燒肉の殿堂

营业中

休息中

兩口子同埋小朋友銅鑼灣食宵夜，超大食嘅我哋揀咗食燒肉。見呢度樣樣齊款而且新開最啱鍾意食肉獸嘅我哋。先點個「法式鵝肝多士」做前菜，蘋果酸酸地配上焦糖口味同鵝肝非常之夾而且減少油膩。「黑毛豬豚肉」食燒肉除咗牛肉之外必點嘅一定係豬肉，燒到卜卜脆，而且有少少窿邊就係我嘅最愛。「海鮮拼盤」呢個超抵食$88就有，而且啲蝦同元貝都勁大隻勁新鮮。「月見蔥燒和牛薄切」有個小碟仔放住蔥同埋壽喜燒汁，將燒到剛剛好嘅和牛放上去溝埋一齊食，正呀。特選A4和牛西冷厚塊切開超好味，油脂同埋牛肉嘅味道都極重。配埋蒜片勁好食，切開share都夠晒另外重點咗燒雞翼同埋野菜拼盤，擺盤同埋味道都唔錯。

燒肉之鬼出動，尋尋覓覓又係日本和牛。食過咁多間唔同嘅燒肉有韓式、泰式、最鍾意嘅真係日式燒肉，日本和牛真係我最愛。最新開嘅餐廳最有興趣嘅我，最喜歡發掘性價比嘅日式燒肉。特級厚牛舌， 超大塊勁抵食，爽口燒到脆脆地，入邊仲係爽嫩多汁。問咗店員有咩拿手食物，呢個湯真係必點，非常濃郁嘅口味牛肉燒過之後再放落湯度一齊食，口感超卓。呢個刺生牛肉他他，可以自己配搭唔同口味，而且外型打卡細路仔同我都勁愛仲有大蜆冷麵，好大隻配埋啲湯汁加上個面非常掛汁，開胃又好味。魚仔忌廉芝士沙律嘅配搭第一次食，幾新奇而且口味清心，而且加咗份日式嘅感覺超爆多重嘅蔥山牛舌😍😍😍好味

同區搵餐廳見到新開嘅燒肉店，殿堂の燒肉。見到係單點燒肉，燒肉の鬼馬上去試吓。刺身和牛他他 擺盤好用心，將生蛋穿開，然後配搭自己喜歡嘅材料：蔥花，京蔥，Wasabi，鹽，青檸。溝埋真係好好食最後食塊薑片，清清個味蕾。法式鵝肝多士鵝肝配上蘋果好清新，而且減少油膩感。大阪城和牛4點盛合一上枱已經好誇張，有三款日本和牛，三角腩，和牛肋條等。店員話呢個係殿堂級推介，用日本直送嘅和牛做嘅精選😍另外有我最喜歡嘅厚牛舌，設計好得意可以用個夾夾檸檬汁唔使整污糟隻手。大蜆冷麵呢個又係值得一題嘅佳作，超大隻蜆，已經好打卡，配上掛湯既調味，非常開胃。牛油果軟殼蟹沙律勁大隻軟殼蟹，牛油果裝着醬汁，感覺幾新穎，食完咁多和牛，舒服晒。仲有叫咗小食味淋網燒魚乾，芥末秋葵車厘茄漬，都唔錯呀。