牛の鍋日本料理

营业中

休息中

呢幾日天氣凍凍地，對於牛魔王嚟講最好就梗係打邊爐啦！今次嚟到牛之鍋，一坐低比個Menu我揀湯底，嘩有成十款咁多，選擇困難症又發作，最後揀咗三鮮豬骨湯 。一坐低梗係每樣肉叫返一碟試吓啦，發現竟然係紐西蘭羊肩肉覺得最好味! 呢間係用QR code落單，用QR code嘅好處就係可以逐少逐少咁不斷落單，又唔會唔記得自己叫咗啲咩，而且佢哋出order勁快，最快嗰一次唔使1分鐘碟嘢就出現咗喺我枱面！對於成日眼闊肚窄嘅我來講咁樣落單最方便又唔會嘥嘢！除咗肉類之外，火鍋仲有海鮮同自助蔬菜bar, 其他有刺身壽司燒物炸物，飲品都好多款揀，最驚喜嘅係佢嘅甜品，款色多之餘，仲要唔係嗰啲好hea嘅甜品，我地揀咗其中幾款來試，個宇治抺茶芭菲我飽住都食咗兩個😅唔怪得入坐時個經理提我地記得留肚食甜品🤣總括嚟講，今次嘅滿足指數（同埋個肚皮）都爆燈🤣

平日夜晚5:30入座 漏單漏得好勁甜品由落單開始計45分鐘之後先上真係太離譜 我地兩個坐左成差唔多成個鐘先黎得個一兜仔湯圓 兩個分黎食究竟係咪食緊放題炸物 壽司嗰d重覆叫左5 6次 最後利得一兩舊同啲侍應吹單 話炸緊但隔離遲黎嗰台已經有野食然後隔離台無耐又黎多兜炸野 但係望佢地眼神好似唔係佢地嘅咁 然後我地呢台d野食遲遲未上啲嘢係好食但係全程都淨係食得嗰少少幾好食都冇下次...食放題都可以食唔飽咁走 五成飽都冇好失望

牛之鍋火鍋夜！湯底有10款，勁多款都好想食！夜香沙嗲湯、或者比較補嘅蟲草花松茸湯！花膠荳香魚湯既味道濃厚，荳香帶椒味。花膠條形有些厚度，食到唔係煲無左！三鮮豬骨湯多豬骨幾奶白香口，配菜類食好好，唔油帶鮮！因為我哋兩個湯底都想食，所以雙拼湯底有feel過單人鍋少少！台灣鴨血唔會有腥味。炸魚皮必食，點花膠湯正膽！芝士波波丸同牛筋丸就爆汁！香菇貢丸就夠大大丸，牛筋丸可以食多d！愛嘅種類有好多，特別有菠菜同埋涼皮，幾特別！另外有韭菜豬肉餃、魚皮餃、粟米餃同蛋角都有！粟米餃咸左少少，其實ok。手切肥牛最yummy！牛味重重去三鮮鍋夠重味。美國同埋英國牛就肥肉多過手切，但都有牛味，肥肉咬走唔怕肥！五香雞肉好似食五香牛肉嗰啲味道！勁大碟厚肉，雞脾肉嫩！第二嫩既係紐西蘭羊肩肉，薄切快熟同夾一口大大入口好油脂！馬蹄鮮魚滑幾特別，平時得墨魚滑依種。馬蹄鮮魚滑爽口得來又唔會話有魚骨！海蝦、鮮魷魚、大白蜆大白蜆可以叫多d！無沙鮮嫩，大大個殼一起就一咋！燒菠蘿燒羊肉都有！當然唔少得響鈴、同埋佢依度有布包豆腐。掛湯食物配荳香！差啲唔記得咗仲有刺身！佢有三文魚、帶子、希靈魚、甜蝦、泰式生蝦、北寄貝、赤貝樣樣新鮮，大

約咗朋友喺荃灣食飯，佢想食日本嘢我又想打邊爐～去依間放題就啱晒👍🏼佢係「日本料理+火鍋配料+即製甜品」任點任食～餐廳位於悅來酒店商場悅來坊裏面，平日夜晚去到目測坐滿咗8成，都幾受街坊歡迎。用微信QR code 落單好方便，上菜快又無漏單。我哋揀咗2小時放題A餐～包括：刺身、一品料理、燒物、壽司、天婦羅丶火鍋配料丶甜品等等。星期一至四＄238，如果7:30pm前離座＄208 ，👉🏻送升級刺身同埋澳洲手切牛肉各1客。火鍋湯底一人一鍋，除咗肉類，仲有海鮮，最正係有廣島蠔任點🦪而其他蔬菜丶麵食丶配料丶飲品丶啤酒就喺出邊自己攞。最大亮點係甜品選擇有好多，大約有10幾款～我哋前後食咗5款～每樣份量細細地，咁就可以食多幾款啦👍🏼其中仙草芋圓丶珍珠伯爵茶奶凍都幾唔錯。而宇冶抹茶芭菲賣相靚💗見到幾乎每枱都有點。

平時同朋友食飯諗得最多就係簡邊爐定放題好 今次呢間就可以滿足哂2願望 同時有邊爐同日式放題 仲有埋甜品放題 甜品係即製 仲有抹茶芭菲食😍-店鋪採用QRcode落單好方便 落完order 啲野食好快上🚶🏻‍♂️以前食放題總會被漏單n咁多次 呢間反而無黎個情況出現🧐👍🏻打邊爐方面可以簡一人一細鍋/一大鍋一齊share 咁今次就簡左細鍋 配搭蟲草花松茸湯 湯底好足料 一撈起勁多松茸😻個湯好香菇味好清甜 而打邊爐配料例如牛肉、海鮮、丸類都可以係QRcode落單 餐廳亦有個自助區拎蔬菜類 而日式放題就有魚生、壽司、串燒同炸物等等🍴串燒《豬腩肉》有驚喜 醃料夠香夠惹味 食落辣辣地！炸物必食芝麻雞翼 超香脆最後仲有甜品放題 淨係食甜品都值哂 甜品種類繁多 有10幾款簡 全部都即叫即整 私心推薦抹茶芭菲 香濃茶味再配搭脆脆 口感十足😍

荃灣多火鍋店就係人都知，但想食刺身又打邊爐又真係無乜邊間~呢間係悅來坊嘅牛之鍋，可以打邊爐同時食刺身、壽司放題😋真係好抵食！湯底可以揀大鍋/一人一鍋，同朋友就揀咗壽喜燒同沙嗲湯底😋壽喜燒真係好濃郁，用嚟打邊爐再加湯都好夠味，沙嗲味就甜中帶香，不過再濃啲會更好😋一坐底就上咗盤刺身拼盤，仲要件件刺身厚切，3文魚最正，唔夠可以追加要咗幾件壽司，絕唔馬虎，芒果炸蝦卷，口感層次，軟中帶脆~火焰三火魚加咗2 次單，少許火焰味，三文魚口感鮮滑，整得唔錯！值得一讚呢間火鍋店嘅牛好靚，口感鮮滑而嫩，放入熱湯幾十秒食得，而羊肉完全冇騷味，肉質有咀勁，打邊爐一流~~除咗刺身、壽司、邊爐外，另一推介係呢間餐廳嘅炸物，鐘意食榴槤嘅唔好錯過，入面嘅榴槤炸彈，外脆內軟，而且榴槤味好濃郁，唔食榴槤嘅都可以食炸蠔，蠔都算新鮮，炸完帶香脆！最重要係呢間餐廳嘅甜品都係放題式任叫，有榴槤班戟、仙草芋圓等，份量真係一人份，可以食曬咁多款~必食仙草芋圓😋甜度剛好，芋圓口感Q彈~

相約友人在荃灣一聚，因為時間早，朋友已book 了此間火鍋的早鳥時段。我之前亦曾在此吃過火鍋，印象中食品水準還是不錯，今晚又可再回味一吓。進入時已經有少食客在座，編給我們的座位並不太理想，始終是火鍋店，面積亦不是大，好的座位終歸有限，下次揀好座位要早些到才行。首先點了個豬骨湯底鍋，再望吓晚市放題，由原來的A、B 兩項加多了C 級極上級。因為時間關係，我們點了個B餐放題來試，發現之前用人手入單改用手機入單。但個系統不靈活，要搞好耐才下到單，問吓侍應生原來個糸統剛用了2星期，未行順，真的有待改進。既然是牛之鍋，主角一定是牛，同的是今次的B餐放題已少了極上牛肉可選。要在C級才可享用。豬骨湯巳滚了，湯味算濃，主角牛未到，試咗其他的配角先，邊吃邊等吧……等了好久谷飼牛和美國牛才來…………可能是人多點餐，出不切吧！牛肉都切得夠薄，淥一吓 點上醬汁入口，肉質不老保持水準，但比起之前提供的極上牛就遜色一些。其他的周邊配角:海鮮類如蝦、蜆、青口等都算新鲜，肉丸、蔬菜類都有一般水準。另外加上雪榚甜品賣相不俗，味道亦是可口。對於食量不大的人來說，B餐實在是一個不錯的經濟實惠之選。總括今次給我的印象是:食

冬天到了❤️當然要打邊爐暖一暖身惠顧牛之鍋 一坐低就送上刺身拼盤同一碟手切牛手切牛既肉味較香濃 同壽喜燒湯底真係好配🤤刺身拼盤有螺肉 三文魚 吞拿魚 北寄貝 希靈魚 帆立貝 赤蝦🦐等等 款式好多 可以等打邊爐既時候食左先☺️.我最欣賞佢既英國草飼牛肉同牛舌🐂牛舌真係高質 好爽口!!! 牛肉質素都好平均油脂分布唔錯 厚薄適中每份肉大約有6片 唔怕一叫就太多🥬蔬菜 菇類都係自助 芋頭條推介大家一定要拎!!煮耐左有蓉蓉既感覺 爆好食的。🍣壽司同串燒🍢款式都唔少 雞軟骨燒得脆口 可encore😋.最後當然少不了甜品 呢度連芋圓仙草 🍧綿綿冰都有啊～🧋珍珠奶茶布丁同仙草芋圓係我最愛 芋圓十分q彈煙煙韌韌～必留肚子吃💕

放題少見即叫即製甜品 今次去到悅來坊既牛の鍋食邊爐放題🤤牛の鍋其中一樣Selling Point就係佢地既即叫即製甜品，有成10幾款甜品選擇，比一般放題更為吸引😏嘆完邊爐＋放題再食埋即製甜品真係大滿足😆依家改用QR code落單，好方便🤭而且仲可以選擇一個大鍋/一人一鍋，想試多幾款湯底都一樣可以，而且感覺再衛生啲。一入座就會送上刺身船；開完胃就開始點餐了👌🏿牛肉有買款，叫左幾轉啲質素都Keep到，肉質軟嫩、油花位置都勻稱😋海鮮就唔少得廣島蠔同新鮮海蝦~其他餃類、丸類配料同樣可以經QR Code落單，特色啲既有粟米流心丸、芝士波波腸、蛋餃等。麵食類可以係手機落單，同樣可以係出面既自助區拎🥸自助區主要係蔬菜類；各式既蔬菜配料、菇類、韓國年糕、生根、芋絲等都可以係出面拎，而且refill得都快～除左邊爐外，放題當然唔少得刺身、壽司、燒物同炸物；炸物全部即叫即炸，入口熱辣辣！榴槤炸彈爆哂漿🙈仲有燒雞脾肉葱串都好味🤣食到咁上下又再提提大家要留肚食甜品🔥即製窩夫×軟雪糕係必食！加有蜜糖既窩夫外脆內軟；上面再加埋軟雪糕，一冷一熱勁正～伯爵茶奶凍口感奶滑，又好香伯爵茶味道，仲要加埋珍珠係上面！榴槤甘露

看過之前食評覺得大家感覺良好。星期五孩子考完試中午去。初試感覺可以。星期天再和全家人去，原來小孩11歲當大人收費。五個人點了五份澳牛來了三份，這才知星期五點的澳牛沒有來！問佢佢話每二人一份，單上明明寫每人一份！之後點的肥牛都好多漏單。

這店可以一人一鍋，火鍋還有看似不錯的甜品，一行四人6:30專登從九龍過來試試。湯底有日常的沙爹湯、芫茜皮蛋湯、牛骨湯、蕃茄湯、豆腐魚湯。。。火鍋食品種類不算多，但一般的食物都有。這裡的肉切得薄，質素不錯，菜也很新鮮，還有海鮮、丸、餃等等。種類和質素也是非常重要的，我們都覺得與價錢相稱，抵！我想食其甜品，所以一坐低就入紙叫了綠茶芭菲同雪糕窩夫，但一個鐘頭都沒來，問問店員，佢話而家出緊7:30要離座的甜品🙄⋯⋯因為早場是5:30。所以，我認為食早場是不錯的選擇，因為未咁旺，服務同甜品上菜都可能好啲。其實這店的店員都非常忙碌，我見他們都未停過的，火鍋料的上菜幾快。我們的甜品來了第一round, 部分當然要到encore. 綠茶雪糕芭菲很正，綠茶味濃，細細杯，好味啊！再有窩夫🧇，新鮮溫暖，香脆，十分滿意。二百零幾(未加一），可以有質素的火鍋料，再加上咁有質素的甜品簡直超值啦！

對比以前任食的午餐火鍋，食物選擇少了，牛肉無以前咁好食，又少左羊肉，要食加錢的牛肉才可以，豬肉又好似比以前老左。甜品方面，剛好有款冇左，又少左款班cake, 應該唔會再有下次。

餐廳座位編排本身都唔算闊落，但做放題係預左既。晚上七點半入座，四大兩小一BB被安排坐在自助拎火鍋配料的前方位置，通道已經窄，仲要人來人往，其實已經唔太理想。重點黎喇，大家坐低哂叫左火鍋湯底，老公就出去拎火鍋配料啦，跟住其中一位中年男士侍應經過我地張枱，勁大力拍埋我老公空左的座位，跟住張櫈郁到我BB張high chair，佢嚇一嚇，差啲掂到枱面煲緊既鍋😡仲未完！然後果位侍應係果條好窄的配料通道同我老公相遇，窄既程度係要大家要讓半個身先過到果種。然後佢竟然係撞我老公，真係冇誇張，係真係撞！！仲要唔止撞一下！🤬🤬出街食左咁多年飯，真係未試過有啲咁既service🤬🤬唔好話我係客你係侍應先啦，係條街度你都唔會咁樣撞人啦下嘛！！真係嬲到癲！！經理有嘗試調解，話安排第二個位俾我地，但係而家係你個staff撞人喎，我搬去邊佢都可以撞我張枱撞我張櫈啦，最後我地唔想一肚氣食呢餐飯，離開左。好唔好食、抵唔抵食我唔知，我淨係知無論佢幾好食幾抵食我都唔會俾第二次機會佢。真係從來未試過有過咁不快既用餐經驗😡

第二期消費卷又到手啦！梗係搵埋啲朋友去食嘢，今晚就去荃灣悅來坊牛之鍋日本料理食放題，餐廳地方整潔，座位寬敞舒適。食物方面有超過200款日本料理+火鍋配料+即製甜品，包括：刺身、沙律、一品料理、燒物、壽司、手卷、軍艦、天婦羅、揚物及多款火鍋配料，仲有汽水啤酒。2小時任飲任食！餐廳設有自助區，蔬菜、丸類、飲品、火鍋混醬料都係自取，款式多又新鮮，不時都有店員清潔和添加。其他肉食海鮮都係要用手機落單。湯底可揀一大鍋齊齊食，亦可揀一人一鍋。我哋揀咗每人一鍋，沙嗲湯和胡椒豬肚湯。刺身也是任食，新鮮三文魚、希靈魚厚切，魚脂甘香，帶子、赤貝、甜蝦和鮑片爽口鮮甜。壽司也不錯，火炙三文魚壽司、火炙芝士蝦壽司、三文魚腩壽司、芒果吉列蝦卷，用料新鮮，有水準，好味！大蝦天婦羅、芝麻雞翼、黃金炸生蠔、紫心香芋丸，炸得香口唔油膩！火鍋配料亦好新鮮，美國極上牛肉，肉質鮮嫩，牛味香濃。特選豚肉鮮嫩，帶少許肥肉，不會鞋口。海蝦彈牙、紐西蘭青口鮮味、滋補花膠滑溜、台灣鴨血冇腥味。其他多款火鍋配料都好新鮮，款式又多，可以手機落單，也可去自助區自取。重有多款即叫即做甜品，宇治抹茶芭菲、軟雪糕、芒果布甸、珍珠伯爵茶奶凍，每款都有

我係「甜品控」，但係之前去甜品放題又會覺得淨係食甜品太齋。點知俾我揾到牛之鍋放題！呢度可以仼食好多款即製甜品，但仲有刺身壽司，加上打邊爐，聽到都吸引。一坐低就點野食，呢度都係用緊舊式放題點餐方法-即係畫紙仔。第一轉一定要食啲刺身。刺身有帶子，甜蝦，三文魚，赤貝，希靈魚多種選擇，都算新鮮，下面有冰鎮住，但係好快就溶。小食如芝麻八爪魚，味付螺肉和蟹籽沙律都不錯。都有啲熟食可以揀。老公特別喜愛燒蟹殼，入邊滿滿蟹和膏，鮮甜美味。串燒日本雞肋骨都非常惹味。食到甘上下要打邊爐啦！湯底我揀左沙嗲同蕃茄薯仔牛粒湯美國極上牛肉切得很薄身，一勺即食，牛味濃郁，可以揀大碟同細碟，不過我地叫左幾次都係大碟，不停食啊！真係要記得留肚食甜品，宇治抹茶芭菲好正，綠茶雪糕下面有紅豆，椰果粒，朱古力脆脆，真是好好食。窩夫雪糕又係好正，窩夫整到外脆內軟，又香蛋味，加埋雪糕係上面，簡直冇得頂。榴槤甘露內裏有榴槤蓉，甜度啱啱好，但係超香榴槤味。榴槤pancake相對冇咁香。叫返個綿綿冰，上面配上大大粒芒果汁爆珠，勁冰透心涼。