燈籠滷味 (登龍街) (已結業)

原本行完維園燈飾去食車仔麵，但點知提早關門，所以就轉黎食「燈籠滷味」，都係可以自選配菜，不過最終見到個 抗疫二人餐 $178，有齊小食、飯、麵及飲品，都好抵食。shake shake 海苔鹽酥雞有得玩有得食，海苔粉好香好足料，鹽酥雞炸得香脆，雞肉都嫩滑，而且唔會過咸，份量都幾多。招牌燈籠鹵滷味有入味Q彈蹄膀、爽脆的豬耳朵、軟綿吸汁甜不辣、又糯又彈的麻吉燒、滑溜的百葉豆腐、超入味超多汁的白蘿蔔、空心菜即係通菜、有咬口的杏鮑菇，配滑彈的稻庭烏龍麵。個滷汁好香，帶有桂皮、花椒、八角……多種香料及藥材煲成，鮮味又回甘。燈籠古早滷肉飯味道夠傳統，有「男人的浪漫」稱號，滷肉夠味又帶肥肉脂香，雖然係肥肉，但食完唔膩，個滷肉汁最正。期間限定「甜入心奶黃」 +$19啜得到的月餅，迎合中秋節的特飲，有奶黃嘅咸香，味道濃郁，帶有奶香，配埋Q彈好咬嘅珍珠，估唔到咁夾。

抗疫二人套餐 $178呢個台式滷味車仔麵，好特別，每樣都可以試下而且又好多款，不過今次就叫左個二人餐，第一次去，因為太多選擇，唔想諗就揀左個好多野都有嘅二人餐。招牌燈籠滷味：蹄膀、豬耳、甜不辣、麻吉燒、百頁豆腐、白蘿蔔、通菜、杏鮑菇、王子麵（可以改其他）一黎就試下蘿蔔先，好入味而且唔老好甜，麻吉燒同甜不辣好似，都係煙煙韌韌嘅，好有咬口之外都好好食，至於其他都係好食，麵底方面揀左王子麵，本身真係唔知係咩，原來上枱之後發現係台灣版嘅福麵，有少少後悔，不過都係好食嘅，不過揀冬粉或者米線可能會更加開心。另外套餐包左一款小食同埋滷肉飯台式小食：
Shake Shake海苔鹽酥雞、燈籠古早滷肉飯好似shake shake薯條咁比個紙袋同埋一碟仔粉你自己shake，食餐飯都有參與感加上個海苔粉又真係幾好食。本身炸雞都好食，外脆內嫩滑。至於滷肉飯好古早味，食落口好多台灣嘅回憶走曬出黎。台式手搖飲品：
台味奶茶 + 黑糖珍珠 +$5古早冬瓜茶 +加仙草 +$5Overall黎講，係冇得去旅行底下，食返次充滿台灣氣氛嘅車仔滷味，真係少少嘅安慰。好食！

來自台北師大夜市，有「北市第一加熱滷味」美譽主打台式滷味，滷汁用上台灣總店祖傳滷湯，有多款食材可以自由配搭裝修都好有心思，負責人從台灣及日本搜羅咗唔少特色裝飾台灣滷味係熱食嘅 配上肉類、豆製品及蔬菜類多種食材 滷汁用上台灣總店嘅祖傳滷湯，用桂皮、花椒及甘草等數十種材料製成先切材料後，再將所有材料放入滷汁內滷熱，淋埋滷汁就完成師大人氣組合包括甜不辣、豬肉片、高麗菜、杏鮑菇、花枝丸及白蘿白有肉有菜，配埋台灣人最愛嘅王子麵就最夾當然仲有鹽酥雞同埋滷肉飯喇! 炸到好香脆可口又惹味當然仲有台式特飲可以選擇~平均消費$200評分8/10地址: 銅鑼灣登龍街39號地下

Restaurant have two floors. I dine in the second floor. First, the staff attitude is not polite at all. She did say thank you but her face don’t act like that.Second, the food here is terrible. The taste is not suitable for Hong kong people or taiwan people. I never go again. Sorry about that.Food: 2/10I would say some comments here is fake. You can try if u don’t believe. 😤😤😤

第一個Openrice就貢獻俾燈籠滷味。之前係銅鑼灣店食過一次，覺得正正常常，所以見糖廠街開咗間Popup就走咗去買。個market咁多間舖佢條隊最長，點知都出事🤢叫咗個三號set，有百頁豆腐、腐皮、通菜、冬菇，木耳同麵。本來已經覺得百頁豆腐唔新鮮，食到後尾發現，都唔係全素既，通菜入面有條筷子咁粗既蟲⋯明白popup冇得同舖頭比，撇除味道唔講，但食物衛生係基本吧，希望店家可以注意下，同埋冇其他受害者😔。

第一次食台灣滷味就係喺師大嘅燈籠滷味，嚟到香港開雖然定價唔平，但係依個時候食到台灣嘅味道係滿足嘅～平日午市有特選午餐，可以優惠價加配台式手搖飲料。店家用台灣總店嘅祖傳滷湯，加入多種中藥材經慢火熬煮，濃郁入味。經典台灣王子麵口感有彈性，同金菇一樣好索湯汁，係我最鍾意嘅滷味配搭；相比起嚟杏鮑菇雖然juicy，但就未吸到滷湯嘅味；甜不辣Q彈有嚼勁，鴨血滑嫩，加埋酸菜同葱，重口味得嚟係會令人回味。冬瓜仙草檸檬酸酸甜甜好清新啱晒而家嘅天氣－冬瓜茶冇得無糖但記得要嗌半糖啊🙈

因為係過江龍 而且旺角店經常排長龍 所以抱住應該都唔差嘅心態去試坐位安排咗係二樓熱到傻 開咗嗰冷氣都係熱-,-事前無留意原來湯底加入咗中藥材料中藥味唔係好重 所以都容易入口不過就食唔出滷味嘅味無鹽酥嘅鹽酥雞食豪大大仲好味就算少甜都一樣甜嘅黑糖珍珠奶茶普普通通囉整體上 麵可以去返車仔麵檔食台灣小食 其實有好多台灣餐廳都好食唔一定揀呢間

下午5:00到，成間餐廳有一半係空位，佢哋話要我人齊（兩位）先可以入座我。我話你哋有好多位，都冇客，出面亦都冇人排隊，可唔可以比我坐入去？但佢哋依然堅持我喺外面等。等咗5分鐘，其間完全冇新客，我再問佢哋我朋友响街尾，出面咁熱可唔可以比我入去呢？當然佢哋又答唔得喎，規矩唔比喎…原本想試，但唔試了。如果你有客我當然明白，但你半間輔冇人，當然有啲餐廳都會叫人等（而亦係有其他人等時），但係佢哋可能會俾個餐牌你望吓先，好聲好氣，而唔係當你透明，人唔齊好似賊咁。我寧願去其他台式餐廳，唔係得你一間㗎。

避開食飯時段下午去的人比較少選擇的A餐和B餐選擇的飲品，比較大眾化，沒有特別之處，總之都是奶茶A餐配的出前一丁B餐配的王子麵兩種麵感覺沒什麼分別鹽酥雞真的很酥，推薦！第一次吃甜不辣，酸甜口一餐下來正宗台灣口味價錢適中

約左朋友喺銅鑼灣食飯，不過佢竟然要OT，我見肚好餓就想燈籠滷味食少少嘢等佢～燈籠滷味嘅滷湯底一向啱我心水，冬粉吸哂個湯底，係一個絕配～配菜我擇左豬耳朵，杏鮑菇，鴨血同埋通菜四樣嘢我覺得豬耳朵比較出色，夠腍又入味！另外意外發現原來通菜都好夾個湯，驚喜！本嚟想叫杯嘢飲，不過見未食過佢個燈籠雙芋，就叫埋試一試～芋圓Q彈，不過味道唔出仙草嫩滑，唔係罐頭龜岺膏口感 ，呢款台式甜品而家周圍都食到～而燈籠滷味嘅我覺得略甜，不過食完咸嘢想食少少甜野都唔錯！燈籠雙芋·芋圓，芋頭，仙草，紅豆，珍珠，燕麥，黑糖，花奶滷湯冬粉·豬耳朵，杏鮑菇，鴨血，通菜燈籠滷味

冇得去旅行 唯有去食台灣野當去咗台灣夜市！🥲呢間餐廳聽講都好出名 排隊就緊架啦🙈車仔麵式台式滷味🤤🤤🤤🤤🤤滷水汁台味十足！！！唔會水稀稀配粉絲不得了！👍🏻👍🏻👍🏻麻吉燒超好食！！蘿蔔都好入味！！因為想食少啲肉所以叫咗一堆素選項好多，唔會覺得唔食肉就冇嘢好食全部都好食！滿足感100分！💯總括而言 間野性價比高 唔貴最緊要係咩呀 就係可以解一解冇得去台灣掃街之苦 頂住先啦！！😆😆😆

以前飛台灣，一個鐘輕鬆，星期五收工去，星期日返，毫無難度！ 但今日疫情下想飛都飛唔到，唯有食下台灣嘢，思念一下！📍鹵味： 甜不辣、百葉豆腐、雲耳、雞腎本身想食台灣直送的水蓮菜，可惜今日冇唯有轉食雲耳，好似健康啲！百葉豆腐係我每次必嗌嘅，不過因為外攞，佢好似俾咗豆乾我戒澱粉質，所以冇食烏龍麵，同埋新竹米粉，但呢兩樣嘢朔左去過鹹嘅滷水湯底係好好食！一啲都唔貴仲大大份。雞腎同豬耳，我就通常都二揀一，因為比較難消化😌整體來講呢間野成日都好多人，預咗一定要排隊😅

疫情關係冇得去旅行，同朋友去呢間長期排隊嘅滷味店重溫台灣嘅滋味， 平日夜晚8點黎等左20分鐘左右，比想像中快。餐廳貼滿海報、白底膠餐牌同燈牌，播住出賣年齡嘅台灣歌， 幾有夜市嘅感覺。原本叫抗疫二人餐會抵啲，但飲品唔啱口味，最後都係散叫。🍽百葉豆腐 ($12) +空心菜 ($11) +甜不辣 ($12) +冬粉 ($11)百頁豆腐口感滑嫩又吸晒汁，甜不辣唔算好有咬口但份量超足，食極仲有。朋友覺得滷水汁有啲鹹，但配煙煙韌韌嘅冬粉就冇問題。🍽豬耳朵 ($12)+麻吉燒 ($11) +杏鮑菇 ($10) +稻庭烏龍麵 ($13)滷水汁係台灣總店直送，混合十幾種中藥材但唔會過濃。豬耳朵軟骨爽脆，麻吉燒就係鱈魚豆腐夾住拉絲嘅麻糬，烏龍麵幾掛汁。🍽甘梅香脆地瓜條 ($34)地瓜條新鮮熱辣炸起，外脆內軟，同甘梅粉係絕配！🍽Shake Shake海苔鹽酥雞 ($42)無得食shake shake薯條食住shake shake鹽酥雞先，鹽酥雞炸粉略厚，係硬脆型，好彩雞肉唔乾唔鞋，加埋海苔粉更惹味。☕️冷泡桂花烏龍 ($22)茶底幾好，有回甘，滲出淡雅嘅桂花香，估唔到幾高質。☕️無糖凍豆乳 ($19)朋友話甜度

咗耐冇去過旅行🧳，已經好掛住台灣😭😭 依間台灣過江龍開咗耐，終於有機會試🤩🤩一開始以為舖頭唔係好大，原來佢有兩層，所以平日lunch time去都唔洗等好耐！.B. 食你滷味套餐 油麵 $59甘梅地瓜條 +$13.見佢有套餐已經有曬唔同嘅配料又岩口味就要咗套餐，可以唔洗揀🤣 配料都算幾多，大約有蘿蔔、通菜、豬耳、大腸、甜不辣。全部都唔錯，特別記得甜不辣幾煙銀，豬耳爽口又幾入味😋😋油麵正常發揮，唔會煮過龍🤓Ps. 我同行嘅朋友冇叫套餐，佢自選配料反而覺得份量有啲少🥲重加配咗個地瓜條，$13份量唔係好多，不過勝在夠脆又熱辣辣，好味！

小編每次經過銅鑼灣登龍街搵食，都發現這間台灣過江龍滷水店排晒長長人龍。但因為唔想排長龍，每次都放棄食其他野。難得今日過咗晚市時間，見唔洗排隊就入去試試。小編滿有期望的去試一下人氣過江龍的味道，可惜有啲失望。每款餸由$9起，價錢都唔算平。公仔麵煮得過淋，啲餸又樣樣勁勁勁咸🥲🥲🥲食完要飲好多好多水。小編仲叫埋這裡最出名的甜品，燈籠雙芋，有齊芋圓、芋泥、紅豆、珍珠、仙草、燕麥、黑糖、花奶。一黎水浸咁，鮮芋鮮真係好食過佢好多。不會有下次😖