燕樂居糖水店 (已結業)

最初以為佢地只有糖水食, 點知Lunch有好多款set, 有些還很特別, 好似有炸軟殼蟹, 東波肉, 金菇肥牛卷, 其他還有黑椒雞扒, 香茅豬扒, 牛展, 鎮江骨, 鯪魚球, 雲吞等等幾十款, 可以要飯或麵都可以! 要飯還有湯送, 另外再配餐茶, 果汁或甜品, 都係$30或$32/set, 好合理! 最近多了清湯牛腩, 係我另一選擇! 個人覺得和鄰鋪"華姐"比較, 佢地都唔差! 至於甜品, 我既best choice係"紅毛丹明珠"! 有時同朋友食完, 傾下計, 佢地都會唔趕人, 所以我成日去架!

上次食完飯,同男朋友行左陣..有d口癢~就搵糖水店..好耐無黎呢間食lu..當然食我喜歡的Summer....平!哈值得1試*

元宵佳節, 同了利鈍鈍去糖水先, 元宵節更係食元宵(湯圓)啦, 應下節嘛, 人月兩團圓hee hee我地叫左雷沙湯圓, 一食入口中間好熱好熱, 熱親個咀仔添.跟住叫左兩個海藻粉甜品, 如魚得水同生果海藻絲西米.西米好爽, 唔好平時D 西米.如魚得水D 魚唔多好食.不過呢D 甜品, 感覺新鮮

食左個海底椰珍珠..不錯...煙煙unun的他的冷盤也還好吧想試其他甜品，好似幾特別..但都是凍的

食完熱狗折返天后, 想食碗糖水, 順腳行了0黎呢度. 食過呢度無數次, 因為覺得呢度的出品同九龍的松記好似, 而我又好鍾意松記=P今次叫了個芒果冰清($22; 上0黎Openrice 先知原來係招牌0野!?)... 芒果得兩塊, 不過size 係巨大的, 而且食落又甜又多汁, 好; 下面有白色的涼粉, 透明的大粒西米同一條條的海藻絲(?), 以西米最好食, 煙韌彈牙, 十足靚珍珠奶茶的珍珠; 撈上香滑的忌廉奶同杰杰甜甜的芒果汁, 都幾難唔好食, 除非你本身好抗拒「新派」糖水啦.環境乾淨, 不過星期五下晝的關係, 勁多「綠tie 女名校」的學生放學0係度食0野, 坐得好迫; 一向對呢度的招呼印象唔錯, 不過今日阿姐唔知做乜好燥咁將塊賬板掟0係我面前, 服務只俾2 分.不過點都好, 我會繼續幫襯-- 不過係食佢d 「松記」0野好了, 傳統0野呢... 諗起都打冷震!

因為晶晶未開但又想食甜品, 於是去呢間...以前都有幫襯開, 食佢d水晶物都覺得不錯, 但呢排凍凍地, 想食下d熱甜品, 都試下佢整熱中式糖水整成點啦~我要了個桂花酒釀丸子, 媽媽要了個桑寄生蓮子蛋茶. 叫0野食果陣, 落單果個問我要大的還是小的丸子...下?? 酒釀丸子不是小的嗎?? 我唔係叫酒釀湯圓喎...@_@ 點解好似要我教返個員工轉頭0既...實在很滴汗.........|||d menu同地方都"chi lup lup"的...yuck...! @__@桂花酒釀丸子($15):咦!? 酒釀丸子這道甜品不應該是有點杰杰的嗎? 係睇到d美麗的小桂花在中間凝住了或慢慢的飄浮著的, 不是嗎? 我果碗的情況就像3數朵小花浮屍水面......丸子的形狀大小不一也算了...食落都ok 0既...一撩個底, 咦!? 是酒糟還是冷飯!?!? 點解成餅飯0係個底0既??? 當堂胃口都減了一半...再撩兩撩, 原來小花們都被丸子們壓住了...好可憐...這個酒釀丸子...不行...桑寄生蓮子蛋茶($15):媽媽又話蓮子是糖蓮子...自從食過合成的蓮子, 就知道應該唔係...上次俾媽媽誤導了...

唔係習慣黎呢度，係習慣食完飯食甜品，現積極戒緊。要左個芝麻糊豆腐花加湯丸，芝麻糊一般，係磨得幾溶，但冇芝麻味，完全唔香。豆腐花更差，唔滑，仲有點鞋口，冇豆味，連甜味都冇，好淡好淡。湯丸係一粒花生一粒芝麻，花生餡較好，起碼食到一粒粒花生同椰絲，芝麻餡唔得，都係唔香，仲一舊舊黏實晒，難食。

老婆話想食甜品﹐所以就來左呢度。佢地呢度有好多自創既甜品。但係最後都係叫左比較傳統既中式甜品- “za za”。落足料﹐有好多唔同既豆豆﹐仲有陳皮﹐好綿。幾好。下次會試試佢地果d自創水晶涼粉同海燕絲係乜東東。

偶爾會同朋友喺燕樂居叫外賣,其本上此店熱食只有香矛豬扒,黑椒雞扒,脆皮蘿蔔糕及炸鯪魚球比較吃得過,但師父也偶有失準.淨食甜品會推介大家吃冰清系列,因為算係此店比較有水準之作,不過食完都幾飽,如果飯後不如選吃普通的糖水系列如腐竹薏米,芋頭西米露等等

日期：2008年1月9日阿M同男友食完個晚飯，路經此店，好耐都無幫襯，於是就入去坐一坐．睇住電視食甜品，好味．翡翠明珠：綠茶涼粉，大粒西米，煙煙靭靭，朱古力雪糕，有chips食啊！芒果馬蹄爽：配以蛋白花，又唔太甜．

朋友推薦這裡的海藻粉甜品，由於剛才晚餐吃得太飽，故點兩份三人分享亞塔子海燕絲($18)－－有我最喜愛的亞塔子，不過硬了點。海燕絲真的很像燕窩，而且口味爽滑，不錯呢。雜果海燕絲($20)－－和相片有出入，只有少量生果，不過配以芒果汁也是很美味的。小店有點迫但阿姐們都盡力安排坐位，要求要三隻碗仔分食物都無不滿，算是不錯的服務。我覺得海燕絲的口感比西米／珍珠等其他甜品配料更可口，如果有更多店鋪供應就好了。

六月飄雪是綠茶涼粉加西米, 上加一球雪糕, 我選了呢, 因怕芒果或芋頭太搶味, 影響甜品味道。西米不夠稔, 難消化, 好處是脆卜卜有趙頭,很多大大粒綠茶涼粉, 很實淨, 不像一般出面吃到的涼粉,有少少汁浸著, 可能是椰汁糖水之類, 我寧可少點涼粉多些汁。雪糕是一般牛奶公司貨色, 雪到中間有冰那種。我因為當宵夜吃, 所以太頂肚, 有點胃痛, 奉勸大家趁肚餓才去選這款甜品吃。

因在維園上草地滾球堂, 每星期來一次, 第一次試如魚得水, 魚肚的木瓜太熟近乎爛, 反而伴碟的白色絲十分好吃, 第二次吃xx排骨飯(好像是鎮江骨), 汁太稀, 排骨肉「鞋」, 上湯浸著兩棵菜, 湯多味精, 豆腐花一般水準下次再去打算試其他甜品, 寧可在附近再吃晚餐, 不敢再試它的飯麵類。

尋晚(3-11-2007 Sat)同女友人R食完晚飯後,又慣性地搜羅甜品,睇o左幾間,最後被呢間吸引.我叫o左$18.00 o既雪糕綠茶涼粉侍應會問要咩雪糕,我揀o左香芋,好快兩樣都o黎o左.淺綠色o既涼粉OK啊,其實涼粉同淡奶都唔凍,只係食o左雪糕會凍,不過OK啦,o衣o家都秋涼lu,唔駛太凍啦.R要o左$18.00 o既熱冰糖雪耳燉木瓜,呢個冇問R覺得點.如果下次有機會再o黎天后,可能會試明記甜品o既.

次次收工經過都會好想入去食,總是超級多人的!不知要等幾耐先有位!上星期有機會去試了!一入去好有家庭feel,哈..d糖水好好味*低食。