燈籠滷味 (登龍街) (已結業)

又發作啦～～ಠ_ಠ好掛住台灣嘅夜市生活☹️☹️今次食滷味！！！招牌燈籠滷味🏮(豬耳朵、蹄膀、甜不辣、百頁豆腐、麻吉燒、白蘿蔔、空心菜、杏鮑菇、王子麵)全部配料都好入味，索晒滷汁🤤百頁豆腐帶有Q彈口感，甜不辣煙煙韌韌， 王子麵唔會煮得太淋☺️燈籠古早滷肉飯滷肉肥瘦均勻，望落去色澤油亮～味道鹹中帶點甜😽 仲有少少冬菇係入面。樹懶仔2下就食晒成碗🤣Shake Shake海苔鹽酥雞外皮好酥脆，炸粉唔會好厚～唔油膩👀 不過有點偏乾。有個紙袋比你倒入海苔Shake勻，幾過癮😽 原汁原味食又得，加左海苔又得～古早冬瓜茶冬瓜茶意外地唔會太甜👀食完鹽酥雞呢d熱氣野飲岩晒！清熱又解渴😆

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️我仲記得「燈籠滷味」係我每次去台灣都一定會食嘅！見佢開咗喺銅鑼灣就去食住先，本身希望可以解下癮，可惜質素真係冇台灣咁好：⭕️二人套餐 - 包左招牌燈籠滷味（配料定左），鹽酥雞，滷肉飯，同埋嘢飲，成個套餐都幾抵食。滷味汁比較淡，冇台灣咁香濃，無愈食愈上癮嘅感覺，對呢個主菜有啲失望🥺 反而滷肉飯同鹽酥雞會比較好食，有台灣嘅味道，呢兩款下次可以encore。

📍燈籠滷味📮銅鑼灣登龍街39號地下.一個人的晚餐, random地係銅鑼灣發現呢間過江龍, 試下佢有無台灣既水準先.裝修有啲台灣夜市既感覺, 主打滷味, 亦有台式地道小吃同手搖飲料, 等掛著台灣既寶寶一解思鄉之苦😏.台式滷味就好似港式車仔麵咁, 先揀麵底再加自選配料, 自由發揮, 任君選擇自選麵 HKD10: 王子麵👍🏻 +HKD2******大腸👍🏻 HKD12杏包菇👍🏻 HKD10空心菜👍🏻 HKD11鴨血 HKD13根據以往經驗, 台灣滷味份量唔算多, 我一條女唔理三七廿一揀左4餸1麵🤫王子麵係台灣即食麵之一, 識食梗係揀王子麵啦, 麵質偏濶, 掛汁力特強, 沾埋滷水汁特別好味🤤配料方面, 大腸清洗乾淨, 滷得好入味, 杏鮑菇味道一般, 爽口有嚼口, 空心菜嫩口爽脆, 鴨血就不過不失, 靜靜雞同店員講要多蔥花, 令成個麵味道更上一層樓.台灣一日未開關, 大家都無得飛🥲唯有靠一啲台灣小店喚醒大家對台灣記憶同思念.整體環境💭💭💭好味道：🧑🏻‍🍳🧑🏻‍🍳🧑🏻‍🍳🧑🏻‍🍳服務態度🤵🏻🤵🏻🤵🏻🤵🏻性價比：🧐🧐🧐🧐回頭基率💫💫💫.#nonstopeatingdiarytaiwanese #n

銅鑼灣登龍街滷味咁耐冇去台灣旅行一定好掛住台灣嘅美食啦呢間台灣風味嘅滷味好好味星期日食飯時間過去都係排左10分鐘就入到去除咗叫咗兩碗滷味仲有shake shake紫菜味鹽酥雞同埋蒜味台灣腸都值得一食呀平時唔’好‘台灣腸嘅我 都忍唔住係咁食價格都合理 相入面咁多樣嘢合共$229張相其實係忍唔住食咗幾啖先影希望大家唔好介意

💛燈籠滷味·呢個我上次黎已經想試架啦 但係我見佢個二人餐好多野食 我地驚兩個女仔食唔曬 所以上次就淨係散嗌左 無咁開心 今次終於食到😈·抗疫二人套餐$178呢個超級抵食 佢係有8個餸 1個麵 鹽酥雞 滷肉飯 同埋2杯野飲 超級豐富😍😍🤤餸既話我最中意佢既麻吉燒 佢係超級煙煙韌韌 中間好軟糯 口感好好😌佢個百頁豆腐同豬耳都唔錯 不過我自己覺得雖然佢D料入味既 但係個滷汁好似無咩特別咁🤔麵既話我地見佢推介王子麵所以就試左 但係我覺得呢個一般般 佢個麵質比較淋身 無咩口感 可能揀粉絲個D會正D🤭🤭反而佢個shake shake紫菜鹽酥雞幾好味 好鹽酥 而且雞肉肉質都唔錯😎佢個滷肉飯都好多滷肉 真材實料 係鹹左DD😈😈·#rbyeat#rby台灣菜#rby💛#rby銅鑼灣 #rby旺角·📍銅鑼灣登龍街39號地下📍旺角亞皆老街8號朗豪坊4A樓10號舖

終於去左食燈籠滷味！平日7點幾去唔算多人排隊，等左10分鐘到就入得～入到去先知原來呢到係食車仔麵，不過全部餸都係台式滷味🤣————————❦ 招牌燈籠滷味❧ ❧ ❧王子麵 $12 👍🏻❧ ❧ ❧ 冬粉 (粉絲) $11❧ ❧ ❧空心菜 $11❧ ❧ ❧ 白蘿蔔 $10 👍🏻❧ ❧ ❧ 雞翅膀 $12❧ ❧ ❧ 豬耳 $12 👍🏻❧ ❧ ❧ 甜不辣 $12 👍🏻❧ ❧ ❧ 花干 $11❧ ❧ ❧ 百頁豆腐 $12❧ ❧ ❧ 高麗菜 $10-滷水汁正常味道，王子麵係類似出前一丁嘅即食麵，索左汁黎講好食過粉絲。滷味其實都係正常味道，冇咩特別😂評分：🌕🌕🌕🌗🌑-❦ 𝑺𝒉𝒂𝒌𝒆 𝑺𝒉𝒂𝒌𝒆 海苔鹽酥雞 $42餐廳另外比左個紙袋我地，入面有海苔粉，可以擺d鹽酥雞入去shake。雞粒幾酥脆，但d海苔粉唔係好夠味，可以再鹹d。評分：🌕🌕🌕🌑🌑

真是好耐無去旅行，知道呢間是台灣過江龍～呢日早放工同同事一齊來食～店內裝修不錯～懷舊得來又新淨，來到時重有可以叫優惠午餐～😚😚通常有套餐我都會叫套餐，不用諗同埋好似平點甘，不過同事就話想自由叫餸，唔使因為套餐平少少而食自己唔想食的野～都講得好有道理👍🏻👍🏻👍🏻散叫餐單如上～每人最低消費是$30，另要加一，算合理。基本上，我不挑食，所以不思考就點左A大師超人氣組合，一次過食哂人氣食物～同事就叫左D.自由是個好東西🤣呢碗是我的人氣之選～配冬粉🤩🤩麻吉燒好好食～～我問左店員是什麼來的，店員話是有魚肉成份的麻糬😗😗雖然聽不明😂但就是好食～口感煙煙銀銀👍🏻👍🏻👍🏻不過整體配冬粉總覺得差了什麼，如果配王子麵感覺會更好食，更有咬口👍🏻同事的D.自由是個好東西再配小食，每款小食由$13～$19不等，小食就只是普通口味，不過不失😗如果是女生來說，食一碗滷味麵+手搖（冷手搖+$～20）已經好飽～建議不用再叫小食🤣真是好飽，食不下了～再食會變豬的～🐷🐷本身打算食下午茶，不過最後食飽飽回家～量好足，食物熱度都夠，不過價錢自然沒法同台灣比～有機會還是會來食～呀～還有！現場播歌都是台灣歌👍🏻值得一讚！好多餐廳明明

由銅鑼灣開舖講到開埋旺角分店我先去食，呢啲咪講就興高采烈囉。🥳星期一晚七點幾去到，因為同朋友一共三個人所以等得比較耐，兩個人好快就入得。入到去真係有如去咗台灣，無論係點餐紙、裝飾、檯凳都似到十足十！食物方面選擇極多，豐儉由人，包你食得飽！；蘋果鹽酥雞🍎聽落極奇怪嘅組合，食落又唔錯喎。啲雞超脆口，偏乾；食蘋果咪平衡返。；冬粉+蘿蔔+雞腎 $29冬粉索曬啲汁，超香；蘿蔔大舊又入味，雞腎爽口(* ╹ヮ╹*)ʖˋʖˋʖˋ～♫。；無糖豆漿出乎意料地大杯，仲好濃味添，飲完好飽。

小編終於去咗朝聖長期要排隊嘅燈籠滷味🇹🇼😂不過我比食晚飯時間早少少去到 around 6pm 所以只係等咗五分鐘就有位👍🏻 但由於食客太多嘅緣故 用餐時間限制咗一個鐘.$48 人氣爆漿蔥抓蛋餅 - 芋泥肉鬆 芋泥同肉鬆嘅份量啱啱好 重點係佢哋嘅芋泥幼滑 又唔似其他舖頭嘅咁甜👍🏻 兩樣食材嘅甜鹹度balance得好好🤤 而蔥抓餅煎得香脆 加埋燒汁 好Perfect!!!.$38 滷味 - 大腸+甜不辣+王子麵 王子麵索曬啲滷味汁 而大腸同甜不辣都好入味 所以整體偏鹹 BTW小編第一次食台灣特色嘅王子麵 食嗰陣仲話係淋身版嘅公仔麵😂 事後發現 原來王子麵就姐係台版公仔麵 LOL

一開始見到咁多人喺鋪頭外面等位都估到要等好耐，當晚仲要係落雨天，門口無瓦遮頭，搞到我同友人好似落湯雞咁喺外面呆等左20分鐘先入到去。心情已經忟忟地，上到2樓見到環境狹窄又嘈吵，心諗都係快快趣食完就走，可以話我一開始對呢間餐廳嘅印象係極差，叫左野食之後，先有閒情逸志去留意店內嘅裝潢，發現店主都幾有心，擺左好多復古嘅鐵牌同舊式海報喺牆身同走廊，鍾情復古事物嘅朋友一定會有驚喜！食物方面，我地兩個人總共嗌左2碗拌麵(圖中為筆者點嘅鴨血冬菇拌麵)，2碟小食，各自叫左1杯餐飲。整體嚟講，食物質素不過不失，無甚驚喜，可取嘅係食物款式多，好似車仔麵咁有好多款任君選擇。另外，食物價錢喺銅鑼灣一帶算平；但值得改善嘅就係：味道偏濃(咸)，份量略嫌少(我同友人都係女士，所以男士可能唔夠食)。總括而言，如果係2個人想平平地食下台式晚餐(多過2個人就唔推薦了)，又唔介意要排隊嘅話，呢間餐廳會幾適合你地！

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗已經好耐冇去台灣，太懷念台灣嘅味道...呢間係長期人龍熱店，今日響下午茶時段路過又未食午餐，終於可以唔使排隊就可以試到啦～開心😊🍴豬耳朵 + 大腸 + 甜不辣 +空心菜 + 白蘿蔔 + 冬粉 （$60）佢嘅秘方滷湯係由台北師大夜市總店直送，用數十種中藥材熬製，豬耳好爽口，大腸夠淋冇異味，兩樣都滷得好入味但又唔太咸，甜不辣勁煙韌有咬口，白蘿蔔滷到好深色，冇根，夠入味但又未蓋過晒佢原有嘅甜味，冬粉勁Q彈，仲要吸收晒個汁，配上少少酸菜同蔥提升味覺同口感，成個combination 好正👍🏼🍴燈籠黑糖珍珠奶茶半糖半冰（跟餐+$20）奶茶夠滑，茶味唔錯，如果茶味再香濃少少會仲正，珍珠係大粒嘅夠煙韌，有古法黑糖味，成杯嘢唔算好甜，好啱我飲！

🍽 Noodles💰 ~ HK$50 (lunch, depend what you would like to add)Always a long queue during lunch hours so defo bear that in mind. Every time when I visit this Taiwanese restaurant, I feel like I am in Taiwan night market😂 They also have a branch in Langham Place Mongkok. You can pick whatever ingredients you prefer to add in the noodles. They provide a wide range of lomei for selection along with different kinds of bubble tea as well. Overall the taste of the noodles were flavourful and fantastic.

近排轉工過左黎銅鑼灣返工周圍咁多好野食真係有排試聽聞排隊店燈籠滷味有段時間今日終於到我一試先講杯蜂蜜綠茶（半糖半冰）半糖原來都算甜，但接受到味道都幾啱我到主角碗麵，原來咁少湯好彩d麵又唔會一pat pat味道都不錯配菜方面就有....甜不辣，通菜，蘿蔔，豬耳，大腸豬耳大腸夠入味，夠淋蘿蔔都吸晒湯，但有少少渣，扣分甜不辣幾得意，煙韌，不錯通菜正路冇乜特別總括黎講味道唔錯，配料比一般車仔麵多選擇只係價錢有少少貴以上食評只反映本人立場，如有雷同，實屬不幸

由於一到晚市就會大排長龍嘅關係，朋友一早就黎排隊！一到7點就開始大長龍，想食嘅朋友就記得早少少黎排喇！我地見到餐廳宜家做緊抗疫套餐，價錢又親民，就一於決定食下啦🥰 套餐有麵，鹽酥雞，滷肉飯同兩杯野飲！招牌燈籠滷味好豐富，有蹄膀，豬耳，甜不辣，麻吉燒，豆腐，蘿蔔，通菜同杏鮑菇🤣 我地揀左配粉絲！佢嘅湯底好入味，但係又唔會好鹹，粉絲索哂湯嘅味所以都好好味🤤海苔鹽酥雞都好特別！係其他台灣餐廳都冇食過呢類shake shake鹽酥雞，鹽酥雞非常香脆，加埋乾紫菜仲好味！非常recommend🥰呢個滷肉飯特別好食，同平時食嘅唔同！非常入味，有點油，而且特別香！滷肉肉多，唔會好多肥膏！好好食🙌🏻

因為奕居只得一間餐廳checkout當日差唔多四點鐘都仲未食lunch最後落左銅鑼灣去食燈籠滷味餐廳位於登龍街另外仲有間分店係朗豪坊四點幾黎到咁當日聖誕節假期無晚市餐廳又係黃當然都有唔少人排隊排隊既時候都要填定紙仔架啦我第一次黎唔L識野原來即係好似車仔麵咁叫不過後尾見到有個兩人餐所以就改左要二人餐加個大腸烏冬等左大約二十分鐘左右入得小店位就係得咁多不過因為格離檯做左社交距離都可以放我地d行李燈籠滷味都算係過江龍本店係師大夜市但幾年前去過師大就唔係好覺而個二人套餐就有成八樣餸加兩杯野仲有個滷肉飯同鹽酥雞計過都真係平少少既食你老未雖然係台店但都有港味先上既野飲二人餐加埋大腸烏冬岩岩好擺滿晒成張臺個烏冬雖然要加三蚊但真係好食過二人套餐個冬粉好多個鹽酥雞都好食仲好大份埋單191蚊食咁多野都唔洗兩舊水雖然話台灣野唔係貴野但你去格離食兩個拉麵都要呢個價呢度仲有兩杯野飲跟就唔係話特別好食但我覺得都算係抵食既