爺爺雞煲皇 (美景街) (已結業)

我地本來打算黎食雞煲，點知見到呢個招牌花甲蟹鍋好吸引，就試一試。先點咗兩個小食，胡麻冰菜同埋八味金磚脆豆腐。冰菜好爽口，配胡麻醬一流。豆腐外脆內軟，惹味香口，幾好食。個鍋好豐富，蕃茄粟米湯底本來已經好正，再加上蟹同花甲，令湯汁更鮮甜美味。蟹超多膏，花甲大大隻，新鮮好味。手切肥牛嘅雪花好靚，有肉味又唔會軔，正！鮑魚新鮮爽口，一人一隻啱啱好。爺爺冰豆腐吸收哂湯汁嘅美味，好正。手打四寶丸當中，我最喜歡牛丸，牛味香濃之餘，咬開𥚃面非常juicy。非常豐富嘅一餐，下次真係要黎試下呢度嘅招牌雞煲！