燒肉の殿堂 (已結業)

兩口子同埋小朋友銅鑼灣食宵夜，超大食嘅我哋揀咗食燒肉。見呢度樣樣齊款而且新開最啱鍾意食肉獸嘅我哋。

先點個「法式鵝肝多士」做前菜，蘋果酸酸地配上焦糖口味同鵝肝非常之夾而且減少油膩。

「黑毛豬豚肉」食燒肉除咗牛肉之外必點嘅一定係豬肉，燒到卜卜脆，而且有少少窿邊就係我嘅最愛。

「海鮮拼盤」呢個超抵食$88就有，而且啲蝦同元貝都勁大隻勁新鮮。

「月見蔥燒和牛薄切」
有個小碟仔放住蔥同埋壽喜燒汁，將燒到剛剛好嘅和牛放上去溝埋一齊食，正呀。

特選A4和牛西冷
厚塊切開超好味，油脂同埋牛肉嘅味道都極重。配埋蒜片勁好食，切開share都夠晒

另外重點咗燒雞翼同埋野菜拼盤，擺盤同埋味道都唔錯。