煎餅廚房

营业中

休息中

<<生在美食天堂，點可以唔識食>> <<I born in Paradise of Food，why not explore deeper?>> 平時大陸常見小吃之一不過依間店做得非常足料細食既朋友可能可以擋佢做午餐今次我就在下午茶時間來到，沒有很多人排隊款式不少，今次先試甜辣肉鬆。正~甜辣肉鬆+蛋+脆片~推介加脆片，因為係更地道既食法，又有多重口感總結/其他裝修:店鋪細少，大致上只供外賣，乾淨企理服務:態度好，有細心推介

之前行去紅磡站嘅時候會經過見到佢喺轉角位賣燒餅嘅，一直都冇乜興趣試，因為本身唔係特別鍾意食，但今日下午茶嘅時間見到有啲肚餓竟然想試吓佢，點知一試之下發覺好好食，我唔知係普遍煎餅都好食吖，定係呢一間好食🤓。我同朋友share左一份北京烤鴨煎餅($36)同埋一杯老椰子🥥冰沙($25)，製作都需要啲時間，等咗15分鐘到啦。煎餅好香熱辣辣，同埋好大份，我諗個份量其實都可以當正餐食，一咬發現佢好多汁，而且係爆多餡料，有青瓜絲中和返烤鴨嘅醬汁，令到食落唔覺膩。另外我最欣賞嘅係入邊有啲薄脆，令到個口感好豐富好好味，唔同Layer有唔同嘅味道同質感，配搭一流。👍🏻👍🏻👍🏻我之後都一定會再Encore，試吓佢其他嘅口味😋。而杯椰子🥥沙冰我就覺得冇乜特別，唔特別需要去試，除咗係夏天嘅時候因為佢係非常冰凍的哈哈，可以消暑。

Was exploring Hung Hom and passed by this place! I wanted to try something different, so I got the satay pork jian bing. It came quickly since the pancake part of it was already made and so they added everything else into it. The satay pork was chopped up into small pieces and was doused in sauce. It tasted alright, but was messy to eat haha 😅

煎餅果子源於天津，是大眾喜愛的小吃，隨著時代的變遷，現成為可代替主食的小吃。在香港也出現了煎餅店，我想大多數香港人，都以嘗試的心理，幫襯着煎餅生意。但是煎餅果子的精髓是什麼🤔，我看連製作者也一知半解。幾天前路過見無人，就試著買了一副「傳統煎餅果子」，站在一邊等著看著，大約幾分鐘後，取得了「傳統煎餅果子」。第一口的感覺是；沒有煎餅的那種香味，醬多太咸了甜味不足，與以往吃過的完全不同。使我想到此店只是掛名，煎餅果子的靈魂所在，根本不懂不知吧⋯⋯

見到有人介紹公司附近有間食煎餅😋 放lunch就過咗去試一試！我叫左最吸引嘅烤鴨煎餅！嘩！醬汁味剛剛好，鹹鹹哋都幾開胃😍$36 大大件！呢個價錢來講多肉又夠飽👍🏻👍🏻👍🏻lunch同下午茶都夠！唯一美食中不足嘅係，如果專程嚟食就唔會有位座😕要拎住喺條街或者拎返屋企食🤷🏻‍♀️ 明嘅，香港地貴🥴不過除咗烤鴨仲有其他幾款煎餅例如麻辣雞仲有素菜款揀！定時仲會有唔同嘅優惠例如今日買煎餅就有半價飲品，不妨一試！🤤

想食煎餅廚房好耐！我一向都對麵粉製嘅小食好有興趣🤤之前成日路過哩間舖頭，但奈何經過親都係準備去食嘢或者食飽咗，終於等到今日晏晝諗唔到食咩好就走去幫襯😆佢開一點，但門口除咗我之外亦已經有人等緊😮😮聽講之前係排四、五個鐘先買到的！佢有六款特色煎餅，我揀咗北京填鴨$36，加咗脆片$3👍🏻落單時老細會問埋你有冇咩配料係唔食，例如芫茜、大蔥、青瓜嗰啲可以幫你走咗去，多醬少醬都可以選擇👍🏻等咗10分鐘左右，超級熱辣辣嘅煎餅出爐喇😍好大份同足料！填鴨醬汁好鬼正！同朋友share我地兩個係咁爭食😂下次再試下佢其他口味先😋

煎餅廚房-遲來的北京風味早係兩年前剛開業既時候已經好想去食，但因為動輒都要等上兩三個鐘，所以就放棄咗，熱潮過後，我終於有機會品嘗佢地既食物。店舖面積唔大，不設堂食，前面收錢，後面煮食，可以清楚睇到廚師製作過程，由於當時冇其他客人，所以落咗order大約等3分鐘就有得食。🐻北京烤鴨煎餅 $36 +  薄脆$3份量比想像中大份，外皮用上蛋醬，再加上黑白芝麻，入口幾煙韌，重點佢地既煎餅比一般既少油，感覺較健康。煎餅裡面同樣足料，烤鴨絲、京蔥絲、青瓜片，仲有加$3既薄脆，落order既時候可以同廚師講要多醬，加咗薄脆口感真係豐富好多，食一件足以飽肚。

紅磡而家開咗好多小吃店, 之前睇過食評對呢個煎餅有啲興趣, 難得未到飯點就肚餓, 終於有機會試下喇。。。店舖位於蕪湖街轉角位不難找, 星期日下午5點幾黎無乜人, 叫咗個北京烤鴨煎餅, 店員問需唔需要加薄脆, 加咗會口感好啲, 咁推介當然加埋試試啦～店舖無堂食位, 點餐俾錢完錢就出門口等, 店舖採用玻璃廚房式, 等待時間可以清楚見到店員整餅情況。 現場只有2-3人等, 大約5分鐘就有得攞喇~份量比我想像中大件, 本身有點肚餓既我諗住買其他小食, 最後見到咁大件就放棄咗呢個念頭了。煎餅裡面算係好足料滿滿既鴨肉同青瓜, 加咗薄脆我覺得成件事係加咗分, 薄脆其實係似平時食蛇羹時會加嘅脆脆, 我諗咁大件如果無加薄脆同青瓜會覺得有點太多肉。 個人覺得多少少甜麵醬同青瓜爽口啲會更加好。 女仔黎講, 食完係會飽既, 加埋飲品應該可以當一餐了。

唔駛去北京都可以食到嘅京式煎餅？我地又黎到紅磡覓食啦！今次試食嘅係「煎餅廚房」。其實每次經過都會被佢嘅鋪名吸引，今次終於要黎試一試佢地嘅北京煎餅🤣。🇨🇳 講到北京美食，大家都諗起北京烤鴨，而呢度最出名嘅亦都係「北京烤鴨煎餅」！煎餅係即叫即整，保證新鮮熱辣到你手上👍🏻。煎餅裡面有烤鴨絲、京蔥絲、青瓜片、甜麵醬。烤鴨絲煮得好稔而且入味，加上青瓜、京蔥嘅爽脆，同埋甜麵醬嘅惹味，味道唔錯😋.另外我地聽左店員建議，加埋薄脆片，果然食落有不一樣嘅口感，加多層次。如果黎到紅磡，不妨試試北京煎餅，黎一個不一樣嘅小食。

北京烤鴨煎餅 ($36 加薄脆+$3)呢個係煎餅廚房嘅signature✨我聽店員話加咗薄脆會口感更佳喎 😯小小的店，冇堂食㗎落完單睇住師傅即整👨🏻‍🍳落餅漿。加蛋。灑芝麻。反轉另一面。加甜麵醬。京蔥。青瓜。鴨肉絲。最後放埋薄脆摺摺摺就交到我手上熱辣辣，香噴噴 😌橫切面好似見唔到好多鴨肉但其實入面仲有好多呀佢哋將材料好平均分佈喺成份煎餅，每一啖都好精彩有稔嘅鴨肉，爽嘅青瓜京蔥，脆嘅薄脆✨真係冇介紹錯！加咗令成件事生色不少！

有啲事要去紅磡處理，路過呢間煎餅，家人想食，就買一份齊齊晚餐前食小小。所有煎餅即叫即製，我地叫咗一份傳統煎餅要簿脆。師傅由煎麵漿、加蛋，到摺疊捲起，全部都睇到哂。家人曾經去過北京，對於呢份煎餅特別有意思，希望可以回味下。熱熱上手，香氣十足，餡料配菜都好足。呢種煎餅唔會有酥脆感，餅皮有啲濕，而且質感煙韌，唔會過份油膩。裡面有脆脆，口感好豐富，都幾好味。呢種懷念嘅味道，家人表示好好味，有時錢都未必買到呢種味道。

煎餅廚房鋪面係街角轉彎處，雖然鋪面唔算太明顯，不過勝在廚房位置有大透明玻璃，一行過就會留意到佢。食左蒜香台灣腸煎餅和麻辣雞肉煎餅。兩款煎餅望落去細細份，點知裡面都幾足料。台灣蒜香腸煎餅味道一般，無咩特別。反而麻辣雞肉煎餅有四川嘅麻辣味道，覺得好唔錯，值得一試！

黎到出名多野食既紅磡 當然要周圍搵下有咩好野啦😛呢間煎餅小店只有外賣 無位坐架聽聞上年岩岩開要等一個鐘😱而家已經唔洗lu🙊落完order到拎埋大約10分鐘到啦北京烤鴨煎餅 $34 (加薄脆 +$3)開放式廚房 見到師傅即叫即整 真係落足料架!拎到果陣熱辣辣 好大份!一個人食哂應該會好飽個皮幾煙靭 唔會太乾又唔會太油鴨肉比想像中多 而且肉質都唔錯咸度適中 有唔少青瓜片令成個煎餅無咁溜👍🏻加左薄脆口感豐富好多😋

其實即係東北雜糧大餅 試左個北京烤鴨煎餅 34蚊 薄脆加3蚊 一開二加多個袋再加1蚊 total$38 店面無位座 只可以take out order左之後可以見到店員即場整食物黎講 首先個餅皮太林 靠個薄脆先叫有d咬口 救番個餅 烤鴨醬太咸 食完好口渴 如果有心既話 建議青瓜直切 散放係餅入面 口感會好過打橫切成一塊塊

夜曚曚十點鐘，竟然肚餓，要食宵夜。行經呢個廚房，居然未收，有人排隊等食。咁我既機會黎啦，即買，然後等佢即整，比我即食。店員真係同我講，記得即食先好食架。我咁肚餓，梗係即食啦。今晚買左台灣辣肉腸煎餅，佢竟然問我要唔要辣，最後可以走辣，勁。呢款煎餅除左有好多肉腸，仲有好多青瓜、香蒜，同少少薄京蔥。因為台灣肉腸調味濃郁，所以我諗唔鐘意食青瓜既朋友都可以食得落，唔覺有幾多人都唔鐘意既草青味。又因為有些少薄京蔥，帶微辛刺激，令成個煎餅既味道層次增加，更加有趣。如果驚唔夠飽，店員話可以加3蚊有油炸鬼。招牌煎餅都食過佢既油條，實心麵團好足料，外脆內軟，唔會係外間加過多發酵粉而搞到空心硬脆。不過宵夜都係唔好加啦，太多殿粉質，好肥，哈哈😂