燒蝦蝦 (金福閣） (已結業)

有時食飯真係食氣氛，唔使一定有景😝今日男朋友帶我黎食呢間係燒烤任食😚氣氛好熱鬧又唔使好似係酒店就住就住，食完燒完係有種幸福感覺❤️先講餐廳啲位置坐得都算可以😝起碼張枱都放到好多嘢食😳我哋專攻海鮮，流水蝦好鮮味又彈牙, 仲可以啜埋D蝦膏😚生蠔同扇貝自己加左蒜蓉辣椒🌶️醬黎燒，超好味！大蜆就咁燒都好鮮甜！鮑魚都好yummy!!!我哋兩個好搞笑，係咁食蒜蓉包，唔知點解好似特別好味！可能因為可以自己調醬🤣再者我哋又燒下啲金菇，菜，粟米同菠蘿😳好鬼正！之後又燒肉食，豬腩肉啲油花好香，滴落啲菜食勁正！😝甜品食咗幾枝雪條，真係好幸福呀❤️