燒肉801 (荃灣廣場)

营业中

休息中

知道佢本店係尖沙咀，一路都好想試下，咁岩就開左係荃灣，趁新店人流未算多即刻去食🥩✨✨首先叫的係佢新店做緊優惠的黑毛和牛肩胛肉，按入座人數叫每份$78，會有溫泉蛋比你蘸住食，兩邊燒10幾秒就得，入口超有牛脂味，超級推薦🤤👍🏻其次叫左炎盛+神盛+801盛，推薦大家一開始唔洗叫double住，佢的single都有150g，好夠分量，而且可以+$25跟飯/+$38跟冷麵，冷麵係出面燒肉好少見，配肉食岩岩好可以減少油膩感，無咁易食滯XDD肉方面全部都好高質，好意外連雞都好好食，完全無怪味，平時食燒肉唔會叫雞肉的我都追加左兩份👏🏼👏🏼最後想特別講下單點的極上厚切牛胸腹柳，好好食，好好食（要講兩次😂😂）好建議大家一定要黎試下黎個，超大份先$138（目測200g都有）就算咁大份食到最後都唔覺得肥膩，反而係好有牛味，蘸蛋加少少鹽簡直一流。（鹽可以問店員攞🧂）總括而言超滿足的一次燒肉體驗，好推介比主攻食肉的人，因為佢小食真係無咩選擇，但淨係黎食肉會好滿足🤣下次有機會再想試埋豚肉🤤🤤

荃灣廣場新開左燒肉店，上次經過見到價錢都唔貴，今日放工特登黎試下，有唔少款式仲可以加配為套餐，可選飯或冷麵，份量夠哂～我地叫左2個套餐，再單點多一份牛胸腹柳：🔸神盛 150g ➕ 米飯set （$223）黑毛和牛肩胛肉、腹前牛小排、蔥鹽味雞腿肉🔸牛舌盛 300g ➕ 冷麵set（$226）鹽味同醬油味🔸激上厚切牛胸腹柳（$138）牛肉質素非常高，牛香濃郁，油脂分布都幾平均，而且每一款口感都好好，冇筋，唔韌，我最中意既就係厚切牛胸腹柳，啖啖肉，非常滿足不得不提既係雞腿肉，肉質彈牙，冇諗到雞肉都咁好食～

🫶🏻🫶🏻🫶🏻繼上次去完尖沙咀食完燒肉801之後，就成日對燒肉嘅味道念念不忘🤤荃灣嘅朋友仔有口福啦，聽聞佢哋喺荃灣廣場開咗分店，又點可以唔去試吓咧！上次食唔夠皮，今次一定要試吓啲新嘢！店內環境闊落，員工熱情有禮，佢哋會主動幫客人換鐵板，全程幫我哋換咗兩次鐵板，以確保燒肉嘅品質同口味，你可以慢慢燒慢慢食，唔使俾人催住埋單。每個爐頭都有自動抽氣，食完都唔會成身燒肉味👍👍👍員工喺客人坐低之後就送上醬油碟，但燒肉基本已經預先調好味再上枱，基本上都唔使點醬油。另外仲有辣味檸檬汁，點少少可以油解膩感！👅 803神盛り Double (300G)$366套餐包括有特上牛胸腹肉，腹前牛小排，牛板腱肉，肉質同尖沙咀分店嘅一樣咁鮮美！啲牛肉肥瘦均勻，真係好juicy🤤👅 806牛舌盛り Double (300G)$213驚肥嘅型男美女可以點呢份牛舌盛！脂肪含量較低，食多多都唔驚啦！牛舌切得厚薄適中，燒乾身啲食落好野味！食完都唔會有罪惡感😌👅 大判燒！黑毛和牛肩胛肉 $78荃灣店而家做緊優惠！原價$128嘅黑毛和牛肩胛肉，而家賣緊$78咋！咁大塊牛肉出去買都唔止呢個價，啲油花靚到睇見都流口水！幾抵都要試吓！仲

今日係荃灣，見到燒肉801新開黎試下，lunch hour黎暫時都未係好多人，不過遲d應該就好誇張好似sushiro咁。menu都好多選擇，lunch可以配飯（唔洗加錢），冷麵，想健康d嘅可以加菜一齊食。我地叫左801盛合同神盛。試左黑毛和牛，牛小排，雞腿肉，牛板健，牛胸腹肉。佢個爐雖然望落細細地，但係好夠火，燒出黎嘅肉有陣炭火味。而且食完都唔會好大陣味。肉質高質，最鍾意就係佢個黑毛和牛。另外叫左牛舌，薄薄地好惹味。主食我地叫左冷麵同埋生菜。冷麵有驚喜，個人覺得好食過韓式水冷麵。最後甜品有杏仁豆腐，呢個好重味，甜度適中。

周不時都會係荃灣搵食 今日經過荃灣廣場發現開左呢間新既燒肉店 就一於試試佢✨樂盛 Double $208有齊腹前牛小排 黑毛豚無骨小排 蔥鹽味雞腿肉份量都好大兜 本身見到呢個價錢擔心會細份 所以就叫左個double份量 上檯個陣驚訝左一下份量絕對對得起佢既價錢而且肉質一啲都唔差 全部都好新鮮牛肉好香 唔會好肥 燒完都唔會好老👍🏻豬肉肥瘦相間 唔會有豬臊味雞肉令人驚艷 平時燒肉店既雞肉好多時都唔好食佢係一個例外 燒完都好滑嫩多汁👍🏻✨牛舌盛 Single $98食燒肉就最鍾意食牛舌 單人份量既牛舌都唔少有齊鹽味同醬油兩個口味個人鍾意鹽味多啲 牛舌燒完口感一流 唔錯🤭呢度午市黎仲有得免費跟飯同麵豉湯 唯一唔好係佢既飯偏濕 搭配燒肉食真係會失色左餐廳裝修簡約時尚 用紅黑主色 而座位都算幾闊落要讚下佢燒肉爐既抽風系列 抽力好好 食完出黎都唔會成陣燒肉味食物幾高質 價錢合理 性價比都唔錯 有機會都可以試下🙌🏻