爺爺雞煲皇 (美景街) (已結業)

這次來吃爺爺雞煲皇！弄個調味後用試一下前菜木耳，這個前菜不是太好扣一點分！味道理應是酸醋味，但這個加了點甜但又帶酸總之就跟平常吃的有出入！ 有點怪不推呢個！真心被前菜差點嚇跑了雞煲來了！總得吃完主菜再看看走不走！吃下去還可以喔⋯⋯ 而且份量挺多的不錯！我們叫小辣，真的就有嚐到一點點辣！還算惹味的，還蠻香的！而雞口質還好看看部位吧，有點比較嫩滑，有點比較粗糙！這可以理解的吃完雞就到火鍋部分！很多火鍋料可以點喔！選擇多這個手切牛不得了！必點！超有牛味，而且口感不硬！接下來全都是肉，肉，肉，肉畢竟是食肉獸！當然要多點一些肉肉都是正常質素的而且都有很多選擇！接下來是海鮮類這個十分推介！ 這個蛋黃蟹籽墨魚滑，夠彈牙而且有咸香把墨魚的鮮味都升華了！蟹籽再令墨魚滑口感加分美國桶蠔！手掌這麼大的！真的要哇一聲啊⋯⋯其實這家店算不錯除了那碟木耳！適合多人聚會，不會被趕走的！而且多人吃能多吃幾款價錢又會便宜一點！性價比高

上個星期同朋友打完籃球 就一齊去咗爺爺雞煲皇食雞煲 呢間舖頭就係用一個點菜嘅方式嚟嗌餸 所以食物會有返一定嘅質素 唔似一般雞煲放題咁用啲普通料食雞煲最重要係乜嘢？ 當然係個煲啦 我哋就嗌咗爺爺招牌雞煲 有得揀一隻雞($218) 抑或係半隻雞 ($158) 辣度仲有唔同嘅選擇 我哋就揀咗一隻雞同埋bb辣個招牌雞煲嚟到 色澤非常靚 成個雞煲擺到滿滿嘅雞 雞件好入味同好新鮮 質素同埋其他聲稱可以任加雞嘅餐廳冇得比 食完個雞煲 就開始加裝進入打邊爐模式😋手切肥牛（大）($218)手切肥牛 每一片都有一定嘅厚度 牛肉味好出特選黑豚肉片($78) 晶瑩通透 一睇就知好新鮮羊肉片($78)羊肉片唔太騷 個人覺得幾好 一啲唔食羊肉嘅朋友都有食手打四寶丸包括牛丸,墨丸 ,鮮蝦丸, 貢丸($88)好肯定四寶丸真係手打嘅 因為真係粒粒都好彈牙 攞嚟做乒乓波都得最後再嚟多一份自製響鈴及炸魚皮 同埋蘿蔔蓮藕之類嘅配菜總括而言真係估唔到可以喺土瓜灣入面搵到呢一間平民雞煲皇 食物嘅質素真係高到估唔到 肉類 無論係牛豬雞羊 都非常新鮮 加上四寶丸真係手打製作非常彈牙 特別係鮮蝦丸 好想食多幾粒下次會返嚟再食嘅餐廳

我地本來打算黎食雞煲，點知見到呢個招牌花甲蟹鍋好吸引，就試一試。先點咗兩個小食，胡麻冰菜同埋八味金磚脆豆腐。冰菜好爽口，配胡麻醬一流。豆腐外脆內軟，惹味香口，幾好食。個鍋好豐富，蕃茄粟米湯底本來已經好正，再加上蟹同花甲，令湯汁更鮮甜美味。蟹超多膏，花甲大大隻，新鮮好味。手切肥牛嘅雪花好靚，有肉味又唔會軔，正！鮑魚新鮮爽口，一人一隻啱啱好。爺爺冰豆腐吸收哂湯汁嘅美味，好正。手打四寶丸當中，我最喜歡牛丸，牛味香濃之餘，咬開𥚃面非常juicy。非常豐富嘅一餐，下次真係要黎試下呢度嘅招牌雞煲！

個日去完朋友屋企打牌，就一齊食飯。朋友住土瓜灣，佢介紹呢間爺爺雞煲，佢話成日同屋企人食，去到見到都幾多人，幾受歡迎喎！我自己對雞煲要求都幾高，除左雞煲要好味，加湯之後嘅邊爐都好重要！店員隆重推介招牌雞煲，仲話加湯之後連豉油都唔使點添！🐔招牌雞煲BB辣（一隻$218）🔻黎到即刻食得唔使等🔻醬汁唔錯，雞件都好入味🔻如果可以多d莞茜就更完美🐮細手切肥牛（$138）🔻其他雞煲店好少有手切肥牛🔻店員話手切最嫰，機切會破壞牛肉纖維🔻牛味夠，脂肪分佈平均，令牛肉好滑，唔錯另外再叫左d配菜，蓮藕啊凍豆腐等等，食材都好新鮮。-值得一提嘅係四寶丸，特別推介當中嘅牛丸同蝦丸，牛丸多汁，蝦丸爽甜。👍🏾聽講響鈴係呢到自家製，浸落d湯到吸晒d汁正！最後想讚下店員服務態度好好，自動幫我地控制火候，好多其他餐廳都唔會。

高汁魚煲, 中辣都唔算太辣值得一提既係D菜好好食, 同個牛真係無得輸牛味好出~ 加埋個湯底真係一流 作為一個食菜怪, 我地係叫左極多菜既而佢D菜全部都好新鮮~ 不過吸左油都辣下 要小心爆菊花打邊邊最正都係舊蘿蔔~keke而魚皮雖然好邪惡~ 但都真係必食, 肥呢D野真係下次下次~先再減吧最後附上餐牌~個場唔算太多人, 同frd 二丁友去食張台又大又舒服. 重點係D姐姐好好人, 成日都幫我地睇火, 又驚我地唔夠位食野迫 好快幫我地收起D野. 係人情味呀 哈利. 開心!!!!

這是我第一次去非放題式的火鍋餐廳，不過既然朋友請，我二話不説的答應了。首先必讚的是裏面燈火通明，完全把食物最吸引的一面呈現出來，叫人胃口大增。首先點的是招牌雞煲，一般雞煲都是直接上煲再煮滾，但這餐廳是直接煲好再上枱，所以一上枱已經是香氣四溢。雞肉彈牙，味道也沒有令我失望，我們選了小辣，對於我們這幫不太能吃辣的人來説，真的剛剛好吃完雞煲就點食物了打邊爐了，我其實一直都很想很想試手切牛肉，今天終於得償所願了。。。滾10秒左右就可以入口，口感彈牙不鬆散也不靭，除了肉香還帶點油香，這個必點午餐肉是我女朋友每次打邊爐都必點的食物，我一般都不吃的，但這個我竟然和她搶食，因爲午餐肉是已經煎好的，已經熱身，而且外皮帶點脆香，簡直一吃停不了口。另外很想讚的就是蝦，因爲夠爽夠彈，原本有竹簽串好的，但我把竹簽拔掉，因爲我覺得把竹簽拔掉後，蝦卷起，會比較爽脆。蝦滑就是我每次去打邊爐都比必點的，這款蝦滑竟然混合了鹹蛋黃，内裏滲出淡淡香味，，上面的蟹子也為蝦滑增添了脆仆仆的口感，鹹蛋控的朋友一直説要向其他人推介。這初試非放題式的火鍋體驗十分良好，他可以讓我感覺到等級的差別，散點食物的確有他的優勝之處。

今次去土瓜灣穩野食，同朋友一齊去左爺爺雞煲皇。從何文田出行大概15分鐘，位置雖然有dd遠，但食到好野就唔緊要啦！坐底冇耐服務員已經很快安排好碗筷、調味架以及餐牌。雞煲很香，叫了小辣都夠辣了。除左雞煲，我地叫左雪花肥牛，黑豚肉&羊肉片，呢啲系必須啦。 肥牛偏薄身但肥同瘦剛剛好，好吃。黑豚肉也ok，而羊肉片算是比較有羊騷味既一種，鐘意吃羊的朋友仔唔好放過哦。我地都叫左頂級和牛粒，好有牛味不過真系要注意煮的時間，好易靭。蝦同午餐肉高質，蝦夠彈牙，亦夠鮮。而午餐肉有煎過，好香好好食！

今晚同同事兩枝公都唔駛返歸陪老婆, 同事建議去佢屋企附近食返餐雞煲, 反正由佢屋企有直接巴士返到我家, 我地一收工就到北角搭船去位於土瓜灣呢間爺爺雞煲皇 。😙爺爺雞煲皇位於土瓜灣美景街, 由九龍城碼頭行大概8分鐘左右就到。餐廳有別於附近嘅食店, 門面比較光鮮, 店內裝修亦都非常乾淨企理。由於同事係呢度嘅常客, 食物當然由佢發辦, 我地先食左餐廳招牌爺爺雞煲, 食完再點火鍋配料打邊爐。😁胡麻冰菜 雞煲預備緊嘅時間, 同意點左碟胡麻冰菜, 冰菜以冷盤上, 味道清爽, 加上酸酸甜甜嘅胡麻醬, 味道醒胃。👍自家製炸響玲 炸魚皮  由於我地兩個人怕點一份炸魚皮太多, 店員好貼心咁建議我地轉做雙拼, 餐廳自家製炸響玲同炸魚皮由於係現炸, 非常香脆, 特別係炸魚皮, 確係非常惹味可口。😋爺爺招牌雞煲(半隻) 雖然只係點左半隻雞, 不過呢個爺爺招牌雞煲份量都超級多, 雞肉嫩滑, 我地揀左少辣, 辣度剛好, 連洋蔥都好入味, 我地好快就將雞肉食清光之後加湯打邊爐。😋手切肥牛(細)到火鍋店打邊爐最緊要當然係肥牛啦, 呢度嘅手切肥牛油脂分佈均勻, 口感超軟腍, 牛味香濃, 細碟份量都唔少, 兩個人食剛剛好。

一行4人去土瓜灣覓食～選了這家爺爺雞皇。 從何文田站 / 黃埔站 過去大概需要15分鐘。 去到之後職員很快安排我們入座以及選煲，配料也齊。我們選了小辣，辣度其實很足夠，越吃會越辣雞肉很入味而且份量也算多（我們大概吃了7成就加湯打邊爐了）手切牛肉很厚身，又不韌，極具口感然後就是大力推薦 鹹蛋蟹子墨魚滑！第一次嘗試鹹蛋黃撈進魚滑裏，原來很匹配除了墨魚&蟹子香，更多一種鹹香～其他的牛也不錯，然而熟食的牛柳粒略鹹了我們也試了廣島蠔，正常發揮啦總的來說除了走遠一點路，食物質素是挺高的哦

平時好少去土瓜灣，但有個朋友啱啱搬入附近，成班朋友諗唔到食咩所以揀食附近既雞煲就過咗嚟。入到去發覺座位闊落，地方都好乾淨，侍應好好態度。😍我哋四個人叫咗一個招牌爺爺雞煲，小辣嘅，嚟到見到啲雞既份量好多，味道都唔錯，雞肉好多肉汁好嫩，唔會話煮到過老，我哋食完啲雞已經開始覺得有少少飽。🤣我哋叫咗自家制響鈴，即炸魚皮，手打魚肉，特選黑豚肉同手切肥牛，仲有一份雜菜。魚皮新鮮炸起既，同出面賣嗰啲唔同，特別香脆可口。呢到既黑豚肉係薄切，肉質好嫩而手切肥牛則係我既至愛，肉味好濃，落鍋幾秒即食，肥瘦適中，食到停唔到口！蔬菜嘅份量都好多，一籃有唔同種類嘅菜，連我比較鍾意食嘅油麥菜都有。手打四寶丸特別推介佢個蝦丸同墨魚丸，咬落口真係有蝦肉同墨魚粒，好彈牙好有咬口！整體黎講都係水準之上，一定會再嚟食。

好耐無食雞煲火鍋啦，所以今日路過順便食下。間雞煲火鍋店環境都好大，我大約六點幾去到，超多空位，有大枱同細枱，大枱可以坐十幾人，細枱可以坐二人至四人。店舖嘅牆上掛咗好多牌，介紹間店嘅招牌菜式。例如：雞煲丶羊腩煲等。🐑.朋友話唔會想食雞煲，所以點咗個魚煲。我好少試魚煲，所以都想一試。點咗個秘製川味魚煲鍋$208。因為唔太食得辣，所以係BB辣。分別點咗手切肥牛（細）$138，胡麻冰菜丶椒鹽魷魚🦑鬚丶自家製同響鈴丶翠玉瓜丶冬瓜件+蓮藕片丶手打四寶丸丶爺爺冰豆腐。仲有野飲可以點，有罐裝汽水丶樽裝茶同啤酒🍻。首先個魚煲真係好大，配料都好多，有好多豆卜丶雞髀菇丶秀珍菇丶芫荽等。魚🐟肉質好滑而且好嫩丶不過魚肉比較少。而湯底有少許咸。配料浸落湯底入面都入晒味。胡麻冰菜個口感好特別，菜係好爽口同有點滑滑地，配胡麻醬好夾，第一次食，有獨特口感。椒鹽魷魚🦑鬚炸得好香口，而且份量好多。炸粉好少，所以無偷工減料。👍🏻手打四寶丸啲丸因爲係手打，所以好Q彈而且無雪藏肉丸果種硬同急凍味道，反而有新鮮魚肉嘅口感。爺爺冰豆腐第一次食這種豆腐，豆腐好容易入晒啲湯底嘅濃郁味道，而且有少少口感，唔似食緊平時滑嘅豆腐，反而有點脆口

土瓜灣近年發展迅速，食肆愈開愈多，由於款式多樣及性價比不錯，很多人都會特意來用餐。除了北帝街一帶外，下路美景街一帶亦百花齊放，晚飯時間要找位置亦不容易。是晚來到新開張不久的雞煲店，店家日間時間為冰室，下午五時後則搖身一變為雞煲火鍋店。等了十分鐘左右入座圓桌，火鍋店來說座位還算寬敞，燈光明亮。而汁料方面亦很齊全，炸蒜、辣椒豆瓣醬等都沒少。爺爺招牌雞煲（中辣半隻）(HKD 158)來得雞煲店當然要點雞煲，我們兩個人點了半隻中辣。招牌雞煲辣香撲鼻，皮鮮肉嫩；而特意調製的辣汁亦醃得濃厚入味，雞肉嚼下彈牙多汁，加上爽脆的芹菜及洋蔥，口感豐富而統一，滋味一口接一口。手切肥牛（細）(HKD 138)脂肪分佈平均，油份豐腴，入口非常鮮甜細滑，肉質厚實不黏牙。特選黑豚肉(下)及羊肉片(上)(各HKD 78)這家店的肉類都大抵厚實嫩滑，食肉獸們一定不會失望，質感一流。海中蝦(HKD 88)海蝦大大隻，非常新鮮，於火鍋湯輕輕一灼後已很夠味，肉質爽甜嚼感良。手打四寶丸(HKD 88)(墨魚丸、蝦丸、鯪魚球、牛丸）出前一丁(HKD 9)及 白飯 (HKD 12)唐生菜(HKD 28)爺爺冰豆腐(HKD 36)這

今天來土瓜灣探朋友，順道在附近搵食，在Openrice找到這間口碑不錯的地道雞煲，果然有驚喜！由於時間尚早 , 座位任揀。 餐廳地方闊落，乾淨企理！雞煲共有三款 , 當然不容錯過"爺爺招牌雞煲" 一隻$218 ~ 嘩！一睇賣相，已經口水直流！雞煲香氣撲鼻，湯頭濃郁香惹，雞肉嫩滑味美， 啖啖好滋味吃完雞煲，再來其他火鍋配料。牛肉控必食的 "手切肥牛"(大) $218 ~ 肥牛不但牛味濃郁，油脂均勻 美國桶蠔 $168 ~ 隻隻厚肉肥美，鮮甜滑溜炸魚皮 $38 + 自家製響鈴 $38 ~ 鬆化香口，佐酒及放湯皆一流，尤其是炸魚皮，香脆無比， 令人無法抗拒，再來一碟！桂花蚌 $108 + 珊瑚蚌 $108 ~ 入口滑溜又鮮甜 , 個人較喜歡桂花蚌 , 夠爽滑 !瓜菜種類繁多 , 價錢由$28至$32不等 , 食材新鮮。食雞煲嘆啤酒，非常滿足的一晚呢！

平時好少去土瓜灣食野，今次同屋企人去左個到食雞煲，真係好好食呀😍😍我哋叫咗個招牌雞煲，個雞煲一上嚟，已經香度係咁流口水🤤平時食雞煲要等好耐啲雞先熟，但係呢度啲雞煲兩分鐘就已經食得啦！ ！好香好香好香！重要啲雞好大份，食極都食唔晒咁樣，超級入味，辣辣地好惹味啊！手切肥牛真係好食到唔知點講😍😍天牛肥瘦適中，食落口好林，有啲入口即溶嘅感覺，就算個雞煲未加水，就咁擺落去淥，都仲食到陣牛味，真係好正😍啲豬肉一啲都唔肥，好食！咁多隻丸全部都非常彈牙，但我最鍾意係牛丸同埋墨魚丸！牛丸好juicy，而墨魚丸就爽口，一啲粉味都冇！炸魚皮同響鈴用嚟浸落湯底食到就一流😙啲蝦全部都好大隻好新鮮，食落口超級彈牙！

早幾日心血來潮突然好想食雞煲，於是就約咗班朋友一齊去試下呢間喺土瓜灣嘅雞煲。呢間店都算闊落，坐得幾舒服。我地當日揀咗呢款爺爺招牌雞煲。因為有朋友唔係太食得辣所以我地只係嗌咗小辣，呢個程度唔太食得辣嘅朋友都接受到。個雞煲味道好濃郁，加上好香嘅辣椒味，味道真係唔錯。啲雞食落好嫩滑，值得一試。呢款手切牛肉都好值得推介，食落一啲都唔韌而且好有牛肉味，好有驚喜。我地仲食咗其他幾款肉，牛、羊、豬都叫咗，啲肉感覺好新鮮，賣相亦都好靚。除咗肉類仲有海鮮同啲熟嘅小食揀，食物選擇都幾多元化。啲蝦好新鮮，味道鮮甜。可能我個人本身對蚌冇咩興趣，俾我感覺一般。呢款蟹子墨魚滑下次去我地一定會再嗌，因為感覺真係好新鮮，食落彈牙，調味剛好。呢個熟食牛柳粒不過不失，啲汁嘅味道有啲過鹹。整體黎講呢間店嘅食材都好新鮮，多食物種類選擇，環境亦唔錯，值得一試！