燒肉801 (荃灣廣場)

营业中

休息中

今日放假同朋友係荃灣廣場行街就順便食埋晚飯，見到呢間Yakiniku入面好多人，原來係食燒肉，睇落d牛肉好吸引就決定一試餐廳裝修好有日本燒肉店風味，紅色主調同木系設計感覺好有活力。另外燒肉款式同味道好多選擇，作為牛魔王嘅我地就轉攻牛肉，其次就雞肉。揀左個801盛，包括有黑毛和牛肩岬肉，腹前牛小排同蔥鹽味雞腿肉。黑毛和牛肩胛肉：和牛真係特別好食，油脂香，肉味濃，燒出黎效果更惹味，薄薄嫩嫩，好食！佢個套餐可以揀single or double，意思就係要1塊定2塊牛肩岬肉，之後見到個盛盒份量好多，早知揀一塊都可以，不過又確實好好味！另外再點左一個“神盛”，除左同樣有腹前牛小排，仲有特上牛胸腹肉同埋牛板腱肉。朋友就鐘意牛小排，肉身厚d有口感，而且食落都好嫩，同樣濃郁牛香，讚！餐廳有提供生雞蛋蘸牛肉，食落多左種滑溜感，食起嚟又更加香！日本嘅雞肉都同樣出色，雞味較香，又有提供調左味道嘅蔥去配雞肉，雞味濃再加蔥就更香！整體Cp值好高，must encore🤤🤤🤤🤤！題外話：呢度嘅無煙燒烤，唔會燒到好焗促，店員服務良好，收碟，上菜都好快，讚！

—呢排好多人都北上 有店員幫忙燒肉拆蟹社恐就唔慣全程隔離企住個人🤣都係自己動手燒好d805 黒毛和牛盛($298/Single)大判焼！黒毛和牛肩胛肉 + 黑毛和牛小排一大片和牛肩胛肉 大火燒兩燒就已經ok柔軟甘腴油花四溢 沾上蛋漿更滑順牛小排雪花平均分佈 肉汁豐盈804 炎盛り($88/Single)腹前牛小排 + 蔥鹽味雞腿肉前者個肉味相對和牛較濃 亦較有口感燒完嘅雞腿肉配上鹽味蔥花很搭配米飯set (+$25)/ 冷麵 set (+$38)水冷麵彈牙極有嚼勁 沁涼清爽湯底能解膩意另外要咗份黑毛和牛上肩肉($148)—————————————————燒肉801 荃灣大壩街4-30號荃灣廣場3樓321-323號舖

小編想食燒肉好耐啦🤤，依間燒肉801紅噹噹既門面遠距離已經望到，行去睇過餐牌見到性價比好似唔錯咁，所以決定一試。座位坐得幾舒服，空間感開揚，同隔離座位隔有一段距離，枱面乾淨唔會油笠笠。小編叫左幾款唔同既肉類試下，影左幾張相之後事不宜遲馬上開動🍴，燒燒下發現抽氣係燒烤爐側邊，食完唔會成身油煙味，值得一讚。————————————♥———————————- - - - - - - - - - - - - - - - - - - - - - - - - - - - -♥️ 801盛Single $198首先試下同鋪頭名一樣既801盛，小編揀左燒汁，味道帶點甜甜地。▪️ 大判燒!黑毛和牛肩胛肉🐂一塊過大大塊，油花細緻而分佈平均，肉質厚實又軟嫩，輕輕燒一燒就可以配埋溫泉蛋一齊食。▪️ 腹前牛小排牛小排肉質柔軟，燒至七成熟就岩岩好。▪️ 蔥鹽味雞腿肉🐓雞腿肉滑嫩，醃得又夠味，配埋蔥鹽一齊食味道唔錯。♥️ 黑毛和牛小排 $128肉質軟腍，含有豐富高密度油花，幾乎係入口即溶。♥️ 黑毛豚無骨小排 $68口感鮮嫩，豬味濃郁。♥️ 803神盛 Single $168一個套餐有3款唔同肉類，特上牛胸腹肉、胸前牛小排、牛板

咁嘅價錢可以有啖啖肉，味道又好，真係值得推介叫咗全牛套餐，雙倍份量，兩個女子食，份量啱啱好，原本諗住叫埋牛舌，但朋友巳吃夠了而且可以選擇白飯、冷麵、生菜，像我不喜歡吃飯的，便有多種選擇

唔洗去日本都食到高質素嘅燒肉啦🌟🌟 同朋友行荃灣發現到一間好味燒肉，不私藏馬上分享😸🧡805黒毛和牛盛り (150G) $298 single黑毛和牛肩胛肉 - 鎮店之寶，油脂分布均衡，配上佢地鋪頭秘製嘅燒汁，每邊燒大約10-15秒，入口個刻你會慶幸自己有返黎食😝😝黑毛和牛小排 - 比較有咬口，燒汁調配同上一塊有少許分別，牛肉味更濃郁😋😋跟餐配溫泉蛋同埋lunch set有麵豉湯同飯😙🧡809黑豚盛り (150G) $98 single黑毛豚無骨小排 - 豬肉選用五花腩位置，一層瘦肉一層油脂嘅比例，完美三層肉☺️ 可以燒耐少少，做到脆皮效果😆厚切煙腩肉 - 腩肉多一份煙燻過嘅香味、更加吸引🤩大家唔需要擔心燒肉會油膩，佢地已經幫你諗埋啦😽 每枱都有配檸檬汁，藍色樽嘅係唔辣黃色樽嘅係辣😙

一人燒肉已成為潮流，想食高質靚和牛燒肉兩舊水就有交易。但叫多個朋友又可以叫多兩款喎，所以都係忍唔住叫埋個friend一齊食😝 《801盛 $198》包括以下三款: 午市送麵豉湯同白飯， CP值爆燈💡💡💡💡💡🔥大判燒！黑毛和牛肩胛肉連溫泉蛋🔥腹前牛小排🔥蔥鹽味雞腿肉 急不及待食大判燒，發現係錯嘅。因為食完呢塊之後嘅牛完全被比下去了😖 本身就油脂分佈均勻，牛油香濃，點燒汁食已經冇得頂。撈埋個蛋汁再加一大啖白飯，嗚呀，簡直人間美味🤯 一塊真係唔夠喉。相對腹前牛小排厚身啲，隻牛應該有啲肚腩，脂肪都幾多，比較油膩。 《牛舌盛 $98》有五塊汁燒同五塊鹽燒。 肉質彈牙，鹽燒食到牛舌原味。個人鍾意點檸檬汁，酸酸鹹鹹，顯得牛味更出亦解油可以食多幾塊都唔膩。汁燒就更正～ 《牛板腱肉 $88》 呢個薄薄嘅size，口感食法似大判燒，但當然味道同大判燒差一條街啦。不過牛味都濃郁，係牛舌之後嘅第二飛佛📍燒肉801荃灣大壩街4-30號荃灣廣場3樓321-323號舖

我哋嗌咗801盛（150G）（$198）、802楽盛（150G）（$108）、806牛舌盛（150G）（$98）同埋201黑毛和牛小排（汁燒）（$128）咁首先講咗801盛/ 802楽盛先啦（801:黑毛和牛肩胛肉、腹前牛小排、蔥鹽味雞腿肉；802 就係配黑毛豚無骨小排腹前牛小排、蔥鹽味雞腿肉）黑毛和牛肩胛肉食落去好滑油脂分布亦都好均勻🤩🤩而腹前牛小排食落去就比較有口感🔥🔥牛肉味比較濃郁之後我覺得嗰個黑毛豚無骨小排食落去都幾煙韌有咬口😋😋完全唔會覺得好乾好硬最後嘅雞腿肉食落去都幾唔錯😘😘因為食落去真係好滑嫩😚😚而且我好鍾意食嗰個雞皮之後就講埋牛舌盛/黑毛和牛小排啦（牛舌盛就包括咗鹽味牛舌+醬油牛舌）兩款牛舌食落去都好煙韌、爽口（我自己就鍾意食黑毛和牛小排多啲）跟住我自己就最鍾意黑毛和牛小排❤️❤️因為佢食落去真係好滑嫩而且完全做到入口即化嘅效果😝😝（而且嗰個紋路真係超靚）真係好有衝動想Encore多一碟

聽朋友介紹話呢間燒肉好好食，即刻捉埋另一半去試下先😋😋我地4點半左右去到，店內冇乜人（都正常呢個時間😂）入座後係用QR Code落單，選擇都算多👍🏻因為我地牛豬雞都想試，所以就叫左一個樂盛（腹前牛小排+黑毛豚無骨小排+蔥鹽味雞腿肉）同三腹盛（特上牛胸腹肉+醬油和豚胸腹肉+九州雞胸腹肉），最正既係12:00-17:00係午市時間，白飯+味噌湯唔洗加錢！🎉調味仲有檸檬汁、辣味檸檬汁，意外地同豚肉都幾夾👍🏻👍🏻爐啲火都幾大同幾平均，好快就熟👍🏻同埋側邊位會吸晒啲煙，食完個身都唔會臭👍🏻肉份量正正常常，唔會覺得太少但又唔係好多🤣味道都不錯的👍🏻

日式燒肉bbq 有各款套餐選擇, 肉質新鮮嫩滑地方舒適又有檸檬汁同特色醬汁多款燒肉套餐可以配搭定食，黑毛和牛重點推介801盛套餐🔸️大判燒黑毛和牛肩胛肉🔹️腹前牛小排🔸️鹽燒味雞腿肉大判燒還有日式雞蛋，烤肉燒香後拌勻雞蛋一齊食，香味濃郁，加上蛋香，味道更提升神盛套餐🔸️特上牛胸腹肉🔹️腹前牛小排🔸️牛板腱肉配冷麵🍜配白飯及麵鼓湯🥣配杏仁豆腐極上厚切牛胸腹柳🥓牛胸腹肉好大件，係厚切肉，已經輕輕𠝹好一行行，方便燒烤及切開已醃肉汁美味而香濃

荃灣廣場呢間燒肉店唔算開咗好耐，呢間主打1人燒肉～🍽️801盛 double $388 +$38冷面set黑毛和牛肩胛肉－1片大大塊2人share，肉質相對上比較肥美，但仍然保持到其咬口，可以沾上溫泉蛋蛋汁，感覺就好似食緊壽喜燒咁咁正！腹前牛小排－呢款肉味超香濃，厚度適中，上菜時已經有醬汁，唔需要再額外調味～蔥鹽味雞腿肉－肉質好嫩滑，原本對雞肉無乜期望嘅我都俾呢款肉驚艷到！韓式水冷面，解膩一流！🍽️黑毛豚無骨小排 $68油脂重嘅五花肉，好邪惡🍽️海苔飯 $38大量海苔配埋溫泉蛋，呢個配搭已經冇得輸，唔駛配燒肉已經好送飯～🍽️乳酸味氣泡酒 $38🍽️可樂 $20

原來燒肉801已經開到黎荃灣之前係尖沙咀食過覺得唔錯裝修都係以搶眼既紅色做主調最方便係餐廳有提供唔同既Set啱哂一次過想食哂幾款肉既朋友仲可以加配飯、生菜或者冷麵首先係主打既801盛有大判燒黑毛和牛肩胛肉配埋温泉蛋，點埋食更加滑溜好似食緊壽喜燒咁然後有腹前牛小排肥瘦適中幾有牛味最後係蔥鹽味雞腿肉雞腿肉配埋蔥鹽好惹味仲嗌左個802盛有齊豬牛雞三款黑毛豚無骨小排食落好有油脂香配埋泡菜同生菜食就Perfect最後係牛舌盛有齊原味同鹽味同醬油兩種厚薄適中，用黎燒肉就啱哂整體食物保持到水準，唔錯！

有時食烤肉，款款調味都一樣，豬肉牛肉傻傻分不清🥹 而呢間烤肉就冇呢個問題，肉有肉味🤭 口感同味道分明，令我有記憶點，調味得宜再加分！✨801盛 $198-大判燒！黑毛和牛肩胛肉推薦🥳 我會為咗呢份和牛肩胛肉而encore呢個餐🙈 似平時食關西壽喜燒既和牛，口感香軟，好濃既肉香，有驚喜🥹-腹前牛小排雖然冇黑毛和牛咁驚艷，但口感同味道都唔錯。-蔥鹽味雞腿肉推薦🥳 雞腿肉口感唔乾柴，成口都係蔥鹽味，好正🤭-冷麵 (+38)有檸檬嘅清新香氣，冷麵冰涼爽快，口感Q彈，啱晒炎炎夏日。✨807 海鮮盛 $173-赤蝦推薦🥳 赤蝦以鹽作調味，食落鹹鹹香香，又唔會過火，夠晒香口。-烏賊口感彈牙，食海鮮嘅好處就係完全無膩感👍🏻--帆立貝底部有牛油作調味，我自己就鍾意蝦同烏賊多啲！✨玉子湯 $38顧名思義，就係玉子同湯，奇妙嘅組合，食落唔會覺得突兀，可以品嚐到大量滑滑玉子。✨腹前牛小排(汁燒) $88本身肉味十足，有埋醬汁調味多一種層次。-✨醬油牛舌 $78食烤肉又點可以無牛舌，雖然係薄切，但吸收晒醬油味，唔錯。

來自日本九州嘅黑毛和牛燒肉😋用APP落單後好快就上齊order，好適合肚餓黎食🤣👉🏻801盛已經調味嘅大判燒只需輕輕一燒就食得，點溫泉蛋食更加滑溜，配飯都好正😋👉🏻804炎盛 Double肉量加倍的快樂🤤蔥鹽味雞腿肉+腹前牛小排鋪滿成隻碟，雞髀肉好爽彈，牛小排易燒又好食，必叫。👉🏻806牛舌盛鹽燒同汁燒都好味😋係薄切牛舌，比起厚切我更中意薄切，無咁油膩又易咬啲。👉🏻烏賊白雪雪望落好新鮮，口感意想不到咁軟稔，完全唔韌好神奇。燒果陣容易癡底，燒完肉再燒呢樣會好啲。

之前係尖沙咀見到呢間燒肉店已經想食, 點知原來荃灣都有, 一於同老公去試下店內主要以紅色同木色為主, 卡位亦非常闊落舒適, 店員好細心介紹餐牌, 仲可以用QR code落單😉我地order期間限定嘅匠盛二人前($498)追加一碟特上牛胸腹肉($98)牛上肩肉//牛腹肉//牛舌//特上牛胸腹肉(必追加!!!!)因為我地都係牛魔王關係, 對牛嘅關注度係會高一點😂油脂好香, 肉質嫩滑, 重牛味, 入口有小溶, 燒肉汁帶甜, 甜而不膩, 單食、餸飯都一樣咁正💯赤蝦有蝦膏架!!!! 燒完仲蝦肉仲保持到爽口彈牙烏賊平時食烏賊壽司冇乜感覺, 原來燒完食落係咁爽口嫩滑, 呢個有小驚喜豚小排油花好香, 配埋辣醬同埋生菜包住食, 中和油膩感雞腿肉有d似食雞軟骨感覺, 有咬口得黎肉質嫩滑雞胸腹肉肉質都係咁嫩滑, 店員有提示蔥油點雞食用提升雞肉層次呢個價錢兩個人食到飽飽, 呢度仲要唔收加一，超級抵食🤗

≪燒肉801 - 荃灣≫食野同愛情一樣講緣份，我咁鍾意食燒肉，而明明燒肉801就開喺我地頭，但就遲遲都未去試，一直未有機會。今日緣份到了，自然就入左去食。全店統一火紅色，好搶眼！未食之前想講下，我好鍾意佢地唔係用上面抽油煙，而係好似我屋企用果個燒肉機咁，係左右抽油煙。一來佢冇機會俾油煙散落在空氣之中，我食完成餐都唔係好大味。二來，你睇住Ｄ煙一絲絲抽入抽氣孔真係好治癒！805號的黑毛和牛盛 single $298+$25跟餐本人細食有個好處，就係貴精不貴多。我攻略係如果大食，食801，如果唔大食，我強烈建議食805，食好D！雖然801都有大判燒(最鍾意大判燒)，但係801係俾你「試下」個黑毛和牛，805先真正係一個黑毛和牛餐。大判燒+牛小排兩樣都係黑毛和牛。口感唔係一般樣國產牛可以媲美，食牛限quota，食得就食好少少。大判燒其實係汁燒薄切和牛西冷，燒完放入溫泉蛋中混和入口，一試一定愛上！牛小排之後都介紹過，油白同肉味平衡之選！推薦！要跟餐！有大判燒不能冇飯！鹽味牛舌$78我燒肉一定要有牛舌，特別係你食大判燒咁濃嘅位，一定要叫返個牛舌平衡。薄切牛舌爽口！簡單以鹽調味已經突出牛舌清清地嘅牛