無名炭爐雞蛋仔 (已結業)

原來大家講緊4眼哥哥家住附近,同媽媽行過下邨有時會想食但係就見到佢係將榻好左既雞蛋仔擺番入去整...即係番整...但係即整既話買完行到九龍灣mtr就已經冇晒

雖然有d人話四眼哥哥的雞蛋仔已大不如前, 但我依然咁撐佢! 炭爐雞蛋仔真係唔係度度有得食, 仲要唔係個個整得好. 我家住淘大, 由細食呢檔雞蛋仔食到大, 好話唔好聽都廿幾年喇...都係覺得雞蛋仔始終佢好^.^!

物價上漲，格仔餅要$10一底了...久未吃格仔餅的我，記憶還在$7一底的水平。次次行過都已食飽....今次專程留空肚子去買。趁熱食，外脆內軟又香好好味!我不太好濃味、甜味，喜歡它的醬糖適中，不會蓋過格仔餅的蛋味。

呢檔我食咗十幾年真係愈來愈差加價速度愈來愈快已經算啦最大問題係味道和口感比以往的水平下趺了很多現在的雞蛋仔似蛋糕多過雞蛋仔由以前空心變成實心味道亦大不如前教人失望!!

大局安排在九龍灣，牛頭角就變成必經之路，順道找點小食，當然這炭火雞蛋仔是首選。兩個炭爐頭慢火輕烤，熟透程度多寡就全憑老板咱家判斷，想快但快不來，況且夾餅及雞蛋仔的烤模每款都是現烤一份，等待是無可避免。這裡用了不小蛋漿來烤雞蛋仔，故烤制出來的似雞蛋糕多過雞蛋仔，一口咬下不會有脆口感覺，反而像蛋糕的口感似的，這不是自已的那杯茶，可惜…！

今日落雨,四眼哥哥就係下村八座一間雲吞面店門口外擺檔,d雞蛋仔已經放咗一陣,有d凍,上到巴士食,d雞蛋仔仲好脆,唔會太甜,口感好特別,軟綿綿,個內層好細密,好似食蛋糕仔咁,試咗今次既雞蛋仔,我唔會再響其他地方用$10買雞蛋仔喇

那個哥哥整的雞蛋仔真係好好食!!我是住在牛頭角，由細食到大，我覺得那兒的水準可以維持一定的水平--好味!!只是愈來愈貴。它的雞蛋仔，我覺得無論熱還是冷，還是很好吃，冷了之後，你也不會覺得唔脆，入面太甜，總之就係好食，一定要試過先得。

聚集不少隱世美食的牛頭角下邨，有一車仔「雞蛋仔檔」，其出名之處是因為它不是用一般的「氣爐」，而是用「炭爐」。早前曾專程到同一地點的「荒媽小籠包」食上海小點，然後打算再吃雞蛋仔，可惜兩次也因時間尚早而未能一嚐。今天約了朋友在藍田吃晚飯，便順道早一點來到碰一碰運氣。起初在牛頭角地鐵站行人天橋位置未見此車仔檔，在啤梨大感失望之際，我便跟她說到熟食店舖那邊找找，果然不出所料，它正在那邊擺賣。當時只有一位女顧客在等雞蛋仔，之後便輪到我們，先點了半份已弄好了的「格仔餅」($5.00)，再要多一底「雞蛋仔」($10.00)。相信「格仔餅」已弄好了數分鐘，故熱力已揮發了大半。那位女顧客離開後，老闆便將「蛋漿」傾倒在「雞蛋仔鐵板上」，在炭爐上來回翻來翻去，大約兩分鐘左右，新鮮熱辣的雞蛋仔便出爐。由於身處的位置十分淺窄，在等待的途中也和一位行人發生輕微碰撞，故我們便拿著食物步行到行人天橋旁，在第八座的入口位置進食。先吃「格仔餅」，之前已說過其熱力已揮發了大半，再加上等待雞蛋仔也花了兩分鐘，到放入口時基本上已涼了。「格仔餅」的體積不像小時候吃的那麼大及厚，如果以男士的食量來計算，「兩啖半」之內已可完全吞噬整

雖然唔可以話係雞蛋仔fans,但我媽同妹有舖買雞蛋仔食既癮,佢地買左我都會試食下,試過勁多無誠意既,始終都係覺得下村呢檔係最正既!我一向買親都差不多係四眼哥哥~有半份賣真係十分好,有時食飽但見佢地有開檔,就會口痕想食架嘛,所以真係好細心呀!再講味道,絕對係外脆內軟,有蛋糕仔feel,而且充滿蛋香~~~正正正!!!可能食過太多空心既雞蛋仔,更覺呢度既出品正呀!!!

友人上次買了, 但已放涼了, 試了一口, 不滯. 心想, 再給這一個機會, 於是今天見到有新鮮出爐的, 二話不說便買了來吃. 急不及待試了一粒, oh, 跟之前的完全係兩回事, 這次外脆內軟, 不是”慘”口那種, 而是一點點的脆, 啱啱好. 不消五分鐘, 便整整的幹掉了它!

雞旦仔皮薄兼脆，內裹與一般的不同，比較厚實，有小小像海棉蛋糕，蛋味足，我喜歡。夾餅很鬆化，牛油花生醬與平常吃的一樣，加糖是一妙筆，比一般好吃。

而家呢個哥哥已經係第二代長門人啦, 不過有時都會見到位伯怕擺檔. 呢位伯伯好好人架, 有次我同男友一齊買一底夾餅, 但我一個人又食唔晒咁多, 果位伯伯好好人話切開一半畀我地喎. 雞蛋仔好老實唔係我杯茶, 我最鍾倩都係食夾餅. 多奶,多醬多沙糖, 熱辣辣, 一口咬落去最好既味道都溶晌口中真係好鬼正, 肥就係肥架啦, 不過最唔健康既野永遠都係最好味,係咪?

我自細就好鐘意食雞蛋仔的, 幾乎每次出街見到有,都會即係買黎食!!食過咁多檔既雞蛋仔,始終我覺得最好味(最有蛋味)的都係呢一間,可能係我住向附近既關係,由細食到大呢!

去牛頭角,其中一個原因就是為了它。多次路過此地,但都不見其開檔。今次終於見到,同一檔涼茶,一檔小食一齊擺檔。買了一底雞蛋仔,到手時熱辣辣。同想像中的有點出入,這裡的雞蛋仔殼薄如紙,算是脆口。至於餡,就是食過的雞蛋仔之中最多,近乎實心,煙韌鬆軟,蛋香味算夠,但個人認為較甜,蛋味有點被甜味蓋過。這裡的雞蛋仔與外面的比較不同,未試過的可以試試。下次會試試格仔餅。不過自己卻有點食不慣這裡的雞蛋仔。

26-5-2007 1655路經這理，遇見目標，立即幫襯。雞蛋仔8蚊一餅，冇半餅賣，格仔餅4蚊半餅，兩樣都有預先整定，都係一兩個份量，流量都好快。紙袋沒有小孔，取貨後立即係隔離球場撕開，讓熱氣消散，唔俾整林。雞蛋仔裡唔係空心，雞蛋味如比較勁辣派甜甜掌門及沙田的第一城冰站，會稍為大一點，但不太明顯，當然要有這樣的效果，雞蛋的質素及數量都好重要；格仔餅，裡面除左落花生醬、牛油及糖外，對摺時還會灑上糖，食落都唔會漏曬出來，不錯。這裡日間會係九龍灣地鐵站A出口，落牛頭角下村天穚擺\檔，夜晚先入番去第八座。