爆汗串串 (已結業)

平時都幾鍾意食四川麻辣燙，不過食一餐都唔平，因為係逐串計錢，咁啱行過旺角見到呢間都係食四川麻辣串，仲要係任食所以入去試吓。黃金時段包埋小食任食都幾抵，我地叫咗幾款試吓，棒棒雞係用d芝麻醬撈雞絲，都幾香，麻醬同雞絲係絕配，仲叫咗麻辣千層肚，原來係麻辣牛柏葉，麻辣味好香好惹味。呢度好處係冇好大陣打邊爐味，但又可以食到麻辣燙，因為係地係喺廚房整完先攞出黎比客人食。佢地個點菜紙都幾多選擇，我地首先叫咗十幾串試吓，都好入味，d麻辣味好香好惹味，個湯底都唔算太油。初初都唔覺太辣，不過愈食愈爆汗，真係愈辣愈想食。呢度仲有得叫麵食，我地叫咗成都豬腸麵，豬腸勁入味，d麵好滑，吸收晒個辣湯底d辣味，好正。最last緊係要叫個甜品做結尾，成都老冰粉，似透明嘅涼粉，個糖水仲有酒釀喺入面，好好食，都幾有特色。