爆汗串串 (已結業)

大約早一兩年前的時間，曾經出現過一間間以〈磅竹籤〉形式去收費的成都麻辣串串專門店。本小兔食過覺得好好食，但始終逐串竹籤去磅，每串又得個少少食物，如果唔就住就住咁去食嘅話，的確好貴！！不過最近朋友介紹之下知道廣華街有間成都麻辣串串以放題形式收費，終於可以唔使就住就住咁去食，食都食得特別爽！！唔好以為放題就會好貴，最平的時段都衹是百鬆D蚊，要食到回本真係話都冇咁易！！好在朋友一早打電話去訂定枱，如果唔係就真係要喺門口等下先有得食。基本上各式丸類，肉類，菜類嘅麻辣串串都有齊，另外仲有多款小食，而且加30蚊就可以任飲啤酒，汽水，仲有自家制嘅豆漿同烏梅汁可以選擇，爽歪歪！！未食串串之前梗係要試杯自家製嘅豆漿同烏梅汁試下先啦！豆漿夠香濃又唔會特別甜，烏梅汁就酸酸咪咪咁，食麻辣串真係啱曬。點好咗麻辣串串之後，喺等食之間仲可以食齊佢多款小食。我就最欣賞滿滿醬汁同勁多雞肉嘅麻醬雞肉青瓜，以及勁入味嘅蒜泥青瓜，真係勁開胃。我哋好瘋狂地乜都有叫，最索味嘅豬皮同又香又滑嘅腩肉又點少得呢！！唔使幾耐就食完第一輪要再encore，唔使就住就住咁食真係勁暢快冇花冇假，我哋真係食左勁多，如果好似之前要逐串逐磅去計錢，