無肉食 (洗衣街)

营业中

休息中

我生日老公請我食呢間素食自助餐，一入到去就好興奮，因為有好多款式食物，都是我喜歡食的，有好好味的炸春捲，炸到啱啱好，一啲都唔油膩，有好多蔬菜熟食，味道啱啱好，因為我平時都注重健康，唔會食得太鹹，嗰度有我最鍾意食嘅蘿蔔糕馬蹄糕芋頭糕，好軟熟入口即溶，仲有好多我鍾意食嘅冷盤同生果，佢的冷盤豆腐好滑好香好有豆腐嘅味道，一邊傾計一邊食野，超級正呀，好似返左屋企家的感覺，我會再搵埋朋友去食多幾次，值得推薦的相聚好地方。

平時成日食肉..食到有d悶，今次試下素食buffet之前都食過一次，印象幾好，決定再食平日晚上$120位吾算太貴😋環境都寬敞，不過需要塔枱😣時間都幾長6pm-10pm 慢慢食都會食到超飽有湯有野飲有糖水，小食，沙律，水果🤤都算好多款，每次食完一輪再出去睇，都會有新款色，搞到都勁想試埋，勁飽😶平時屋企好少煮咁多款菜，岩哂d素食/愛菜之人🥰水果都有幾款 火龍果 蜜瓜 西瓜， 好鮮甜😋😋最鐘意食地瓜圓🤣有機會會再食😍記得食完要自己執餐具

宜家越黎越多人食素除左對身體好d,都對地球好d我都係抱住呢個諗法每星期都會搵餐食下素今日跟家人一齊去左位於旺角呢間 無肉食餐廳位置容易搵到本身無book位星期六大概12點去到（間餐廳開1130）都仲有位， 不過見到好多留左座建議可以先book位入座前先收錢假日午餐每人$80，平日$70午餐可以食75分鐘拎個位隻碟就可以出去拎野食啦初初睇食評見到話食物唔夠熱本來都對此有d擔心但未知係咪假日人多關係D野食清得快，換得快，好多野食都新鮮熱辣而且好多時新換既款式已經唔係之前個款，不停有新野試有涼菜、沙津、炸物、粥粉麵飯、不同煮法既熱菜（有南瓜、冬瓜、翠玉瓜、小白菜、豆角、菜心、菠菜等太多不能盡錄）、煎鹹甜糕點、凍糕、湯水、糖水、羅漢果水、檸檬水、西瓜水果等款式十分之多！其中我最鍾意食嘅係凍豆腐，蕃茄炒蛋同春卷普遍覺得全部都幾好食呢間餐廳收碟都係自助形式食完收完就走得啦素食自助餐黎講呢間款式好多，推薦！

是日hea到旺角 下午茶食素～平日下午茶時段 人少少 2:30準時入 慢慢食環境： 座位舒適 樓底高 呢個價錢真係攞滿分💯 入門口先俾錢 收銀小姐會俾隻碟你 跟住自己搵位自己搵食 （好多識途老馬 2:15到 已經有10個人係我前面 等緊2:30入座 ）————食物： 冷熱盤都有👍🏻重點係- 冇扮肉！ 冇一大堆醬汁 鮮艷色素 超味精嘅扮肉類素食👍🏻👍🏻 沙律小食 煎炸香口小食 炒飯炒麵 應有盡有 羅漢果茶 菜乾素湯 糖水都有兩款～ 味道都唔錯 每樣菜式都有心機煮 唔會單一同一隻味 熱盤都唔會過熟 啲菜唔會軟淋淋 （唯一美中不足係 可能下午茶平啲啦 食物枱只係refill咗一兩次 有啲炸小食 餃子 喳咋 手快有 手慢冇 但呢個價錢 真係冇乜要求啦）————其他：如果門口大隻收銀姐姐 好似正常食肆嘅伙記咁 俾多幾錢基本禮貌 識得講唔該同請 管理下門口排隊嘅秩序 唔好淨係掛住玩電話 同呼喝門口啲客就更好啦 啲客係上嚟開心食嘢 唔係嚟俾人黑口黑面 餵食貓面㗎

今日和一個食素的朋友食當然都是找素菜店，今次因為星期六所以每位貴少少$140，在門口付款後，入到去六點不太多人，可以舒服地拿東西，食物方面選擇都有前菜，熱食，粥，糖水，飲品二款，炸食物同生果，食物味道大多都正常不太差但不夠熱度就有點失望，炒麵之類就煮得太淋身，飲品味道淡，菜煮得不錯夠味，炸物好味，饅頭，春卷都新鮮，仲有芝士撻好味又香口，細細粒食幾件不過份，生果幾款都新鮮，前菜有辣不辣都幾開胃，豆腐有肉鬆同紫菜幾清又飽肚。糖水不太甜都可以，到差不多七點已十分多人，就覺有點迫沒有再食，之後食完自已放好餐具就可走人。

港人愈泥愈注重健康 愈泥愈多人開始食素食💗 今次就同朋友一齊去試下時下其中一間熱門自助素食餐廳無肉食☺️.晚市 HKD118；不專業評級：5/10雖然話90分鐘用餐時間 但可能因為我地係Last Round 所以過左鐘都比我地坐係度吹水🤪 坦白講 服務麻麻 食物麻麻 值得Encore既只有半熟芝士撻 拔絲番薯🍠同埋永遠無得輸既炸饅頭🤤.真心有啲小失望 食物選項雖然唔少 但質素普通 無乜野特別出色😔 希望只係因為期望過高導致小失望

帶朋友一試 我好喜歡既無肉食約係旺角依間分店我覺得佢比炮台山既分店好似仲多選擇 同服務都好d 侍應叔叔好殷勤服務 佢比炮台山多左生果沙律 同埋果仁同埋茄子 （好味！推介！）佢既生果選擇都比炮台山既多 依個佢既signature 都做得好又有賣相炸物種類都比炮台山多佢又有壽司 又有炸粟米（又一推薦）佢仲有南瓜 仲有扮炸雞添點解炮台山無既 我既第一盤 我都食左少少先記得影對我鍾意食菜既人黎講 依度絕對係天堂佢個生菜包好味！各式冷盤都好味壽司更係我一夾再夾既我既第2盤 個腐皮卷都好味我之後仲有逐第3盤架！又係飽到個肚就爆咁走會絕對番依間食!

見OpenRice 負評也算多，但真的想試吃素，所以選擇了這餐廳。食物太普通，行爆，不要有其望，120元已經算貴，質數似普通職員餐廳，但求無過食飽就算沒有特色食物。坐位安排欠住。

上完堂同同事們一齊黎食素🥬有人推介又試下啦😉喺門口就見到佢地有野賣👇呢個油又幾特別喎仲有素粽賣tim喎👍 炸物👇雲吞，春卷，腐皮卷，豆腐等等沙律當然唔少得😏炒粉麵飯一應俱全😂 熟食瓜瓜菜菜唔少得😙 白飯白粥，湯，檸檬水，茶，羅漢果水都有仲有紅豆沙👍 我食左2碟就收檔😂 最鍾意食滑豆腐😍蘿蔔糕都好好味整體選擇都多，飲品種類亦多價錢合理，我地1點半到話可以食到4點😂當然我地食唔到咁耐啦😂

預約晚上8點，7點50分到達，7點58分已可入座。服務員態度也很好。食物方面，其實種類不多，但每樣吃一到兩件，已經足夠飽。食物大概可分為以下幾類:蔬菜類 - 有許多種類，西蘭花、椰菜花、南瓜、菜心、生菜、茄子、娃娃菜等，總有合適的口味，但要改善的地方是部分菜有苦味飯麵類 - 有粥、飯、粽、炒麵、湯等，點心類 - 蘿蔔糕、馬蹄糕、芋頭糕，味道不錯炸物類 - 選擇算豐富，有炸曼頭、炸金菇、炸南瓜、蛋散、燒粟米，素卷等，另外較特別的是花生芽，吃的時候有陣陣花生醬味。不過部分炸物放久了，不熱不脆。飯後類 - 甜品不多，有(拔絲薯丸?)、芝士撻等，好味。另外亦有少量生果及沙律。糖水有紅豆沙及紫米露，正常味道。飲品類 - 熱檸水、羅漢果茶、五花茶

現代人愈來愈注重健康，除左呢家有啲「新豬肉」係楂物性蛋白造既素肉外，都愈來愈多素食餐廳。今次就一於試下素食自助餐啦！餐廳名「無肉食」已經好明顯講出呢間係素食餐廳。店舖既樓底勁高，唔會好壓迫，而且因為我地2點後先去，所以客人都唔算好多，坐落都好舒服👍🏻自助餐野食方面有冷盤、熱食、中湯、中式糖水都有，雖然款式唔算太多，但樣樣試少少已經飽左8成啦🤤野食味道方面，大致上都幾好食，唔會太油太咸，不過都有唔少款係炸既小食，如果將炸既野食換成多幾款既熱食咁就更加健康喇👍🏻

上星期食左餐幾好食既素食餐廳, 今個星期想試下第二間, 上網睇有pizza, 芝士撻, 壽司, 生煎包, 點知黎到咩都冇!!!!🤷🏻‍♀️🤷🏻‍♀️🤷🏻‍♀️星期日下午價錢$80一位, 算平但係食既野好似垃圾咁, 食材零質素, 好冇誠意!😡😡😡我覺得冇心搞唔好搞素食餐廳, 難食到嘔🤮🤮🤮原本開始對素食有興趣, 變左有陰影👎🏻唔會再有下次🤦🏻‍♀️🤦🏻‍♀️🤦🏻‍♀️🤦🏻‍♀️10分滿分我比1分, 唔使錢都唔會去食🙅🏻‍♀️

今日同老婆慶生，想食得健康清淡些，係本apps睇到無肉食好評幾多，於是抱著一試心態走去試試，六點半到埗時可能尚早人客唔多，入場先付款兩人合計二百四十元，免加一服務費，九十分鐘任飲任食。一張大隋圆形食品枱放晒所有食物，飲品有檸檬水，羅漢果水，祛濕茶，炸物有春卷，雲呑，南瓜等等，有一款拔絲炸物，冇硏究名堂但幾甜幾得意，素菜有一般時菜，另有炒飯粉面人什錦素菜等等一般菜色，比較沙律吧居然有呢期幾hit嘅羽衣甘藍，好新鮮，特色必食係迷你芝士撻，不甜且芝士美香濃。餐廳環境格局似工廠食堂，硬背椅木櫈唔舒適，零servive 全程真正自助形式，食完啲碗碟自己攞去分類回收箱，冇人清潔枱面，所以唔收服務費係合理，以咁嘅價錢咁嘅服務，九十分鐘食得幾倉促，後來七點半開始人多爆枱，我地要食到八點，但七點四十五已有服務員催鐘，感覺令人不安，總体而言有點名大於實，中規中矩而已，個人認為只值一百蚊。

朋友生日友竟然選擇食素，可以清清腸胃又健康，都幾好。 上網找到無肉食，旺角地點適中， 大家都方便。 仲可以經「開飯」訂位。上到去已經好多人上排隊付款，收銀機旁有些素食產品賣。入坐之前要先在收銀處付錢， 才可以入去才內。星期日自助晚餐$140，限時90分鐘。因為已經好多人，入場後，先找位子坐下，然後才出去拿東西吃。 繞場一周，看到好多選擇，有沙律菜、醃菜、涼拌、 熱菜、煎炸食品、水果、 湯、飲品及中西甜點…等。 涼拌及沙律吧有：羽衣甘藍、秋葵、栗米、車厘茄、紅菜頭、沙律菜、紅腰豆、酸辣蘿蔔、青瓜片、蓮藕、木耳、豆芽、薯仔沙律、麻醬凍豆腐、珊瑚草，旁邊有幾種醬汁可供選擇。炸物有：煎堆、春卷、炸蕃薯片、餃子、 蛋散、炸花生芽、炸豆腐....， 新鮮熱辣辣。花生芽係超大版嘅芽菜，芽菜係用綠豆泡浸發芽而成，花生芽自然係來自花生囉。甜品都有綠豆沙、南瓜糖水、 南瓜糕、涼粉、拔絲蕃薯、芝士撻等。侍應們不停補充各種食物， 熱盆有時剩半盆就已經換新的。飲品有下火又潤喉的羅漢果、 夏桑菊茶、檸檬水和茶。是日靚湯是雪耳粟米湯，好好飲。秋葵和羽衣甘藍好新鮮， 珊瑚草又稱海燕窩，健康又養顏。食物選擇多又好味，每

在旺區地點適中。中午自助餐都有很多款式，炸物，沙律，熱炒，甜品林林總總，美味而且不停添加，但像飯堂一般的店舖環境普通，沒有特別裝修，就是枱，櫈，中間一張放食物的長枱而己，並且要搭枱，樓面設計會因人多時聲音很嘈吵。求環境只要好味的素食，是值得一試的。