焱丸水產 (已結業)

出糧日lunch梗係食好啲！一入到黎就聞到好香既海水味 好似日本嗰種好地道既居酒屋晏就食主要係叫定食，我叫左個角切魚生飯定食 $90個餐一黎到好豐富前菜有昆布蟹肉、沙律、味噌湯 仲有茶碗蒸！淨係食哂呢幾款其實我已經飽左半😂昆布蟹肉加左醋調味 好開胃，茶碗蒸幾滑 入面加左冬菇同蟹肉，幾足料 而且好滑。到主角魚生飯喇，我覺得個飯真係好值得推介！魚生飯要好食 除左魚生新鮮係基本野之外，飯既調味都好緊要🤔佢落壽司醋既份量岩岩好，而且落左柚子醬令到成個飯味道好清新，同肥美既刺身配搭埋一齊就唔怕太溜。我食完前菜已經飽左大半，但都將成個飯食哂😂有機會一定會黎試下晩飯！

今晚想食好d就黎到一間充滿日式居酒屋風味嘅焱丸食日本菜。入到去，播住日本動畫嘅歌。［男兒當入樽］同行友人對呢方面感到少許興奮。今晚真係去左日本居酒屋晚餐甘，隔離桌剛好都係日本客人。黎到居酒屋飲番杯relax 下。鹽酸檸檬燒酎 $48咸咸酸酸感覺都幾爽，酒味比例唔算濃。巨峰梳打$48唔算好甜，好飲版提子芬x。三文魚牛油果油酢漬 $80三文魚他他，牛油果同三文魚真係好夾。沙律菜配酸酸調味，好開胃。入量都唔細，作為前菜一流。魚子焗薯蓉 $45明太子控嘅我勁中意，咸咸辣辣好惹味。原條池魚$188比較少地方食到，無咩脂肪，感覺鮮味清爽。 池魚碎經調味包住紫菜食都幾開胃。油甘魚 $68相對較肥美。鯛魚魚質都好鮮甜焱丸號壽司 $158海膽三文魚子、香蔥吞拿、蟹肉三款壽司都係我喜愛嘅配料，料多至爆滿。一啖大到放唔晒入口，超新鮮。日式甜醬牛肉鍋 $108牛肉肉質幾好，唔太多脂肪又有牛味。湯底甜甜地 配蔬菜都幾好味。仲有隻雞蛋。芝士魚旦 $35 有專人幫我用gas 爐仔燒，流心芝士正。大蝦鬼殻磯燒 $58/1專人幫手燒唔洗驚過晒火，蝦頭部分好多膏, 蝦肉好爽口。心靈上同肚仔都超滿足。

清酒煮蜆、芝士魚蛋、魷魚、焱丸海鮮沙律、金菇三文魚、 岩手縣蠔， 蟹膏扇貝帶子， 金菇三文魚 真係好差好普通囉，牛油炒完再擺塊嗰啲下欄三文魚擺兩片上去煮， 揼咗黑椒粒在一起煮，牛油味唔夠濃，極之唔好食。 海鮮沙律 ，海鮮都新鮮，但係未至於話好好食囉，海鮮內的蝦就唔新鮮， 同埋啲沙律菜有苦味道，質素係差嘅沙律菜。 清酒煮蜆，蜆完全冇味，蜆肉又細粒， 清酒味道唔夠香。 餐廳女侍應會幫你，即時喺旁邊 迷你燒烤爐， 為你燒食品， 芝士魚蛋， 味道真係唔錯，可能我自己本身鍾意食芝士，所以覺得好好食， 可惜女待應燒得，唔係好夠熱，燒完放低就即走人， 想叫佢繼續燒都唔得。 蟹膏扇貝帶子唔新鮮帶子，同埋今次個女侍應燒得過熟， 個女侍應真係燒得好求其，冇乜心機燒，而且客人都唔係多， 在場的男女侍應有8位以上，好足夠人手， 有啲種無所事事企喺度同客人傾偈。 燒魷魚本應該好好食，但係又係唔夠熱， 都唔知點解， 佢哋燒得咁快停手， 就畀客人食。 原來最好食，係當天有供應岩手縣生蠔， 一啲都唔腥，蠔肉超級白及乾淨超級好食。 我本身鍾意食物，係熱！！！微溫食物有時入口，真係要睇嗰種食物係咩食物，做得燒烤， 唔通我

最近再次遇上一試難忘的餐廳，值得推介！這間日本料理餐廳單單門面已經充滿日本風情，店內裝潢更是一絕，很喜歡這裡的設計好有心思和誠意，將整店佈置裝飾成一艘日本傳統木製漁船般，色彩繽紛，賞心悅目，超有特色，完全像置身於日本一樣。另一驚喜是這店還設有和風式榻榻米廂房，好舒適的樣子，最適合一班朋友聚會，可以自成一角，好有私人空間。未夠七時，餐廳已有很多人客陸續入座，門外更貼有很多明星相，看來相當具人氣，來光顧的話最好預早訂位。店員們的服務態度佳，有禮而殷勤，送菜速度又快。適逢鄰桌有客人生日，用膳期間突然全店關燈並大播生日歌，店員遞上生日蛋糕，然後全場所有店員們一同對該客人唱生日歌，好熱情周到。除了環境及服務令人滿意外，食物更是非一般的優質，讓我回味無窮。刺身盤賣相精美，絕對要相機先吃。活海螺刺身超出色，份量很多，鮮味十足，達到驚人的程度，質感又極度爽口，是我吃過最美味的海螺刺身。左口魚刺身亦好新鮮，不同部位會有不同口感，有的嫩滑，有的爽口，好特別，最重要是每一片都好有魚味。甜蝦刺身好大隻，夠彈牙。帆立貝刺身好滑溜，味道鮮甜，不會有雪藏味。焱丸海鮮沙律絕不欺場，蔬菜新鮮爽脆，加入多色椒和青瓜粒，好

老公之前和同事去過銅鑼灣焱丸水產，知道佢地的食材是日本即日空運來的，保證新鮮。還有專人為客人磯燒食物，保證食物燒得美味！有好嘢食，今晚老公就帶我去試試。刺身5盛：好新鮮的刺身，魚生都是厚切，三文魚、吞拿魚、油甘魚、帆立貝鮮味十足，海膽鮮甜，入口即溶，齒頰留香！焱丸號：吾講都吾知尼樣係壽司，料多到睇吾到D飯，鮮甜的海膽入口即溶，還有三文魚籽、吞拿魚茸、蟹柳沙律，十分美味！蟹味噌雲丹：超多鮮甜蟹膏，又有鮮味海膽和三文魚籽，味道真的是鮮上加鮮，將奶加入蟹蓋內，與蓋內食材撈匀就可以食，味道超鮮甜。鐵火卷：即吞拿魚卷，壽司飯軟硬適中，吞拿魚鮮味，紫菜還有少許脆口，不錯！海葡萄：含豐富蛋白質和抗氧化。一串串的海葡萄口感卜卜聲、本身 冇味，要點些特別調製的汁來食，酸酸地好醒胃。柳葉魚：魚新鮮，燒至2邊金黃色，皮香肉嫩，雖然有細刺，但食落又吾覺，肉質好鮮味！白蛤磯燒：白蛤大隻，蛤肉飽滿，味道鮮味帶有海水味。烏賊磯燒：魷魚新鮮，塗上特製的燒汁，燒至剛剛熟，有口感但不會硬。味道鮮美。海膽帆立貝燒、三文魚籽帆立殼，帆立帆好大隻，一隻加上海膽、另一隻加上三文魚籽磯燒，各有不同口感和味道。帆立帆厚肉又鮮甜，配乜

環境有日本Feel，日式紅燈籠，木製的和式屋簷, 乾淨企理；店員們非常有禮貌未食磯燒前, 點了刺身, 賣相好精緻，味道方面, 池魚和油甘魚頗有驚喜, 刺身都味鮮、油脂感足，帶子的肉質Q彈, 海膽CREAMY海鮮沙律, 原來魚生同沙律菜都可以好夾, 吸盡沙律酸汁的精華, 好開胃。磯燒有一種刺身或清蒸海鮮沒有的治癒效果, 今次黎餐廳主要目的係食磯燒, 店員非常好，見我手足無措，非常仁義地燒給我吃, 燒活海鮮，不需加太多調味料，原汁原味。磯燒白蛤口感爽彈。吃後鮮味會在您的口腔不散，大蝦鬼殼磯燒, 大蝦的香氣十足非常濃郁，一邊烤一邊聞到陣陣香氣, 海大蝦直接上網烤，邊烤邊翻面才不會烤焦, 新鮮的海味，沒有刷醬汁，直接吃原味最棒

剛剛工作完了Peak Season，開始可以早一點下班，搵食兵團又可以出動了。經朋友推介下到這間炎丸水產，來一個Happy Monday。這間餐廳位於灣仔謝斐道，地鐵站一出大約六至七分鐘便到。餐廳旁邊剛好是一蘭拉麵，十分容易認。這裏裝修挺有特色，牆上掛了很多日本的海報，十足十日本的居酒屋。雖然店舖不是很大，但枱與枱之間上有足夠距離，坐得舒服。我們一行二人點了幾道日本菜Share 。1) 三文魚牛油果油酢漬(⭐⭐⭐⭐💢):非常清新開胃的一道前菜。牛油果，沙律菜，三文魚碎配上微酸的醬汁刺激味蕾，令人食慾大增。特別一提，三文魚不是切得太碎，吃起來有口感。2) 飛魚拼甜蝦刺身 (⭐⭐⭐⭐⭐):這裏的刺身推介每天不同，是按新鮮運到的海產而定，正所謂不時不食。今天正是推介這一個飛魚刺身。相對起平時常吃的魚類刺身，飛魚的油脂感沒有那麼重，反而吃起來是爽口彈牙，肉質結實。一份大約有七至八件，兩個人分享剛剛好。另外我們也點了甜生蝦刺身，吃起來挺為鮮嫩，有海水味，配合小小的芥辣更能帶出刺身的鮮味。3) 汁煮鮪魚臉頰(⭐⭐⭐⭐⭐):十分刁鑽的一度菜式。從臉頰的大小就能想像這條魚應該是十分大的。味道方面，魚肉

雖然卡米拉經常在銅鑼灣一帶出沒，不過來到駱克道的焱丸水產還是第一次。店內環境很有日式居酒屋的風格，可惜枱與枱的位置較近。鹽酸酸的檸檬燒酎 （左，$48）巨峰提子乳酸 （右，$48）鹽酸酸的檸檬燒酎是鹽檸搭配碳酸水調和的飲品，入口有一陣檸檬清香和酸味，與鹹檸七味道近似。巨峰提子乳酸就大部份都是乳酸味，提子味很淡。海草白飯魚子煎蛋（$58）玉子燒經常都吃到，這個海草白飯魚子煎蛋帶點海水鮮味，加上濃厚的蛋香令人回味。炸魷魚大盛 （$68）炸魷魚大盛炸得金黃鬆脆，不過所謂的「大盛」和我的期望有距離。蟹味噌雲丹 （$108）蟹味噌雲丹包括蟹膏、蟹肉及海膽，三者均味道鮮甜。三文魚牛油果洒酢漬 （$80）這個三文魚牛油果酒酢漬以海帶及沙律為主，只有中間數片三文魚。整個沙律以海帶為主，不太合卡米拉的口味。原條池魚（$188）、活海螺刺身（$180）刺身都是卡米拉期待已久的一環。今天選了比較難吃到的池魚及活海螺刺身，兩者均色澤鮮明，吃下去鮮甜味美。焱丸號壽司 （$158）三款軍艦都是比較高價的食材，也有甜蛋絲伴碟，可惜壽司的擺放仍有改進空間。整體材料都是新鮮鮮甜。花魚半條 （$100）花魚的魚肉被燒成金

今日放假又同好友聚聚舊！決定搵間好野獎勵下自己平時番工咁辛苦！😍行經見到呢間餐廳d裝潢咁似我地之前係日本都食過個間燒海鮮餐廳咁既。門囗仲貼左好多d明星藝人黎過既相！見d野食又吸引，又幾多人食！決定就揀呢間喇！😍入到去就好似去左日本咁，裝修特別，周圍都放有具有日本風格既裝飾，又播住日文歌！真係以為自己去左日本！另外餐廳仲設有廂房，要除鞋坐入去，私隱度高，岩哂一班朋友傾計聚舊呀！🤗揀野食喇！黎度當然要燒下海鮮啦！我地就揀左三款磯燒：1.帶子磯燒！😍帶子大大粒，好厚肉！職員仲好好咁幫我地燒埋，唔洗自己落手！睇住就有得食，太好！一路燒會一路落d調味調。燒到好香，睇見都流口水！帶子大大粒，會切開一粒粒，share黎食！帶子好鮮甜，燒完之後好多汁流出，連埋d汁放入口，真係好正！調味調得好好！2.烏賊磯燒🦑好鐘意食燒魷魚，尤其佢d醬汁，燒完真係好香好惹味！個醬汁真係好match!令到魷魚個味道更香濃。魷魚夠哂爽口彈牙！3.柳葉魚🐟（有5條）燒魚真係好難燒得好。我次次燒都會令到條魚爛哂😅但值得一讚既係個職員燒到唔會散開得黎，仲燒得好靚。外皮燒到有少少脆，食落魚香味重，不會腥。叫左個炎丸海鮮沙律！😍正！

食新鮮燒海鮮，喺魚缸撈上嚟，又有專人幫你燒埋，唔使自己燒怕燒燶浪費，焱丸海產幫到你（我😛）首推蟹味噌甲羅燒再有特大榮螺同蜆另上海膽帆立貝左囗魚刺身同三文魚中卷點綴

真係嬲到癲第一次嬲到要寫食評唱衰佢野食好唔好味 我唔知因為我根本沒機會入去是咁的我琴日就BOOK咗夜晚9點喺該店用膳0845去到嘅時候一個30幾歲企喺門口就打開門好無禮貌咁問我做乜我話我Book咗9點2個姓X嘅佢回頭check完之後一面不耐煩同我講：你BOOK9點架嘛 咁你9點先嚟啦！！！啪！！！一聲 佢就閂咗對門我都知我早到咗 唔一定有位我都好好禮貌咁話訂位資料比佢知唔係話佢一定要比我入去 都唔係要佢好似日本人咁鞠哂躬咁基本禮貌都應該有掛但佢D態度真係差到一個點！完全幻想唔到點喺一間咁嘅餐廳到食野各位準備去用膳嘅記住唔好早過預訂時間入去入到去都要有受氣嘅準備

朋友生日慶生, 帶佢黎到裝修似足日本磯燒店的焱丸, 食餐勁的!好多BANNER同裝飾係店內, 每張檯都有一個磯燒爐.檯上仲有圖片話你知用邊一隻醬汁.先來個前菜 - 芝士魚旦! 四方形的蛋旦中包住芝士, 店員會係你面前燒香, 再剪成三角形, 芝士仲流心架! 好香好軟滑!焱丸海鮮沙律 - 放滿了不同刺身係沙律上, 三文魚, 吞拿魚, 蝦, 油甘, 北寄貝等等, 沙律菜亦非常新鮮, 配埋柚子汁有點酸酸的, 好開胃!刺身拼盤 - 我們點了是日刺身的原條池魚, 左口魚刺身 及 帆立貝刺身.原條池魚有2個做法, 厚身的起肉切件, 其他做池魚碎再拌入大蔥碎和薑碎等, 用紫菜包住食.池魚非常厚肉!左口魚刺身切成薄片, 一樣清甜的, 帆立貝刺身好大粒, 好甜!雲丹海苔芋天婦羅 - 雲丹即係海膽, 是手卷包了紫蘇葉及海膽再炸的, 口感幾得意, 外脆內軟的! 仲有少少野菜天婦羅, 完全唔油膩! 三文魚中卷 - 外面包滿了三文魚, 入面有牛油果, 蟹柳等等, 但超好味, 一口一件, 又有爆魚子的口感, 真係好正, 唔識形容!!!!帶子磯燒 + 白蛤磯燒 - 2隻帶子超級厚肉!!! 白蛤又十分大隻!!!白蛤有專

A一個人獨在異鄉，難得由加拿人回港度假，小妹相約她去吃日本菜。銅鑼灣的「焱丸水產」，裝潢佈置繞富日本居酒屋風情不在話下，食物選擇又多元化，最啱三五知己歡暢﹗ 入座後，被安排坐於近大門的一張木枱。方形木枱，除了餐具、餐牌和醬油外，還有小火爐和垃圾桶。 打頭陣的，是擺碟亮麗、視覺效果甚佳的刺身拼盤 - 左口魚刺身$150、原條池魚$150和甜蝦刺身$68，伴以鹹鮮豉油和薑蔥同吃，更添鮮味﹗ 白裏透紅，清澈無瑕的左口魚刺身$150，薄切的刺身，閃亮耀目，甘甜魚油緩緩滲出，層次豐富，濃郁甘香，集鮮爽滑於一口，配上醬油，鮮味更為突出﹗ 原條池魚$150，師傅把魚肉起肉，剩下魚頭和魚骨。魚頭和魚骨，蘸上炸粉落滾油一炸，又一佐酒佳餚也﹗深海池魚以清、甜、爽見稱，魚味鮮甜之餘，肉質更是爽滑肥美! 嫩滑的腩位，剁成魚蓉，混入香蔥芝麻等，包著紫菜同吃，又有另一番味道。 甜蝦刺身$68，又一鮮嫩滑之選，鮮味在口中爆發，煞是滋味﹗ 焱丸號壽司$158，一客三件，分別是蟹柳青瓜沙律壽司、吞拿魚蓉青瓜壽司，以及最為誘人的魚籽海膽壽司，三者均是足料之作。 三文魚洋蔥卷$58，油潤甘美的三

又到星期五出街食lunch，今次番兜焱丸，其實呢間餐廳其實出名燒海鮮，不過lunch的丼物set亦有水準。3次嚟食都係北海丼，滿滿的魚生片、三文魚手卷、茶碗蒸、湯、沙律等，魚生新鮮而且種類多（帶子、三文魚、海膽、吞拿魚、甜蝦……）好飽CP好高；而不想吃飯的可以點烏冬類。另之前都有額外叫甲羅燒、鮮呀！！！還有姐姐幫你燒（不用擔心燒焦），建議叫丼下飯

今日係同老公食生日飯，早兩星期前就預約了，老公說想一試這一間餐廳，位置正正在鵝頸橋附近，都算易揾，門面裝修都幾好，好有日本出海感覺，入到去，好多日式裝飾，都好有心思，好似坐左係間玩具舖入面咁，舖面位置唔多，我大概6:30到，位置都差不多快滿。呢度店員服務也不錯，會介紹有咩好食，而且都會定期加茶，這很重要啊！我地先叫左個刺身拼盤，說真的，這個刺身拼盤真的好一盤，鮮味係有，但感覺好膩，叫做好食少少算係海膽，可能我個人本身比較喜歡，後來叫了一碟烏賊🦑刺身，啊！好咸⋯⋯⋯仲有個刺身嘅沙拉，反而佢係出奇地好味！另外我地仲叫左燒物，燒鮑魚，蟹蓋，帶子，蜆，鮑魚都不錯，幾爽口，蟹蓋睇食評都話好食，但我覺得太咸，不怎麼樣，似係一堆好咸煮熱左嘅蟹膏，因為其實佢入面加左奄春蛋，我真係唔覺得係必食。除此之外，燒魚蛋我都叫左，因為想食下熱野，我諗最好食其實係呢樣之後我地再食個牛肉鍋，同平時個啲無乜分別。簡單啲黎講，去一次就算，因為真係唔係想像中咁好食⋯