無肉食 (洗衣街)

营业中

休息中

朋友話呢間黃店食素，款式多，新鮮，有蔬菜類，好多種蔬菜，西蘭花，菜心，通菜，一大堆菇菌，而沙律bar有川辣皮蛋, 台灣醬油豆腐，雜果沙律，值得一提是雜果沙律整得好好食，唔似茶餐廳果d罐頭椰果沙律，總之好岩鍾意食沙律的人。炸物部就有數款炸蔬菜如南瓜，金針菇等，湯品兩種，一種糖水，飲品三款（非可樂果d），三款飲品都有特色，可惜的是甜品和水果款式就比較少。水果係西瓜同橙，但唔甜。總之，味道賣相同餐廳外觀都上佳之作。

無肉食之午餐，估下幾錢？本來今日想食石磨腸粉，點知無開🥺好想食清啲，openrice 搵竟然見到間齋鋪，仲外賣有折。$55點知原來用Alipay俾錢，再額外有折，最後扣哂所有$30你冇睇錯，係$30。我好欣賞自己嘅慳錢能力😂😂😂講返嘢食，叫咗個套餐🍲欖菜麵筋炒茄子我唔知點解佢可以做到咁似肉！我真係覺得自己食緊豬腩肉片😂，要好細味咀嚼先會食得出有輕微嘅大豆干味。同埋佢個芡汁都好出色，有啲似蠔油整出嚟嘅醬汁？🍆茄子方面完全冇得輸，完全係紫色嘅皮。茄子好難整得靚，好多時如果你唔識整會變咗黑色皮。🍚自動幫我配紅糙米飯，覺得好健康😋仲有個小食，好耐冇食過蓮藕，特登揀個涼拌蓮藕，超級清爽同埋脆口，同埋唔辣🤘🏻跟餐有湯飲，呢個湯簡直係出神入化！唔係味精湯，本來對呢啲湯完全冇乜期望！但係我飲落去係飲到靈芝味道！？有少少藥材嘅味，但唔會苦。總之飲完好舒服，有一種回甘嘅感覺。就算之後正價$55，我都會繼續食，健康有益，份量又多！不得了

下午茶自助餐 $60/1人炸物唔錯，腐皮卷春卷既味道都幾好，皮脆餡料夠味。豆製品豆味濃，蕃薯甜。蘿蔔糕，蘿蔔大大粒，清甜。冷盤，芽菜同雲耳，麻辣味重。菜味道正常，新鮮，豆角炒得香口。薯仔好味。有湯有粥有紅米飯，飲品有水同羅漢果。另外有沙律吧！銀針粉偏硬左，炒飯味道有d淡。📍2點半至4點下午茶，但3點後食物唔會再補充，所以有d野食會無晒。📍3點9左右落場清場。📍菜式唔係要扮肉，真非肉類菜式。📍每次既菜式都會有少少唔同。

晚餐時段$120 免加一🤩放題黎講真係好抵🥰性價比仲要好高呢～仲要係良心企業💛💛💛基本鹹點、甜點、沙律、前菜、湯、飲品全齊👌🏻有時食肉食到濟，過黎食下齋清下腸胃都唔錯啊～

同朋友黎食過2次~午市&晚市都食過午市就70-80，食75mins晚市就貴少少🙈但可以食90mins~無肉食係以自助餐形式就餐😍所有菜式都係齋🤭唔會有任何肉類好適合素食者！佢地d餸時不時會有人refill同有staff去整理🙈唔會有冇曬餸或者d餸比客人夾到亂曬嘅情況👍🏻

好多女仔朋友鐘意久唔久食一餐素雖然我係肉食主義者但都比佢地說服左，試左次食素呢間無肉食睇住佢一間間分店咁愈開愈多以素食為主題既自助餐好便宜既價錢就有冷盤、熱盤、湯品及甜品等，一應俱全因為我地入座時間有Ｄ晏，最後超時都冇趕我地走要左少少冷盤蔬菜爽甜涼拌雲耳口感好爽脆，微辣入味，還有少少醋酸熱盤就覺得有Ｄ油膩同硬甜品最正係有芝士撻，可惜極搶手，全晚食得一舊雖無流心效果，但依然好滑唯有食多Ｄ水果，平衡一下水果選擇都幾多，而且幾新鮮多汁最後記得要自己拎用完既餐具去回收處

食物種類唔算多，以素食為主題算係一般可接受，嗰種諗唔到食乜，無要求嘅時候可以一試，但係期望唔可以高。咖哩係一般茶餐廳偏淡唔辣嘅港式咖哩，啲燉蛋、菜都煲到煮到真係有啲老。。。 炸物雖然有個蓋有盞燈照住，但都係林、似係放左好耐咁。啲飲品，利賓納加左好多好多水沖到好淡，洛神花茶又整到好甜咁。。。炒飯正常、生菜包個涵係最好食，平價素食自助餐... 如果有4個人，我會選擇去一間素食餐廳點8個餸加甜品，點都平過好食過呢個自助餐。

🌸#girlsfoodies旺角#girlsfoodies素食 🌸​【💛 黃店 #GF_List 】​🉑 ：外賣自取 | 網上外賣平台 | 網上外賣平台 ​⭐評分: 8/10​——————————————————​素食係香港市場唔算大，係疫情下一眾素食店就更需要大家支持，外賣3餸飯送糖水都只係38蚊，選擇困難嘅比50蚊就可以自己裝滿個兜佢，自攜餐盒仲可以裝多啲糖水走🤤​—————————————————— ​▪️$50 任選飯盒 送湯或糖水 ( 晚市 + $10) ​​小pin夜晚食完一次，第二日晏就即刻又encore試埋其他餸🤣​​第一次：炸物同蛋白質揀咗肉燥茄子、泰式肉碎豆角、炸杏胞菇、尖椒皮蛋～蔬菜揀咗薯仔沙律、炒雙色花、醃蘿蔔、青瓜、雲耳、紅菜頭、烤南瓜同羽衣甘藍。想影落去靚啲臨尾又塞多粒車厘子😂 ​​我會話所有嘢都好好食，尤其係超開胃嘅蘿蔔同麻辣雲耳，仲有蛋黃超creamy嘅皮蛋！泰式肉碎係用豆腐整，食落真係超似肉碎粒嘅質感🥰​​第二次：今次試埋椒鹽豆腐，外脆內嫩勁正！炸腐竹卷不過不失，仲夾咗勁多腐竹，豆乾同硬豆腐，雖然呢啲全部都係家常餸菜，但食到咁多豆製品好鬼幸福🤪​​糖水試

呢間無肉食早前告急過😣，旺角、佐敦、中環、北角，荃灣都有分店，主打素食自助餐🥗～ 睇某社交平台因為疫情關係🦠，而家只有旺角店做緊buffet，其他店都變成套餐加semi-buffet😷 最近仲做緊限時優惠💰.Lunch🥙 Mon- Fri 11:30- 15:30 原價$70 而家$58💰Sat Sun public holiday 原價$80 而家$68💰.Dinner🥘Mon- Fri 6-10pm 原價$120 而家$108💰Sat Sun public holiday 原價$140 而家$128💰/我去食時都已經2:30pm😂 但係舖頭都不停換新菜式，仲會fill食物😦 覺得餐廳好有誠意🥺 舖頭食物種類唔算好多😗 但應有嘅都有齊😎～ 有前菜沙律🥗、涼拌菜小食、有幾款炒菜、唔同炸物同炒飯麵等等～/🍤首推炸腐皮卷同炒菜🥬腐皮卷炸得好鬆脆🥟 入面有椰菜、木耳、紅蘿蔔等幾款好爽脆嘅餡🤓 好過癮😌 炒菜食得出啲菜好嫩😙，而且有鑊氣🤪 平時都唔覺自己咁鍾意食菜嘅🥦/🥤飲品佢有羅漢果水、檸檬水同薑茶，薑茶係冇加糖的，偏淡😗 甜品有雪梨燉雪耳，勁足料😱 龍眼肉南北杏雪耳乜都有齊😱 大滿足呀🥗🥦

呢日終於有時間黎試食無肉食 黎左最就腳ge旺角分店 大廈出面Ge裝飾好靚,有啲草咁,好襯素食呢個主題餐廳好細心,入口位有枱仔放左酒精搓手液同保鮮袋,方便客人存放口罩因為今日要買野搞到夜左,夜晚八點半先到,但職員都好好無打發我走提醒我廚房師傅收左爐唔會再有新食物出,仲比我行個圈睇下剩返ge野食份量同種類o唔ok先決定入唔入座,睇完見到都仲係覺得好吸引,決定食!拎隻碟行一圈,夾左唔同種類ge野,有蛋糕紅豆糕炸豆腐炒菜.............全部都係我鐘意ge食物,味道真係無得頂,本來唔想食炸野因為驚會好口乾,點知見到炸得好靚,一而再再而三咁夾左好多炸野最好味係炸腐皮卷,外皮超薄,炸得好脆,但唔會介損口蛋糕仔都超好食,好鬆軟唔太甜,仲食左好多野無影相,因為驚阻到職員收工,快快口咁一個鐘內食左好多野,好開心下次早啲黎啦一定要!!

星期六放工同事提議去 素食自助餐，即刻好有興趣！素食餐廳就去過，自助餐唔知係點既呢？就喺呢度！ 『週末午市$80 』入到去要先付款，員工帶位後就可以出去夾食物！食物自助區不大，一眼睇曬👀 近門口位置有沙律、炸物、涼拌小食⋯⋯雲耳好爽口，推介！炸物區有我鐘意食的炸饅頭和馬拉糕！而同事就偏愛炸春卷！熟食以蔬菜類居多(印象中無素肉類)另有白粥，湯水，炒米粉、銀針粉等等⋯並且會不停轉款，當日炒米粉無曬後就轉左炒飯！呢個做法幾好，客人可以食到不同款式的食物！ 臨走時有糕點和炸蛋散出爐，熱辣辣，面層沾滿糖漿，好似食緊又甜又脆卜卜的炸雲吞皮，好食 ！熱飲分別有薑茶、有機紅茶、牛油果籽茶。我擇左牛油果籽茶，味道不苦不酸，之前睇過篇文章話牛油果籽纖維豐富，可以幫助腸道暢通，好多女仔用來減肥，飲多兩杯先食左兩round 已經飽曬！糖水有紅豆沙，紅豆量多但有點稀，味道不算濃郁！食完後要自行將用過的餐具和垃圾分類，所以呢度係免收加一，大家都非常自律。整體來說，味道中規中矩，始終款式簡單，不會太大驚喜，食起來感覺健康！只略嫌食物選擇較少，但$80可以吃到飽不會要求太高！

近年素食開始普及，喱個會係大趨勢📈素食菜色、素食餐廳大家可能都會食過但係素食放題大家又食過未呢💁🏻‍♀️今次就介紹一間係旺角嘅#無肉食 先喇係九龍區，相對比較方便佢嘅菜色以中式為主，荷葉飯、炒銀針粉...佢都有d壽司、炸物、冷盤沙律區、甜品、糖水-炸物中較為出色嘅係一樣好似咕嚕肉嘅嘢，佢外皮甜甜地、帶少少辣，special嘅位係，原來佢係一塊椰菜花嘅架～超好味呀😋-甜食中較為出色嘅一定係拔絲地瓜😋👍🏻-款式多、味道又唔錯，想開始接觸素食嘅朋友不妨去試試喇😋👍🏻

呢排年尾食太多！ 同朋友都覺得要食素就卜左無肉食卜左7:30 我地遲到 8點先入。但係原本既限時 變左可以坐到10點關門超好 。無記錯係$140 任食素食店我食過兩間 呢間其實算少左dd選擇 味道都唔差 。 有中湯 有幾款飲品 好飲洛神花茶、山渣茶等。但勝在地方舒服 又易搵會再幫襯

講起素食buffet，之前試過 「走肉朋友」同尖沙咀「每日」，依間係本人第3間。香港唔係好流行素食，形住人流唔會好多，就無book到位。結果星期五晚黎到，人龍已經塞滿曬整個lift口，非常誇張。最後留低電話、喺附近行下街，等左一個鐘左右先入到座呢所以強烈建議大家要book位！一入到去，見到野食琳瑯滿目。最吸睛既就係果一大堆炸物！食過咁多次素食，當然都知道素食唔等於清淡同健康，可以好邪惡好高卡路里。鐘意邪惡美食既我理所當然夾左一大堆炸物好多時buffet供應既炸物都會淋曬，但估唔到佢地啲炸物係新鮮熱辣供應咖，食果時仲係脆口。無論係煎堆炸、炸金菇定炸雲吞，全部都炸得唔錯！已經feel到陣熱氣哈哈好華麗、成座山咁靚既拔絲蕃薯。而且唔係得個樣咖，黏韌既糖漿包裹住軟綿既蕃薯，超好食。佢地仲有一啲凍食、沙律同糖水，食物款式非常多，而且質素都唔錯。反而係熱葷我覺得較普通，而且整得太油膩，個人就寧願留返啲「油」既quota去食炸野XD至於全場最好食，我覺得係依熱辣辣流心芝士撻 記得要趁佢岩岩拎出黎果刻就夾黎食！咬落會爆漿流心！睇幅圖都知我encore左勁多次食完成餐，發覺都食左幾多熱氣野落肚，好似好唔

早幾日食得太多肉和零食啦....於是朋友提意今晚食齊....對於平時食肉多過食菜既我,真係覺得無啖好食....但又想清下腸胃減下肥.首嘗了<<無肉食>>, 完全唔洗等位.由於係星期日, 價錢$140/位, 一開始收左錢先,跟住就可以大開食界開胃前菜:至愛黑木耳,酸酸辣辣, 仲有值得一試既係豆腐相當滑藜麥牛油果相當重本,但味道較清淡熟食:好多煮熟左既菜都係重覆果D款, 比較普通, 重口味D, 多油...推介個壽司, 味道不錯炸物:不錯, 可以一試甜品:渣咋, 番薯糖水味道都唔錯仲有薑醋蛋整體黎講, 味道相當唔錯, 當中我最中意食前菜,不斷encore.