焱手工涮涮鍋 (已結業)

4個女仔叫左268/hd個焱選套餐：揀左3味湯底：麻辣湯底其實無咩特別，好麻之外無咩評語，比較似四川區域(如果唔計重慶比較重口味)的口味，中間個清酒鍋其實只係一開始少少火焰白酒煮蜆無咩野，另一個係藥膳湯飲落幾好味唔熱氣，下次會試下其他湯底啦!湯底唔燥熱，包一杯野飲都OK! 食材新鮮：好精緻，種類夠多，海鮮細細份但都好味，珍寶响鈴超大份新鮮炸起D油有少少驚嚇，紅肉唔算多但係我地都夠食，成個餐亦都非常夠飽，按人頭上菜減少浪費情況! 環境：卡位好高好舒服，有私人空間，傾計吹水好好，唔會聽到周圍好嘈要大聲講野，餐廳同洗手間都非常乾淨。加上星期一至四無限時，無人收走你D野，無人熄你個火，無人催你埋單，感覺良好﹗想highlight返：位位侍應都好好禮貌，親切，主動，有笑容，加上夠人做野，唔會等9世都無人理你，出菜的朋友仔比較年輕木訥，但係都有問有答O既! 旺角開左咁多新食肆，呢間都保持到服務態度同食物水準，看出老闆有心經營。總結：雖然未至於10級好好味好抵食，但係無尖咀食飯咁貴，網上訂枱，又可以唔限時同朋友食飯好好傾計O既好地方，會加入ENCORE之選。

香港地租金昂貴，食材成本日益上漲，飲食行業經營十分困難，要找到「抵食」的餐廳不容易，要找到「抵食」的火鍋店更難。 通常食「散叫」的火鍋店，食材質素會較好，但價錢會較貴，每位四五百元左右。今日朋友介紹嚟焱試試，呢度可以散叫亦可叫套餐， 套餐是以人頭計算的。湯底楝左東方美人鍋，有好多桃膠同半隻竹絲雞，十分足料，另外一邊揀左麻辣湯底套餐食物包括牛肉及丸類，但全晚最欣賞的食物的是以下兩樣 : 鮮炸魚皮 : 呢個喺散叫的， 上枱的時候係熱的， 而且入囗酥香， 點湯汁吃一流炸響鈴 ： 上枱前即係炸起，而且豆味香濃，值得推薦

整體食物質素ok，份糧比較小，我沒有叫套餐,散叫,價錢有點貴，烏冬麵比得一個成26元，店子整潔坐得舒服的，三個人叫了17xx元，叫了一支白酒，支白酒$2xx ,都幾好飲.

旺角近油麻地有間手工火鍋店主打粥底火鍋同特色湯底，今晚就同朋友食下。三味湯底一次滿足晒3個願望，火光熊熊既火焰清酒煮蜆，滋補養生人參藥膳，雪山飛龍湯。鍋一上枱店員放蜆入中間鍋之後再放入清酒，放入清酒果刻嘩！火焰爆發，一大條巨型火柱由鍋底升起！湯底充滿住濃濃清酒加蜆既鮮味好暖胃。人參藥膳湯落足料，好多枝人蔘浸係湯底，人蔘味重個人醒神晒。雪山飛龍湯面有一舊巨型白雪雪蛋白球浮起，湯用龍躉魚骨熬製，唔會腥。前菜柚子沙律同手撕雞大大份，味道酸酸甜甜清新開胃。主菜海鮮拼盤有鮮蝦，帶子，龍躉片，魷魚片同蟶子。蝦同魷魚片肉質彈牙爽。帶子色澤光鮮厚身，灼一灼食岩岩好。蟶子無沙爽脆又鮮甜。龍躉片連住一層厚厚骨膠原啫喱煙煙靭靭。火鍋又點少得肉，頂級安格斯牛頸脊肥肉少，肥瘦均勻健康得黎又唔會令湯底成層油，牛味香濃，肉質嫩滑。松板黑豚肉肥美，豚脂香而且唔膻，烚完一片熱辣辣豚肉再夾上一片新鮮清涼既青瓜即時降温同減低肥膩感。火鍋手工拼盤黑松露豚肉餃子皮薄，咬落口爆發濃郁既黑松露香味。別蝦我蝦滑棒大大條好彈牙！用雪條棒有似食雪條既感覺。三層墨魚磚計準1分鐘夾起即食，內裏充滿住墨魚粒好爽脆。手打牛肉丸帶小小麻辣香味。炸

打邊爐其實湯底係非常重要，旗袍話發現呢度嘅湯底我一定會好鍾意，所以帶我嚟試咁話喎三味湯底呢度以台式養生鍋為主打，除咗平時成日食嘅鴛鴦湯底之外，仲有一鍋三湯，啱晒我呢啲咁貪心嘅人啦火焰清酒煮蜆店員會先將清酒及蜆倒喺中間嗰格，再點火一把火燒起啲蜆，非常吸引！肥美嘅蜆肉鮮甜滑溜，滲出淡淡酒香，超好味！雪山飛龍鍋睇個名就知有氣勢！上菜時真係哇一聲，啲蛋白球浮吓浮吓好得意呀！龍躉魚湯又濃郁魚味，入面真係有龍躉肉浮浮沉沉㗎，足料！姬松茸珍菌鍋我最愛的姬松茸，我就係為咗你而嚟嘅！！！！！湯底上菜時，目測浮上面嘅已經有超過20粒，仲要係完整㗎！未計沉底嗰啲，簡直食到我變菇都得！湯充斥住濃郁嘅菇味，鍾意菇嘅朋友應該會瘋狂咗！到最尾雖然我已經好飽，但係我都要清晒所有菇，一粒都唔會剩！是日海鮮有聖子、蝦、帶子、魷魚及魚，全部都好新鮮，啖啖都好鮮甜。尤其是聖子，超大條！我哋將蝦放入火焰清酒煮蜆湯底，睇住蝦頭入面啲膏流出嚟，再飲一飲，好正呀！！！！！焱手切封門柳喺Prime肥牛及封門柳之間要揀一種的話，我哋揀咗冇咁肥嘅封門柳。平時好少見到呢個部位，原來就係牛橫隔膜肌肉，每隻牛只有一條，好罕有㗎！食落肉味重，油花

一睇餐牌，唔洗諗，就焱選套餐喇，好吸引，有前菜、三味湯底、時令海鮮拼屏盆五款、精選肉類、手工火鍋拼盆、珍寶響鈴、新鮮時蔬籃，仲有飲品同甜品前菜有柚子沙律同鮑撈起手撕雞，沙律配柚子汁，酸酸哋好開胃，沙律菜亦清甜，鮑撈起手撕雞，微辣，青瓜亦爽口食前菜嘅同時，先配好醬汁，個豉油壼好似茶壼咁好特別，跟住就可以按各人喜好加入辣椒、豆瓣醬、芫茜、蒜茸、蔥花等，話咁快，湯底就到，今日選咗火焰清酒煮蜆鍋、雪山飛龍鍋同姬松茸珍菌鍋火焰清酒煮蜆個鍋正中間有個小圓，蜆就响入面等緊，店員會先將清酒加入，再點火一把火燒起啲蜆，好有視覺效果，之後加入高湯，煲一陣就可以食蜆，蜆肉十分肥美又鮮甜，仲有淡淡嘅酒香雪山飛龍鍋白色嘅魚湯，上面有好多白色嘅蛋白球，真係好有腦滕騰雲駕霧嘅感覺，個蛋白球好好滑，個魚湯有濃郁魚味，仲有好多龍躉肉，正姬松茸珍菌鍋另一個鍋都好足料，個面全是一粒粒完整嘅姬松茸，所以呢個湯嘅菇味濃郁是日海鮮五款海鮮分別係聖子、蝦、帶子、魷魚及魚，又新鮮又清甜，除咗蝦放咗火焰清酒煮蜆湯底煮外，其他全部放入雪山飛龍鍋，可以帶出鮮味，而兩隻蝦就好似醉蝦咁、蝦膏仲流晒出嚟焱手切封門柳 (每位加$20)肉類選擇咗封

同朋友行旺角行到攰攰地，天寒地凍，見就腳試下入呢間，打個邊爐，取取暖。齊齊食梗係揀套餐抵，鍋底好多款，揀到眼花花，最後決定清酒煮蜆鍋 + 雪山飛龍 + 人蔘湯鍋。鍋底到左，色澤好、配料足，鍋底各有風味，味道香濃，而且入面真係撈到幾條人蔘。落左食物，等鍋底滾既期間，先食前菜柚子沙律同鮑撈起手撕雞。細細份幾開胃。跟住就到重頭戲海鮮拼盤，右起有蝦、帶子、魚片，下面有冰塊夠凍，中間的龍躉肉肥美，滾一陣就食得，入口滑嫩，配埋鍋底好鮮甜除左海鮮仲有手工拼盤，黑松露豚肉餃子、鮮蝦棒、太極鮮冬菇有釀餡料，非常獨特。手工安格斯牛丸辣辣地，好惹味。打邊爐當然唔少得牛肉，套餐包左安格斯牛頸脊，雪花均勻分佈，肉同膏相間，口感十分好。松板黑豚肉擺得相當別緻，小小支架撐起，淨係望住已經食欲十足。最後以一個椰汁冰做終結。最後埋單每人$300，價錢合理，可以同時食到安格斯牛、海鮮拼盤、黑豚肉，而且湯底亦非常加分。下一次經過旺角油麻地，可以再考慮。

今日五個人黎食，book左位但發覺都冇乜人😹 叫左個粥底火鍋，海鮮都幾新鮮，又有好多樣野食，都算幾驚喜，整體味道不錯唯一唔好處係個粥最後食好鬼咸，仲要係五個人都話咸😪

天氣轉涼想打邊爐喇，見到呢度新開左好多餐廳，就黎呢邊食下呢間焱。地方好闊落，坐得好舒服。攞左d 醬黎比我地揀，比較特別係有蒙古涮涮醬，好香麻油味。焱選套餐可以揀湯底三款，對我地呢d 三心兩意嘅人黎講就啱哂啦！有人蔘雞湯，雪山飛龍湯，同清酒蜆湯，個鍋分三隔，點著左清酒蜆鍋之後就變左火焰雪山喇好大火呀～等水滾之際食頭盤先，青瓜雞肉沙律，清爽。安格斯牛頸脊好大片，嫩滑帶少少彈牙，火鍋必備靚牛!松板黑豚肉配青瓜，店員教我地滾熟左之後點醬汁，用生青瓜包住食，爽嫩豚肉包青瓜減左油膩感，味道估唔到又幾夾。海鮮五款，有大蝦，帶子，魷魚，蟶子，龍躉片，最正係大蝦，放落清酒湯煮，好甜好鮮味，隻隻都充滿蝦膏! 龍躉片亦相當不錯，好滑，龍躉皮彈牙嫩滑。帶子要小心處理，過熟會變韌。龍躉片，魚肉晶瑩剔透，帶龍躉皮，爽滑彈牙。火鍋配料包括蝦棒，黑松露餃，麻辣牛丸，釀鮮菇，三層墨魚滑。最正係麻辣牛丸，好juicy, 好鬆化，好香牛肉味，又唔太辣。黑松露餃都好香，個皮夠滑。即炸響鈴，好脆!!! 好大舊! 吸哂湯汁好好味。食完個餐大家都飽哂，加埋一剛好三百蚊，湯底好正，打邊爐途中會不時飲一匙湯，配料新鮮，款式特別，會再

3款火鍋湯底, 十分有特色, 我和家人三人星期五前來尋找味覺的新挑戰; 各人的喜愛均不同, 於是我們便點了清酒煮蜆鍋, 美人烏雞鍋及人參鍋; 3款鍋中, 我比較喜愛吃濃味的, 清酒煮蜆是我最愛的選擇; 一端上鍋, 店員即刻把蜆倒進鍋, 再加上清酒, 一點火, 火焰直冒, 簡直名符其實; 開始吃一口湯, 蜆肉的鮮味混入湯中, 清甜無比; 我吃了一碟PRIME肥牛及手工火鍋拼盤, 肥牛一大碟鮮紅色, 雪花紅白分明, 大片厚切, 鮮紅色的肉, 顯得十分新鮮, 牛肉味十分濃郁;而手工火鍋拼盤, 黑松露豬肉餃子, 鮮蝦條棒, 鮮冬菇, 手打安格斯火辣牛丸及三色墨魚片; 黑松露豬肉餃子, 餃子的黑松露味濃, 豬肉料足; 鮮蝦條棒, 蝦肉包裏而成的棒, 肉質彈牙, 蝦味甜, 而鮮冬菇, 冬菇內酿上豬肉, 及數粒枸杞點綴, 使色不會太單調; 三色墨魚片, 白綠黃3種色, 薄薄的, 富有墨魚味道; 我最喜愛的是火辣牛丸, 牛肉咬下去, 極為彈牙, 肉汁四濺, 帶點火辣口感, 齒頰留香;吃完這頓, 來一客牛奶布丁, 但布丁的口感較硬不夠軟滑,且奶味及忌廉不夠濃郁, 整體上我們都吃得十分滿足~

無論夏天或冬天打邊爐已成為香港人熱愛之選，只需約上三五知己就可成團，想食甚麼就涮甚麼，亦是好友相聚最佳活動。到達餐廳不到晚上8時，人流不算多。店員便帶領我們到鄰近窗邊的座位。可以一邊享受美食，一邊望著街外的景色，一邊聊天，感覺不錯。我們選了炎選套餐。套餐食物豐富，包括：前菜、三味鍋湯底、時令海鮮拼盆、肉類、蔬菜、飲品和甜品。下單後，店員便送上各款醬料給我們，有蔥花，麻醬，辣椒粒，豉油等，共9款。隨後前菜上枱，一款是柚子沙律，另一款是鮑撈起手撕雞。前者味道清新，柚子香味濃，後者爽口麻辣，很開胃。三味鍋湯底我們選了火炎清酒煮蜆，養生人蔘藥膳鍋及東方美人鍋(竹絲雞配桃膠)，店員先行加水，之後再加清酒及點火，把蜆慢慢煮熟。約10分鐘後，我喝了湯底一口，味道暫時都是較淡薄。之後加入各款海鮮(有蟶子，蝦，魷魚，鯇魚及帶子)，湯底隨即變得鮮甜。蟶子尤其肥美甜口，蝦和魷魚均彈牙。再嚐湯底就很鮮味，味道亦濃郁了。手工火鍋拼盆除了外觀精美外，名字亦改得特別：太極鮮冬菇、別蝦我（鮮蝦雪條棒）、三層樓墨魚磚等等，味道各有特色。三層樓墨魚磚味道富層次，甜中帶鮮美；鮮蝦雪條棒溶入鍋湯後，蝦味濃密，蝦肉彈牙。特別喜

朋友介紹於是4人來到了這家刷刷鍋刷BU刷BU, 一看大的菜單, 跟平常的沒甚麼特別, 於是就來另一個特別的菜單。這個彩色的菜單十分吸引, 可惜沒有這樣點過的我居然不會點, 於是全靠店員耐心的教導; 我們點了一個火焰清酒煮蜆, 養生人參藥善鍋及東方美人鍋, 3鍋混合3個鍋之中, 我最喜愛的是養生人參藥善鍋,內裏淡淡的人參味, 高湯清淡, 味不太濃, 有枸杞, 人參條, 配以海鮮拼盤,更能特出原有的海鮮味;長長的聖子, 晶瑩剔透, 清脆爽口; 潔白的帶子, 大大粒的, 肉厚, 軟滑彈牙;而蝦, 肉質新鮮, 清甜爽口, 蝦味濃郁; 大大片的魚肉, 肉汁鮮嫩軟滑, 魚肉鮮甜; 嘗試把海鮮放進其他鍋, 因為他們味較濃, 唯獨這個鍋最能突出海鮮濃郁的味道;響鈴, 拿了一件放進口, 油味香濃, 香脆可口, 其後再輕輕一浸參湯, 響鈴外脆內軟, 帶點兒湯的水份, 沒有那麼乾身, 油味也不會太濃太膩; 特色的火鍋店吃特色的火鍋, 才能有另一番特別的享受。

同屋企人黎打邊爐慶祝生日，結果好失望我地散叫，冇嗌餐，好唔抵食，埋單一位要$350叫左所謂A4和牛，$398 但得嗰幾片，亦都唔算係好高質素就算prime 肥牛，$298一碟，都唔值呢個價烏冬半個要廿幾蚊，其實俾一個都唔會蝕好多啦所有野都收得好貴，但得好少，而食物質素都係好一般唯一算幾好既就係算坐得幾舒服，冷氣夠，就算星期日晚都唔滿坐，冇限時，算係幾靜啲員工都算幾好但係呢個價錢同質素真係唔會再黎食，好失望！

為於旺角至油麻地之間的焱手工涮涮鍋，是旺角比較出色的台式火鍋店之一。店鋪比較寬敞，有一半是卡位, 而且沒有其他火鍋店那麼焗促及油煙，環境舒適，亦都適合聊天。這裡其中一個特色是有套餐，總共有3個餐，我們叫了焱選套餐。首先是前菜，是青瓜手撕雞及柚子醬沙律。火鍋前吃了這些小食特別開胃。醬料種類亦很繁多，醬料盤很乾淨，而醬料新鮮。套餐包了3個湯底，其中2個湯底有很多選擇，我們選了青花麻辣鍋及鮮茄馬鈴薯鍋，中間細細的鍋是火焰清酒煮蜆。麻辣湯底有很多配料，不太辣，剛剛好。鮮茄馬鈴薯湯底亦很有濃郁的蕃茄味。服務員上了湯底後，將蜆及螺放入爐中間的位置，跟著再倒了一些酒，即時點火，非常特別，之後再加入清湯，火焰慢慢被淋熄了。這樣做法令蜆及螺都帶入了香香的酒味。海鮮併盤 – 蟶子、龍躉片、鮮海蝦、墨魚片、帶子: 樣樣海鮮都很新鮮，其中蟶子很大隻，很肥美。炸響鈴: 食到不想停口，很大，很脆，我還吃了朋友那份. 哈哈!頂級安格斯牛頸脊: 不肥不瘦，厚度適中，而且很有牛味。手工火鍋拼盆: 有黑松露豚肉餃子、雪蝦棒、鮮冬菇、火辣安格斯牛丸、三層墨魚磚。樣樣都很新鮮，而且沒有雪味。跟餐有飲品，我叫了山渣紫貝天葵，很

天氣開始轉涼，立即想到熱騰騰火鍋，朋友建議去體驗一下新派火鍋的樂趣，我們今晚選了台式風味的焱手工涮涮鍋。這裡以套餐為主，大至分兩種：三味鍋或粥底火鍋，我們點了火焰清酒煮蜆+鮮茄馬鈐薯+青花麻辣鍋精采一番。套餐包括前菜、三個湯底、時令海鮮拼盤、精選肉類、手工火鍋拼盤，即炸響鈴、蔬菜、飲品及甜品，每位$268（兩位起）已包括醬料費用。特製湯鍋分成兩邊，中間造成圓形，方便放入灌以清酒之生蜆略炒，點火略煮後再加入高湯，待製成清甜的海鮮湯底後，再用來涮煮套餐內的海鮮最爲適合。這裡的火鍋料也很豐富，海鮮有蟶子王、龍躉片、海蝦、帶子和貝等。蟶子王非常大隻鮮美，龍躉片亦爽脆滑嫩。　　套餐肉類，我們選了頂級安格斯牛頸脊，份量雖然不多，但質素也是優質。　　不得不提這手工火鍋拼盤，好特別的黑松露豚肉餃子、別蝦我(鮮蝦雪條棒）和手打安格斯火辣牛丸，真的不能錯過。