燕樂居糖水店 (已結業)

今日下午冇胃口，陪老公來食飯，一入去聞到陣雞翼味，原先唔肚餓，都叫了一客鹵水雞翼(4隻)及蘿白糕(兩件)，每個小食約$13。雞翼好入味，蘿蔔糕有好多蘿蔔絲和腊味。老公則吃鯪魚球飯($22)，跟蜆介汁，炸得好好味。午餐可跟餐飲或糖水。之前，曾與同事到這裡宵夜吃甜品，試過哈囉、summer及其他特色甜品，味道不錯。

放學成日同同學去燕樂居,但我好唔鐘意D野唔好味, 環境污糟個侍應態度唔好連我惟一鐘意既雪糕明珠都加左價

今晚選擇咗喺呢度解決晚餐, 8點鐘唔係食糖水時間, 所以有好多位.同老公兩個點咗兩個套餐, 我老公要咗個香茅豬扒米線+西瓜汁; 我本來想要個金菇牛肉烏冬+馬蹄露, 但係老板嚟落單時, 話今日D牛腩好靚, 仲要係牛坑腩, 問我試唔試. 初初都有D猶豫, 驚係賣唔晒ge貨色, 但實在忍唔住牛坑腩ge誘惑, 於是就聽信於老板.老板果然係無介紹錯, 碗牛腩烏冬上枱時湯清不混濁, 再飲一口, 鮮甜無比, 牛腩亦都燜得好嫩, 而且仲有好多條菜遠伴住, 簡直係喜出望外呀! 烏冬就無mum特別, 當然啦, 28蚊一個餐, 唔通想要稻庭烏冬咩!我老公碗香茅豬扒米線呢, 豬扒唔錯, 無疏打粉味, 亦不是炸得太乾, 幾juicy, 但就無mum香茅味. 碗米線就唔多得, 有好多條都未煮熟, 見我老公一路食一路喺個口度拉返D未煮熟ge米線出嚟, 超爆笑! 不過我哋都無同老細講, 怕好似下面幾位仁兄咁, 老細唔肯收錢, 唔好意思嘛!西瓜汁唔錯, 好清甜, 無落糖水就係最天然. 馬蹄露就係一貫甜品ge水準, 足料又唔過甜.

食過好幾次，但都係外賣返屋企食，未試過堂食，因為次次都超爆棚．試過馬蹄露豆腐花同紅毛丹海中燕，兩個都唔錯，唔太甜，尤其個海中燕，真係有8成似燕窩口感, 份量十足.20皮食到"燕窩", 仲想點. 下次試埋其他再comment.

早排到這裡了個雪糕甜品伴了些生果,整體味道不錯而且份量都算多,幾抵食!服務又不錯,幾有家庭feel!呢到仲有小食,飯,粉,麵供應好難得,但呢間食肆都頗出名,因為多朋友知道呢間食肆咯!

係電氣道食完晚飯, 知道朋友係芋頭迷, 就話佢知電氣道有間糖水鋪有芋頭酥食, 佢聽到就決定要去食除左芋頭酥, 我點左六月飄雪, 朋友點左蘆薈豆腐花加雪糕芋頭酥岩岩炸起, 熱辣辣, 攤左一陣食都仲好熱芋頭唔會一pat野但係又好滑, 岩岩好, 加左少少蛋黃, 更加香口, 正!!六月飄雪係椰汁底, 有綠茶涼粉同水晶珠, 再係頂加個雪糕, 我揀左香芋味。椰汁底唔太甜唔太漏, 涼粉爽口, 水晶珠一咬即爆, 好過癮, 唯一唔好係唔太凍, 要個雪糕溶左落d椰汁度先凍d..不過都好好食, 都幾飽下朋友o既蘆薈豆腐花都係加香芋雪糕, 要加$5, 個人認為唔抵, 不過佢勁想食就另當別論。試左一啖豆腐花, 好香豆味, 好滑, 蘆薈用蜜糖浸過, 我認為浸過龍, 有點兒過甜, 不過都接受到而且朋友認為冇問題。佢個汁底白色o既, 好似係豆漿呀! 不過唔太肯定今晚唔知點解冇乜人...慢慢食完坐左陣先走...芋頭酥$12, 六月飄雪$18, 蘆薈豆腐花$18 雪糕另加$5ps. 香芋迷朋友提起先知, 原來市面上o既香芋雪糕已經幾乎絕跡, 只剩6支裝o既香芋脆皮樂雪條, 所以呢度有香芋雪糕真係好驚喜, 好罕有咁話。

朋友好鍾意呢間o既翡翠明珠, 所以係銅鑼灣食完飯後就散步黎呢d食糖水。朋友要左佢o既例牌, 而我就食左個紅豆沙, 因為好飽, 所以唔叫明珠系例。朋友食到好滿足咁o既樣, 我偷左兩啖黎食, 都覺得唔錯。不過我個紅豆沙就一般啦...都有起沙, 不過都幾甜下...都ok。反正我係紅豆迷。^_^係度睇食評, 好多人都話佢抄過海o既松記。但係其實都唔可以咁講, 因為呢度個師傅曾經都係松記做過, 除此之外, 仲係杏花樓做過tim! 況且, 松記係港島區冇分店, 對我地d港島人真係好唔方便, 下下想食都要過松記咪好大濟?! 連車費, 都幾貴下...係天后有間松記o既同類未嘗唔係一件好事丫! 係咪?! ^^"

食完夜晚，有壓力未解決，食少少甜野解壓，晶晶爆到七彩，就來到呢度，唔係試佢既燕窩而係試個荔枝水晶。阿小姐搞左陣，唔洗3分鍾有得食，真的是荔枝搞的冰，好甜好膩，食兩淡就投降，而水晶是腍得要命的粉團，難食得要死．．．．最後食兩啖走埋單，阿小姐竟然唔收偶錢，堅持唔收、繼續堅持唔收、再三堅持唔收，無計，好下次會再來試試其他食物。p.s食物唔對自己口味，不過服務是好得無話可說，起碼見到專業精身，值得一賺。

小弟幫襯個呢間糖水店數拾次。第一次寫食評就寫呢間有三個原因......1.保持穩定水準- 小弟好怕某些糖水店做起佐個名之後通常會加價但水準唔穩定！無論創新糖水或傳統中式糖水都保持穩定水準。2.店員服務態度佳- 有次我朋友食芒果海中燕發覺芒果唔夠甜。當時朋友只打算反影俾店員知，點知店員聽倒後立即好有禮貌地話我入過碟甜既俾係。3.選擇勁多(有四十幾款) - 特別推介:蜜糖燉蛋、綠茶湯圓、芒果海中燕/椰汁河粉/水晶涼粉/水晶絲，鬆化蓮子羹、腐竹糖水、芋頭酥等。

呢間糖水鋪係女友第一次請我食野的地方,所以特別鍾意呢度.黎過呢度n次,最鍾意呢度夠光猛同乾淨,糖水款式很創新,價錢亦十分合理.推介綠茶涼粉豆腐花加“煉奶”,無得頂.“哈咾”及“如魚得水”好有新意,“Summer”就啱哂我外甥,明珠系列都唔錯,但唔啱女友,因較難消化.如食傳統中式糖水食到有d悶的話,呢到係唔錯的選擇.

今天去游車河~~見到一間糖水鋪~就覺得幾特別..因爲有自己的特色。。價錢也都合理。。比起旺角的湯水鋪還要平~~~然後就近去了~點了一個名字叫的糖水。。幾特別的是一碗湯水可以吃到很多不同的東西。。。味道也很濃~~男友就點了都好正~~芒果的份量也很多。第一次來就有好的印象。。所以有下次。。

呢間糖水鋪係女友第一次請我食野的地方,所以特別鍾意呢度.黎過呢度n次,最鍾意呢度夠光猛同乾淨,糖水款式很創新,價錢亦十分合理.推介綠茶涼粉豆腐花加“煉奶”,無得頂.“哈咾”及“如魚得水”好有新意,“Summer”就啱哂我外甥仔,明珠系列都唔錯,但唔啱女友,因較難消化.如食傳統中式糖水食到有d悶的話,呢到係唔錯的選擇.

尋晚行完年宵12:xx am, 一行13 人0黎0左食糖水, 鬼死咁多人, 好彩唔洗等好耐就有位坐.我見到menu 上的東西, 第一個反應係, "嘩... 松記(油麻地/深水埗那間)?" 主要係d 名好似(e.g. Summer, 哈囉etc), 另外佢幅"楊枝甘露" 相直程係同松記menu 0個幅一模一樣的! -_-叫0左個紅毛丹海中燕(配忌廉奶). "海中燕" 係一d 唔知乜0野海藻整的0者喱狀物體, 少少甜甜0地, 幾得意. 紅毛丹as expected 係罐頭0野, 入面有粒菠蘿的-_- 都ok 幾得意.朋友叫的楊枝甘露幾香, 但個人覺得d 忌廉奶味道太搶了, cover 晒d 芒果味-_- d 西/碌柚酸0左d, 其他就ok 0既.另外又試0左啖朋友叫的西瓜冰清定唔知乜(配蜜糖), 有d 水晶涼粉(其實即係透明的涼粉) etc. 只食了一啖已經頂唔順, 因為d 蜜糖實在落得太多, 唔ok >_<Overall 呢間0野睇0黎都ok... 睇0下有無機會再幫襯過先得.

去完廚師本應走嫁la, 點知又見倒燕樂居0既如魚得水好似幾靚喎,又入左去!兩條晶瑩剔透0既魚,二條都是用海澡粉做的,分別是木瓜及珍珠味,再配埋水晶珠及水晶絲,口感好好,cream　ｍｉｌｋ又好滑，大食妹都忍唔住食完一啖又一啖，（開頭佢話唔食０既），下次再來食過！

呢間係天后甜品店常去的一間, 每次想食想品都會諗起佢既<summer> 同<幻彩明珠>, 我已經食過好多次.<summer> 係一個高杯上, 內有白珍珠, 生果, 雪糕(店員會問你要咩味) 及兩支朱古力條, $18 貨仔, 點都好味過<許記> 果d生果撈, <幻彩明珠> 都差唔多, 但少左雪糕同朱古力條, 但多左涼粉同夠味既芒果汁<---我記得summer都好似有, 哈, 是旦啦, 我試過好多其野甜品, 都唔記得咁多, 但以上兩種係我既心頭好.另外, 有個小食真係一定要試下, 就係<芋頭酥>, 一個人食晒三大舊都嫌唔夠喉, 熱辣辣, 甜品就凍冰冰, 正, 諗起都想食, 最特別係<芋頭酥> 入面有一小粒蛋黃, 食過一定會再想食.可惜係, 呢度d芝麻糊唔太香, 唔夠濃味...... 可惜, 可惜!