無肉食 (洗衣街)

营业中

休息中

現代人愈來愈注重健康，除左呢家有啲「新豬肉」係楂物性蛋白造既素肉外，都愈來愈多素食餐廳。今次就一於試下素食自助餐啦！餐廳名「無肉食」已經好明顯講出呢間係素食餐廳。店舖既樓底勁高，唔會好壓迫，而且因為我地2點後先去，所以客人都唔算好多，坐落都好舒服👍🏻自助餐野食方面有冷盤、熱食、中湯、中式糖水都有，雖然款式唔算太多，但樣樣試少少已經飽左8成啦🤤野食味道方面，大致上都幾好食，唔會太油太咸，不過都有唔少款係炸既小食，如果將炸既野食換成多幾款既熱食咁就更加健康喇👍🏻

上星期食左餐幾好食既素食餐廳, 今個星期想試下第二間, 上網睇有pizza, 芝士撻, 壽司, 生煎包, 點知黎到咩都冇!!!!🤷🏻‍♀️🤷🏻‍♀️🤷🏻‍♀️星期日下午價錢$80一位, 算平但係食既野好似垃圾咁, 食材零質素, 好冇誠意!😡😡😡我覺得冇心搞唔好搞素食餐廳, 難食到嘔🤮🤮🤮原本開始對素食有興趣, 變左有陰影👎🏻唔會再有下次🤦🏻‍♀️🤦🏻‍♀️🤦🏻‍♀️🤦🏻‍♀️10分滿分我比1分, 唔使錢都唔會去食🙅🏻‍♀️

今日同老婆慶生，想食得健康清淡些，係本apps睇到無肉食好評幾多，於是抱著一試心態走去試試，六點半到埗時可能尚早人客唔多，入場先付款兩人合計二百四十元，免加一服務費，九十分鐘任飲任食。一張大隋圆形食品枱放晒所有食物，飲品有檸檬水，羅漢果水，祛濕茶，炸物有春卷，雲呑，南瓜等等，有一款拔絲炸物，冇硏究名堂但幾甜幾得意，素菜有一般時菜，另有炒飯粉面人什錦素菜等等一般菜色，比較沙律吧居然有呢期幾hit嘅羽衣甘藍，好新鮮，特色必食係迷你芝士撻，不甜且芝士美香濃。餐廳環境格局似工廠食堂，硬背椅木櫈唔舒適，零servive 全程真正自助形式，食完啲碗碟自己攞去分類回收箱，冇人清潔枱面，所以唔收服務費係合理，以咁嘅價錢咁嘅服務，九十分鐘食得幾倉促，後來七點半開始人多爆枱，我地要食到八點，但七點四十五已有服務員催鐘，感覺令人不安，總体而言有點名大於實，中規中矩而已，個人認為只值一百蚊。

朋友生日友竟然選擇食素，可以清清腸胃又健康，都幾好。 上網找到無肉食，旺角地點適中， 大家都方便。 仲可以經「開飯」訂位。上到去已經好多人上排隊付款，收銀機旁有些素食產品賣。入坐之前要先在收銀處付錢， 才可以入去才內。星期日自助晚餐$140，限時90分鐘。因為已經好多人，入場後，先找位子坐下，然後才出去拿東西吃。 繞場一周，看到好多選擇，有沙律菜、醃菜、涼拌、 熱菜、煎炸食品、水果、 湯、飲品及中西甜點…等。 涼拌及沙律吧有：羽衣甘藍、秋葵、栗米、車厘茄、紅菜頭、沙律菜、紅腰豆、酸辣蘿蔔、青瓜片、蓮藕、木耳、豆芽、薯仔沙律、麻醬凍豆腐、珊瑚草，旁邊有幾種醬汁可供選擇。炸物有：煎堆、春卷、炸蕃薯片、餃子、 蛋散、炸花生芽、炸豆腐....， 新鮮熱辣辣。花生芽係超大版嘅芽菜，芽菜係用綠豆泡浸發芽而成，花生芽自然係來自花生囉。甜品都有綠豆沙、南瓜糖水、 南瓜糕、涼粉、拔絲蕃薯、芝士撻等。侍應們不停補充各種食物， 熱盆有時剩半盆就已經換新的。飲品有下火又潤喉的羅漢果、 夏桑菊茶、檸檬水和茶。是日靚湯是雪耳粟米湯，好好飲。秋葵和羽衣甘藍好新鮮， 珊瑚草又稱海燕窩，健康又養顏。食物選擇多又好味，每

在旺區地點適中。中午自助餐都有很多款式，炸物，沙律，熱炒，甜品林林總總，美味而且不停添加，但像飯堂一般的店舖環境普通，沒有特別裝修，就是枱，櫈，中間一張放食物的長枱而己，並且要搭枱，樓面設計會因人多時聲音很嘈吵。求環境只要好味的素食，是值得一試的。

成個月食咗N咁多餐生日飯，於是農曆生日就返璞歸真，同屋企人食餐清清哋嘅素。去年幫襯過北角無肉食，印象幾好，今次就去旺角食。6點20分去到已經好多人入前去食之前要先在收銀處俾錢，跟住就可以入去搵位坐星期日自助晚餐$140，限時90分鐘。先巡視一下，好多選擇新舊派素食材料共冶一爐，沙律菜、冷盤、醃菜、涼拌、熱菜、煎炸食品、水果、湯、飲品及中西甜點…等， 涼拌及沙律吧有：羽衣甘藍、秋葵、栗米、車厘茄、紅菜頭、沙律菜、紅腰豆、酸辣蘿蔔、青瓜片、蓮藕、木耳、豆芽、薯仔沙律、麻醬凍豆腐、珊瑚草，旁邊有幾種醬，隨自己喜好添加炸物有：炸蕃薯片、春卷、粉絲餃子、蛋散、炸豆腐同腐皮卷，而且係不停咁補充，夠哂熱辣辣花生芽好特別，係超大版嘅芽菜普通芽菜係用綠豆泡浸發芽而成，而大豆芽菜就由黃豆浸發，花生芽自然係來自花生囉甜品都有幾款，綠豆沙、南瓜糖水、南瓜糕、涼粉、拔絲蕃薯、芝士撻等各種食物不停供應，侍應們都好落力，熱盆有時剩半盆就已經換新的飲品有茶、檸檬水、羅漢果、夏桑菊，下火又潤喉雪耳粟米湯好好飲秋葵和羽衣甘藍清新，珊瑚草健康養顏炸蕃薯片外邊炸得香脆，裡面又軟又甜。炸豆腐外脆內滑，好吃芝士撻好好味，係限量供

由於本人好想吃齋(新式嗰種),於是我上openrice睇下,點知俾我發現呢間嘢!於是我決定同朋友去試下(昨晚去了),竟然有意想不到的驚喜!吃物的款式很多,差不多全部都好好味(衹有兩款麻麻地),特別系涼伴超好味其餘炸物也超水準,其中包括炸豆腐,炸金菇,炸煎堆等等,另外甜品有芝士撻,這個也有驚喜,細細件味道剛好,不會太甜,另一之選系素pizza味道也好正價錢更是相當抵吃$120一位免加一,總括來講我很喜歡,一定會再光顧

依排興健康 素食餐廳/自助餐越黎越多無肉食依間野都出名咗一段時間之前都去過佐敦嗰間旺角依間就黎過幾次都大排長龍 今次醒目book定位先🤪晚市$120per head價錢都算公道食物款式都幾多最鍾意食雲耳 豆腐同菜😂 炸物個人覺得蛋散最正個甜品拔絲係gimmick 真係太甜啦... total好似拎咗三round野食環境常算乾淨 好多老人家幫襯😂我應該會再黎嘅但lunch黎食好似抵啲😂點都好 都平過以重量計錢嘅素食餐廳好多😂

無肉食好得意嘅名加好有趣嘅素食形式buffet原來都幾多人 好在喺openrice 訂咗枱佢係一開始收咗錢先嘅7點半入去 我哋食到接近10點走車厘茄嗰舊好食甜蕃薯都好得意 感覺唔似素食比較開胃釀瓜好食 好juicy茄子好特別 唔錯仲有咖喱薯仔 估唔到佢會出呢啲絕大部份食物都算唔錯嘅而且冇諗過會食到好飽啊😋不過飲品得幾種 而且都係熱嘅比較有養生feel哈哈好欣賞佢哋啲食物係會逐漸refill同埋係咁出新嘅嘢食到後段仲有甜品出 好搞笑真心覺得可以考慮下試下呢個新素食buffet星期日晚餐價148一位 唔駛加一都算幾抵食 而且位置都算方便食完最好執返啲餐具去收拾區啦同埋裡面仲有廁所 真係好周到

呢晚同家人黎呢度開餐. 全素食, 種類都算多, 當中炸物最受歡迎. 但坦白說, 我個人覺得今餐的食物水平真的很一般, 而且大多數都好油膩, 不是健康之選. 好吃的食物不算多, 所以雖然是任食, 但值得吃完再吃的東西, 真的沒有. 另外, 來吃要先訂座, walk-in冇機會, 但究竟我應唔應該再黎食好呢...炸物清得好快, 但亦好快refill.炒麵沒有味道, 太乾. 菜就非常油淋淋. 炒賴粉(忘了拍照)一樣沒有味道, 而且好淋. 芝士撻好受歡迎, 但我沒有試到近幾年流行以curly kale作為沙律, 但呢度d羽衣甘藍又大塊又硬, 好像未經處理過的, 所以有點難吃.

一個無聊的lunch time，幾個無聊的人行老遠去食一餐無肉食既自助餐，時間其實有點趕，但匆匆忙忙的也食到很滿足的一餐收費70/位，唔算貴，一入門口先俾錢，然後一人派一隻碟，再安排個位坐，就可以開始去搵食食物種類算多，有沙律有炸物有熱盤有湯有糖水，咁食法點會唔飽。真心欣賞各種熱盤，煮得好好味，好用心👍🏻呢盤係我第一盤既食物，由於無留意餸菜名，圖中左面黃色既係南瓜乜乜乜，好好味，隔離果堆竽頭乜乜乜都幾好食，另外中間果舊炸豆腐都唔錯，之後再攞野食時由於時間緊迫已經無影相。咁多食物其實一定夠飽，不過如果有少少甜品同水果就更加好啦！

講真，呢度啲野食就真係好健康嘅，好多蔬菜同豆製品，整得都ok好味，個salad bar都好大好多選揀。但唯一覺得普通左啲，冇咩邊度餸係覺得好好味，好深刻，建議佢如果諗幾度特別又好味嘅餸會更吸引。但係喺香港搵到一間價錢合理，又咁健康食物嘅餐廳係難得嘅！總結都幾好味😋會再來

咁多間素食自助餐 最鐘意都係呢間已經食過幾次 因為好多餸食 好多都好鐘意有時夜晚 佢會有個焗蕃茄 真係好好味 種有啲豆腐都好滑 好鐘意食佢個素朱古力蛋糕 唔甜 又好鬆軟 令人想一口接一口種有佢會好啲飲品 有涼茶 薑茶 種同糖水 糖水日日都唔同 但個綠豆沙好正 有埋海帶 起沙 100分有時會係喳咋好鐘意食佢個涼拌木耳 南瓜都好好味食完會好飽 但係其實都係膳食纖維 但始終都有啲炸野同油 而且午市都係$100以下 晚市就$120幾左右 好抵食不過要早啲去/book定位

第一篇食評！揀左素食buffet🤣。呢間無肉食有成3間分店，之前食過佐敦店，今次就去左係洗衣街既旺角店😆 去到先1點幾，樓下寫住2點先有位，又一於等下啦😌點9上到去已經開始入得，本身係75分鐘限時，店員表示可以食到3點半，坐就可以坐到4點，唔，可以慢慢食咁幾好😝由於已經食完一輪，所以一開始有啲主食都未refill但係之後都有不停fill，咁都唔錯。 首先有一般大路既沙律吧，青瓜片、車厘茄、紅菜頭、粟米同沙律菜，仲有最愛既麻醬凍豆腐；佢炸物比較多，炸蕃薯片、春卷、粉絲餃子、脆麻花、炸豆腐同腐皮卷，而且係不停咁炸出黎fill，所以食落夠哂熱辣辣，當中最鐘意佢地個炸蕃薯片😝，薄薄一片外邊炸得香脆，上面仲灑上七味粉，裏面既蕃薯肉又甜又綿😂 主菜款式唔算好多，有糯米飯、炒麵、炒腸粉、翠玉瓜、芋頭糕、蘿蔔糕、芋頭煲、數款炒菜、蕃茄素雞、炒西蘭花等，味道亦OK，唔係好清淡果種🤣都有湯同糖水(當日係喳咋)，甜品係馬豆糕、綠豆糕同涼粉，糕類食落唔係好滑溜，叫不過不失而已😂。咁樣食法其實食左一陣都有啲飽啦，好滿足😜

今日去了一間是叫無肉食放題素菜，因為有很多地方也有不同的素菜推介，不過大家一定要試吓旺角這間素食放題，價錢和食物質素是平靚正，所以要求不高有想食素食物這間是最好選擇。