食左士多啤梨味，食落去口感無出面乳酪店果d咁creamy，

牛一開業一個月有多，到處都有它的優惠劵（包括我住的屋苑信箱）相信是為了先KEEP人氣吧，在屯門成為人氣店不難呀，太多屯門人要開飯了。由於傳聞等位要1-2小時，老公亦試過晚上8時半去已截人......嘗新之三。牛一懷疑是鑽石山那SHABU SHABU姊妹店，或是抄襲它，很相似。三人光顧午市SHABU SHABU，點了中價極上美國牛和豚肉。環境很不錯的，服務OK，不過這兒不是一人一鍋的（我較喜歡一人一鍋）惟有放棄壽喜燒湯底，要了雙拼：昆布清湯(這個不錯)和蓄茄蝦湯(這個不行)肉方面，我都算是個日式火鍋放題達人，總覺得光顧就不是為吃牛，而是吃配菜而來的。想點最便宜的，可是同行的人想點好一點的，結果當然是不算出色了，反而豚肉還好一點。蔬菜方面，確是很新鮮的，而且洗得很乾淨。麵食方面，竟然沒有烏冬，不可原諒。有限量供應梅子麵，不錯，但未夠細心（有些店會標明煮麵時間讓你參考）丸類方面，都是大路那些，不是最出色的一間，但OK。飲品方面，自助汽水機一定有，可是連水也要自助對老人家來說很不便，也沒有熱茶供應。雪糕方面，當天是牛奶雪糕，算不錯，有很多配料可選。咖啡飯真是不錯，可是，我們明明是來吃shabu

見新開無耐，又日日咁多人排隊，姑且都排埋一份試下。揀咗第二級＂極上美國牛肉＂，結果質素係差過涷肉舖啲平價牛肉，反而豚肉仲好食。自助食物款式唔多，大部份丸類都鬆散，無咬口，係得墨魚丸叫ＯＫ。蔬菜類幾新鮮，唔錯。烏冬幾好食，拉麵就完全唔得。醬料款式多，但大多數味道都麻麻，唔算係好貨式。反而咖哩汁做得幾好，食咖哩飯仲正，咁算唔算喧賓奪主？飲品只得汽水，好似我呢啲唔飲汽水的人，唯有飲水算。乳酪配料唔多，但係都預咗，但最慘係味道唔好食，陣味好怪，小朋友都話唔食，仲話超市買杯裝仲好味。結論係：排咁耐係戇居，傻仔做一次就夠。

對於一個唔食牛肉嘅我，對日式shabu shabu真係不太感興趣，朋友堅持要去，仲話好多牛以外嘅野食，屈服了，去咗牛一。佢地叫美國牛肉餐，係最平嘅一個餐，當然有豚肉，如果我都唔知食咩好，不過一入嚟見到張自助bar枱好多不同類型嘅食物，都有好多選擇。湯底到咗，係韓風泡菜同昆布清湯，先將豚肉放到泡菜湯裡，因豚肉片夠薄，基本上滾幾下就食得，就係我最愛嘅泡菜豬肉嘅味道了，呢個泡菜湯底都幾出色，唔太辣，只有辣泡菜嘅香辣，用嚟食豚肉就一流，而豚肉薄身又唔韌，又唔鞋，好爽口，肉味都好好，我好快就ko就一碟。而食昆布清湯就清甜，將豚肉沾日本黑蒜醬油及日本胡麻醬，非常美味。一鍋兩種食法，混合鍋底就有呢個吸引之處。我地又肚餓，d野都好食，所以我地好快咁要加肉，晚飯時間人多，見d侍應都好忙，諗住要等一等先有第二輪肉送上，點知等咗唔係好耐就攞到嚟，服務都幾好喎，好配合到只有90分鐘嘅用餐時間。肉食得咁上下，再來一輪金菇、蕃茄、西蘭花、木耳、枝竹、蘿蔔、海膽丸、蝦子丸、龍蝦丸、芋仔丸、粟米、粟米仔、蓮藕、南瓜、獅子狗卷、翠肉瓜、秀珍菇、生菜、蟹柳等等，大戰了好幾碟，即刻飽咗，但仲有好多食物未攞，但真的飽了，食放