燒蝦蝦 (金福閣） (已結業)

呢度又可以任燒海鮮又可以任燒嘢食，對我黎講，非常鍾意❤️餐廳都幾大，氣氛好好！🙈呢度都幾啱一家大細，好多歡笑聲🥰嘢食方面，主打流水蝦任食！啲蝦係新鮮熱辣，即夾即燒，而且無限量供應，要食幾多自己話事😎然後大隻手掌🖐️咁大嘅蚌都好正，燒完啲海鮮汁勁好飲，前前後後我估我燒左十隻黎食🤣你睇下啲海鮮係咪好吸引？全部都好好食，我估今日係我人生食得最多海鮮嘅一日🥰我最愛牛仔骨, 牛肉味夠濃！岩晒我, 呢兩款燒極都唔厭☺️女仔一定要食甜品😳好彩呢度啲甜品都齊備，蛋糕，布甸，雪糕，糖水都有✌🏻👍🏻

今日做乖女帶媽咪食新嘢，佢食上癮仲話下次要叫哂全家黎食😂我嘅銀包將會出血，不過算啦，難得佢鍾意❤️食！餐廳最得我阿媽歡心係啲海鮮，海鮮無限供應！而家好多款燒完都好鮮甜美味，啲海鮮汁超好味😋出面仲有啲醬料比自己調製，想食辣，重口味啲，原味咩都唔加都得！總之自己話哂事😉出面大凍櫃有好幾個，放哂啲bbq肉，雞翼，特別啲有豬仔脾同豬腩肉條，出面好少有☺️然之後又有好多丸，菜等。仲有串燒串夾，真係食極都食唔完咁😊 仲有D食材唔會雪到好硬, 唔會有雪味!媽咪食得興起仲自隊啤酒添，真係比佢激死呀😝

今日食呢間餐廳🍴好正架！燒燒燒，大頭蝦任燒，咪睇個爐仔細細，分左兩層，上面都放到好多隻大頭蝦呢🦐哈哈，唔知係咪我身勢好運又好，加埋啲蝦真係靚嘅，好多個頭都有膏👍🏻再黎啲海鮮都好正，估唔到會有貴妃蚌同鮑魚任燒，呢兩款海鮮都唔平架，有得任食好抵！雞翼，豬扒，羊架，牛扒，牛仔骨，牛肋條，豬腩肉，牛肉粒。。。數唔晒呀😋基本上仲有好多丸同菜任夾任燒，食到第三round已經超級無敵飽啦✌🏻另外，好彩有鬼佬涼茶姐係啤酒，仲要係手工啤，解下熱氣呀🤣加埋啲細細件嘅特色甜品，食完今餐已經諗緊幾時食下一餐啦🥰

人生第一次食流水蝦我知道泰國已經係好興 好多朋友去泰國都食過但係今次第一次食好有新鮮感因為有得自己夾黎食好搞笑一路捉佢哋走一路走咁佢呢間除咗蝦之外呢其實仲有海鮮嘅放題 仲有甜品同埋熟食海鮮呢可以話非常新鮮 其中我覺得好出色嘅一款係鮑魚 員工都好細心 因為佢會提你鮑魚拆咗殼先燒如果唔係好容易會彈到另外仲有啲魷魚同扇貝都唔錯每樣野睇落去都新鮮同埋又可以自己揀大隻啲燒出嚟嘅蝦啖啖肉令我都幾欣賞熟食檔呢一個蜆肉我唔知點形容但佢勁入味同埋一啲小食都係幾好食 因為我有試過去嗰啲放題食係唔熱㗎但係呢度嘅質素真係唔錯飲品方面佢都有啲比較特別嘅款式我男朋友勁鍾意飲呢個甜品都有好多款不過我已經太飽所以我唔可以一一介紹總括而言下次一定會再返嚟食

好耐無試過食得咁爽！一黎我好鍾意食海鮮，二黎我好鍾意燒嘢食，今次真係滿足我所有願望呀🥰餐廳重點係任食流水蝦，其實個體驗都幾正😇想食一夾就立刻燒，燒完立即食，啲蝦仲要好大隻，又多膏！十分滿意🤓最開心嘅係海鮮款式勁多樣，好中我心意，我單食海鮮覺得已值回票價🤭 貴妃蚌大大隻, 咬落鮮甜, 識食一定要加蒜蓉同粉絲!餐廳仲會有提供大量嘅扒類同丸類🤤我想話雞翼，牛仔骨，豬肋條同豬軟骨肉都好鬼正🤗醬料亦相當一流🫢 跟著到菜類，唔使講，燒粟米🌽一定係冠軍🏆仲有啲清酒，梅酒同手工啤酒🍻任飲😈講真，出面飲兩杯都唔只呢個價啦，我覺得賺咗好多啦👻

以前要出九龍先有得食流水蝦，而家近近地喺元朗都有2.5小時放題，平日7:30pm前離座計埋加一就$372/人。環境光猛闊落，座位之間唔會太逼，坐得舒服又有私人空間👍🏻 🦐  流水蝦 兩個人食咗31隻，有啲好生猛，輕輕地夾就會即刻彈到好遠，要大力啲夾佢，用冰水凍暈佢，先好攞去去烤。肉質彈牙，有好幾隻都有紅彤彤嘅蝦膏😋 🐟  海鮮 選擇好多，職員見我地夾完就會即刻refill👍🏻  阿媽食咗鮑魚、蜆、蠔、花螺，我就專食帆立貝，仲有大大條魚添。 🥩  肉類 台灣腸好正，啖啖肉非常香口！我一個人都食咗5條，好食到唔記得影相🤣  仲有好多其他肉同串燒㗎。 🍦 甜品 我好鍾意佢哋嘅雪糕，兩個人食咗6條，其中推薦榴蓮同埋蜜瓜味👍🏻  另外泡芙都唔錯，cream份量好足，我都encore咗。 🧃 飲品 有花茶、汽水、果汁、啤酒、清酒等，阿媽飲玫瑰花茶，養生又暖胃。 仲有炸物、熟食，選擇真係唔少。職員態度幾好，有下次💯

被門口招牌吸引左，而且啲燒烤香味好香，反正未食飯，就決定食呢間啦✌🏻一坐底就立即衝出去夾蝦燒😂好似水族館，勁多蝦任夾。啲蝦燒完好鮮美又多膏，唔錯！其他海鮮仲包括生蠔，蜆，螺，倉魚，大眼雞魚😍每款燒完都各有特色！除此之外我仲夾左好多生蠔 粒粒都好飽滿 仲好似我手掌咁大隻 食落去都幾重海水味 好滑溜厚肉 燒多幾隻就可以回本😆串串有好款，露荀豬肉卷🫔同年糕串好味喎😋仲有燒菠蘿🍍好甜，我係上面放左啲粗鹽食，不得了🍻燒烤點可以少左啲丸，咩丸都齊，任你揀！仲有各式各樣嘅醃肉夾黎燒😍除咗正常嘅燒嘢食肉類，條豬腩肉真係好正，成條燒，好味道！最後食埋啲甜品，飽到呢🙈

超愛室內流水蝦！燒烤餐廳位於元朗，唔止流水蝦，更有多款海鮮，串燒，任飲任食！😍元朗市中心地帶，方便就腳，有過百款海鮮，各式串燒，豐富熟食衕甜品提供，更加可以同friends任食鮑魚、貴妃蚌、鮮味扇貝等🤤因為每個座位旁邊，都有獨立蝦缸，所以更方便，唔駛同人迫😉睇定之後，再自行夾起流水蝦，隻隻生猛，唔係易捉！燒熟之後，蝦食落非常彈牙，爽口鮮甜。因為即夾即燒，所以蝦肉都係晶瑩剔透，唔會放得太耐，變得唔新鮮👍

今晚又去wet😎孖住朋友仔食流水蝦燒烤放題！今次真係好正！！入座後，侍應會送上每人一串嘅大白鱔，勁肥美鮮甜😝啲魚油滴出嚟勁香！流水蝦好生猛，有個冰水筒比我哋夾蝦，自己睇中邊隻就夾邊隻，好爽🤣然後好多海鮮可以揀黎燒😋特別推介燒蠔同象拔蚌，超鮮甜！仲有鮑魚都無得頂串燒都勁多款色，雞軟骨啦，肥牛金菇卷啦，紅腸啦，牛柳粒啦等等😋仲有我自己串埋食嘅墨魚丸同牛丸串，不得了🤣仲可以燒生果，果個菠蘿真係甜入心呀，又多汁😎咸咸甜甜好好味😋其他肉類同蔬菜🥬都應有盡有！仲有甜品同飲品，勁豐富又好味！

我已經第二次黎食啦😊就係好味先會有第二次哈哈🤤本人非常鍾意食蝦架，所以一知道附近開咗呢間餐廳已經立即黎食，果然好正，食得好開心🥳第一轉一定要食蝦同海鮮，因為咁先至可以食返夠本😂😂😂而且啲海鮮真係有返啲料到，落足本！扇貝，聖子，鮑魚，生蠔，螺，大蜆，貴妃蚌，鮮魷魚，青口，紅衫魚等，你話幾多選擇呀🤤 望到佢地仲係生既, 唔怪之得燒完都咁鮮甜! 食完可以轉夾燒肉食，豬腩肉同牛柳粒都係必夾😈豬腩肉雖然肥，但勝在肉燒完好香，啲油出嚟之後都唔乾身👻大量丸同菜😂😂不過我就重點燒海鮮同肉啦🤗仲有一讚嘅係，呢度提供嘅飲品都唔野少，清酒梅酒有得任飲，竟然連手工啤酒都有得任飲，好有誠意🤤

終於捱到星期五啦，有happy birthday 🥳 可以見下朋友聚下舊❤️疫情之下少咗見，難得今日齊腳一定要食好飲酒啦😂😂餐廳係朋友揀，話食到飽，性價比又高！重點氣氛又好，又有啤酒飲，佢讚到咁，唔食都唔得啦👻果然無介紹錯！海鮮多款又齊又足，仲要部分係靚野，鮑魚同貴妃蚌有得任夾！連原條魚都有得燒，好正🤓 條魚肉質仲要好鮮甜! 之後啲肉類，丸子，串燒同菜又係好多款式，特別想講個牛仔骨同燒雞翼同燒豬仔脾好好食, 啖啖肉☺️ 去到飲酒環節，個價錢包左任飲，又有日本清酒🍶同梅酒仲有手工啤酒飲，超強勁😍

估唔到行元朗都比我發掘到好嘢食🤓真係想比個叻叻自己呀😂燒烤bbq就成日食，但加埋現夾新鮮大頭蝦黎燒就第一次啦😙估唔到鮮味十足，連我呢啲懶鬼唔鍾意剝蝦都自動波去食，就知道有返咁上下啦, 因為佢D蝦膏真係令人食到忘我😁除咗大頭蝦外，額外仲有海鮮提供，啲海鮮全部都好鮮味，我樣樣都夾左黎燒，食完一定要推薦大蜆同生蠔，仲有鮑魚🤤 大蜆一D 沙都冇, 又夠爽口! 串燒丸都好多，仲有菜同肉😊肉就一定要燒豬仔脾黎食，啖啖肉又好滑🤗仲有款原條豬腩肉都好正😊講真，出面買黎自己整啲錢都貴啦，呢度任食喎！好抵😘最後餐飲甜品都可以任食，餐飲竟然有手工啤酒🍻呢點已經贏晒啦🤩

話說經過完屯門見到有一間類似釣蝦嘅小店，好似好得意咁，竟然比我喺元朗度見到有佢嘅分店，就嚟試吓啦，原來佢喺千色店附近嘅一條小巷仔去到之後，店員會簡單咁講解下，同埋會到一啲新鮮嘅蝦落去，開頭仲諗緊會唔會詐詐諦諦得嗰一兩隻蝦呢，原來去到好多好新鮮游水好肥嘅大蝦，識開海鮮嘅人都知道依啲蝦其實喺出面買都好貴㗎超級生猛，之後要喺出面拎個冰桶將啲蝦凍到冇咁活躍先至去燒雖然出面嘅熱食種類唔係非常之多但係海鮮嘅種類都非常之多同埋新鮮員工仲即刻開生蠔添，估佢唔到仲有魚食，好搞笑都幾大條下雖然唔係新鮮但係喺街市度買嗰啲都好貴㗎重點係依度有好多啤酒生啤任你飲仲有汽水嗰啲啦，如果同朋友聚會想飲下啤酒傾吓計燒下海鮮幾食依度就非常之適合啦，我都食得非常之開心，仲有得燒下啲羊架豬腩肉格仔餅法包等等，題外話依度啲法包好好食🤣同埋呢度啲海鮮都非常之新鮮最後都有甜筒同雪糕俾你慢慢食，同朋友家人聚會來講兩個半鐘頭慢慢食慢慢傾其實都幾舒服㗎

有時食飯真係食氣氛，唔使一定有景😝今日男朋友帶我黎食呢間係燒烤任食😚氣氛好熱鬧又唔使好似係酒店就住就住，食完燒完係有種幸福感覺❤️先講餐廳啲位置坐得都算可以😝起碼張枱都放到好多嘢食😳我哋專攻海鮮，流水蝦好鮮味又彈牙, 仲可以啜埋D蝦膏😚生蠔同扇貝自己加左蒜蓉辣椒🌶️醬黎燒，超好味！大蜆就咁燒都好鮮甜！鮑魚都好yummy!!!我哋兩個好搞笑，係咁食蒜蓉包，唔知點解好似特別好味！可能因為可以自己調醬🤣再者我哋又燒下啲金菇，菜，粟米同菠蘿😳好鬼正！之後又燒肉食，豬腩肉啲油花好香，滴落啲菜食勁正！😝甜品食咗幾枝雪條，真係好幸福呀❤️

開心妹同朋友仔出街搵好嘢食🤩食完呢間覺得一定要推介比大家👍🏻唔講咁多直接入正題😝狂燒原隻新鮮大頭蝦🦐我哋坐咗係個蝦箱旁邊，真係想食就夾黎燒，超級新鮮😳而且餐廳有個冰筒比我哋，可以凍暈啲蝦先燒, 又夠彈牙🫡另外仲有啲海鮮任燒，鮑魚，帶子，魚🐟，生蠔🦪，沙白。。。仲有好多好多, 一定要食佢既原條魚, 食左兩條都係咁鮮甜! 我哋又狂燒肉啦，個豬腩肉條好惹味😝因為燒爐有兩層，下面放左條魚，上面啲豬油花滴落嚟好正，條魚入哂味😎然後腸仔，墨魚丸，牛丸，貢丸，多士等其本野一定有，真係食到好飽😋 佢連呢D其本野既質素都OK好彩留咗個胃仔食埋啲甜品，雪條雪糕都有好幾款揀，仲有啲布甸，忌廉蛋糕仔，好正唷👍🏻👍🏻👍🏻