燕樂居糖水店 (已結業)

好唔好彩甜"yi yi" (唔識打)無開. 咪試下第二間lor. 點知就選了這間......叫芒果無芒果(夠膽死同我講買哂,原來係貴得濟無入貨wor),跟住叫奇異果無奇異果. 攪到我無哂引. 最後我很辛苦地選了燉奶(話係招牌貨)...我男友則叫了唔記得什麼西米露同芋頭酥. 唔知是否飽得很,個燉奶好唔得,又甜;又漏;又貴($18, compare the others,係屬於貴)... 不過我男友就話個芋頭酥幾得...

食完一餐好DRY既法國菜，個個都無咩mood，於是乎建議落天后食糖水，大家都贊成。什果椰汁河粉，河粉質地同味道都好似椰青肉，好青甜。summer，我已經食左4次了，都係覺得芋頭雪糕最好味。幼彩明珠，色彩繽紛，個朋友見到d3個已經話使唔使咁大碗呀。之前試過佢d奶王湯丸，好滑溜，正!仲有菜飯都唔錯，水餃都好味，但個湯就好味精，另外生果唔可以改，通常西瓜佔生果之中一半咁多，我又唔食得西瓜喎，佢只可以幫你抽起d西瓜，但無得加番其他野，希望佢地可以改下啦。

近排老闆成日請食甜品. 聽聞North Point 多出色糖水鋪.於是連續call 左幾間N.P. 糖水鋪叫佢地fax 外賣過黎公司落order.上星期試過雜果水晶河粉. 生果種類OK. 不過唔多鍾意用椰汁底. 水晶涼粉口感好煙. 不過下午430pm 食完超飽. 晚飯可以skip 埋佢. 今日又黎多次. 點左蘆薈水晶絲. 勁多蘆薈過足癮. 用花奶+鮮奶做底. 雖則係肥但一定冇椰汁咁肥先啦. 水晶絲口感幾得意. 亦冇河粉咁飽滯~ Good la~

星期三，去了個同事手裡幫手，走的時侯已是十二點，佢提議食甜品，咁我又無所謂。晶晶仍然早關門，上次食過明記，今次就來這裡。雖然燈火通明又有幾檯客人，但阿姐通知已是最後落單，於是就聽了她的推介，要了兩個幻彩明珠。幻彩明珠不是那麼的「幻彩」，不過材料豐富，以大粒西米及涼粉做底，舖面的有幾種生果如芒果、西瓜、奇異果等，都有睇頭。亦下了不少的花奶及芒果汁，加埋幾多的涼粉，吃落是幾飽肚的。天氣熱時吃這個也算是幾清新的。阿姐好好招呼，令客人有賓至如歸的感覺，值得一讚。埋單30蚊，唔算貴，一試無妨。

呢間糖水鋪同其他賣既都差唔多，但味道唔差~連d 糖水名都幾有"詩意"~首推六月飄雪，幻彩明珠~佢地亦有賣粉麵，佢地既中華冷麵都幾多料ga~

响維園打完波，朋友提議去電器道嘅甜品舖，嚟到燕樂居門口，嘩！幻彩明珠，哈囉，Summer，抄足松記，心諗，咁無性格，唔鬼幚襯你，但喺朋友話天下文章一大抄，啲嘢OK就得，入去叫咗幻彩明珠同哈囉，味道都唔錯，可能太耐無去松記，分唔到同松記有咩分別，係好似價錢貴啲。算喇！作為一個用慣老翻嘅香港人，下次如果想食呢種甜品嘅話，我諗都會貪方便，唔過海而嚟呢度。

在中央圖書館讀完書，走過這兒時，看到有糖水店便牙痕痕，進來嘗嘗。這兒的甜品種類不少，個人比較喜歡幻彩明珠，口味清新不太甜，水果品質也ok。如果糖水有涼粉，可以加$2 轉綠茶涼粉，不過我又吃不出有綠茶味，所以不轉也罷。這兒的阿姐很有禮貌，由招呼座位，以至上菜一句"慢慢食"，到離開時的多謝和byebye，不是集團式食店"死o下死o下"唸口簧的說話，所以每次都吃得開心。也曾試過吃晚飯，選了家鄉牛"月展"，加$2轉了菜飯，不過真的不太滿意，牛菜飯皆吃之無味，還是專心做甜品好了。

此店的其中一項主打- 椰汁河粉，好似是由海藻加椰汁製成，口感不錯，不太"un"，又不太甜，而且樣子跟真的河粉很似，值得一試。店內另有很多甜品，均具水準。有興趣可瀏覽http://www.hkwm.com/yinlokkui.htm。