燈籠滷味 (登龍街) (已結業)

Waited for half an hour for the take away. Ordered the lunch set C but finally found that they only gave me the extra add-on and forgot all the ingredients included in the set. Seriously? I paid double the price I should have paid. And they never picked up the damn phone. Food is 8 but service or management is 0.

平時去登龍街都係食拉面，但最近知道開左一間台式滷味就決定轉下口味試一試始終以家疫情關係不能外遊，我對台灣也很是想念中午2點去到仍然大排長龍，但換枱速度頗快，等15分鐘就可入座因店舖很聰明地給排隊的客人菜單，讓他們在排隊的時間選定食物一入去就有得食，節省了大量的時間，很有效率至於食物方面，我點了健康有營麵餐，配王子麵加大豆皮，$45蔬菜正正常常，都算新鮮，唔會太硬麵質剛好，唔會太淋太硬，無因為太多客人就馬虎左麵亦吸汁，配上偏濃的滷味汁，非常惹味

食勻全世界第九站嚟到鄰近嘅台灣,今次嚟試吓過江龍滷味,雖然係平日嚟食晚餐但都要排一陣隊～兩個人叫咗兩個小菜,一個滷麵,一個芋圓同一杯珍珠奶茶～原本諗住會係將蘋果融入鹽酥雞嘅，但原來係蘋果切片擺喺隔離🤣一齊食嘅時候其實唔係好感覺到蘋果嘅存在，鹽酥雞本身存在感太大🤣雞本身炸得幾好食，皮又香又脆，而且肉都仲keep到嫩滑又唔會太咸花枝丸同貢丸彈牙而且味道都幾濃呢碟滷王子麵加咗甜不辣、豬腱肉、大豆皮同杏鮑菇，整體滷得十分入味最推介口感煙靭嘅甜不辣同入味嘅大豆皮～～～珍珠口感唔錯而且配埋奶茶唔會太甜最後覺得唔夠喉又叫多碗综合芋圓加仙草，芋圓味道ok口感ok,不過如果芋圓份量再多少少就好啦🤣🤣Overall,味道同性價比都算唔錯，不過未好食到我會特登再返嚟排隊食🙈

喺台灣食過覺得好有風味，香港開咗一定要來試試！入座後會有點菜紙自己慢慢揀、想食乜嘢配料就自己tick! 配料款式都幾多:分麵底、招牌滷味 、豆類、菜類、火鍋料、小吃及台式飲料。我揀咗豬耳朵、大腸、甜不辣、高麗菜冬粉。揀下揀下嚟到份量都非常豐富，甜不辣份量有好多，真係抵食！豬耳朵好爽口，大腸又夠肥美，配冬粉撈埋啲湯汁好索味。我覺得一定要叫一個菜，因為口感會好啲，同埋冇咁飽制濟。令一個叫咗豬腱肉、大腸、豆皮、鴨血、高麗菜王子麵。豬腱肉幾林；豆皮好大塊；鴨血好有台式風味夠入味！我覺得王子麵都幾好食，比冬粉更出色！小食叫咗炸花枝丸及鹽酥雞，花枝丸味道唔錯，但硬咗啲啲；鹽酥雞夠香脆！黑糖珍珠奶茶叫咗半糖去冰，味道剛剛好，黑糖味幾突出，飲品唔會太甜，好飲！餐廳價錢合理，一啲都唔貴，平平地已經而且好豐富，一定食得飽！

今晚食左一間見到好多人排隊又聽朋友講過話好好食的餐廳！台灣野我不嬲都好鐘意食，但係今晚真係食左好多野呀！！！介紹下先，最好食的係男人的浪漫 － 台式魯肉飯！︿﹏︿真係好好食，黏口又夠味，魯肉好林冬菇都又林又入味！真係形容唔到的好味呀！仲有個台式香蒜腸都好正呀！炸得香又爽，驚肥但係都忍唔住食左好多！！有臘腸的感覺但係好爽同香！！！另外一定要提就係粉麵的酸菜，佢GE酸甜度適中鴨血亦唔粉，蘿蔔就夠淋入晒味，大豆皮有d特別佢係薄身同豆味好濃！至於蘋果炸雞，脆又熱的炸雞同清甜凍凍地的蘋果成了對比！！仲有仲有佢個茶，雖然個冷泡茶係茶包，但係咪道真係very nice～清甜好味！如果有得買返屋企沖我一定會！！哈哈！！！！！

呢間想食咗好耐啦😍😍見好多foodie都有食有推介，終於到我食到啦🙈不過網上評價好似好壞參半，有啲話好咸有啲話好淡🤔試試佢先!💥招牌滷味王子麵（大腸、雞腎、杏鮑菇、鵪鶉蛋）$51其實我無食過王子麵🤣但係台灣特色麵梗係要試🥰我本人對腍身嘅麵無特別抗拒，但呢個麵真係腍到有啲似中學canteen一袋袋包住嘅撈麵🙂味道方面ok嘅唔會無味，食到下面浸住汁嘅會有少少太咸🙈朋友食烏冬就覺得無乜味啦🤣不過食呢啲滷味都志在食佢嘅餸啫😊大腸同雞腎算係最有味，但好明顯唔係碗麵本身啲滷汁味嚟，係材料本身用其他醬料醃好煮好嘅味🤔杏鮑菇唔太入味但本身幾好味，爆菇汁😋鵪鶉蛋就完全無味嘅🤣評分: 7/10 🙂💥蘋果鹽酥雞 $38容我好直接咁講句:「喂k_c巴辣雞粒嚟嘅？🤣」質地真係勁似!!🤣佢有幾粒大粒少少嘅肉質就滑啲，但其餘較細粒嘅真係一樣🤣最大分別係兩者嘅調味粉。k_c用紅色嘅辣粉，呢度就用好似台灣夜市啲炸雞扒嘅調味粉🙉佢話自己係蘋果鹽酥雞就伴碟咗幾塊蘋果片😲唔知係心理作用見佢有「蘋果」兩個字定乜都覺得啲雞有少少甜甜地🤔不過好耐無食m記k_c有啲掛住浸味，私心俾多0.5分啦😛評分: 7+0.5/10 😊💥冷泡桂花

想吃台灣麵線伴滷味 登龍街嘅燈籠滷味就最適合你 佢嘅滷味夠入味 有少少香味 台灣最有名嘅蔬菜水蓮係非常有營養價值呢度任何一位店員都會極力推介水蓮真係好少喺其他店舖食得到食落去嘅時候夠爽夠脆 一條條非常幼身小食方面叫咗香炸花枝丸拼貢丸佢炸得剛剛好 唔會太油唔會太焦 夠彈牙！另外蘋果鹽酥雞 直情要俾個like佢真係有一塊塊嘅蘋果配埋啲炸雞酥炸感覺拍得住喺台灣夜市食到的鹽酥雞有點點果香 感覺沒有那麼罪惡和肥膩食台灣野當然要配返杯正嘅奶茶呢度除咗黑糖珍珠奶茶可以自由揀選甜度冰度之外仲有紅茶豆漿一樣咁吸引而且夠大杯 只見到師傅純熟地把佢哋沖炮出來 真的非常令人滿足甜品當然唔少得呢度嘅九份綜合芋圓有紫色黃色食落去夠煙韌 味道加埋仙草仲好夾 涼涼地值得推介😃

你要唔要食滷味啊？呢間燈籠滷味經常大排長龍就算下午茶時間都一樣有大把客排隊點解咁多人幫襯原來大有來頭！佢喺台灣過江龍 以前諗住做街坊生意喺店外面掛住紅色燈籠賣下滷味最後嚟咗香港 味道夠地道深受港人歡迎呢度好環保唔會用即棄紙張點餐用塊膠牌圈住想食嘅食物職員就會為你打點一切～呢度亦都好有台灣風味 播嘅係台灣歌 佈置係台灣獨特風格點左個稻庭烏冬麵配推介豬耳同大腸另外朋友就叫咗洞庭烏冬麵配杏鮑菇、高麗菜、大豆皮佢嘅滷水汁好特別 唔會過鹹但係好有香味秘製味道唔喺度度都食得到面底除咗烏冬同一般嘅米線米粉之外仲有佢哋最出名嘅王子麵 蛋黃色嘅麵條分明 唔會黐埋一主主 仲可以加底 再點上辣椒油 入口更香

之前燈籠滷味仲未開嘅時候大食妹已經bookmark左呢間台灣餐廳可惜啱啱開張嘅時候太多人排隊, 又咁啱遇上疫情, 所以等到宜家先去食<自選四餸滷麵>燈籠滷味好似台版車仔麵咁, 可以俾你自選麵底同配料而醬汁就係台灣總店直送嘅秘傳配方滷湯麵底方面, 大食妹揀左經典嘅王子麵王子麵麵身比一般即食麵幼, 掛湯力一流, 而且煮得啱啱好, 質地Q彈配料方面, 大食妹就揀左甜不辣、杏鮑菇同大豆皮<甜不辣>甜不辣雖然彈牙, 但切得太細, 魚味俾滷湯味搶咗<杏鮑菇>杏鮑菇好有水分, 但分量好少<大豆皮>大豆皮係最抵食嘅份量最大, 而且吸收曬滷湯嘅精華<自選三餸一麵>朋友仔就嗌左份三餸一麵份量都係好少麵底揀左入味嘅冬粉其他配料, 例如白蘿蔔、雞翅膀同豬腱肉都好入味

話說今年年頭去過一次旅行，之後都再冇去過喇。台灣系其中一個香港人中意去嘅城市，價廉物美，多夜市行啲人又nice奈何今年肺炎之後真系好耐未好好出走過最近喺網上見到一間喺台灣師大夜市幾出名嘅「燈籠鹵味」開到過黎香港，真心興奮，終於有機會試到過江龍！呢間我自己就未試過，但喺台灣咁出名應該吾會差得去邊。裡面有勁多霓虹燈打卡位，正呀滿足曬女仔去影相打卡。🤣🤣🤣🤣🤣裡面嘅環境有啲似課室，但比起課室更有一份親切感，牆身有啲菜式嘅名，真系同台灣嘅feel好似，記得之前去台灣嘅鹵味店都系咁。餐牌有兩頁，第1頁系揀鹵味嘅款式，台灣嘅鹵味其實同香港嘅車仔麵有異曲同工之妙，都系揀各項配料同埋麵類。麵類方面，比較特別嘅有王子麵，其實就即系公仔麵囉，不過呢度個名好聽啲。其他配料嘅種類都吾少，比較特別嘅有豬腱肉、大豆皮同埋甜不辣。揭到後頁有小食同埋台式飲品，個人超中意食台式嘅小食🤤真系夠曬香口，自己本身又中意飲茶，台灣菜黎講茶嘅款式都幾多。原本想試起司玉米蛋餅，但店員話賣曬😫試吓個花枝丸拼貢丸先。食花枝丸feel到一粒粒嘅墨魚粒喺入面，幾正，貢丸爽口彈牙都吾錯呀。然後講麵類，呢款系我嘅，喺配料方面我揀咗豬腱肉、彈牙

台灣過江龍🏮燈籠滷味🏮唔知幾時先有得去旅行，前排銅鑼灣開左呢間黎自台灣師大夜市既餐廳，主打滷味，台式小食，好懷念台灣既味道😚假日好多人排隊呢！好彩朋友黎排住隊先，餐廳有2層，唔洗等好耐店舖播既歌都係讀書年代成日聽既，回憶返哂黎！暴露年齡系列哈哈豬耳、大腸、雞腎、金菇、王子麵 ($51)未食過王子麵特登嗌黎試下，同公仔麵差唔多，口感好滑，同埋索哂d汁好正，我點既配料大多都係滷味類豬耳、雞腎好爽口大腸都處理得好乾淨👍🏻滷水汁好入味，唔會好鹹，岩岩好豬腱肉、雞翼、椰菜、貢丸、魚片頭、油麵 ($59)豬腱肉煮得好軟腍入味魚片頭亦好彈牙雞翼大大隻亦好入味🙌🏻蘋果鹽酥雞 ($38)外層炸得金黃酥脆，炸粉夠薄，雞肉鮮嫩多汁，好有台灣既水準👍🏻

彈牙貢丸，大腸，米血糕，白飯王子麵，白蘿蔔，甜不辣，百葉豆腐綜合滷味拼盤，蘋果鹽酥雞，黑糖珍珠奶茶行經銅鑼灣，吃來吃去都係個D，好悶呀，經過一間不平凡的車仔麵（？），決定入去一吃。家中有懶人，所以只好外賣回去服待。在門口拿紙圈食物，付款後在門口等待便可以。好正索哂味米血糕，煙韌甜不辣, 白蘿蔔好淋冇根，至愛白葉豆腐，彈牙嫩滑。配上王子麵，簡直冇得頂！小吃有拼盤，鹽酥雞，好香的雞肉，又脆又入味，拼盤一次過吃哂想吃的，好開心！沒法去台灣，只好吃一次台灣美食，有如回到台灣，開心～

坐上層完全冇人服務, 張枱完全沒有任何調味用品要俾幾錢完全唔知環境問題好嚴重, 係上層行路會頂頭, 撞到個頭配料不平均, 本身兩個人都有嗌鴨血, 對面枱就四舊, 我就得兩舊差皮, 食返本土那渣麵仲好

Upon reaching 燈籠滷味 at around dinner time, it was already very crowded, with over 10 people outside queuing. 燈籠滷味 was located at Tang Lung Street, near Times Square Causeway Bay.They offered Taiwanese version of HK cart noodles, with noodles to go along with pork and chicken parts, balls and vegetables etc. Besides that, they served snacks, desserts and drinks etc. Cold brewed tea was clear and refreshing, with strong tea taste. It was suitable during this hot weather.We ordered apple sidra and s

一直都想試，趁今日好似無咁多人排隊就黎食台灣滷味～揀咗lunch set D餐自選組合～ （揀咗冬粉、豬腱肉、百頁豆腐、杏鮑菇、花枝丸，總共$50）都幾大碗，啲滷味份量比想像中多，收埋係啲粉下面～個人超鍾意百頁豆腐，豬腱肉都好入味，杏飽菇好爽口！附有少量酸菜同蔥，如果唔鍾意食嘅人就記得走咗去～啲冬粉索哂啲汁都好正～ 香脆地瓜條 $12 （半份）超級推介！又脆又甜，地瓜味濃，必食！桂圓紅棗蜜（熱）$16 叫咗半糖，但都幾甜，下次可試埋無糖，可能會更好，黎m必飲～ 紅茶豆漿 $16同行友人叫咗紅茶豆漿（半糖），但佢話麻麻地，好淡，無乜茶味又無乜豆漿味～門口長期有人龍，我避開繁忙時間都要排隊。店員態度幾好，不過做野好多甩漏，啲單同野食都比錯咗，同埋啲野食野飲都要等好耐先到⋯所以堂食真係要預多啲時間。（為咗避免呢個問題，我下次會外賣）