焱丸水產

营业中

休息中

早咗收工約個friend出嚟尖沙咀食嘢，佢話想食日本嘢，OpenRice search附近餐廳，就出左呢間，咁就試吓啦。Menu有勁多頁，食物好多選擇，好難揀🤩🤩首選磯燒食物，因為佢每張枱都有個燒喺側邊，可以睇住職員幫手燒，幾特別。👍焱丸活貝大盛（$398）有兩隻超大嘅帆立貝，兩隻超大嘅生蠔，同埋兩隻超大嘅鮑魚，呢啲散叫嘅話都要$68一隻，佢另外仲有四隻白蜆，所以我哋叫咗呢個set。我想講真係超級新鮮，咩調味都冇落，超級鮮甜，再加埋啲磯燒嘅焦香，真係冇得彈。有一隻生蠔燒完之後縮水縮得好勁，職員見到即刻幫我哋換咗另外一隻，非常貼心。焱丸蟹噌甲羅燒（$78）呢個燒完出嚟，又係超級香，蟹味好濃郁，再加埋一啲魚子醬，唔會好立好乾，非常好味。兩個人食一隻就啱啱好啦，食得太多就會覺得有啲漏。三文魚牛油果酢漬（$80）呢個成件事好清新，酸酸甜甜咁，再加上啲海草，非常開胃。自慢焱丸號（$258）係一個類似刺身拼盤，但型態就特別d🤣有海膽，三文魚，三文魚子，細帶子，吞拿魚蓉，蟹柳絲，另外仲有幾舊青瓜小卷。我想講海膽超級新鮮，味道好鮮甜，比起我啱啱去完沖繩食既更新鮮，真係好驚喜。紫菜魷魚酥天婦羅（$78）

係尖東行完街 朋友話食焱丸水產 嘢食好味之餘氣氛都好好燒海鮮真係好正 活貝大盛有蠔 鮑魚 扇貝 蜆 所有嘢都好新鮮多汁 中意海鮮一定要叫嚟試吓蟹味噌甲羅燒有蟹膏、蟹肉、蟹籽同葱，燒完好香好正，可以夾埋青瓜絲一齊食清新啲。三文魚冷麵擺盤好有心 可以將生蛋 Wasabi同醬汁撈埋一齊嚟點三文魚麵 食法好有趣 焱丸號係今日主角 青瓜小卷做底 上面有勁多海膽 吞拿魚蓉 蟹柳 三文魚子 蟹籽 帶子同三文魚 啲汁好好味 份量又多 差啲食唔晒白桃梳打好清甜解渴

想同朋友慶祝生日，朋友又話想食日本嘢，最後發現呢間餐廳係可以慶祝生日嘅日式餐廳😆所以嚟到位於尖沙咀嘅焱丸水產！餐廳充滿日式風味，四周圍都貼滿日式嘅海報、橫額，超地道！✨ 鮭魚冷麵將鮭魚設成條狀刺身，好似食冷麵咁食😋口感超正，又有點爽口！淡淡鮮味！個人比較鍾意將桂圓飲上蛋黃醬汁再一齊食，加添蛋香味道！而淋上醬汁的話，鮭魚嘅鮮味就更加突出及滋味！✨ 自慢焱丸號餐廳嘅自家製刺身壽司拼盤，包括有海膽、魚籽、三文魚、吞拿魚蓉、帶子粒、蟹柳絲及青瓜卷等，最愛海膽，食落超級鮮甜😋！其他刺身亦相當鮮味👍🏻吞拿魚蓉食落口感綿滑，滋味！✨ 黑松露蟹肉甲羅燒✨ 芝士蟹肉甲羅燒餐廳有四至五款嘅甲羅燒，我同朋友各自選咗一款！由餐廳職員幫手燒，唔怕燒到燶晒🤣！黑松露味道超級香濃，估唔到同蟹膏又幾夾，食落仲有粒粒蟹籽，好滋味！而芝士蟹肉，芝士味道唔會太濃郁，令到蟹膏嘅鮮味依然好出，仲帶點蛋香😋食落好滋味！✨ 帶子磯燒✨ 醬油木魚帆立殼燒又係職員幫手燒，唔怕燒燶！帶子好大粒，食落肉質彈牙厚實👍🏻好新鮮！而帆立貝配有幾款蔬菜一齊燒，鮮味更突出！✨ 特盛A4和牛壽司職員會以火炙嘅形式烹調和牛，壽司飯上面仲會有蛋黃，將三者

一入座，店員話今日條三文魚好靚，所以提議我地叫三文魚腩，燒三文魚，仲有一款鮭魚拉面😊三文魚腩真係特別鮮味，油香味濃又唔會覺得膩，好正😊鹽燒三文魚鮫，好厚肉，唔會燒到干净凈，皮脆香口又juicy鮭魚冷面，真係好似食緊面，一條條，可以點生雞蛋或者醬油，又有另一種唔同口感風味😄蟹肉甲羅燒，因蟹肉加上芝士鵪鶉蛋好燒，特別好吃😋魚生加壽司，有池魚，拖羅，劍魚，壽司係蟹肉明太子，蟹肉特別多，一口一粒，好有滿足感😋燒蠔，五款口味，芝士燒蠔、牛油果燒蠔、蝦子燒蠔，海膽燒蠔、明太子燒蠔，蠔燒完仲保持到蠔鮮味，而且加上各種配料燒，有唔同口味，最喜歡係明太子燒蠔，咸香味撲鼻

放工同老公啤一啤，嘆返晚。一黑一金日本生啤夠晒冰凍🍻 ⭐️特盛A4和牛壽司⭐️大大塊嘅和牛，店員輕輕塗上沾醬，再用火熗輕輕燒烤成七成熟嘅和牛，口感清爽細膩，和牛入口即溶，夾住蛋汁同埋日本米飯，一試難忘。⭐️鮭魚冷麵 三文魚條伴生卵 醬油⭐️三文魚上枱賣相好靚，三魚切條，沾上蛋汁醬油，刺身三文魚原汁原味，鮮味濃郁富甘香👍👍⭐️蟹味噌甲羅燒加配薄餅⭐️香濃嘅蟹膏，口感豐腴，味道鲜美。加上蟹籽、青瓜絲，配上薄餅一起食照配🤤⭐️ 燒活鮑魚殼、 醬油木魚帆立殼燒、三文魚籽帆立殼火燒、牡蠣殼燒、白蜆磯燒⭐️貝殼類都叫咗幾款，食材非常新鮮，特別鍾意活燒新鮮嘅鮑魚，非常鮮甜，肉質夠爽夠彈牙🫶，生蠔都算大隻厚肉😋😋

作為一家外表平實的日本料理，焱丸水產沒有引人注目的門面，但一旦品嘗過它們的菜品，你就會驚嘆不已！三文魚冷麵的三文魚質地鮮嫩彈牙，入口即溶，味道鮮美迷人。麵條Q彈有嚼勁，與三文魚肉的滑嫩質感形成絕妙對比，口感層次豐富。自家焱丸號刺身，三文魚新鮮程度極高，肉質滑溜細膩，絲毫不會有一絲腥味。海膽則帶有自然的甜美海鮮香氣，與三文魚完美融合。拖羅蓉和蟹柳的處理也恰到好處，既保留了食材本身的鮮甜滋味，又兼具爽口彈牙的口感。醬油木魚帆立殼燒的木魚和帆立貝煮得恰到好處，軟嫩入口。醬汁鹹香濃郁，但不會讓人感到膩滯，反而回味無窮，令人垂涎欲滴。三文魚籽帆立殼燒，三文魚籽鮮甜多汁，與嫩滑細緻的帆立貝完美搭配，口感豐富層次分明，堪稱海鮮界的翹楚。黑松露蟹肉甲羅燒，蟹肉鮮嫩多汁，與黑松露獨特的香氣完美融合，口感和滋味都讓人難忘。這絕對是一道不可多得的海鮮佳餚。烏賊磯燒的烏賊新鮮彈牙，與醇厚的磯味融為一體，口感豐富醇正。這道菜讓人回味無窮。紫菜魷魚鬚天婦羅外層酥脆入口即融，裡面的魷魚鬚卻保持了爽脆可口的口感，令人流連忘返。至於燒花魚肉質細緻嫩滑，淋上醬汁後更添風味。這道菜既保留了食材本質的鮮美，又通過調味增添了層

同朋友又去左焱丸水產，實在大喜歡呢度既食物同氣氛，這裡唔單止有精緻美味的料理，仲打造了一個輕鬆愉快既聚會場所。✔️蟹味噌甲羅燒🦀磯燒不能不點的甲羅燒，蟹肉和濃郁的蟹味噌為主要材料燒制而成。每一口都能感受到蟹肉的鮮美和蟹味噌的濃郁香氣，超正🤩✔️海膽帆立貝新鮮的海膽與帆立貝相結合，磯燒唔會整至到好乾水，每一口都能盡情享受到海鮮的鮮甜😋✔️鮑魚殼燒上枱時鮑魚仲好活潑生動，好新鮮。璣燒保持了鮑魚本身的鮮嫩及彈牙口感，必點🥰✔️特選和牛壽司🐂輕輕炙燒過既和牛，配上壽司米及雞蛋，口感豐富又美味🤤✔️冰菠蘿燒酎🥤✔️青蘋果乳酸🥤餐廳更提供不少酒精及無酒精飲品。炎炎夏日，食住磯燒，飲返杯冰菠蘿燒酎，超清新超爽，這就是人生🤓

放工鬆一鬆，近排天氣又熱又焗，放工同同事嚟到這間居酒屋🏮飲茶返杯美食絕對會讓你放鬆放工壓力😌😌環境恍如置身日本一般，木製桌椅、店內裝修都充滿日本風 服務到位👍先嚟一黑一金 🍺🍺日本生啤suntory,超級冰凍😝😝🥢鮭魚冷麵 刺身鮭魚條配生卵，淋上醬油，清爽又美味的組合。🥢特盛A4和牛壽司　我以火炙方式處理的A4和牛，質感和風味都非常出色。和牛真係做到入口即溶😋🥢蟹味噌甲羅燒加配薄餅，濃郁的蟹味噌甲羅燒上的搭配，搭配薄餅更是絕妙。🥢活南非鮑魚殼燒新鮮的南非鮑魚，以燒烤的方式帶出其鮮美的口感，火候剛剛好Q彈鮮甜🥰🥰🥢醬油木魚帆立殼燒 和 三文魚籽帆立殼火燒 加上日本青椒仔非常爽脆 湯汁都飲埋超級鮮甜🫕🫕白蜆磯燒、牡蠣殼燒蜆牡蠣的燒烤料理，展現不同的風味和口感。加上清酒，百分百日本風味這些菜色帶有獨特的日本風味，絕對是放鬆放工壓力的好選擇！

鮭魚冷麵這道開胃菜非常清新爽口,麵條Q彈,鮭魚肉質細嫩,相得益彰。自慢焱丸號的刺身拼盤更是亮點,五種食材包羅萬象,三文魚、三文魚子、海膽、拖羅蓉、蟹柳新鮮度極高,每一種都恰到好處地入味。醬油木魚帆立殼燒和三文魚籽帆立殼燒也是海鮮控的必點之選,木魚嫩滑,帆立貝彈牙爽口,加上三文魚籽的鮮甜,令人回味無窮。最 high 的當屬黑松露蟹肉甲羅燒,蟹肉鮮美多汁,黑松露的香氣更是與蟹肉完美融合,口感層次豐富。烏賊磯燒也是亮點,烏賊新鮮彈牙,與脆脆的筍塊相得益彰。最後的紫菜魷魚鬚天婦羅和燒花魚半條,外皮酥脆,內裡細膩鮮嫩,同樣讓人回味無窮。

去居酒屋第一時間先點飲品我地點左冰菠蘿梳打同洋梨燒酎冰菠蘿梳打有原條冰菠蘿超級新鮮，味道清甜磯燒係侍應幫手燒埋燒嘅時候會加埋唔同嘅調味唔使驚自己唔識燒甲羅燒係每次去磯燒居酒屋必點嘅今次係芝士蟹肉味的甲羅燒濃厚嘅蟹膏配埋芝士同蟹肉仲有爽口嘅蟹籽同青瓜絲回味無窮焱丸活貝大盛超級豐富嘅貝類磯燒生蠔、帆立貝、鮑魚都好大隻，又厚身鮑魚用醬油燒起，已經好入味厚身得來好容易咬開，肉質彈牙白蜆好鮮甜自慢焱丸號 勁豐富嘅海鮮刺身，配上青瓜小卷有三文魚、蟹肉、魚子、滿滿嘅海膽賣相超吸引蟹雜炊侍應會即場幫我哋煮呢個蟹雜炊將米飯煮到非常綿密加入蟹件蟹肉同埋蟹籽入口啖啖都非常鮮甜

-焱丸水產-📍尖沙咀.放工想同朋友小酌一杯，選擇咗喺棉登徑的焱丸水產。同其他居酒相比，呢間嘅CP值好高，而且食物嘅質素都好好。裝修都同日本嘅居酒屋一樣，感覺好似置身日本咁。.自慢焱丸號 ($258)俾個賣相吸引咗，多款新鮮嘅刺身，加上海膽，配合埋青瓜小卷，啖啖鮮味。.焱丸活貝大盛 ($398)有大大隻生蠔、帆立貝、鮑魚同白蜆。店員會幫手幫海鮮，完全唔使自己動手。.鮑魚真係好大隻，而且直火慢燒令到肉質好軟，燒嘅時候店員會加埋調味，唔使再點任何醬汁都好鮮甜。.另外帆立貝都好新鮮，夠晒甘甜。.紫菜魷魚鬚天婦羅 ($78)天婦羅嘅炸粉好薄身，加入咗紫菜非常惹味，而且魷魚鬚都好柔軟，一點都唔韌。.芝士蟹肉甲羅燒 ($78)每次去居酒屋都必點嘅格羅燒，今次選擇咗芝士味，燒到蟹膏同芝士完全結合，淡淡濃厚蟹膏香味。.蟹雜炊 ($168)用新鮮嘅蟹肉煮成嘅雜炊，同樣都係完全唔使自己郁手，加埋香蔥同蟹籽，蟹肉嘅鮮味溶化在粥內，超級鮮甜。.洋梨燒酎 ($58)好清甜嘅洋梨，加埋燒酎嘅酒味，同海鮮非常配合。.冰菠蘿梳打 ($68)原條菠蘿冰放入菠蘿梳打內，好適合夏天飲用。.

今天我想品嚐一些生蠔和三文魚，首先點了一杯菠蘿特飲，含有少許酒精，味道酸酸甜甜，冰凍得很好，非常美味。我的朋友則點了一杯啤酒，店家還贈送了生蠔作為開胃菜。每次來這裡我總會點蟹肉甲羅燒，因為蟹肉加上芝士醃春蛋的烤製非常美味。嘗試了新式燒蠔，有五種口味：芝士燒蠔、牛油果燒蠔、蝦子燒蠔、海膽燒蠔、明太子燒蠔。烤製後的蠔仍保持著鮮味，並且加上各種配料烤製，口味各異。我最喜歡的是牛油果燒蠔，有果香味，非常獨特。服務員告訴我們今天的三文魚非常優質，所以我們點了三文魚腩和燒三文魚，還有一款特別的鮭魚拉麵。三文魚腩非常鮮美，肥美多汁，不會感到膩口，非常美味。鹽燒三文魚鮫，肉質厚實，烤製得剛剛好，皮脆香口，我的朋友想要來杯啤酒，非常搭配。魚生加壽司，有池魚、拖羅、劍魚，壽司上還有蟹肉明太子，蟹肉非常豐富，每一口都令人滿足。

昨晚我光顧了尖沙咀一家令人心馳神往的居酒屋，鋪頭主要用木系設計，令人感到溫馨，置身如日本的感覺。首先是鮭魚拉麵，這道菜讓我對居酒屋的創意方式感到驚喜，將鮭魚做成拉麵方式，創新及視覺都令人震撼，而且每條鮭魚拉面都好新鮮厚肉，好正👍泥到居酒屋🏮，緊係要order 一下磯燒系列既產品。點了松葉蟹膏帆立貝，鮑魚殼燒，大蝦鬼殼磯燒。每款都好值得推薦。帆立貝肉質鮮嫩，搭配上松葉蟹膏的豐富滋味。鮑魚及大頭蝦都十分新鮮彈牙，經過燒制後更加鎖住了海鮮的鮮美多汁，每一口都充滿了海鮮的鮮甜和炭火的香氣。紫菜魷魚鬚天婦羅，天婦羅炸皮不會太厚，外脆內彈牙，讓人回味無窮。總括來說，餐廳既食物新鮮高質，裝修又令人舒適，令整頓晚餐都好滿足。

係香港居酒屋就多啦，但能夠食到新鮮磯燒日本海產既就少之又少。今次上網搵到呢間裝修好有日本舊式居酒屋，而且真係係你面前燒生猛既海鮮，好有風味我地今次就叫左1份帶子磯燒、醬油木魚帆立貝同芝士蟹肉甲羅燒。帶子肥美厚實，帆立貝有埋蕃茄去帶出帆立貝既甜。完全唔洗自己動手，職員會幫你掌握火候。一呢到既選擇實在太多，我地仲叫左生蠔、鮭魚冷麵、自慢焱丸號同溫泉蛋天婦羅。生蠔好大隻，肚位脹身飽滿。我地二人都比生蠔驚艷到，因為係好清甜，本人較怕食到太重海水味。至於鮭魚冷麵係將冷麵切成一條條放入醬料或蛋食用，係比較特別既食法。焱丸號係有非常適合打卡，用三文魚、帶子同海膽等刺身同小卷去堆砌，制造出澎湃既感覺。值得一讚係個海膽，入口即溶，帶有淡淡海水鮮味。終於黎到介紹主菜啦，我地叫左個蟹雜坎做主食，由新鮮既蟹去煲成粥，再加左滿滿既蟹籽去增加粥既口感。好欣賞呢到將蟹腳分開一半，當食既時候好容易將蟹肉甩出黎。最後，黎到居酒屋一定要叫野飲啦！一杯白桃梳打一杯波蘿梳打，仲有成條新鮮波蘿添呀！真係好滿足

蟹子蟹蓋鵪鶉蛋燒 好好食😋必試item, 我覺得爭咗碗白飯😆唐揚八爪魚炸左之後嘅八爪魚外脆內軟，熱辣辣食，再點一點小小沙律醬，咬落去好Juicy, 海鮮味極濃👍🏻炎丸號有不同刺身同軍艦味道嘅拼盤入面有海膽，帶子，蟹子，吞拿魚，蛋絲，蟹柳絲，魚子，一次過滿足大家對食刺身嘅慾望炎丸活貝大盛生猛海鮮，員工仲要幫你燒埋，佢地預好時間就會放去你隻碟，唔洗自己燒，唔怕overcook,呢啲都係留返比專業人士做啦三文魚冷麵對於我，係好創新嘅食法。每條三文魚都切到一樣Size，可以當係一埋粗麵咁食，點埋豉油鵪鶉蛋Wasabi汁，果然係perfect match, 同一般平時食三文魚刺身係另一個感覺