無肉食 (洗衣街)

营业中

休息中

今日同老婆慶生，想食得健康清淡些，係本apps睇到無肉食好評幾多，於是抱著一試心態走去試試，六點半到埗時可能尚早人客唔多，入場先付款兩人合計二百四十元，免加一服務費，九十分鐘任飲任食。一張大隋圆形食品枱放晒所有食物，飲品有檸檬水，羅漢果水，祛濕茶，炸物有春卷，雲呑，南瓜等等，有一款拔絲炸物，冇硏究名堂但幾甜幾得意，素菜有一般時菜，另有炒飯粉面人什錦素菜等等一般菜色，比較沙律吧居然有呢期幾hit嘅羽衣甘藍，好新鮮，特色必食係迷你芝士撻，不甜且芝士美香濃。餐廳環境格局似工廠食堂，硬背椅木櫈唔舒適，零servive 全程真正自助形式，食完啲碗碟自己攞去分類回收箱，冇人清潔枱面，所以唔收服務費係合理，以咁嘅價錢咁嘅服務，九十分鐘食得幾倉促，後來七點半開始人多爆枱，我地要食到八點，但七點四十五已有服務員催鐘，感覺令人不安，總体而言有點名大於實，中規中矩而已，個人認為只值一百蚊。