爵樂印度餐廳 (已搬遷) 新店位置

放左工走黎試印度buffet, 呢度的裝修幾靓, service 唔錯, 最後決定食buffet, 大約得10款左右的食物, 有素菜角幾好味, d皮唔太厚; 咖哩羊, 雞,雜菜及有盤黃黃地色的咖哩都唔錯, 用黎伴印度薄飯食就o岩晒, 除左熱盤仲有沙律同生果, 甜品有一件椰絲糕, 好甜; 另有一件四方形灰灰地色的就唔知係咩, 只係食到甜味, 叉落去時有叉緊舊咸魚的質感, 仲有一樣係睇落似西米露的甜品, 原來係米, 好重煉奶味, 都ok, 下次都會試其他。

成日去呢條街食野,每次望到個招牌都想去試下,但係我d朋友次次都唔肯去終於我生日佢地都就下我, 一去到好surprise呀修裝得咁靚．．？service 好好喎....我地都係食buffet 既...雖然食物選擇唔多,但味道唔錯呀..個d綠色成pair野咁好似菜黎,個樣唔好睇但食落好好味架.哈.我唯一唔鍾意係個live band 因為我又唔知佢地既歌唱緊乜...^^我會再去, 值得推介呀!

3月31日,朋友同我celebrate birthday,o個到有buffet食,散叫都可以!!! D野食唔錯,,最好味就係D 薄餅.!! 有live band,唱印度birthday song!

3月31日黎食Dinner Buffet。基本上食物都好齊，由沙律前菜curry甜品都有齊。前菜有炸素菜角，其實幾好食，但太大，食一隻就夠，乾既唔知咩雞＆魚，豆湯，curry有雞，羊，魚，薯仔，Ｄ羊好林，但又保持到Ｄ羊既味道，naan係即整，buffet包原味& onion。onion naan熱辣辣黎到，好香好味！（不過油左少少）甜品有甜到漏超硬銀箔椰絲榚，食唔慣，但個綠豆蓉就幾好味，清清地唔太甜。$128+10%都食得過，SERVICE唔錯，食物味道唔錯。睇到隔離食set，太多野啦，而且又未必樣樣都鍾意食，散叫又太貴，都係食buffet抵Ｄ。P.S.　唔知係咩日子，星期三晚都咁多人，Ｄ位太密太迫啦！

這是名符其實一間食情調同環境既餐廳。好企理釨乾淨, 食物的味道都唔錯。但佢既buffet真係只係"自助餐", 係自己拿食物, 但種類真的太少了..所以唔算得係抵食, 但service真係一流ga...如果想食menu d野, 我諗都要預番四佰元兩個人..

朋友生日, 請佢食飯~ 去o左依間好耐無去o既印度餐廳~service真係幾好~ 個個都好好笑容~ 我book位時話要睇到live band o既位都無問題~ 靚仔waiter不斷sell我o地食buffet, $13X~ 朋友無idea食咩, 話食buffet可以食多d o野, 所以就食buffet啦~ 不過我數過, 出面得兩種頭盤, 兩種雞, 一種羊, 一種魚, 三款素食熱盤, 黃飯, 米餅, 同兩款甜品, 唔包o野飲, 味道一般~ 所以叫2人set都差唔多, $190/person, 起碼都包印度雪糕同餐飲, 而且即叫即做, 一定好食d~ 另外order o左兩杯mango lassi同一杯rose lassi (rose lassi.... 都係普通lassi好d.....)~ 仲有order o左印度雪糕$58 (睇圖), 係一磚磚o既, 好香花o既香料味(即係人造香味), 仲有好多碎果仁, 幾得意咁囉~ 埋單$414, 無加一~ 點計都抵食o既~ ^_^Live band 8pm開始, 不過點解d歌咁哀怨o既.......

If you ask local Indian about where is the best Indian restaurant in Hong Kong. They almost recommend Gaylord. Luxury environment and excellent taste are selling-point. Unforgettable!

This is an excellent place to eat indian food. The service is superb, the atomosphere is very relaxing and quiet. Food is very good, you dont feel like your being served low quality material. Everyone should go here at least once. It's not the most expensive but not cheapest place to eat. Expect to spend $150 per person at least.

環境真係幾好, 有燭光晚餐, 又有印度音樂(8點開始)。服務好殷勤週到(侍應會分埋菜) 不過野食只係OK。2個人叫左1) 雞肉咖哩角–個皮好似角仔咁, 同公仔點心D咖哩角皮唔一樣(同佐敦咖哩坊都唔一樣)。(2) Mixed Tandoori Grill –有雞、魚、羊、蝦。唔錯。(3) 咖哩雞–配印度特色飯, 2 樣都好好食。個咖哩雞都算幾辣。(4) 蒜蓉naan –同普通naan無大分別, 只係多左蒜蓉味, taste一般啦。再加一支印度啤酒, 埋單$410。係食環境多過食物本身。

唔似印度菜餐廳，環境地方舒服，氣氛又唔錯。有晚餐每位108同buffet每位128，兩種選擇。既然兩者相差廿蚊，當然食buffet啦。雖然buffet選擇唔多，不過味道好，唔似一般的印度餐館。例如：烤魚同烤雞、咖哩雞同咖哩磨菇，個印度薄餅是新鮮熱辣出爐的好正！仲有原味同香蔥味揀。此外，除o左食物好之餘，招呼服務亦唔錯，同酒店有得比。

環境幾好喎~ 唔會好似重慶o個d咁又窄又黑, 反而好乾淨, 好光猛~ 又有現場印度歌聽~ band後面係塊玻璃, 可以睇到廚司整o野食, 但o個晚唔見佢整naan, 有d失望~ 位manager招乎好周到, 我同個friend玩叉匙當夾用, 佢竟然主動教我o地用喎~二人set dinner, 有素食? ($160/each), 同非素食餐($170/each或$210/each)~ 不過好似太多啦, 我同我個friend散叫:1) Tandoori Mixed Grill - 有大蝦, 羊, 雞, 同kebab~ 雞乾o左d, 其他都好好味~2) 奶油椰菜花薯仔- 好香好濃~ 送naan幾好~3) 腰果naan - 幾香喎~4) 兩杯原味Lassi5) 一杯咖啡6) 一杯Iced Tea - 美中不足......竟然未篤就有味既罐裝o架? >_<埋單$37X~ 雖然貴o左d, 但都值得~ 多謝我個好朋友~~ ^_^

environment is nice and quiet for couple or gathering. weekend after 8pm there is a live band show. service is excellent and food is good in a reasonable price (~$100 to 150 per person). I highly recommand this restaurant in t.s.t.