影片
更多
2013-01-02
92 浏览
2012年最后一日，难得公司放早，即刻去呢间 “恨” 左好耐既餐厅。之所以要 “恨”，系先前黎左2次等位都唔成功 (讲紧等超过150张枱!)，今次 “只系” 等左1个钟，算系咁….现场所见，4人枱为主。放心，就算2个人食，因为每枱只有一个炉，所以会照俾4人枱你而不设叠枱 ，坐得真舒服!入正题，入坐时侍应会叫你选定边款放题同汤底，有不同级数既牛肉 (美国> 极上> 和牛etc) 拼豚肉，我们选了最平 $128/人既美国牛肉拼豚肉，另加$18转双并汤底，三文鱼xxx汤 (太长，唔记得全名) 同辛口牛肉味噌汤。三文鱼xxx汤几鲜甜 别看味噌汤o个边咁红，只系微辣咋 餐厅最入有两排长枱，是火锅食物、酱油、饮品、甜品自助吧。蔬菜种类几多，只系蔬菜都有4款，仲有其他瓜、菇类、豆腐等。丸类唔觉有! 另有日本独有既食物，如日本年糕、鱼蛋 (一片片好似太阳o个只)。有2款热盘: 和牛炒饭及日式咖哩配白饭。和牛炒饭有少少脆口，加入蟹籽同和牛粒，必试!!! 酱油方面，有 “普通酱油”、黑蒜酱油、辛口酱油、芝麻酱。可能日本人习惯如此…. 酱油较稀，黑蒜酱油好掂! 入口已经有强烈既黑蒜味，食完唔
之所以要 “恨”，系先前黎左2次等位都唔成功 (讲紧等超过150张枱!)，今次 “只系” 等左1个钟，算系咁….
现场所见，4人枱为主。放心，就算2个人食，因为每枱只有一个炉，所以会照俾4人枱你而不设叠枱 ，坐得真舒服!
入正题，入坐时侍应会叫你选定边款放题同汤底，有不同级数既牛肉 (美国> 极上> 和牛etc) 拼豚肉，我们选了最平 $128/人既美国牛肉拼豚肉，另加$18转双并汤底，三文鱼xxx汤 (太长，唔记得全名) 同辛口牛肉味噌汤。三文鱼xxx汤几鲜甜 别看味噌汤o个边咁红，只系微辣咋
餐厅最入有两排长枱，是火锅食物、酱油、饮品、甜品自助吧。蔬菜种类几多，只系蔬菜都有4款，仲有其他瓜、菇类、豆腐等。丸类唔觉有! 另有日本独有既食物，如日本年糕、鱼蛋 (一片片好似太阳o个只)。
有2款热盘: 和牛炒饭及日式咖哩配白饭。和牛炒饭有少少脆口，加入蟹籽同和牛粒，必试!!! 酱油方面，有 “普通酱油”、黑蒜酱油、辛口酱油、芝麻酱。可能日本人习惯如此…. 酱油较稀，黑蒜酱油好掂! 入口已经有强烈既黑蒜味，食完唔好即刻同人近距离讲野! 另外仲有一条条状既柚子醋，因为本人唔多好醋类食物所以无拎，但都几多人拎，一放出黎好快无哂。
饮品全汽水! 甜品有乳酪同雪糕，当晚我选了朱古力雪糕 (只有一款味)，好快溶 toppings 约20款，都ok。
放题既主角：牛肉同豚肉，叫侍应下单就可以。因为无其他肉类，所以唯有 “丧食”以求回本!
白碟系牛肉，玻璃碟系豚肉。两者都相当好食!!! 来到已完全溶雪，纹理好靓、大块、排得好靓，卖相一流! 豚肉叫左几碟都系咁簿! (透光ga!) 可见刀功几好。 只系唔知点解每碟分量都唔同有时一碟得几片，有时又会成打咁上.....牛肉煮耐左都唔会觉得韧，好香浓既牛肉味。
唯一美中不足既狂漏单lor!本身只有90分钟已经好赶，第2轮食完先叫下一碟就出事，等左20 min 都未到! 期间每5分钟就催….我都唔想咁hash，但鬼叫你咁少时间咩! 侍应只识答 “下? 仲未黎? 我已经叫左ga la” --> 你送黎先得ga…. 最后临尾20分钟叫我地埋单，话会加番10分钟俾我地。我即刻话 “下? 我头先等左20分钟wow，你俾多10分钟咋?” 结果个经理都肯俾多10分钟，即系total 加多左20分钟，算佢啦~另外好想讲佢将枱安排得几差，我旁边2张空枱等左2x 分钟才有人入座，但外面讲紧最少50人等紧!! 搞到食紧既又唔安乐，外面既又等到眼火爆……
题外话/补充资料：
如果唔想等到傻，建议食最易早一批，晚餐5 pm 开始派飞，拎得黎等个几钟，7点多就可入座了。
(以上食记乃用户个人意见 , 并不代表OpenRice之观点。)
张贴
