煎餅廚房

营业中

休息中

今日無端端夜晚要上堂，仲要上到九點半喎，咁就揾吓學校附近有啲咩食啦。search一search，就見到好多傳媒介紹呢間新開幕嘅煎餅舖，睇啲相個樣都唔錯，又近近地，就決定食呢間當晩餐啦去到大概六點鐘到，嘩，超多人排緊隊俾錢同等拎嘢食，嗱嗱臨決定好食咩就快快手俾錢先。咁就叫咗個孜然羊肉煎餅，35蚊，淨係俾錢都等咗10分鐘，俾錢嗰陣問要等幾耐，佢話要等20分鐘結果，等咗半個鐘!講噃個餅先，孜然味幾香，羊肉唔太so，即叫即整熱辣辣幾好食不過裏面有超多香莞茜，唔食得嘅話就叫第二啲款啦。仲有，其實一個餅唔太飽，女仔還好，男仔一定唔夠食啦

這間煎餅店開業不久，但住在紅磡黃埔區的家人都經常討論，令到住在北區的我也想一嘗味道。終於在探望家人能順道試一試！門外對面馬路已經聞到香味，下單要了一個烤鴨套餐，選了酸梅汁，並把涼粉轉了收銀員推薦的乳酪雜果。烤鴨煎餅$34 + 套餐$11 + 乳酪$11 = $56下單時收銀員有提到要等15分鐘以上，只好在門外玻璃看師傅煎餅，不一會兒已經叫號！烤鴨煎餅很有層次，不會一口鴨一口皮，皮不是脆口，而是煙煙韌韌有口感，甜面醬份量剛好，不會太鹹太甜。酸梅汁比平時酒樓的更好喝，還能在杯底見到小許梅肉！乳酪雜果份量足，水果份量也很多。乳酪不是很甜的那種，質素與其他店舖的乳酪杯有過之而無不及！收銀員説這乳酪是希臘乳酪，比普通乳酪更健康！整體真的十分不錯。怪不得家人不斷討論！一定有下次！

星期三，放假無也做😻，去紅磡打籃球🏀🏀，打完籃球肚子餓，想搵也食，去到sav下面聞到好香好香的味道🌮🌮立刻把我的餓的指數在提高上百倍🙈🙈🙈，這一刻就見到一家開放式的美食，認真一看，原來係煎餅🌮當時很餓只想立刻去買來食🤤🤤🤤一入去服務員好好服務，我去到不知道食咩好，店員推薦了我食台灣腸，我一次過買了兩個餅，台灣腸同北京烤鴨加酸梅汁，等做不到10分鐘就有啦雖然賣相不是太吸引但係味道我比💯，太正.....值得食！

羊肉超有蘇味，喜歡蘇味可以試下羊肉。煎餅大件夾抵食，超有口感，好彈牙，中間仲有少許蛋汁流出嚟。真係好足料加埋杯酸梅湯，簡直係絕配，唔會太酸。經濟實惠 老闆好友善。

之前兩次經過都見大排長龍，今日6點鐘就過到黎，見冇人排，就入去買左一個麻辣雞肉煎餅，一個北京烤鴨煎餅。舖內有3個男生，兩個負責整煎餅，1個收銀再執頭執尾，大家都好忙..俾之前問左，原來都要等20分鐘先有得拎，只好到附近食個面再折返。好在佢可以留個電話，有得拎會call你，唔使係街食塵。每個餅都有獨立的紙袋袋好，番到屋企，等埋老公番黎食，雖然係凍左d,但仍然好好味。麻辣雞肉有花椒味，加埋芫茜，花生等配菜，但個醬略嫌唔夠辣。北京烤鴨我買時見到真係有隻烤鴨放係旁邊，要用時片出黎，唔怪得有次過左8點，烤鴨煎餅就售罄。個煎餅有大蔥，芫茜，花生同烤鴨醬，如果再多d 醬會更美味。

今日約佐成班朋友去紅磡掃街，講到紅磡，真係多嘢食到爆，對上一次嚟已經係幾個月前，嚟到紅磡緊係要去一直都好hit嘅煎餅廚房，聞說因為煎餅廚房嘅煎餅正宗，用料新鮮，而且服務好，所以每晚都好多人排隊，我都唔執輸，我哋一行6個人，叫佐6款煎餅，加兩個套餐，其中一個套餐加多11蚊轉乳酪雜果，食完之後，我同幾個朋友嘅感覺就係：有麝自然香，煎餅廚房日日有人排隊係正常嘅，除佐煎餅好食，有口感，涼粉同乳酪都超好味，食完返唔到轉頭

今日見人少少，行入去問下等幾耐 話要等15分鐘，唔使諗 即刻話冇問題，點佐個麻辣雞煎餅套餐加雞蛋同油條 ，麻辣味好岀，但又唔係超級辣，對我嚟講，啱啱好，辣得好過癮，好掂，再食埋涼粉同飲埋杯酸梅汁，冇得彈 下次再嚟之前唔明點解要排咁耐，而家終於明白。有人網上話呢間係靠宣傳先咁多人排隊等候，但經過我今次食，可以肯定呢間舖頭係絕對有實力嘅，有經過一定要去試吖，。。。。。。。。。。。。。。但一定要早上或晚上8點後先無咁多人買

一直都係人龍不絕嘅煎餅廚房，見今日係星期一，我又咁啱放假，就過嚟試下，雖然係閑日，但到佐之後，落完單都要等25分鐘，因為前面有單排緊，果然名不虛傳，無論幾時都有人排隊買，點佐個肉鬆，好開胃，甜甜辣辣，真係唔錯，唔怪之得咁多人排隊買，值下次試下其他款，聽聞佢地希臘乿酪都好岀名，下次試試但好似比人抄佐，唔理，總之好食就得，好嘅嘢自然有人去抄 ，好攰，下再嚟試其他煎餅 .....................

呢間Facebook成日見到嘅煎餅廚房一直都係我嘅foodie list之內，今日早收工順路黎試新嘢店舖空間唔算大但員工好多，略顯擠逼。黎嘅時候唔算多人，等三個就有得食，成間店附近都係甜酸醬料同蒜頭嘅香味。個人非常鍾意北京填鴨，但呢次因為期待過高而大失所望。材料份量充足，烤鴨嘅鴨肉同皮脂都好香醇，但作為北京烤鴨精髓嘅醬汁嚴重不足，導致口感太乾太淡唔夠惹味。蛋香非常吸引，但蛋漿分佈不均，如隔乾淨蛋白味道可能會更夾，技術有待改善。另外青瓜片與卷物不太合適，而且只有兩薄片難減油膩感，建議切成小條狀一撮，而且預先冷凍，避免吸收油分太多，同時增加口感。單買或套餐價錢都太貴，但非常有特色，如果製作方面可以稍加改進就好。下次有機會會試埋其他幾款，特別期待羊肉，希望唔會再次失望！

今日Family day😎😎😎同阿爸阿媽係紅磡睇電影 🎥睇完之後經過煎餅廚房 見到大排長龍 我哋等左45分鐘 好彩有店員打電話比我地黎拎 唔使企喺門口等 抵讚👍👍👍我哋行下街 唔覺唔覺就已經45分鐘 之後店員就打俾我哋叫我哋返去拎 我地買咗一個傳統煎餅 一個孜然羊肉 一個台灣辣肉腸🌮🌮🌮 我最鍾意台灣辣肉腸 好香 熱辣辣最好食 孜然羊肉同傳統都好食 我都好鍾意食呢度既涼粉 好重椰汁味😋😋😋阿爸阿媽最鍾意羊肉果個 話夠羊肉味 下次仲話要試其他😂😂

放工經過見到又好想食😍😍😍......但又驚好多人 問左店既職員等幾耐 竟然只需等15分鐘 😁😁😁之前去左3次要等半個鐘以上 今日真係好彩🤘🏻🤘🏻 今次叫左蒜香台灣腸加🐥🥚 再加酸梅汁🌮🌮..第一次食台灣腸 入面有生蒜 好好味呀 下次都要食呢個😝😝買完之後門口又好多人 好彩我早到左dd 唔係就又等好耐🙈🙈🙈想食既朋友要4點前去呀😉😉我而家好飽 但仲想試其他煎餅 下次再黎幫襯🤗🤗🌮🌮🌮🌮🌮🌮🌮🌮🌮🌮🌮🌮🌮🌮🌮

星期五，同朋友嚟到傳說中嘅煎餅廚房，叫佐個北京烤鴨同麻辣雞煎餅套餐，等佐15分鐘就有，叫佐煎餅師傅幫我哋切開鴛鴦擺，唔怪之得日日咁多人排，兩款煎餅都好好味，鴨肉瘦肥適中，好香，雞辣中有麻，好過癮，下次再嚟

之前一直想試，但一直都好多人排隊，今晚放工又經過，決定落車試，落完單，等25分鐘，原本想叫台灣腸，但買曬，叫佐個孜然羊肉，加辣，個羊非常野味，好濃嘅羊穌味，加埋芫茜，孜然粉，辣椒粉，口感非常丰富，但一定一要加辣，下次再番兜先，正，唔怪得連平日都咁多人買

我終於明點解幫襯呢間嘢要等咁耐，原來係因為啲負責整餅嘅師父技巧好唔掂，唔係煎爛餅，就係煎燶餅。失敗率高達十分之三、四。咁嘅質素，如果番北京做死硬。老實講，技巧唔掂就應該係收鋪後練好佢，而唔係喺食晏呢啲繁忙時間先至嚟攞啲客嘅單嚟練習，自己製造長龍假像。而且啲師傅好唔衛生，雖然戴左廚房手套，但係戴完手套又係度執自己個背囊，換衫呀咁，即係戴左等於冇戴。講返食物質素，幫襯左舊北京傳統煎餅，舊餅質素普通，北京任何一個小食店都好過佢，同埋佢呢個係用油炸鬼，而唔係用薄脆，口感差啲。真係唔值得等咁多時間。想當年未執嘅老金煎餅都好食過佢。一句講晒，冇下次。

煎餅廚房岩岩開果陣我都有經過下，但見好似幾貴下食個煎餅就睇完走，之後呢個食店受到某網絡平台宣傳左一下就搞到好多人排隊。每每經過都見到有牌寫住要等2個小時，也太誇張了吧。當時家人都好想試，等到之後比較少人排就買黎比家人試一下。可惜只是OK而已，買了兩個口味一個是台灣腸一個是北京風味。北京風味是油炸鬼但不夠脆又不是太惹味。另外台灣腸風味係味道比較豐富，但是個人覺得都係普通而不值得排咁耐，未試過唔使排咁耐就可以一試既。