無敵家

营业中

休息中

同朋友喺上環放咗工，一齊過嚟食飯，無敵家已經開業好多年，有一定質素好保證餐廳好寬敞，有兩層樓，裝修好有日本風格，牆身貼滿左日本懷舊風格海報，好有感覺✨明太子玉子燒 $88玉子燒蛋味好重，甜甜地加味淋一齊整，玉子嘅質地好滑，裡面仲有好濃郁嘅明太子，係必點推介✨蟹籽沙律$78份量嚟到都非常澎湃，青瓜面佈滿蟹籽，蟹柳絲，青瓜非常爽脆清甜✨自家製免治雞肉軟骨棒$58雞肉裡面有粒粒雞軟骨，雞肉串燒到每邊金黃色，配合埋橙黃色嘅蛋黃一齊食，好creamy✨厚切牛舌$58牛舌有三片，非常之厚身，裡面一啲根位都無，十分爽口✨豚肉荔枝卷$38估唔到荔枝加豚肉個口感係咁清新，荔枝嘅酸酸甜甜，可以解到豚肉嘅油脂感，食落無咁重罪惡感✨芝士年糕$25芝士味好濃，年糕好煙靭，紫菜包住年糕一齊食好夾✨炸雞軟骨$58超鍾意食雞軟骨嘅口感，粉漿整得好薄，但炸得好香脆，配埋BB沙律醬一齊食一流✨胡麻雞絲冷麵$88冷麵上邊有雞絲，蕃茄，粟米🌽，蟹柳絲，青瓜，配菜非常豐富，冷面質感爽口彈牙，加上胡麻汁一齊食，酸酸甜甜好適合夏天

🍴厚炸豆腐 48 蚊🔥豆腐皮好夠厚帶 d軟林 入面好香滑 個汁類似有 d味噌 4 舊豆腐4 個調味 有薑 蘿蔔溶 葱花 同木魚 🍴黑松露三文魚炒飯88 蚊🐟🍚三文魚炒飯三文魚粒多 仲有 juicy既魚子 黑松露味香 飯粒炒得夠乾身 加 d葱花調味 夠鑊氣 飯粒吸哂魚香味 正🍴免治雞肉地獄辛辣豚骨湯拉麵 88 蚊🐥🐷湯底帶 d香咸同香辣豚肉味香 粟米想耳連埋爽口既拉麵 加上 切成碎粒既雞肉🐥好有口感 正🍴安格斯頂級牛小排198 蚊🐂牛肉5 成熟 好軟林 juicy牛味濃 加 d蒜片 或加檸檬汁或芥辣都好食🍴燒日本餃子 48 蚊🥟日本餃子煎得好香脆 餃皮彈牙 入面有香甜椰菜同 juicy豬肉 唔錯🐽#餃子 #日本菜 #炸豆腐 #牛小排 #拉麵 Score 平均分< 7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~無敵家上環孖沙街9 號地下~~~~~~~~~~~~

一直聽朋友推介呢間喺上環嘅日式居酒屋無敵家，今次終於有機會試下！餐廳一入到去店員熱情招待，格局同燈光完全係居酒屋風格🏮餐廳好大有兩層👍🏻上菜速度因為係即叫即整，所以唔會一次過上晒，啱晒慢慢同朋友一路食一路吹水🥰明太子玉子燒 $88玉子入邊有好明太子😍 咬落有明太子嘅鹹香之外，亦都有幾濃嘅蛋香味👍🏻鍾意食明太子嘅人唔好錯過～炸雞軟骨 $58 炸雞軟骨都幾大粒，趁熱食好好味，配埋沙律醬係絕配～燒原隻北海道魷魚🦑 $138北海道魷魚同燒汁嘅配搭冇得輸😋魷魚冇腥味，咬落爽口得來唔會好韌，大人細路都啱食👍🏻安格斯頂級牛小排 $198牛小排我哋叫咗七成熟，上菜個刻幫你切埋👍🏻咬落充滿肉香同肉汁，同朋友share完都唔夠喉啊😛黑松露三文魚炒飯 $88炒飯份量好多😍而且炒得粒粒分明，每食一啖都有黑松露香味，又有三文魚同三文魚籽嘅鹹香，呢個配搭真係一流，推介！

今日放假同屋企人慶祝食母親節飯就試吓居酒屋，地鐵站一出行兩分鐘就到超方便。一入門口店員就主動帶我們坐樓上，可能時間尚早，店員立即開冷氣招呼我們，非常貼心😊😊首先望住個餐牌，啲串燒都幾吸引😛叫左三串，有厚切牛舌、雞軟骨、生蠔煙肉卷。雞軟骨冇乜特別，厚切牛舌味道好嫩身，唔會燒到過火喉，咬落多汁，加埋七味粉就好惹味！生蠔煙肉卷個名都比較特別，一咬入口個生蠔超juicy鮮甜，外面包住煙肉，唔會硬得滯，好好味😋😋之後再叫左一個茄子田樂燒，一諗起燒茄子就只會食好多蒜鋪係茄子上面，今日就食咗個日式茄子，佢用左面豉醬去煮制，茄子又夠林，又有少少肉醬，味道獨特清甜。再叫左個鐵板牛柳粒，牛柳粒唔會太硬，好有穫氣。主食只叫左胡麻雞絲冷面，佢個面好彈牙，所有配菜清甜，加埋胡麻醬就絕配😋😋😋最後我同家人都喜愛食魚，所以必叫西京銀鱈魚，個魚皮燒到脆卜卜，唔會有苦味，個魚再配搭埋他他醬，簡直完美😋😋家人都好滿意今次我為她安排的母親節飯。下次都會再約三五知己一齊去食😌😌

好有feel 嘅餐廳！！ 餐廳有兩層。上樓梯個陣見到一列嘅梅酒仲有d 酒杯擺到好靚餐廳內嘅裝修都好有日本懷舊feel坐得幾舒服寬落依個海蜇唔係平時食開嗰啲味，而係梅酒漬的。老闆話佢用嘅梅酒就係樓梯嗰一排梅酒，味道特別之餘又勁好食，我覺得不妨一試豚肉荔枝卷，荔枝令到豚肉少咗油膩嘅感覺，識落微甜，感覺更清爽右邊嘅係日本白果，朋友話好味芝士留心蛋大啡菇，爆汁之選。而且個芝士係燒過嘅，好香，更加吸引燒三文魚腩，本身以為係一大舊魚腩嗰種，仲驚食完之後個口會好油。點知上到嚟嘅時候試咗下真係幾唔錯。首先佢嘅青檸已經去咗核，我覺得好細心加咗青檸汁嘅燒三文魚腩外表脆脆地，入邊有油脂嘅香味。其實唔特別提佢係魚腩，我都唔會覺得自己係食緊腩嘅部位（因為我平時唔鐘意食腩🙈 下次黎我都會再叫e 個我哋本身仲叫咗個燒魚 但老闆好好人咁話今日d 貨唔夠靚，建議我地揀其他醬油燒飯團，兩件嘅份量，一人一個啱啱好。佢個紫菜仲係脆脆地嘅，飯團出邊都係焦香焦香，飽肚之餘，又唔會令你食唔落其他嘢燒鮑魚望落唔係特別大件，但係好有厚度，而且食落仲好入味，唔會太鹹，幾鍾意雞泡魚乾，飯後傾偈必叫之選，飲住茶或者嘆住酒都好正

今日朋友黎上環做野，我一於帶佢去上環嘅居酒屋食野😃呢間居酒屋好多類型嘅野食都有，幾岩同幾個朋友黎食野吹水🥗蟹子沙律平時去食日本野最鍾意食蟹子沙律😋蟹子脆卜卜如果可以整凍少少仲正🤭🍢厚燒牛舌串店員果然無推介錯! 牛舌好好食，燒到好嫩好爽口🫡🍢雞軟骨串唔會燒到太乾，加少少鹽已經好好味🍢自家製免治雞肉軟骨棒去居酒屋最鍾意食嘅串燒之一😎雞肉棒加埋軟骨口感好好燒汁甜甜咸咸，再加埋蛋汁嘅香同滑😙完美嘅配搭！🍢厚切黑豚腩肉串🍡串燒日本年糕年糕燒到個面乾身，但入面都仍然有年糕嘅口感☺️好軟糯好香米味🍜地獄辛辣豚骨湯拉麵好欣賞個湯底！一入口唔算十分辣，但會慢慢累積，好過癮😆同朋友都好鍾意食辣覺得好正拉麵不過不失，都有啲彈牙🍙燒明太子飯團燒到岩岩好，面頭有啲焦脆但又唔會過分明太子更加提升左鹹辣味🤭加埋紫菜食perfect!🍚黑松露三文魚炒飯睇圖細細碗點知黎到都唔細，果然抵食炒飯幾乾身粒粒分明👍🏻黑松露唔算太搶味，連埋三文魚籽一齊食岩岩好

放工後同朋友好想食日本野，行下行下來到中上環呢間<無敵家>日式居酒屋，單看門面已經充滿日式風味，彷如置身於日本的居酒屋一般，入去試下，果然充滿驚喜!~餐廳有兩層，我哋被安排坐到樓上，座位夠寬敞，亦坐得舒適。先來一客炸雞塊，炸雞外皮炸得夠香脆，咬落去雞肉非常之嫩滑，而且仲充滿肉汁，味道惹味好食。個人極力推薦依個<豚肉荔枝卷>，豚肉烤得好香，帶有醬汁的味道，咬落去入面有脹卜卜大大粒嘅荔枝肉，荔枝肉充滿鮮甜清新嘅果肉汁，一鹹一甜嘅混合，非常清新好味。<明太子玉子燒>玉子燒由一層一層嘅蛋皮卷成，入面包住帶著微微鹹香嘅明太子，咬落去非常鬆軟，蛋香味濃，而且即叫即做，非常新鮮好食。<北海道魷魚>魷魚烤得非常香口，入口肉質亦帶有彈牙爽彈嘅感覺。<豬軟骨拉麵>豬軟骨炆得又軟又腍，咬落去肉質非常鬆化，軟骨位炆到好似啫喱狀一樣，而且仲非常入味。值得一讚嘅係，呢度拉麵嘅份量都幾多，都好大碗。<叉燒拉麵>呢道嘅日式叉燒烤得微微焦香，帶有醬油味道，而且肥瘦適中，拉麵嘅麵質亦非常彈牙，湯底清甜，非常好食，值得一試。整體

無敵家 上環孖沙街9號地下G/F, 9 Mercer Street, Sheung Wan屋企附近搵餐廳食飯, 今晚去了間未幫襯過叫"無敵家 “的日本餐廳, 居酒屋食串燒飲SAKE$45明太子燒飯團飯團燒到表面焦香帶脆呀，小時最愛吃飯焦了，飯團入面夾了滿滿明太子$88明太子玉子燒即叫即做，熱辣辣呢，日本卷蛋就是好吃。$58自家製免治雞肉軟骨棒，隻生雞蛋同醬油絕對不是配角，令到雞軟骨更滑多重蛋香。燒三文魚腩 $108肥美多魚油牛油果軟殼蟹沙律 $118 叫份salad ,有牛油果感覺健康。厚切黑豚腩肉 一串 $48 好有咬口同油脂香。生蠔煙肉卷 $48 有煙肉就有股鹹香。串燒種類多，美味

我好鍾意居酒屋，係因為我想食既都係齊到，拉麵呀、串燒定係丼飯全部都係我老友，你想送啤酒，得，串燒呀！你想送清酒，都得！都係串燒，所以話，居酒屋係咪無敵先！👇🏻📌主 食 -▪️ 叉 燒 豚 骨 湯 拉 麵 - $88▪️ 溫 泉 蛋 牛 肉 湯 烏 冬 - $98▫️ 先黎碗「叉燒豚骨湯拉麵」，麵條屬粗身，食落非常有咬口，豚骨湯底飲落順滑鮮甜，調味唔會太鹹，湯汁濃稠好掛汁，岩哂我呢d濃味人仕；「溫泉蛋牛肉湯烏冬」牛肉腍滑夠彈性，肉味濃郁，烏冬口感煙韌，配搭溫泉蛋，入口更加滑溜。📌燒 物 -  ▪️ 串燒日本年糕 - $28▪️ 塩燒北海道花魚一夜干 - $98▫️ 甜既芝士年糕食得多，呢個「串燒日本年糕」屬於鹹食，裡面內層軟糯，夠哂咬口，幾好食；呢個「塩燒北海道花魚一夜干」燒得非常出色，肉同骨上枱已經分離，好易夾，而且肉質嫩滑，完全唔乾身，食落非常juicy，又夠魚香，送酒一流。📌炸 物 -▪️ 吉 列 廣 島 生 蠔 - $108/4pcs▫️ 最後一定要嗌埋「吉列廣島生蠔」，炸粉唔厚身，一食落熱辣辣，蠔味相當濃郁，鮮嫩無比，高質！

上環區lunch hour一向都難搵位，呢間無敵家樓高兩層又多大枱，算係附近少有可以坐得舒服嘅餐廳，內裏裝修就十足日本嘅居酒屋，有一種昭和風味柚子豚肉丼 ($128)今期限定有柚子豚肉丼，既然係期間限定我當然要試下！午市定食一律有齊沙律菜、味噌湯、漬物同前菜，而丼飯嘅份量亦唔少，豚肉片算厚切煮得嫩冧，柚子嘅味道亦相當突出，配合豚肉片非常配撘花魚一夜干定食 ($98)朋友叫左呢個花魚一夜干定食，佢話係佢每次必食嘅一款，我試過條魚燒得好香口，但依然保持到魚肉嫩滑而唔乾，燒得有水準

上環呢間日式居酒屋有兩層，環境都幾大。燈光暗暗，木系裝修有日式居酒屋風味。除咗拉麵🍜、炒飯、烏冬，仲有串燒、燒物、沙律等等，基本上居酒屋嘅食物都有得揀。▶️厚切牛舌$58牛舌一串，有三塊，而且係厚切，非常爽口☺️調味啱啱好，再加埋檸檬汁好好食。▶️自家製免治雞肉軟骨棒$58雞肉軟骨棒，大大條。軟骨爽爽地嘅口感，點埋隻生蛋食口感更滑。▶️雞腎$32雞腎好爽口，一啲都唔會硬，燒得好好。▶️生蠔煙肉卷$48生蠔飽滿juicy鮮味，包煙肉喺外邊有鹹香。▶️串燒飯團醬油味$35呢個賣相好得意，飯團外皮有紫菜。我哋揀咗醬油味，飯團燒得幾香有飯焦口感。▶️自家製海鮮野菜魚餅$88海鮮野菜餅，味道幾特別，點Wasabi食。一份有八件。▶️燒西京味噌銀鱈魚$218銀鱈魚質幾滑，西京燒味微香，配沙律醬食好夾。

呢晚收工約咗friend chill一chill朋友揀咗公司附近嘅無敵家收工就可以即刻食嘢去到門口發現裝修係濃濃嘅日本風居酒屋嘅設計 入面適合同朋友一齊摸下酒杯底 慢慢食 傾下計成個感覺就好似去咗日本咁Menu選擇都好多串燒 天婦羅 拉麵烏冬 沙律 燒物 應有盡有而且價錢非常合理 食多幾串都唔會肉赤先叫咗厚切牛舌、厚切黑豚腩肉、鮮露荀煙肉串、串燒日本年糕款款都好大件 2個人share 剛剛好厚切牛舌爽彈 咬落去牛味香濃 黑豚腩肉肥瘦適中 燒得剛剛好將油脂嗶晒出嚟 食落去香而不膩鮮露荀煙肉卷 2樣嘢互相中和味道 有清新嘅感覺串燒日本年糕煙煙韌韌 連埋紫菜一齊燒過 好香北海道魷魚 份量超級大 起碼有20件 燒得好香 外表香脆 加埋熟蒜超級加分！好食到停唔到口再加碼叫咗一人一碗麵食豬軟骨拉麵 湯底清甜 拉麵軟硬適中豬軟骨又係好大件 一咬落去 豬嘅香味湧晒出嚟溫泉蛋牛肉湯烏冬有好多件肥牛 烏冬爽彈 加埋溫泉蛋 超級滿足最後encore叫多個燒菠蘿用焦糖嚟燒 勁好食！好juicy好香甜推介大家last dish要叫呢個！

朋友去完日本旅行要派手信，於是揀咗間居酒屋切合返個主題，呢間居酒屋我一年前已經，只可惜當時餐廳營業時間只準去到10點，唔夠盡興，一年之後再幫襯水準依然好好，冇咗防疫限制之後可以更盡興，可能大家放工都happy Friday成個場嘅氣氛都好好。鋪面係日式設計別樹一格，好易認。餐廳內部好闊落，兩個人都安排坐四人枱，坐得舒服食都食得開心啲。餐牌嘅嘢食選擇好多，連拉麵都有，而日本酒嘅選擇都唔少，可以滿足到唔同食客嘅需求。脆炸蓮藕片蓮藕片炸完好香脆，加少少七味粉更好食，餸酒之選芥末八爪魚配合爽脆青瓜，整體好清爽點咗名古屋雞串拼盤，冇考究過個拼盤有啲咩，憑味覺我覺得係雞心+雞腎+雞潤+雞翼+雞軟骨，希望我冇估錯啦，我全部都中意食秋葵+日本蕃薯秋葵正常嘅味道，中意嘅人會中意，蕃薯好香甜，朋友後尾叫多串自己食曬黑豚腩肉，層次分明嘅五花腩表面燒到微焦，做到外脆內滑嘅效果，豚肉嘅油香冇得彈！帆立貝+墨魚咀+牛舌帆立貝燒得啱啱好juice唔韌，味道鮮甜唔腥。 墨魚咀味道比較淡，要落少少七味粉調味。牛舌有牛味同油香，好好食又唔韌，後尾有追加牛舌。仲有就係冇影相嘅燒菠蘿、芝士年糕都好好食。埋尾係醬油燒飯團，遠遠

Weekend 約咗朋友嚟依度飲杯嘢，氣氛非常之好,入邊裝修非常有日本風格，彷彿好似去咗日本果度。豆腐沙律，豆腐嫩滑，加埋特製醬汁，係開胃既麻醬撈麵，麵條煮得啱啱好，配埋香嘅麻醬，入面有多種配料，包括雞肉，青瓜絲粟米等等，如果天氣熱嘅時候呢個係一個唔錯嘅選擇。燒魷魚，將魷魚整條燒至金黃色，非常漂亮。每條魷魚都切成幾段，並且配上少許查蒜頭，質量非常好，每一口都很有彈性，不會太嫩或太硬。燒得恰到好處，令魷魚的口感更加豐富。燒飯團係特別必食既野，麵糰燒得脆口，入面包埋三文魚或明太子明太子玉子燒，口感鬆軟，入面嘅明太子味道好濃郁，好啱送酒下酒菜。無敵家係一間好值得推介嘅居酒屋，菜色豐富。可以輕鬆地享受美食。

上環嘅無敵家居酒屋，開業十多年，小店嘅串燒出色，而且價錢唔貴！無敵家招牌沙律 $98有鮮果、有新鮮蔬菜、有烤粟米、仲有溫泉蛋！睇住溫泉蛋嘅蛋汁緩緩咁流出嚟，過程很療癒！沙律醬汁酸爽開胃，烤粟米勁香甜！雞脾肉 $32雞翼 $38厚切牛舌 $58無敵家嘅串燒都幾出色！雞脾肉爽彈美味！雞翼皮脆肉嫩！厚切牛舌惹味非常！值得 推薦！免治雞肉軟骨棒 $58內含勁多軟骨，食落卜卜脆，最特別嘅係嗰支粗簽，好似船槳咁大支！茄子田樂燒 $58燒茄子塗滿濃甜兼咸香嘅醬汁，真係要整返碗白飯先得！黑松露三文魚炒飯 $88黑松露味溫和唔搶，令三文魚籽同埋三文魚鬆嘅鮮味更為突出，唔錯！燒日本餃子 $48餡料份量足！波子汽水 $30白桃梳打 $35