熊小館

营业中

休息中

今晚工作剛好在九龍灣megabox附近完成，順便逛一逛商場，嚟到了這一間11/F的熊小館。熊小館有很多熊仔擺設，侍應見餓底一個人，特意帶餓底到有大熊的那張枱坐下。餐廳有意粉牛扒等西菜式，不過最吸引餓底的是炸魚薯條。餐牌上寫著點了主菜可以另外加$28有餐湯 和咖啡或茶。再加$29，可以有心太軟作甜品，餓底兩樣都加了。下單之後在這間餐廳裏逛逛，有不少熊仔擺設打卡位，也有給兒童看圖書和玩耍的設施。首先上菜的是蘑菇忌廉湯有大量的蘑菇切粒在內，口感非常濃郁滑順。然後熱辣辣的炸魚薯條出場！上次已經感覺到那份新鮮炸起的「熱氣」，哈哈！用啤酒漿打成的脆漿炸起來十分香脆，配合內餡鮮嫩的魚柳很好吃！薯條也是新鮮炸起的呢！甜品是朱古力心太軟配上忌廉和蜜桃，由於是即叫即製作，所以吃完魚柳之前侍應過嚟詢問餓底是否可以開始製作心太軟呢（因為製作需時大概十分鐘左右）。心太軟有濃厚的朱古力，配合清淡的忌廉和蜜桃剛剛好！雖然今天晚飯是餓底自己一個人吃，不過一直有熊相伴，感覺也不錯！

以前細個成日都好想同啲先公仔一齊開party，食飯既時候有佢地係身邊一齊陪住，估唔到有間餐廳真係可以實現我童年既夢想。餐廳門口已經有一隻好大好可愛既熊啤啤，入到去每一枱枱面仲有一隻熊仔陪住食飯，真係未食飯已經俾個咁可愛既環境吸引左，餐廳入面仲有一個兒童玩樂區，啱晒小朋友係等緊野食或者食飽飽之後入去玩呀。個晚我地嗌左個二人餐，包括餐湯、餐包、啤酒脆漿炸洋蔥圈、燒美國穀飼厚切小牛扒伴醋漬野菌、露荀野菌意大利飯、甜品同餐茶。首先講左個餐湯先，我好中意個羅宋湯，夠酸同有少少微辣，而且入面好足料呀，食到大大舊既薯仔同其他材料，證明係用真材實料煲既，另外餐包焗得夠脆身，不過如果係蒜蓉包就更加完美啦。然後個炸洋蔥圈亦係獲得我地好好評價既一道食物，食炸物個脆漿好重要，呢度既脆漿做到薄薄一層而夠脆，而且洋蔥圈夠大，我平時最怕食得嗆口既洋蔥，又辣又會食到口臭，但呢度既洋蔥保持到爽脆同帶有甜味。牛小扒亦係我地另一個心水推介，除左主角牛小扒，仲有薯條同其他配菜，其中我就覺得個醋漬野菌幾特別，酸酸地幾開胃，而牛小扒有驚喜，本身見塊牛小扒好似熟左少少以為會韌，但食落其實好腍，點埋黃芥辣牛味更加突出。意大利飯就不嬲

一直都想試下呢間熊小館 一入到去就見到好多熊公仔 每一張檯都有一個啤啤熊 牆上又掛滿熊仔相🐻🧸🖼 考慮咗好耐之後都係揀咗情侶二人餐$298 另收加一前菜 | 啤酒脆漿洋蔥圈食唔太出有啤酒味 可能純粹係個名 好脆口 唔鍾意食油膩嘅人可能唔太啱了主菜 | 蜂蜜bbq豬仔骨💯令人估唔到嘅係佢仲有配薯條 薯條係好食過洋蔥圈嘅😂 豬仔骨好juicy 可以唔洗再點醬汁 而且啖啖肉主菜2 | 卡邦尼煙肉扁意粉配料好足 如果再juicy啲會更好甜品 | 木糠布丁呢個係抹茶味 淡淡又唔會苦 正好沖淡一下剛才的油膩

第一次黎呢度食，聽同事講呢度好多熊仔可以打咭，又真係喎星期五黎都預左多人等，拎左飛仔，見二人枱無人等，多數係大枱等緊，我地見到入面有張二人枱，就問下可唔可以入先，點知佢竟然答我地，未有人安排，等下先下，你要點安排呢？佢之後咪又係叫其他人入大枱⋯🤔等左15分鐘，到我地喇（二人枱根本無人等緊），最後咪係坐番個張細枱，但就白白浪費左我地15分鐘一早諗好左，即刻寫單，好彩都快上同事叫左黑椒牛扒配是日甜品（木糠蛋糕），佢話牛扒都算可以，不過黑椒汁唔似黑椒，眼見有黑椒但無味，食落似洋蔥汁，甜品唔錯我就叫左蒜香白酒藍青口扁意粉，青口都算唔錯，仲有少少鮮海水味，唔係普通雪藏青口，不過意粉煮太耐太腍，食落好黏口餐飲熱檸水熱檸茶，普通茶記個種環境有少少迫，每張枱都有熊仔配合番主題話曬係親子餐廳，都好多小朋友，佢仲有一個角落係畀小朋友玩既，都唔錯，只係望落有少少亂，要改善下

Megabox自成一角，基本上入得黎睇戲，都會預左食埋野先走。睇完戲想搵野食醫肚，見到呢間主題餐廳幾得意，全間有好多熊佈置，位置又闊落，仲要側邊位置可以望到冰球場，可以邊食邊繼續欣賞球賽呢！好啱小朋友抱住影相芝士焗肉醬千層麵，滿滿既芝士，味道都不錯。黑椒牛扒，比想像中失望，較為行貨。可加錢配麵包及餐湯，但唔太吸引。如果想慢慢坐下，這裡都值得選擇，小熊公仔吸引，無人催交枱，又可以睇冰球比賽。小朋友應該都會幾鐘意。

今日放工之後同媽媽打算提早慶祝母親節，我們去九龍灣Megabox見到11樓有間叫熊小館餐廳，於是我地就入左慶祝母親節晚餐，我地order左2人餐，當中包括歐陸式濃湯加牛油法包，出奇地牛油味超濃，另外再加一個啤酒脆漿炸洋蔥圈，好脆口又有口感，主菜方面我地叫左美國安格斯牛肩扒，牛肩扒比例分佈好平均，牛脂也均衡，露筍野菌意大利飯，軟綿綿，入口有飽腹感！另外我地再叫左一個軟殼蟹牛肝菌意粉，好入味，令人食指大動！最後甜品方面有椰子，曲奇雪糕，好yummy ,好滋味。這裡氣氛真是很浪漫，餐廳佈置得非常吸引，場內擺滿各種熊公仔，吃飯之後我帶媽媽去遊戲區度玩，她玩到可以話係樂而忘返！

得知朋友於megabox進行冰上曲棍球比賽，一定要來支持觀看。中途有點肚餓，於是前去溜冰場上的一間餐廳，一邊看比賽一邊醫肚餓。今次點了全日套餐中的咖喱雞扒配薯菜，吃得出是即叫即煎，外脆內軟，加上跟咖喱汁配合得天衣無縫，十分出色。配菜的薯條是剛剛炸起的，非常熱辣辣，薯條就是這樣才好味的。這裏的環境充滿着熊寶寶，帶着小朋友來一定十分高興，店員友善的態度亦不介意你在店內隨便拍照。最後飲品點了店員推介的責任，芒果橙飲，味道不錯，店員亦會友善地詢問着要不要小冰或少甜，這樣的服務態度在現今的香港真的少見啊。最後朋友贏了比賽，又能吃到美味的食物，真是一舉兩得。

好耐都冇去九龍灣，因為來來去去都係固定商舖，好多時候去完一次都會相隔一段日子先會再去啦～咁今日同朋友睇完復仇四，夜晚順便係Mega Box食埋飯，咁岩又有一班小朋友打曲棍球比賽。加上佢又咁中意熊公仔，所以帶佢去一間以熊做主題既西式餐廳。大約七點去到，都要排左一陣隊先可以入座。裝潢都幾童話，仲有小朋友用餐區，岩哂一家大細一齊去食～門口已經有一隻大大隻既熊，當然要同佢影番一張相啦！經理就好快帶我地去左可以直接睇到比賽既二人位，相當貼心。係檯上面各有一隻熊公仔，都增加幾分童真感！中意同熊公仔既朋友一定會愛不釋手。用左片刻既時間就決定食咩餐，二人套餐既價錢都幾平。可以由餐湯，小食，主菜，飯麵，食到甜品。一般係呢類既主題餐廳都有一個問題，華而不實。不過熊小館就令我改觀～以下會一一介紹點解會令我改觀既地方；二人餐餐湯；歐陸式濃湯配牛油法包上菜後我一般對餐廳真係冇咩特別既期待，但係一試味就令我大為改觀，雖然係白湯，但係洋蔥味好特出。忌廉唔太濃，有粟米粒係入面，幾甜。份量都幾多，比同行既餐廳為多。牛油法包焗到好脆口，味道都好香蒜香牛油味，沾點係湯上面更加好食。味道唔錯，第一印象非常之好！小食；啤酒脆漿

同女朋友行MegaBox ikea家施shopping,行到肚仔餓又係搵野食既時間，去返上次11樓食過2次既熊小館，呢間野有得食又有得睇人打冰上曲棍球，價錢又唔貴，所以再去食。今次叫左香草醬乾蕃茄野菌闊條麵,傳統芝士焗意大利飯,蘑菇紅酒汁牛柳伴法式薯蓉和兩杯特飲檸檬香草蜜茶,紅豆冰pop-pop。。。呢個紅酒汁牛柳真是不得不提，磨菇香味滲透牛柳之中，牛柳大大件又夠厚身，啖啖肉有咬口，5成熟剛好啱曬怕血既我，薯蓉幼細嫩滑，大大碟食完都夠飽了。

香港的親子餐廳越開越多，對家長來說絕對係好事，不用擔心湊住小朋友食唔到飯，對小朋友來說也無咁悶。呢日來左megabox熊小館dinner, 呢度到處都充滿teddy bears!! 每枱都至少有一隻熊仔陪你坐，某些枱和兒童玩樂區更有大bear bear，卡哇兒呢！我地叫左二人餐，有粟米蟹肉湯、牛油法飽打頭陣，兩樣都好味，個湯有一絲絲的蟹肉，正！小食我地揀左法式蛋黃醬焗露筍，露筍全部係幼幼細細，夠嫩呀，份量家唔少，我覺得好食過粗大的露筍。主菜選了磨菇紅酒牛柳伴法式田螺薯蓉批、芝士焗忌廉菠菜龍利柳飯，牛柳好味好厚肉、但唔靭唔肥，七成熟都唔靱，田螺薯蓉焗得夠香；芝士龍利柳飯份量好大，尤其好啱小朋友食！

難得一日放假，終於可以同男朋友去拍拖行下街❤️❤️今次來左mega box玩～👫一早用OpenRice book左熊小館，7:15同男朋友早左少少到，見到都有人排隊，好在我有book定位😍職員態度非常之好，值得一讚🎊一坐低已經見到有隻熊啤啤係張臺度，好可愛啊😍😍😍之後叫左個二人餐，二人餐非常抵食，又好多野食👍🏻好快就來左個餐湯，羅宋湯好足料啊😍😍好惹味👍🏻👍🏻男朋友話個包焗得好脆！！個脆薯圈好脆又好香口，好好味😋最好味係個牛肩扒，嗌左7成熟，真係岩岩好，食落去好juicy😍食完成個口都仲係牛肉既香味～～其實食完呢個都開始飽飽地🙈個份量真係幾多👍🏻個意大利飯都好好味，好creamy ，無諗過一個以熊仔為主題既餐廳，煮意大利飯煮得咁好食👍🏻👍🏻👍🏻最後食埋個甜品就岩岩好，甜品可以加錢轉心太軟，心太軟甜左少少，但都有誠意，因為個心太軟有流心總括而言，呢一間餐廳真係值得推薦價錢合理、環境佈置又可愛最重要連職員都好好態度，見到我係度影熊仔公仔，都主動話幫我同男朋友影合照好難得既經驗🥰🥰

今日喺MegaBox見到一間以熊啤啤作為主題嘅餐廳，見佢都幾有特色就去試吓。餐廳叫做熊小館，入面有好多唔同嘅熊人擺啤啤，包括一個有熊啤啤既小playground 。啱晒一家大細嚟食飯，小朋友一定勁開心添。另外值得一讚嘅係侍應服務非常周到，見到客人有咩需要都好主動去幫手。👍除咗裝修啱一家大細之外，食物嘅質素亦都唔錯。 頭盤我哋叫咗凱撒沙律，帶子菠菜忌廉湯同埋唐揚脆脆雞翼。先講沙律，食物分量較大而且個羅馬生菜好新鮮好爽脆，而凱撒醬分量足夠。好食！而帶子菠菜忌廉湯好creamy，配埋新鮮帶子個湯好鮮味，可以點埋蒜蓉包一齊食👍而炸雞翼未上台已經係完全聞到香味，新鮮即叫即炸，點埋個沙律醬食一流同時間冇咁熱氣啦！ 之後想在嘅係蒜片辣椒煙肉芫荽扁意粉，開頭見到芫荽都有少少怕。但係食落又冇乜芫荽味，反而好香蒜蓉味，而且辣椒令個扁意粉辣辣哋好開胃。另外個黑松露蟹子帶子黃金意大利飯，開頭我哋都唔明黃金係咩意思。上菜原來就係d粟米同埋啲意大利飯一齊食，咁啱我本人就好鍾意食粟米。所以呢個就啱晒我，比起出面食其他嘅意大利飯，呢個的確係有多啲風味！ 再加埋黑松露同埋帶子， 令到個意大利飯矜貴左唔少！ 最後甜品我地

朋友介紹，位於 mega box 環境幾好的親子餐廳，全店都有好多熊仔。仲有個 corner 俾小朋友任玩。又有自成一角的位置可以開個小 party ，十幾廿人啱啱好。而餐廳既另一邊，就對正溜冰場，咁啱有 ice hockey 比賽，邊食邊睇都幾過癮。餐廳以西式食物為主，價錢都幾公度，頭盤同意粉等都係幾十，而扒類就百幾蚊。單點主菜加 $28 轉套餐，有餐湯 + 牛油法飽及餐飲，認真抵食。白酒忌廉煮青口 $68叫個頭盤分享一下，忌廉夠濃亦唔會太重酒味，青口夠入味，唔會腥。而且份量都唔少，呢個價位，好抵食。其實個忌廉汁幾正的，如果可以跟件法飽俾我點吓，咁就 perfect 池喇 ！香草醬乾番茄野菌闊條麵 $69意粉食個清清地的青醬闊條麵，好 fresh 好清新，唔想食咁多肉的話可以考慮佢。軟殼蟹茄子意粉 $95朋友就食軟殼蟹意粉，原隻軟殼蟹切半，真材實料。炸到熱辣辣，好味的。意粉之中仲有好多茄子，食到少少辣辣地，幾開胃。是日餐湯係粟米忌廉湯 + 牛油法飽內有粒粒粟米，暖笠笠，幾唔錯。而法飽亦夠脆，好想 encore ！咖啡及檸茶餐飲用熊仔杯上，飲得特別開心。生日版心太軟 $48 及普通版

以熊仔為主題嘅餐廳比較特別，感覺溫馨又浪漫，無論同小朋友或者同另一半離食飯都覺得開心，座落於九龍灣megabox 11樓嘅cafe Med 以熊仔為主題，每枱有一隻小熊陪住你食飯，亦有幾隻大熊可以影相， 餐廳嘅氣氛唔錯。食物方面有二人套餐，亦都有單點再加$28變套餐， 非常之flexible。 我哋想食fish and chips，但二人套餐不包括炸魚薯條，所以我哋就單點再加錢轉套餐。Fish and chips兩大塊炸魚脆漿夠薄，外脆而裡面魚肉嫩滑，配埋炸得香脆嘅薯條，非常好味。另外經典焗肉醬意粉，份量適中， 菜色雖然簡單，但係要做到好味一啲都唔易，肉醬芝士配意粉，味道一流。小食點左脆炸魷魚圈，脆炸漿一樣夠曬薄，但略嫌魷魚偏幼，口感差一點點， 配埋檸檬汁，可以減低熱氣感覺。另外，吞拿魚沙律伴溫泉蛋，沙律菜十分新鮮，溫泉蛋一開二，裏面嘅半熟蛋黃，見到都想食，整體感覺清新健康，作為前菜非常好。單點食物加$29，可以配埋餐湯及 法包連餐飲，非常超值，另外我哋再加點左甜品。木糠布甸甜度及軟硬度適中，另外焦糖燉蛋，面頭嘅焦糖又甜又脆，燉蛋嫩滑，絕對推介。整體餐廳性價比十分之高，無論食物質素同環

小熊主題的餐廳，每張枱都放有小熊擺設，女生們應該喜歡，而且坐位寬闊。點了芝士肉醬千層麵，粉皮太腍，一「匹」就散開粉皮同肉醬。太油，好有油膩感。不過同事點的北海道醬油芝士魚柳焗飯味道ok，賣相已比千層麵吸引。