熨烤達人 (已結業)

上次係另一間分店食過，好正，今次來旺角店食，D肉水準依然。我覺得最好食是磚頭五花腩，只要舊肉生鮮，就算不用醃，單是以中火去燒，加上我自家熨斗功，我從不架手於人，原來燒烤都係一種樂趣，厚豬腩肉，豬皮位燒到充膠質，用熨斗陰力壓下，過多油傷份擠出，肉焦香，豬油僅僅蓋在肉面，肉汁封在裏面，肉在舌到是如此如比香，肉成為美味的化境，你只想不停食豬腩肉，豬腩肉美味真是如此幸福! 雪花牛也好吃，中火一燒，油傾出，我呢款不用熨斗燒，入口牛味充斥味蕾，牛肋條有骨肉，有咬口，牛味淡淡滲出，但醃過，好惹味。生菜大大塊，好新鮮，但我食韓通常唔㚒生菜，我食靚肉係唔會夾野，又唔㸃醬，我覺原汁原味最好食啊! 無飯落肚，叫在抵食自暴自棄即成麵，有隻荷包蛋，腸仔，韓國即食麵撈咗芝士汁，芝士恰到好處沾到每條麵上，麵好彈牙，食埋隻消魂蛋，好好食，邊個話食即食麵係自暴自棄呢?我話呢碟麵是為明天加油呀! 韓國烤肉，你是我生活的動力，食素我會死。

那晚我個friend 拉我去呢度食韓國燒烤，我問佢係咪任食，佢話任食嗰D無咁好食，話呢間價錢OK，D肉新鮮喎。我入到去嚇一跳，間店成個野人洞穴feel ，但好在通風好，最怕焗住食燒烤，成面油。叫咗五花腩，牛肋骨，豬頸肉同雪花牛，五花腩一到，侍應立即上前代燒，服務唔錯。原來燒到咁上下，會用個熨斗㱘下D肉，真係好多豬油必出嚟，侍應話用生菜夾埋D配菜，加D辣醬會無咁肥，我試下咁食，真係好鬼好食，D肉味堅正，原來D豬油真真香口，食到無停口。另外雪花牛和牛肋，我自己燒，我燒到佢表面有DD燶，唔㚒生菜，加DD豉油，超好味。豬頸肉我唔好，友人話好爽，加到激多辣醬食，狂呼過癮。肉類份量唔少，係新鮮，加分! 最後食埋個自暴自棄即食麵，都唔明㸃解叫自暴自棄? 但係韓國D即麵身好爽好彈牙，可以同香港一丁比，佢加埋D邪惡芝士汁，重有埋隻消魂荷包寄，和八爪魚腸仔，食得好感動好warm ，好飽肚又好味。

好耐都未韓燒，但又唔想淨係燒肉咁簡單，所以醒起熨烤達人有個熨斗擺喺五花肉上邊熨好似幾得意咁，所以就同朋友去試吓。嗰日撞正promotion，只要like佢嘅fb page就可以有免費乳酪核打🤤我同朋友分別嗌咗藍莓同芒果乳酪梳打，最啱用黎消膩降溫喺未有嘢食之前，店員上咗啲生菜、配菜、蛋漿，叫我地隨自己喜歡落粟米同芝士落去個蛋度。重點係上面講嘅嘢食全部都可以任加🤤🤤第一樣上嘅主菜係肉類店員好細心咁樣幫我地慢慢燒五花肉厚切五花肉肥瘦適中，用生菜包住五花肉，泡菜同醬汁咁食真係好治癒👼🏻芝士炸雞雖然邪惡，但依然無阻我哋食晒佢食到膩可以食下水冷麵，當堂消滯，繼續戰鬥最後燒埋牛肩脊，雖然油脂唔算多，但勝在肉味濃！

好耐冇食過韓燒，今晚特登約埋女朋友黎試，之前聽見好多人話好食，今晚試完覺得真係唔錯。呢個就係facebook好多朋友都會企上去個影相位😂舖頭唔算好大，大概放到12-15張枱，如果人多我諗早少少打電話抬book位比較好喇。前菜任食，啲蛋漿可以俾你自己揀落芝士或者粟米飲品啱啱做緊like facebook有免費一杯梳打，有蜜瓜同士多啤梨揀。呢個係店員推介既自爆自棄速食麵，芝士既量係多到滿滿係個口度，每一啖都爆多芝士，加上肉碎確係一流。調味五花肉，店員會幫你煎完再剪埋俾你食，唔洗自己動手，好入味，同埋煎完肉質一啲都唔”鞋”口，推介。另外叫左個特級雪花牛同埋調味牛排肉，肉同埋脂肪分明，網燒一流，建議唔好燒太耐，大約七成熟口感不錯最後黎個大腸隊支支，豬大腸我最喜歡食，煮得夠淋身，同埋有少少辣好惹味！唔錯！

呢日同男友黎食韓式燒烤 以Ironman做主題的咸，連menu都係ironman盾牌。我地叫左燒磚頭五花肉、水冷麵同炆牛肋條店員一早係我地點餐之前放好晒前菜同爐邊蛋啦！呢間嘅爐邊蛋好有誠意，蛋、粟米、芝士都係任加的， 我整左個芝士粟米泡菜口味正！ 另外 蓮藕、泡菜同芽菜都係任添生菜好新鮮磚頭五花肉：比想像中大份，而且好厚燒嘅過程全程都係店員負責整， 服務好好呀！ 用熨斗壓係肉上面，受熱全面d燒完用生菜包住，加埋泡菜、芽菜食，不錯的炆牛肋條好耐冇食過呢道菜啦，最懷念係蘿蔔炆得超稔，牛肋肉又入晒味 個煲上枱時係熱到冒晒煙，而且好足料，如果會食其他野，呢碗係3-4人share份量寒冰水冷麵係韓國麵一直都想試下水冷麵，但都冇機會， 今次就試下啦！ 竟然有條雪條仲要好吸引，好想食左佢， 但店員話係湯底黎。呢碗水冷麵酸酸地，帶有少少甜， 夏天幾岩食。芒果乳酸飲品，呢杯係like Facebook page送的 好重芒果味

食韓燒不一定要在秋冬季節，在旺角洗衣街的(熨烤達人)裝修具韓風，三五知己便在此暢飲暢食一個晚上，愉快地迎接明天的工作。熨烤達人，取名應來自此熨斗。韓燒必有前菜，如大豆牙、泡菜、粟米粒、青瓜等，餐廳提供添加配菜服務。調味五花腩$68，肥瘦均勻。五花腩燒至皮香肉脆，極端質感極致享受。炸芝士波波，滋味芝士在口中爆瀉。綠田園$58，翠綠蔬菜菇類非常新鮮。健康抗癌蔬菜，秋葵、翠玉瓜、十字鎅花鮮冬菇等。Facebook 讚好即享用一杯水果Soda，成為熨烤達人！

突然好想食韓燒於是就叫朋友陪我食啦 韓燒就食得多不過真係第一次食用熨斗燒肉一坐低未叫野食店員就同我地講依家like Facebook 送飲品 我地當然唔執輸啦~叫左藍莓梳打同芒果梳打我地唔想淨食燒肉所以就每樣都叫啲黎試下咁XD叫完野食就已經有前菜生菜同爐邊蛋上左枱 可以邊食邊等野食黎黎得食熨斗燒肉當然要試下佢既磚頭五花肉啦我地兩個都係第一次食熨斗燒肉 諗緊點樣燒既時候店員好好人咁過黎幫我地燒 服務好好用熨斗燒肉能夠令肉受熱更平均，而且鎖住啲肉汁配埋啲生菜同前菜食好似健康啲，冇咁大罪惡感XD夏天黎到就最岩食水冷麵 呢到好特別係有水果 所以個湯好似比平時食既冷麵清新我地仲叫左碟牛黎試下 肉質唔錯！而且店員會幫你換用網燒我地兩個大食怪仲叫左個芝士炸雞食望到咁多芝士真係大滿足，不過份量就 大左啲 可能要多幾個人share先食得晒😂

韓國燒烤食得多，今次朋友帶我去到旺角的「熨烤達人」BBQ，地方不是太大，但餐廳裝修頗為特別，不像一般傳統式的燒烤餐廳，細心留意每一個設計都好有特色。呢個設計就好有新意可以添加的各款前菜，我最喜歡就是泡菜，酸辣的口感食咗特別開胃。原來用個熨斗熨烤五花腩，更能帶出食物的味道及精髓。燒牛肋骨$88肉質好夠味，燒完之後不會太韌，而且仲好有牛味，我本人覺得不用點醬汁就咁食就可以。墨鬚炒飯$78 將墨魚鬚切粒炒飯，帶有煙煙韌韌的口感，十分不錯。新鮮的綠田園$58 有翠玉瓜、南瓜、水耕菜 、秋葵等。寒冰水冷麵$68，食落口有冰冰凍凍及煙韌韌同酸酸咪咪的感覺，好特別。特級雪花牛肉$108，牛肉的雪花及紋理都好均勻。一

又到週末，親子時間！羊baby提議今晚吃燒烤，於是我們就來到了旺角這間燒肉店。一入到店舖，已見到這個很搶眼的裝飾！本來以為這是給人拍照的地方，但原來後面是工作人員的地方餐廳座位不算太迫，即使滿座也不會太吵。這裏最著名的是五花肉，我們當然要來一份！大家看着這個這麼厚的肉，都有點疑惑怎麼處理！然後侍應就來幫我們了！先用熨斗壓着。然後切件。再壓着燒一會。然後再剪成小件，排在爐邊燒。然後就可以大啖肉大啖肉進食了！五花肉口感一流，肉質結實多汁，再點一些韓式醬料，味道就更加濃郁然後還點了一客特級雪花牛實物和圖片一樣好看！一客6件，每件都有相當的厚度燒一會就能吃，牛味很濃，肉質細嫩然後還點了一碟大堆頭的芝士炸雞原來炸雞還要放在爐上烤，等芝士溶然後侍應就會把拉絲的芝士，逐件逐件雞卷好芝士中混了蕃茄，吃起來比較清新！炸雞非常外脆內滑，一客8件，絕對是抵食又好味之選！此外，爐邊蛋是任添的，不能錯過啊

今日同FD行完街，想食韓國野，於是上網睇下就揀左呢間，一去到門口 ，裝修好特別，好似去左第 2 個地方咁，非常有FEEL。前菜有 3 款，店員仲話泡菜同出面果D唔同，無限任Fill未燒肉前，可以先煮Ｄ蛋，可以加栗米同芝士落去，自己決定加幾多，仲拉到絲，好邪惡！水牛城雞翼 $58等緊個爐熱既時候，好適合點呢個雞翼味道辣得來帶點酸甜，同時又唔太油膩 ，仲微脆達人沙律$58沙律菜用料新鮮份量多，有唔同水果，抵食，加埋個沙律汁，自己鐘意落幾多就落幾多，同出面既加埋個沙律汁有D唔同，幾特別。牛肩胛肉$88肉質咁靚，有別於其它韓燒，睇到肉質，紋理就會分別到。燒完後，好多肉汁。金仔炸雞飯$88大大件炸雞，雞肉嫩口，飯都好大碗。依家Like Facebook 仲會送飲品梳打，超抵食，我揀左藍莓，朋友揀左蜜瓜味，唔會太甜。

和朋友都是韓食fans，難得到旺角食飯聚會，就決定來熨烤達人朝聖！ 正食和烤肉好都正！水牛城雞翼 $58雞翼香脆可口，前菜小食都不錯！芝士燉飯 $68芝士味濃郁，飯粒嚼口十足，份量比想像的多，味道好好！寒冰水冷麵 $68非常特別的水冷面，竟然有自制的冰棒，而且因冰棒有水果味的清甜，融化成水冰面的湯底，味道非常特別，非常推介！特級雪花牛 $108燒烤一定要燒牛肉，雪花牛的厚薄適中，而且肥瘦剛好，一口一個，入口即化！調味牛排肉 $88朋友和我都無牛不歡，牛排肉啖啖肉，味道較濃，味道不錯！調味豬頸肉 $58豬頸肉的份量十足，性價比十足！藍莓cider $28藍莓味十足，非常爽口，十分解渴！整體上，店員友善，格局舒適，飯聚一流，下次經過一定會幫襯！

燒肉類嘅我諗香港人都唔會陌生㗎啦，呢間新開嘅熨烤達人，叫得自己達人相信都有返啲料㗎啦，就等我幫大家試試佢有幾好食！大家無睇錯，舊肉係咁厚㗎😍可惜要比啲耐性等佢燒好，不過大家係等嘅時候都可以享受吓燒肉嘅香味🤤真係愈聞愈肚餓呀！之後就會剪細塊啲再燒熟啲入面嘅肉！我等唔切啦😭呢個就係燒好嘅樣啦！店家仲提供咗兩款特製醬汁比你地點🤤包埋塊生菜，一咬落去，無得彈呀🤤🤤🤤再食埋其他肉🤤完全唔想走呀

今日難得早收工約咗個食肉獸朋友一齊去食燒肉...講得朋友係食肉獸佢當然知道邊度有好嘅燒肉食啦🙊帶咗我去熨烤達人一入到去啲職員非常好會介紹餐牌啲食物同有咩熱門嘅選擇.....我好記得職員極力推介自暴自棄速食麵咁我就叫左一個嚟試吓係一個好多芝士撈公仔麵有少少辣真係非常好食😋感覺好新鮮好特別😍之後當然叫返我哋最鍾意食嘅特級雪花牛....牛肉多雪花好重牛肉味正！話明食肉獸當然不會淨係叫一碟牛啦⋯⋯所以我哋叫多啲牛肋骨食真係好好食非常之出色👍🏻最後叫咗個調味豬皮，點解我會叫呢度熨斗燒烤店係因為個豬皮真係要個熨斗放喺豬皮上邊真係好搞笑但咁樣真係令到個豬皮會好趣👍🏻

又到星期一！是打工仔的沒日呀！要捱過一連5天上班日，要吃一餐好的打開序幕。今次這朋友選了旺角的韓燒，朋友眼光好，沒有令我失望！想不到這間韓燒選擇會那麼多，本來見套餐480挺便宜而款也多就想叫，但想了想2個女仔可能會吃不完，所以決定散叫。最後選擇了江南ufo，牛肩胛肉，牛舌，和多人推薦的磚頭五花腩。現在like facebook會送飲品，送了一枝勁大枝汽水韓國餐廳當然有前菜，自己最愛泡菜和芽菜，酸酸辣辣很開胃！另外韓燒當然有爐邊蛋和芝士，這些都是任意refill的。先來了江南ufo，是個薄餅中間夾著芝士和肉，芝士迷表示非常喜歡，外脆而內餡很有口感，芝士可以再多點呢！先燒五花腩，店員非常好服務和細心，不但幫我們燒，這按我們的小口剪開細塊。五花腩燒得很好，勁香！放入口肉脂有些溶，肥肥的，而肉質不會un，很香口好吃！另外3種肉方面，朋友較喜歡雪花牛，因為牛味較重，肉汁也較多；不過自己喜歡口感更軟的肩胛肉呢，很好吃。而本身自己不吃牛舌的，但這次朋友要求下吃了一口，想不到牛味也是很重，本身薄燒得有點香脆。下圖可看到雪花牛肉汁是較多的推薦肩胛肉和五花腩！五花腩真的十分推薦推薦推薦，會有驚喜的！

比較偏好日本菜，泰國菜，上海菜，唯獨韓國菜比較少食。今次決定食韓國菜，轉下新意思。其實一早聽過呢間餐廳既名，但實際太多韓國餐廳喇，一直未有機會試到。去開旺角，見openrice評價好高，就姑且一試，唔試過又點知正呢! 想特別讚既係服務態度非常好，店員會細心介紹招牌菜式，而且好幽默，食物到既時候仲會一一幫你燒! 尤其係五花腩，好大舊，會幫你先用燙斗煎香2邊，再剪到可以入口既size。店員見我地女仔，就特登剪細舊d，好貼心! 琴日仲有promotion。只要like facebook就可以換免費飲品喇，好大支既玻璃樽七喜!其實個磚頭五花腩我都好滿意，煎開後烤到香脆爽口，而且份量十足，唔洗擔心唔夠飽。本來想叫set，不過我地麻麻豬皮，所以放棄叫set，決定散叫燒烤。只要叫三樣就可以無限refill蛋及芝士，正阿! 全晚最滿意係特級雪花牛，油脂分布平均，牛肉香味十分出色，大愛!