爆汗串串 (已結業)

話說早一晚係網上見到有介紹，第二日就黎試下九點搭三四左右到啦都座無虛席冇book到位就黎左期間發生左段小插曲咁我就九點半落單，食左兩小碟涼菜，等到十點都未黎連遲黎兩枱都食緊甚至食完1round唯有問問係漏單定係要等咁耐佢既答覆係小食有單，串物冇單，你再寫過，優先整俾你印象即刻差左，等左咁耐枱上面冇野唔覺得好奇怪咩？等多十分鐘終於有得食講返食物先兩款前菜 蒜泥青瓜 同蓮藕片都正常既特別係青瓜幾入味 唔似汁還汁 瓜還瓜👍🏻麻辣千層肚就麻麻，偏冧身冇咬口，似冧左既水魷👎🏻無骨鳳爪，食完冇咩感覺，唔係好食👎🏻主菜料都係咁，冇特別好食只有特別難食，種類偏少👎🏻個湯底得辣油味冇乜辣香，好快會覺得悶👎🏻原本都想添食，但都坐到冇得胃口食1round就走人總括黎講，128+30任飲+10%呢個價就可以食好少少既都係果句，一試無妨，再試投降。。

其實我同老公都唔係好食得辣不過尋晚我地去咗試下平時經過都好多人嘅爆汗串串試下放題好抵啊，$168任食2小時，飲品就另外加$30任飲㗎不過我地唔知原來可以揀辣度🤣🤣食食下真係有啲辣。不過解辣最好方法原來唔係飲嘢😂係食成都冰粉，一食完即刻個口冇咁辣，我見其他人都係咁食㗎 我同老公都覺得厚百頁，蓮藕，午餐肉同鴨舌配辣湯係正嘅最後想講，雖然係放題，但請唔好浪費食物。食幾多叫幾多，珍惜食物。（因為我見到幾枱都浪費咗好多串串）

呢次唔係第一次黎呢度食，第一次係成班朋友黎，呢次就係同朋友兩個開心食飯，難得有都鍾意食的朋友，係旺角附近，就一起食了。呢間野有一次性圍巾，好細心！上次就食得太辣，呢次聰明，叫BB辣，雖然我鍾意食辣，但係唔代表我食得辣😂😂我上次一樣，我都係叫咗個串串放題，放題真係幾抵食，呢一餐我叫左差唔多3轉，每豬都起碼10養嘢以上，所以真係好開心🥳唔洗計住計住咁食，呢個就係放題的好處！我同朋友最鍾意食佢d涼粉，食辣野無左佢真係唔得，真係救左我三四次，哈哈食辣嘢真係好矛盾，你又想繼續食，但你又會覺得好辣，所以我就一共叫咗四五碗涼粉嚟食。

今晚難得和表姐出街食飯，當然食她喜歡的菜式店鋪細細，座無虛席，超旺場先點幾款小食：拍青瓜：蒜蓉味濃香，青瓜爽口香辣鳳爪：超惹味，辣度適中，爽😊棒棒雞：芝麻醬好香，雞肉甜香，夾埋青瓜絲夠特別鴨血豆腐：不太辣，好滋味，底層有芽菜串串出場：放題式牛肉，五花肉，花枝丸，鴨舌，豬皮，魷魚，腐皮，海帶，成都小香腸，雞珍，雞肉腸等等，太多選擇，全部食材都鮮味十足，好好吃，每串每一口，吃不停，吃完再點單，麻麻地香酸菜豬肚麵（豬骨湯）：酸酸甜甜的湯底，麵條好滑好爽口清涼的冰粉

大約早一兩年前的時間，曾經出現過一間間以〈磅竹籤〉形式去收費的成都麻辣串串專門店。本小兔食過覺得好好食，但始終逐串竹籤去磅，每串又得個少少食物，如果唔就住就住咁去食嘅話，的確好貴！！不過最近朋友介紹之下知道廣華街有間成都麻辣串串以放題形式收費，終於可以唔使就住就住咁去食，食都食得特別爽！！唔好以為放題就會好貴，最平的時段都衹是百鬆D蚊，要食到回本真係話都冇咁易！！好在朋友一早打電話去訂定枱，如果唔係就真係要喺門口等下先有得食。基本上各式丸類，肉類，菜類嘅麻辣串串都有齊，另外仲有多款小食，而且加30蚊就可以任飲啤酒，汽水，仲有自家制嘅豆漿同烏梅汁可以選擇，爽歪歪！！未食串串之前梗係要試杯自家製嘅豆漿同烏梅汁試下先啦！豆漿夠香濃又唔會特別甜，烏梅汁就酸酸咪咪咁，食麻辣串真係啱曬。點好咗麻辣串串之後，喺等食之間仲可以食齊佢多款小食。我就最欣賞滿滿醬汁同勁多雞肉嘅麻醬雞肉青瓜，以及勁入味嘅蒜泥青瓜，真係勁開胃。我哋好瘋狂地乜都有叫，最索味嘅豬皮同又香又滑嘅腩肉又點少得呢！！唔使幾耐就食完第一輪要再encore，唔使就住就住咁食真係勁暢快冇花冇假，我哋真係食左勁多，如果好似之前要逐串逐磅去計錢，

爆汗串串 #旺角麻辣串串放題 2小時1715-1915 $128 (+ $28 任食小食)1930-2130 $168 (免費任食小食）2130-0200 $128(+ $28 任食小食)呢間麻辣串串真係幾抵食，除咗包串串之外，仲有各式各樣嘅小食、麵類、冰粉，保證你一定會食得飽。仲要佢每一樣嘢嘅選擇都有好多，淨係串串已經有幾十款唔同嘅配料，有肉有素，不過佢哋上菜都幾唔齊，但係速度都幾快，所以你再補嗌返就得。另外佢啲面都真係有平時出街食咁大碗，包括成都肥腸面、酸菜豬肚面、爆汗牛肉麵等等，雖然味道唔算太特別，但係就咁嗌幾碗食都抵晒。至於辣度方面我覺得都算適中，如果覺得辣嘅仲可以嗌碗面浸下啲辣油。所以整體來講味道不過不失，但真心覺得呢一間好抵食！得閒想過下辣癮食下都唔錯！味道: 4.2/5性價比: 4.7/5

旺角廣華街有好多好嘢食，今次我就試咗依個成都串串，「爆汗串串」係任食放題$128/168 加一，如果加$30就任飲飲品，飲品選擇仲好多添啊，放題食品除咗串串之外，仲好多款小食同埋麪可以選擇，佢個麵都幾好食喎，仲有辣湯底或魚骨湯底揀，小食我就試咗棒棒雞，同埋有個拍青瓜，其實佢嗰個成都串串，都有幾十款食物選擇，飲品又無限添飲，我覺得佢嗰個窩辣度啱啱好，仲有甜品添呀，佢嗰個成都老冰粉，有啲似台灣嗰個愛玉冰，好好味，其實我都係第一次食呢類成都串串，以呢個價錢同質素，在放題嚟講算抵嘅。大部份小食都係任叫見隔離枱唔食得辣，要求佢係唔辣嘅湯底

話說自從北上左幾次之後就鍾意咗食麻辣野 於是返到黎香港就同朋友去咗食正宗嘅四川麻辣串串放題🍢🌶佢哋有超過30款嘅小食揀 唔夠嘅話再加麵/飯都得唔講唔知佢哋嘅湯底係咁講究 老闆特登喺成都運咗好多種香料黎炮製湯底 有香葉 草果 桂皮 丁香 紅花椒 印度椒 八角等12種配料 再加入豬骨 雞骨熬製足足5個鐘 最後加埋成都秘製辣椒油 夠曬麻🌶香🔥辣😝加$20有另外五款小食任食 加$30飲品可以任飲 再食埋佢哋嘅成都老冰粉就唔怕辣啦💦

旺角呢條街其中一間最旺嘅餐廳應該係「爆汗串串」，尤其是早場，非常受年輕人歡迎。今日我地兩個來左試下，果然抵食，如果鐘意食麻辣野、串串、小食，又覺得逐串計錢太貴，呢間啱哂，因為佢係放題形式任食！小店一間，家庭式經營，位置唔多，分佈都幾密麻，預左要坐得親密，盡量唔好帶太多隨身物品，咁佢地都好好嘅，有籃可以放喺櫈底。裝修方面以黃色為主，漫畫風嘅壁紙幾有趣收費方面星期一至日5:15pm-19:15pm最抵食，每位$128(另加一)，任食超過30款串串、多款小食同麵。任食自在，唔洗就住就住，每位加$30仲有埋飲品任飲。一般呢類型串串有嘅野呢度都有供應，丸類例如牛丸、墨丸、魚片頭，另有豬皮、肥腸、五花肉、餃類、菇菌、蔬菜等等我地隨便點左好多款食住先，廚房即煮，order都多，需時等候；店員會上左前菜、小食先，可以食住等。蒜泥青瓜、麻辣鴨血豆腐、蓮藕、棒棒雞味道都唔錯，又幾開胃我地最鐘意鴨血豆腐，辣得來好過癮！然後一大盤麻辣串串上枱，以紅湯浸住，熱辣辣，望到都已經口水分泌各款食物用竹籤串起，數量同我地落單都有少少出入，不過我地反正都食得哂。紅湯麻辣有料到，我地鐘意食辣就覺得非常正，少麻少辣，愈食到底

辣得過癮@爆汗串串 我好鐘意食辣，尤其是麻辣!很多年前在大陸食過麻辣燙，一試愛上!把簡單的食材放入去麻辣湯底下燙一下就成為惹味醒胃的美食，可惜是香港有質素的麻辣燙食店不多  早幾日辣妹子朋友帶路下去了旺角廣華街的爆汗串串食麻辣燙，小店雖然不大， 但裝修好別緻，最緊要係冷氣夠強勁，邊食邊出汗也不怕啦 放題形式，5:30-7:00 期間$128放題，再加$30任飲 計落不用$200就可以食飽飽了 食物主打麻辣燙，另外小食和麵食都是可以任點的 食辣辣當然要啤一啤啦!加$30任飲飲料有啤酒汽水  很貼心的小圍裙 隨便地點了一圈~ 滿滿的一桌，好開心(2人份量，但我們竟然食晒!!!)  麻辣蕨根粉，有一點點辣的，那個汁少少酸，食起來好清爽 麻辣千層肚，即是牛柏葉，切得細細的，食起來爽口不韌  棒棒雞，是少數不辣的食物之一! 沒有骨，啖啖肉 雞肉伴了青瓜和芝麻醬，也是很清爽解辣的一碟  麻辣蓮藕片、一片接一片，好吃到根本停不下來  拍青瓜 ，不辣的!青瓜與調味料醬汁拌製而成，爽口清涼又開胃 麻辣燙我們點了中辣，沒有想像中的辣!其實可以

其實我勁鍾意食辣野🤭不過香港真係好少正宗嘅麻辣食店。有時去到啲鋪頭覺得OK，但食物竹村要真係好貴😭前牌俾我發現旺角有間隱世成都串串放題，食落味道幾正宗，麻辣之餘好香🤣🤣最緊要係放題任食形式真係超級抵！個湯底好香麻辣味，仲隱約有少少雞湯感。串串的種類頗多，有肉類、丸類、蔬菜類等。有少少似麻辣燙的款式，我超鍾意豆卜和午餐肉，吸晒啲麻辣湯🤤好滿足呀！食完辣野叫返碗成都冰粉就岩曬，入邊加咗提子乾和山楂，冰冰涼涼幾有口感。.放題仲可以加$30享飲品任飲，而加$20可額外享5款小食任食。.🏠爆汗串串 (旺角)旺角廣華街2-20號翠園大樓二期地下2號舖.#爆汗串串 #stixonfire #爆汗 #正宗成都風味 #冷鍋串串 #麻辣 #成都老冰粉

日式放題就食得多，麻辣串串放題都係第一次食，佢將不同配料用竹簽串起身，但好得意既係，每串得一粒仔，所以你就算瘋狂食幾十串份量都唔會好多，今次呢間爆汗串串故名思義，係辣到你流晒汗，等我挑戰下💪🏻💪🏻你點完串串，第一次上菜係會有個大盤，入面係麻辣湯，成個放題既精華，之後每次加點串串都會用番呢個湯底去浸住串串，等佢蘸滿麻辣汁🌶🌶留意番，佢唔似打邊爐，底下唔會有火熱住，但因為有面頭既辣油保溫，所以係熱辣辣☀️☀️個麻辣湯底可以揀大、中、小辣，我怕自己頂唔順揀左小辣，但見到隔離枱正常辣度係紅卜卜，個湯有辣油、花椒、胡椒等等，偷呷左啖都幾惹味，愈食愈辣，隨口連嘴唇都麻痺，好過癮😬😬呢到有約四十款配料，肉類、丸類同菜類都有，我覺得豆腐干、千層肚同腐皮等最索湯，放入口爆汁，正🤤除左配料，仲有麵類都係任食，所以唔駛驚唔飽，我試左蕃茄牛肉麵同火鍋粉，前者揀左麻辣湯，後者投降食番豬骨湯底。麵類都唔差，尤其火鍋粉好彈牙👏👏如果黃金時段黎，仲可以免費小食任食，試左開胃蓮藕片同棒棒雞，味道都唔錯❤️辣到爆汗噴火都唔駛驚，呢到有解辣神器：冰粉，口感似啫哩，配糖水、山楂絲、提子乾等，酸酸甜甜，一食就止辣😎

平時都幾鍾意食四川麻辣燙，不過食一餐都唔平，因為係逐串計錢，咁啱行過旺角見到呢間都係食四川麻辣串，仲要係任食所以入去試吓。黃金時段包埋小食任食都幾抵，我地叫咗幾款試吓，棒棒雞係用d芝麻醬撈雞絲，都幾香，麻醬同雞絲係絕配，仲叫咗麻辣千層肚，原來係麻辣牛柏葉，麻辣味好香好惹味。呢度好處係冇好大陣打邊爐味，但又可以食到麻辣燙，因為係地係喺廚房整完先攞出黎比客人食。佢地個點菜紙都幾多選擇，我地首先叫咗十幾串試吓，都好入味，d麻辣味好香好惹味，個湯底都唔算太油。初初都唔覺太辣，不過愈食愈爆汗，真係愈辣愈想食。呢度仲有得叫麵食，我地叫咗成都豬腸麵，豬腸勁入味，d麵好滑，吸收晒個辣湯底d辣味，好正。最last緊係要叫個甜品做結尾，成都老冰粉，似透明嘅涼粉，個糖水仲有酒釀喺入面，好好食，都幾有特色。

食辣野食開有條癮，唔辣唔開胃。今次直頭黎個麻辣串燒放題🤤我地黃金時段去，位位168，另加30任飲。串燒選擇好多，佢係內地嗰隻串燒，每串份量少，基本上一串一舊，少食多滋味。佢個做法係係廚房度灼熟啲串燒，再拎出黎俾你浸入一碗麻辣湯度。怕辣人仕，可以快手拎起個串，以防太辣😂但其實佢既辣度算係小辣，少少麻麻。小食都係任食，燕餃子，棒棒雞，手拍青瓜，幾款既醬料都好惹味，欲罷不能。最後，食番個成都老冰粉為整個口部降下溫，呢個配上山楂餅既食法，令我地消滯解油膩👍🏻

其實今次係第一次食串串 ,之前一直都好興去食。今次喺旺角見到一間成都風味嘅串串 ,而且用放題形式好多唔同嘅食物申串,另外仲有小食 !價錢都唔貴,今日同朋友食5:15嘅都係128蚊一位 ,加30蚊仲要任飲啤酒汽水 ,食咁辣一定飲番夠本 。我最鍾意佢嘅烏梅汁 🥰食之前畀返條圍裙你,費事彈到件衫都污糟曬 !值得加分 !睇佢嘅放題餐牌都超多嘢食 ,連麵小食都有 第一輪我哋都唔係嗌咗好多 ,但因為一串一個,所以好似好震撼咁。等我講下我最鍾意嘅啦 ,我最鍾意有雞腎 , 豆腐(硬豆腐夠入味),鴨舌(好爽口,入味,唔辣 ),秀珍菇,蒟蒻,牛筋丸同魷魚 !第一輪係最香最入味嘅 ,因為個湯夠曬熱浸返啲食物落去好快好入味 ,食下食下就反而冇咁辣因為個湯就會慢慢凍 。不過佢哋都好好,可以幫我哋加熱返啲湯 !我哋嗌咗bb辣 ,如果太辣都可以叫佢哋幫你搵湯調一調。最後一定要食老冰粉 ,真心甜味啱啱好 ,好食