影片
更多
2013-01-08
64 浏览
屯門新開日式火鍋放題，由於呢個區域無咩呢d店鋪，所以就想即即刻試下。男友6：40分攞飛，但人太多，所以都要等成2個鐘。期間一直望著裡面窗口，話明90分鐘放題，我哋足足望住我哋面前台客食咗2個鐘頭有多（等飛前已經係度食緊，到入座佢都係度，我哋入座佢地先起身走）期間見到呢台客人叫服務員黎，重鬧到個侍應喊，起初我哋以為係麻煩客，唔關餐廳事，但原來噩夢才剛開始。呢台客人隔離又另外一張6人台，但當晚我哋一路等位，就一路睇住佢“留位”，留咗起碼1個小時以上....終於可以入座，企到腳軟，入埋位個侍應好主動話：上咗個鍋先開始計時。 之後我哋等咗45分鐘，個煲先上（期間有催幾次）。。。個煲到咗，但d 牛肉未上，呢樣野我哋又on top等多15分鐘....（又係催）出到去d放題好多菜碟都係吉既，Refill得好慢，無咩好選擇，唯有一直叫肉，但漏單情況嚴重，成個氣氛其實已經好影響用餐心情。而我哋叫既係壽喜燒鍋，但我在此勸大家唔好叫，一開始已經好甜好濃，重要越食越甜...... 搞成餐飯好難頂。。。題外話：用餐期間我哋不斷見到有其他客人鼓譟同鬧d侍應...最後甜品，連雪糕都無埋，又唔refill... (當
男友6：40分攞飛，但人太多，所以都要等成2個鐘。期間一直望著裡面窗口，話明90分鐘放題，我哋足足望住我哋面前台客食咗2個鐘頭有多（等飛前已經係度食緊，到入座佢都係度，我哋入座佢地先起身走）期間見到呢台客人叫服務員黎，重鬧到個侍應喊，起初我哋以為係麻煩客，唔關餐廳事，但原來噩夢才剛開始。
呢台客人隔離又另外一張6人台，但當晚我哋一路等位，就一路睇住佢“留位”，留咗起碼1個小時以上....
終於可以入座，企到腳軟，入埋位個侍應好主動話：上咗個鍋先開始計時。 之後我哋等咗45分鐘，個煲先上（期間有催幾次）。。。
個煲到咗，但d 牛肉未上，呢樣野我哋又on top等多15分鐘....（又係催）
出到去d放題好多菜碟都係吉既，Refill得好慢，無咩好選擇，唯有一直叫肉，但漏單情況嚴重，成個氣氛其實已經好影響用餐心情。而我哋叫既係壽喜燒鍋，但我在此勸大家唔好叫，一開始已經好甜好濃，重要越食越甜...... 搞成餐飯好難頂。。。題外話：用餐期間我哋不斷見到有其他客人鼓譟同鬧d侍應...
最後甜品，連雪糕都無埋，又唔refill... (當時才9點左右）但我就真係只有一面無奈...成餐飯真係食得好辛苦..
不過公道d講句，佢用料（牛肉）係正，有時會refill d 菜呀 都好OK。。。呢個係佢優點。
不過我亦明白晒點解一路好多客complain, 所以最後我都係定唔順叫個經理黎話佢知，呢餐飯其實對我呢個食客好唔公平，咩都無。。。。唔值呢個價錢，而佢最後只有比到9折我，同埋同我道歉。
今次之後我都唔會去呢間餐廳住，如果佢安排改善好的話，或者會去下。。。
张贴